«Ընդհատումը վերջ չէ»․ կայացավ Յուրի Բախշյանին նվիրված ֆիլմի պրեմիերան

«Ընդհատումը միշտ չէ, որ վերջ է նշանակում»,- ասում էր հասարակական-քաղաքական գործիչ, ՀՀ Ազգային ժողովի նախկին փոխխոսնակ, հոկտեմբերի 27-ին խորհրդարանում սպանված Յուրի Բախշյանը։

Երկու օրից լրանում է 1999 թվականի հոկտեմբերի 27-ի ոճրագործության 20-րդ տարելիցը։ Սրան ընդառաջ՝ այսօր «Մոսկվա» կինոթատրոնում տեղի ունեցավ «Ընդհատումը վերջ չէ» խորագրով վավերագրական ֆիլմի պրեմիերան, որն ընդհանուր առմամբ ներկայացնում էր Հոկտեմբերի 27-ի քաղաքական երեսը եւ ամփոփում  Յուրի Բախշյանի կենսագրությունը։ Պրեմիերային ներկա էին նաեւ Բախշյանի հարազատները, ընկերները, Հոկտեմբերի 27-ի մյուս զոհերի ընտանիքները։

Ֆիլմի հեղինակը լրագրող, կինոռեժիսոր Վարդ Սիմոնյանն է։ Նրա խոսքով՝ այս ֆիլմի ուղերձն այն է, որ ողբերգական իրադարձությունից քսան տարի անց թարմացնեն հիշողությունը, որոշակի առումով հասարակական դիմադրություն ձեւավորեն Հոկտեմբերի 27-ի շուրջ եւ, իհարկե, նշանավորեն Յուրի Բախշյանի հիշատակը։

Ֆիլմն սկսվում էր աբսուրդի ժանրի գրականության խոշորագույն դեմքերից մեկի՝ Ֆրանց Կաֆկայի մտքերով։ «Տրամաբանություն չփնտրել. այնտեղ, ուր թեւածում է կաֆկայականությունը, տրամաբանությունն անելիք չունի»,- ասվում էր ֆիլմում, եւ դրա ամբողջ ընթացքում կարմիր թելի պես հանդիսատեսին հետեւում էր մեկ աբսուրդը, մեկ՝ թախիծը, մեկ՝ հավատը, որ վերջապես մի օր Հայաստանի համար այս ամոթալի էջը կբացահայտվի ու կփակվի հավերժ։

Ֆիլմի հեղինակին աջակցել է նաեւ Յուրի Բախշյանի այրին՝ հասարակական-քաղաքական գործիչ, նախկին պատգամավոր Անահիտ Բախշյանը։ Ֆիլմում նա ներկայացրել է իր եւ ամուսնու նամակները, անկեղծորեն պատմել իրենց խոսակցությունների մասին։ Բախշյանը նշում է, որ 1999 թվականի հոկտեմբերի 26-ին Յուրի Բախշյանի մոտ անհանգստություն է զգացել, Բախշյանն ասել է՝ արի խոսենք, իսկ ինքը չի ուզել լսել։ Տիկին Բախշյանը մինչ օրս խորապես ափսոսում է, որ այդ օրը չլսեց ամուսնուն։

Հանդիսատեսը հնարավորություն ունեցավ ծանոթանալ նաեւ Յուրի Բախշյանի որոշ գրառումներին, որտեղ նշված էին նաեւ Ռոբերտ Քոչարյանի հետ ունեցած հանդիպումների մասին, Հայաստան՝ ինչ-ինչ պատճառներով չմտած գումարների մասին, Վազգեն Սարգսյանի հետ կապ հաստատել չկարողանալու մասին եւ այլն։ Դրվագներ կային նաեւ իր եւ տիկնոջ անձնական ու սրտառուչ նամակներից։

Ֆիլմի ավարտից հետո լրագրողների հետ զրույցում տիկին Բախշյանը դեռեւս հարցականով խոսեց գործող կառավարության կողմից այս ահաբեկչության բացահայտման ընթացքի մասին։ Նա այս պահին այդ ուղղությամբ գործնական քայլեր չի տեսնում։ Միեւնույն ժամանակ, մեր հարցին ի պատասխան, Բախշյանը նկատեց, որ «Իմ քայլի» նախընտրական ծրագրում հստակ նշված է, որ իրենց նպատակներից են Մարտի 1-ի եւ Հոկտեմբերի 27-ի բացահայտումները, եւ սա արդեն հիմք է՝ մտածելու, որ կառավարող ուժը պատրաստակամ է այս եղելությունների վրա լույս սփռելու առումով։

