Հեղափոխության օրերին վաստակավոր արտիստի կոչումից հրաժարվելու մասին հայտարարած գործիչները դեռ պահպանում են այդ կոչումները

Հայաստանի Հանրապետության վաստակավոր արտիստներից ոմանք նախորդ տարի մեր երկրում տեղի ունեցած հեղափոխության օրերին հայտարարեցին, որ հրաժարվում են իրենց կոչումներից ու ոսկե մեդալներից:

Ապրիլի 22-ին՝ այդ ժամանակ դեռեւս պատգամավորներ Նիկոլ Փաշինյանի, Արարատ Միրզոյանի եւ Սասուն Միքայելյանի ձերբակալումներից հետո, ՀՀ մշակույթի վաստակավոր գործչի կոչումից հրաժարվելու հայտարարությամբ հանդես եկան դերասան Մկրտիչ Արզումանյանը, երգչուհի Էռնա Յուզբաշյանն ու «Կադանս» երաժշտության կենտրոնի հիմնադիր, գործադիր տնօրեն ու պրոդյուսեր Նիկա Բաբայանը:

2017 թվականին նախագահ Սերժ Սարգսյանի կողմից ՀՀ վաստակավոր արտիստի կոչման արժանացած Մկրտիչ Արզումանյանը «Հայկական ժամանակ»-ի հետ զրույցում հայտնեց, որ չգիտի, թե ինչպիսին է կոչումից հրաժարվելու ընթացակարգը եւ ինչ պետք է անի: Դերասանի խոսքով՝ այս ընթացքում ժամանակ էլ չի ունեցել դրանով զբաղվելու, սակայն կոչումից հրաժարվելու իր որոշումը միանշանակ է:

«Պրոտոկոլին չեմ հետեւել: Ես հիմա այնքան ծանրաբեռնված եմ, որ հազիվ հասցնում եմ մի քանի ժամ քնել հանգստանալ ու աշխատել: Երբեք չեմ էլ սպասել, որ ինձ այդ կոչումը տան. ո՛չ ստանալուց է հուզել, ո՛չ էլ՝ վերադարձնելուց: Շարունակում եմ աշխատել. ինձ համար ժողովրդի գնահատականը շատ կարեւոր է, որի համար անընդհատ աշխատում եմ»,- ասաց դերասանը:

Մկրտիչ Արզումանյանը վստահ է՝ եթե գնա համապատասխան նախարարություն եւ անցնի այդ գործընթացով, դա էլ մեկ այլ աղմուկի եւ գլխացավանքի առիթ է դառնալու. «Իմ ժեստի իմաստը եղել է, որ ես իմ ժողովրդի կողքին եմ, ու իրենց պես եմ մտածում»:

Հիշեցնենք՝ կոչումից հրաժարվելու մասին Մկրտիչ Արզումանյանը գրառում էր կատարել ֆեյսբուքյան իր պաշտոնական էջում: «Անընդունելի եմ համարում ուժի կիրառումն անզեն ու խաղաղ ժողովրդի նկատմամբ: Դատապարտում եմ իշխանության բռնի գործողությունները հայրենակիցներիս հանդեպ։ Հրաժարվում եմ այս կոչումից»,- նշել էր նա: 

«Կադանս» երաժշտության կենտրոնի հիմնադիր, գործադիր տնօրեն ու պրոդյուսեր Նիկա Բաբայանն էլ մեր զրույցում հայտնեց, որ կոչումից հրաժարվելու դիմումը հանձնել է նախագահական, որտեղից իրեն բացատրել են ընթացակարգը: Ավելի ուշ նախագահականի աշխատողներից մեկը հայտնել է, որ նախագահ Արմեն Սարգսյանը ցանկանում է Բաբայանի հետ զրուցել, սակայն հանդիպումը չի կայացել: «Ես ինքս ինձ զրկել եմ այդ կոչումից, եւ երբեւէ որեւէ տեղ չեմ ասում, որ նման կոչում ունեմ կամ ունեցել եմ»,- ասաց նա:

Բաբայանը եւս կոչումից հրաժարվել էր ապրիլի 22-ին. «Ինձ այդ օրը տարբեր տեղերից զանգում ու ասում էին՝ այս ինչ ես անում, դու չես պատկերացնում, թե սա ինչ վտանգավոր քայլ է ու գլխիդ ինչ կարող են սարքել»,- պատմեց նա:

Նիկա Բաբայանը նաեւ հայտնեց, որ մշակույթի նախկին նախարար Արմեն Ամիրյանն էլ այն ժամանակ իրեն մոտիկ մարդկանց միջոցով խնդրել է, որ երաժիշտը նման բան չանի, բայց վերջինս միջնորդի միջոցով նախարարին է փոխանցել, որ իր որոշումն անփոփոխ է:

«Գիտե՞ք՝ այս պատմության մեջ ինչն է հետաքրքիր: Այն տղերքին, որոնց բռնել էին, ու ես դրա համար կոչումից հրաժարվեցի, տղավարի մի հատ մեսիջով չասացին՝ շնորհակալ ենք, որ դուք մեր կողքին էիք: Միակ բանը, որ այս երկրից ստացել էի, այդ կոչումն էր, բայց այդ երեք տղաներից որեւէ մեկը նույնիսկ շնորհակալություն չհայտնեց»,- վրդովված հայտնեց Բաբայանը:

Բաբայանը 2011 թվականին ՀՀ անկախության 20-ամյակի առթիվ Սերժ Սարգսյանի կողմից պետական բարձր պարգեւներ ստացածների շարքում էր: «Հայրենիքումս տիրող վիճակի եւ այսօրվա անարդար ձերբակալումների պատճառով հրաժարվում եմ ՀՀ մշակույթի վաստակավոր գործչի կոչումից»,- հեղափոխության օրերին ֆեյսբուքյան իր էջում գրել էր Բաբայանն ու տեղադրել մեդալի եւ վկայականի լուսանկարը:

ԱՄՆ-ում բնակվող երգչուհի Էռնա Յուզբաշյանը եւս միացել էր նրանց: Երգչուհին ֆեյսբուքյան իր էջում մասնավորապես գրել էր. «Կարծում եմ, որ իմ երկրի երջանկությունը կարեւոր է ցանկացած մեդալից»: Նշենք, որ երգչուհի Էռնա Յուզբաշյանը նույնպես իր կոչումը ստացել էր Սերժ Սարգսյանի կողմից՝ 2015 թվականին:

Նիկա Բաբայանը մեր զրույցում նշեց, որ Էռնա Յուզբաշյանն իրեն է խնդրել, որ իր փոխարեն դիմի՝ համապատասխան ընթացակարգերով կոչումից զրկելու համար, քանի որ երկրից բացակայում է, սակայն Բաբայանը հրաժարվել է. «Դա դժվար առաջ գնացող պրոցես էր, եւ ես Էռնային ասացի, որ դրանով զբաղվելու ո՛չ ժամանակ ունեմ ո՛չ էլ՝ ցանկություն»: 

Տպել
14979 դիտում

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները