Շնորհակալ եմ, որ այս հսկաների հետ եմ ներկայանում. փառատոնի շրջանակներում Երեւան կժամանեն լեգենդար կոմպոզիտորներ

Նոյեմբերի 1-9-ը Հայաստանում առաջին անգամ կանցկացվի «Ժամանակակից դասականներ» կոմպոզիտորական փառատոնը: Նախաձեռնության շրջանակներում աշխարհի տարբեր ծայրերից Երեւան կժամանեն մեր օրերի լեգենդար կոմպոզիտորներ Քշիշտոֆ Պենդերեցկին, Ալեքսեյ Շորը, Գեորգս Պելեցիսը, Ալքեսանդր Չայկովսկին եւ Կառլ Ջենկինսը:

Փառատոնային համերգներից յուրաքանչյուրը կնվիրվի կոմպոզիտորներից մեկին, որի ընթացքում կներկայացվեն հեղինակների ստեղծագործությունները։ Կոմպոզիտորների գործերը կկատարեն աշխարհում մեծ հռչակ ունեցող մենակատարներ: 

Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանի համոզմամբ՝ նման ձեւաչափեր աշխարհում քիչ կան: «Սա աշխարհում առաջին փառատոնն է, որը բացառիկ հնարավորություն է ընձեռում մեկ տեղում տեսնելու բազմաթիվ աշխարհահռչակ կոմպոզիտորների մի ամբողջ աստղաբույլ: Փառատոնը միավորել է աշխարհի լավագույն ժամանակակից կոմպոզիտորներին, որոնք գալիս են Հայաստան: Կարեւոր է խոսել նաեւ մենակատարների մասին: Կոմպոզիտորների գործերը կկատարեն մեծ հռչակ վայելող դաշնակահար Բորիս Բերեզովսկին, ալտահար Յուրի Բաշմետը, ջութակահարներ Գիդոն Կրեմերը, Նինգ Ֆենգը, թավջութակահար Մարիո Բրունելոն, ֆրանսաբնակ ջութակահար Շուշան Սիրանոսյանը եւ բազմաթիվ այլ երաժիշտներ»,- այսօր հրավիրված ասուլիսի ժամանակ հայտնեց Սմբատյանը:

Նա նաեւ տեղեկացրեց, որ փառատոնի առաջին համերգը նվիրվելու է մաեստրո Տիգրան Մանսուրյանին: Երեւանում հյուրընկալված կոմպոզիտորներին է միանալու նաեւ Տիգրան Մանսուրյանը: «Խորապես շնորհակալ եմ, որ այս հսկաների հետ եմ ներկայանում՝ ներկայացնելով Հայաստանը»,- արձագանքեց ասուլիսին մասնակցող Մանսուրյանը:

Մաեստրոն նաեւ կարեւորեց այն, որ փառատոնին հնչելու են իր լավ բարեկամ կոմպոզիտոր Գիա Կանչելիի գործերը. «Ցավում եմ, որ նա վերջերս հեռացավ կյանքից»:

«Մոտ անցյալի մեր մեծագույն վարպետները մեծ ավանդ են ներդրել, որպեսզի մեր այսօրվա երաժշտական իրականությունը լինի այնպիսին, ինչպիսին մենք գիտենք: Կատարողական եւ ստեղծագործական արվեստում այդ բարձր մակարդակը կա, կա նաեւ երաժշտական մտքի մեջ: Այս նվագախմբերը եւս դրա վկայությունն են»,- նշեց Տիգրան Մանսուրյանը:

Անդրադառնալով նոյեմբերի մեկին կայանալիք համերգին՝ կոմպոզիտորն ընդգծեց՝ ուրախ է, որ իր վաղեմի ընկեր Ալեքսան Սիրանոսյանի դուստրը՝ Շուշան Սիրանոսյանը, կատարելու է իր ստեղծագործություններից մեկը: «Համերգին մասնակցելու է նաեւ թավջութակի վարպետ Մարիո Բրունելոն: Մի քանի տարի է, ինչ սպասում եմ, որ նա գա Հայաստան ու ելույթ ունենա այստեղ: Վերջապես նա ժամանելու է Երեւան ու առաջին անգամ հնչեցնելու է իմ երաժշտությունը»,- ուրախությամբ փաստեց Մանսուրյանը:

Տպել
819 դիտում

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի գիտական հոդվածը

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան

Հրշեջ-փրկարարները մարել են խոտածածկ տարածքներում բռնկված հրդեհները՝ մոտ 6 հա տարածքում

Հայաէրոնավիգացիայի աշխատակիցները կշարունակեն մեկուսացված մնալ Զվարթնոց օդանավակայանի պահպանվող տարածքում

ԿԳՄՍՆ-ն այսօրվանից սկսել է հավաքագրել համակարգչային սարքեր`ուսուցիչներին և աշակերտներին տրամադրելու համար

Ֆրանսիայում կորոնավիրուսից մահացել է հայազգի քաղաքական գործիչ Պատրիկ Դեւեջյանը. LePoint