Լրագրողների հարցին՝ հավանական համարո՞ւմ է, որ Նաիրի Հունանյանը կարող է տալ Ռոբերտ Քոչարյանի անունը, Անահիտ Բախշյանն ասաց՝ չեմ կարող ասել. «Չգիտեմ՝ հավանական է դա, թե ոչ:

Բախշյանի խոսքով՝ տարբեր մարդիկ արդեն իսկ նոր հանգամանքների մասին են խոսել, տարբեր մարդիկ նոր փաստեր են ասել, այդ թվում՝ նախկին պատգամավոր Տարոն Սահակյանը, սակայն իր համար անհասկանալի է, թե ինչու դատախազությունը եւ ՀՔԾ-ն դրանով չեն զբաղվում: Նրա կարծիքով՝ իշխող քաղաքական ուժը դանդաղում է Հոկտեմբերի 27-ի բացահայտման հարցում, քանի որ այս պահին զուգահեռ ընթանում է նաեւ Մարտի 1-ի գործը։

Մեր հարցին՝ որպես տուժողի իրավահաջորդ՝ ինքը պատրաստվո՞ւմ է դիմել դատախազությանը՝ գործը վերաբացելու, Բախշյանը պատասխանեց, որ քանի դեռ անջատված մասով գործը կարճելու վերաբերյալ դատարանի որոշմանը ծանոթ չէ, չգիտի՝ ինչը բողոքարկել։

Մեր զրուցակիցը նշեց՝ ինքը եւ զոհերի բոլոր հարազատներն անպայման հետամուտ են լինելու այս գործի վերջնական բացահայտմանը։

1999 թվականի հոկտեմբերի 27-ին ահաբեկչության զոհ դարձած ՀՀ խորհրդարանի նախագահ Կարեն Դեմիրճյանի որդին՝ Ստեփան Դեմիրճյանը, ֆիլմի ավարտից հետո լրագրողների հետ զրույցում նշեց, որ անհրաժեշտ է համարում գործի վերաբացումը:

«Հոկտեմբերի 27-ի գործի վերաբացման հասարակական պահանջ կա։ Ոճրագործությունից 20 տարի անց էլ այդ պահանջը է՛լ ավելի է ուժեղացել, այն պատճառով, որ ժողովուրդը տեսնում է՝ նոր իշխանությունները բացահայտում են պետության դեմ կատարված հանցագործությունները, եւ ակնկալում են, որ ամեն ինչ կարվի նաեւ Հոկտեմբերի 27-ի լիարժեք, ամբողջական բացահայտման համար»,- ասաց Ստեփան Դեմիրճյանը՝ եւս մեկ անգամ շեշտելով, որ սա պետության դեմ կատարված ծանրագույն հանցագործություն է, եւ բացահայտումը պետք է ոչ միայն զոհվածների հարազատներին, այլ հենց մեր պետությանը։ Նրա պնդմամբ՝ իշխանությունը պետք է ականջալուր լինի հանրությանը, եւ թեպետ Դեմիրճյանը գործնական քայլեր դեռ չի տեսնում, բայց հույս ունի, որ կառավարող ուժը ձեռնամուխ կլինի կատարվածի ամբողջական բացահայտմանը։

Հիշեցնենք, որ հոկտեմբերի 27-ին՝ ժամը 13։30-ին, ՀՀ Ազգային ժողովի այգում՝ Հոկտեմբերի 27-ի ոճրագործության զոհերի հիշատակը հավերժացնող հուշակոթողի մոտ, տեղի կունենա հիշատակի արարողություն, որին կմասնակցի նաեւ վարչապետ Նիկոլ Փաշինյանը։

Տպել
2316 դիտում

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից

Կրակոցներ Երևանում. կա մեկ զոհ, մեկ վիրավոր. shamshyan.com

Արկադի Տեր -Թադևոսյանին Հայաստանի Ազգային հերոսի կոչում է շնորհվել

Արտենիի կամրջից մեքենան ձորն է գլորվել. տուժածների վիճակը ծանր է

Երևանի Մարգարյան փողոցում ծայրահեղ անընդունելի և դատապարտելի դեպք է տեղի ունեցել. Հակոբ Կարապետյան