Քաղաքական խորհրդակցություններ Հայաստանի և Չեխիայի ԱԳՆ-ների միջև

23/10/2019 schedule08:30

Հոկտեմբերի 21-ին ՀՀ ԱԳ նախարարի տեղակալ Ավետ Ադոնցի և ՉՀ ԱԳ նախարարի տեղակալ Ալեշ Խմելարժի (Aleš Chmelař) գլխավորությամբ Պրահայում անցկացվեցին Հայաստանի և Չեխիայի արտաքին գործերի գերատեսչությունների միջև քաղաքական խորհրդակցություններ:

Խորհրդակցությունների ընթացքում կողմերը քննարկեցին հայ-չեխական հարաբերություններին առնչվող հարցերի լայն շրջանակ՝ անդրադառնալով երկկողմ, բազմակողմ և ԵՄ ձևաչափերում հարաբերությունների զարգացման դինամիկային և ակնկալվող զարգացումներին՝ միաժամանակ վերահաստատելով հարաբերություններն ամրապնդելու փոխադարձ ցանկությունն ու հանձնառությունը։

Կողմերը գոհունակությամբ նշեցին միջազգային հարթակներում համագործակցության փորձը՝ երկուստեք ընդգծելով միջազգային կազմակերպություններում կանոնավոր խորհրդակցությունների անհրաժեշտությունը, մասնավորապես՝ Հայաստանի և Չեխիայի համար կենսական կարևորություն ունեցող հարցերի շրջանակներում։ Հայկական կողմը բարձր գնահատեց միջազգային հարթակներում ԼՂ հակամարտության կարգավորման վերաբերյալ Չեխիայի հավասարակշռված դիրքորոշման դրսևորումը։

Խորհրդակցությունների ընթացքում քննարկեցին Հայաստան-ԵՄ օրակարգը, Արևելյան գործընկերության ձեռքբերումները, ներկայիս վիճակը և այդ ձևաչափում երկկողմ և բազմակողմ հարաբերությունների զարգացման հեռանկարները։ Ավետ Ադոնցը ներկայացրեց նաև ՀՀ-ԵՄ ՀԸԳՀ-ի կարևորությունը Հայաստանի համար, խոսեց Հայաստանի զարգացման օրակարգից, անդրադարձավ ԵԱՏՄ շրջանակներում ՀՀ ներգրավվածությանը: Այդ համատեքստում Ավետ Ադոնցը ներկայացրեց նաև Հայաստանում տեղի ունեցած վերջին ներքաղաքական զարգացումները, երկրում տեղի ունեցող բարեփոխումների ներկայիս ընթացքը և այդ օրակարգում ԵՄ անդամ գործընկերների և միջազգային կառույցների հետ համագործակցության կարևորությունը, որը ստացավ նաև չեխական կողմի դրական արձագանքը։

Անդրադարձ կատարվեց նաև տարածաշրջանային և միջազգային կարևորության այլ հարցերի, մասնավորապես՝ Կովկասյան և Մերձավորարևելյան տարածաշրջաններում իրադարձությունների զարգացմանը։ Ավետ Ադոնցը ներկայացրեց նաև ԼՂ հիմնախնդրի կարգավորման գործընթացի վերջին զարգացումները՝ կարևորելով հարցի առնչությամբ ԵՄ կողմից ԵԱՀԿ Մինսկի խմբի համանախագահների ջանքերին լիակատար աջակցությունը:

ՉՀ ԱԳ նախարարի տեղակալը ներկայացրեց Չեխիայի ներքին քաղաքական կյանքում տեղի ունեցած զարգացումները, խոսեց Վիշեգրադյան քառյակում ներկայիս և 2022թ․ ԵՄ-ում Չեխիայի նախագահությունների առաջնահերթություններից, ինչպես նաև ներկայացրեց չեխական կողմի դիրքորոշումը եվրոպական և տարածաշրջանային կարևորություն ներկայացնող հարցերի առնչությամբ՝ անդրադառնալով նաև Մերձավոր Արևելքում առկա իրադրությանը։

