ԱԺ-ում սեւազգեստ մայրերից մեկը ջուր լցրեց ՔԿ քննիչի վրա

Այսօր Ազգային ժողովի Մարդու իրավունքների պաշտպանության եւ հանրային հարցերի մշտական հանձնաժողովում տեղի ունեցավ տարբեր տարիներին խաղաղ պայմաններում զոհված զինծառայողների ծնողների, հանձնաժողովի նախագահ, ԲՀԿ խմբակցության պատգամավոր Նաիրա Զոհրաբյանի եւ ԱԺ այլ պատգամավորների եւ ՔԿ ներկայացուցիչների հանդիպումը։

Սեւազգեստ մայրերը պահանջում են տարբեր տարիներին խաղաղ պայմաններում զոհված իրենց զինվոր-որդիների սպանության հանգամանքների արդար քննություն: Հանդիպումն ընթացավ շատ լարված մթնոլորտում, պարբերաբար հնչում էին վիրավորանքներ: Իրավիճակն այն աստիճան լարվեց, որ մայրերից մեկը բաժակով ջուր լցրեց ՔԿ քննիչի վրա:

ՔԿ հատուկ հանձնարարություններով գլխավոր վարչության պետ Արթուր Մելիքյանը, լրագրողների հետ զրույցում ներկայացնելով միջադեպի մանրամասները, ասաց. «Քննիչը փաստաթուղթ հրապարակեց ծնողի բարձրացրած հարցի կապակցությամբ, ծնողն էլ դրանից ոգեւորվեց, սկսեց վիրավորել, հետո ջուրը բաժակով, թե ինչով նետեց»:

Դիտարկմանը, թե սեւազգեստ մայրերից Իրինա Ղազարյանը վիրավորվել էր, որ իրեն ասել են, թե որդուն սեւ բերետի են արժանացրել՝ «մոր խնդրանքով, ադալժենի անելով», Մելիքյանն արձագանքեց. «Մեր հարցման ՊՆ-ի պատասխանը քննիչը հրապարակել է, որի կապակցությամբ ծնողը վրդովվել էր: Ես հանձնարարել եմ, հիմքերը կհանեն այդ փաստաթղթի: Եթե հանձնաժողովի կարիք լինի, կուղարկենք հանձնաժողովին, կտեսնենք, թե ՊՆ-ից ինչ հիմքերով են մեզ պատասխանել»,- ասաց Մելիքյանը:

Մելիքյանը հերքեց պնդումները, թե խաղաղ պայմաններում զինծառայողների մահվանն առնչվող քրեական գործերը կոծկվել են եւ իրեղեն ապացույցները վերացվել են. «Չկա նման բան: Արդեն մեկ տարի է՝ մոնիթորինգի հանձնաժողով կա, որի մեջ ներգրավված են ՀԿ-ների ներկայացուցիչներ: Այդ հանձնաժողովում ներկայացված են երկու կողմերի՝ ե՛ւ ՔԿ-ի, ե՛ւ ՀԿ-ների ներկայացուցիչներ, իսկ ՔԿ-ի ներկայացուցիչները ընդամենն օգնող դեր ունեն: Փաստ չի կարող կեղծվել կամ կոծկվել: Պարզապես գործով ստացված հիմնավորումների հետ իրենք համամիտ չեն, սա է ամբողջ խնդիրը:

Օրինակ՝ ծնողը վարկած է առաջ քաշում, որ Հայկազ Բաղմանյանի թիկնապահների կողմից է իր որդին սպանվել: Հիմա գործի նյութերով դա հերքվել է: Անգամ ունենք դատաբժշկական փորձաքննություն, թե ինչից է վրա հասել մահը: Այս պարագայում ծնողը համաձայն չէ այդ ամենի հետ եւ իրավունքն ունի՝ կարող է դատավարական կարգով բողոքարկել որոշումները»,- ասաց Մելիքյանը:

Տպել
1245 դիտում

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր

Հրդեհ Խաշթառակ գյուղում. այրվել է մոտ 5000 քմ բուսածածկույթ

Իրանում ՀՀ դեսպանատունը ժամանակավորապես դադարեցնում է հյուպատոսական բաժնի աշխատանքը

Հայաստանի եւ Արցախի ՄԻՊ-երն այցելել են Արցախի Ռազմական ոստիկանություն, ՔԿՀ եւ զինհոսպիտալ

Արմեն Սարգսյանը շնորհավորական ուղերձ է հղել Ճապոնիայի կայսր Նարուհիթոյին

Ստեփանծմինդա-Լարս ավտոճանապարհը փակ է բեռնատարաների համար, 656 բեռնատար կա կուտակված

Որեւէ ուժ Հայաստանում բռնապետություն հաստատելու ռեսուրս չունի

Կեղծ ահազանգ. «Զվարթնոց» օդանավակայանում պայթուցիկ սարք չի հայտնաբերվել

ԱԳ նախարարությունը ՀՀ քաղաքացիներին հորդորում է զերծ մնալ Իրան այցելելուց

8 բալանոց երկրաշարժ՝ Իրանում. ցնցումները զգացվել են Հայաստանի տարածքում

Հակոբ Արշակյանը Աբու Դաբիում ներկայացրել է տարածաշրջանային տեխնոլոգիական կենտրոն դառնալու Հայաստանի նպատակը

Աշխատանքային խումբ է գործուղվել Մեղրիի բժշկասանիտարական հսկիչ կետ

Թատրո՞ն, կինո՞, թե՝ համերգ. Երևանի քաղաքապետարանը կանանց միջազգային օրվա առիթով նվեր է պատրաստել (տեսանյութ)

Գրառումներիս պատճառը նոր կառավարության կողմից պաշտոն չստանալն ու, հետևաբար, վրեժխնդիր լինելը չէ. Հասմիկ Պապյան

Դեռ ԽՍՀՄ տարիներին տեխնոլոգիական աշխարհում Հայաստանը համարվել է Խորհրդային միության «Սիլիկոնյան հովիտ»-ը. Հակոբ Արշակյան