Խորհրդակցությունների ավարտին ՀՀ ԱԳ նախարարի տեղակալ Ավետ Ադոնցը և ՉՀ ԱԳ նախարարի տեղակալ Ալեշ Խմելարժը ստորագրեցին «Հայաստանի Հանրապետության Կառավարության և Չեխիայի Հանրապետության Կառավարության միջև «Հայաստանի Հանրապետության և Եվրոպական Միության միջև առանց թույլտվության բնակվող անձանց հետընդունման (ռեադմիսիա) մասին» համաձայնագրի կիրարկման մասին արձանագրությունը:

Նույն օրը Չեխիայի նախագահի նստավայրում ՀՀ ԱԳ նախարարի տեղակալին ընդունեց ՉՀ նախագահի աշխատակազմի արտաքին հարաբերությունների վարչության պետ Ռուդոլֆ Յինդրակը (Rudolf Jindrák): 

Հոկտեմբերի 22-ին ՀՀ ԱԳ փոխնախարարը հանդիպում ունեցավ նաև Չեխիայի խորհրդարանի Պատգամավորների պալատի արտաքին հարաբերությունների կոմիտեի նորանշանակ նախագահ՝ Օնդրժեյ Վեսելիի (Ondřej Veselý) հետ:

Տպել
249 դիտում

Բռնության, սպառնալիքների եւ պարտիզանական գործողությունների ծրագրերը նոր Հայաստանում տեղ չունեն. ԵՀՀ

Արշակունյաց պողոտայում այրվում են քաղաքապետարանի տեղադրած նոր աղբամանները

Մեկուկես տարվա ընթացքում կառավարությունը բիզնեսին վերադարձրել է 180 մլրդ դրամ շրջանառու միջոց. վարչապետ

ORSIS ընկերությանը հանել են Հայաստանի զենքի մատակարարների սեւ ցուցակից

Կա քննադատություն, սեր ու գնահատանք. կարևորը մարդկանց չհիասթափեցնելն է. Աննա Հակոբյանի հարցազրույցը. Armenpress

Ասել, որ մեր ուշքը գնում է Հրայր Թովմասյանի և այդ վեցնյակի համար, շատ մեծ շռայլություն կլինի. Նաիրա Զոհրաբյան

Խարույկի վրա այրելու փոխարեն՝ ամոթանքի քայլերթ. Ա. Բաբաջանյանի ելույթը՝ ՍԴ անդամներին վաղ կենսաթոշակի ուղարկելու մասին

«Արփի լիճ ազգային պարկ» ՊՈԱԿ-ի տնօրենի պաշտոնակատարին մեղադրանք է առաջադրվել

Սահակ Օհանյանը նշանակվել է Զինված ուժերի ռազմաբժշկական վարչության պետ

Բժիշկներն ու փրկարարները կսպասեն. վթարվել է շտապօգնության 17, ոստիկանության 24, հրշեջ 5 մեքենա

Հարգանքը մարդու իրավունքների նկատմամբ յուրաքանչյուր հասարակության զարգացման հիմնական շարժիչ ուժն է

Արցախի անկախության հանրաքվեի, Սահմանադրության օրվա առթիվ Բակո Սահակյանին շնորհավորել է Արմեն Սարգսյանը

Բնապահպանության և ընդերքի տեսչական մարմնի ղեկավարը հանդիպել է շինարարական ընկերությունների տնօրենների հետ

Եվրանեսթ ԽՎ բոլոր պատվիրակները՝ բացառությամբ մեկի, հոտնկայս հարգել են Ցեղասպանության զոհերի հիշատակը (տեսանյութ)

Հրդեհ Աբովյան քաղաքում. այրվել են տնակի կառուցատարրերն ու անասնակեր

Կենտրոնում տեղադրվում են նոր դիզայնով նոր աղբամաններ (լուսանկարներ)

Հակոբ Արշակյանն ընդունել է ՀՀ-ում Լիտվայի նորանշանակ դեսպանին

Կյանքից հեռացել է «Արարատ 73»-ի ֆուտբոլիստ Սուրեն Մարտիրոսյանը

Մեծամորում քաղաքացին ցանկացել է նետվել հինգերորդ հարկի տանիքից

Ձմեռային զորակոչի շրջանակում կկատարվի պատվո պահակային վաշտի ծառայողների ընտրություն