«Վանաձորի օր» տոնակատարության ծրագիրը պատրաստ է. «Գաթա բենդ», Արամ MP3, հրավառություն

Ինչպես հայտնի է, Վանաձորի օրն այս տարի կնշվի հոկտեմբերի 26-ին: Վանաձորցիներին շնորհավորելու կգա նաեւ վարչապետ Նիկոլ Փաշինյանը, կլինեն բազմաթիվ հյուրեր ոչ միայն Հայաստանի տարբեր վայրերից, այլ նաեւ արտերկրից: Միջոցառումների ծրագիրը հստակեցված է, քաղաքի զարդարման աշխատանքները կմեկնարկեն հոկտեմբերի 24-ից:

«Հայկական Ժամանակ»-ի հետ զրույցում Վանաձորի քաղաքապետարանի կրթության, մշակույթի եւ երիտասարդության հարցերի բաժնի պետ Գոռ Բադյանն ասաց, որ տոնական բուն միջոցառումը կսկսվի ժամը 10:00-ից. «Քաղաքապետի մոտ տեղի կունենա հյուրերի ընդունելություն, որից հետո կգնանք Սուրբ Գրիգոր Նարեկացի եկեղեցի՝ միասնական աղոթք բարձրացնելու, որից հետո կլինի Զորավար Անդրանիկի արձանի բացումը»:

Քաղաք այցելած հյուրերն ու կառավարության ղեկավարը կայցելեն նաեւ մարզկենտրոնի շինհրապարակներ, որտեղ այսօր շինարարական եռուզեռ է քան երբեւէ. «Ժամը 15:00-ից սկսվեն մշակութային բուն միջոցառումները: «Արցախ» պուրակի եւ Վանաձորի պետհամալսարանի տարածքում կտեղադրվի բեմ, որտեղ ժամը 15:00-16:30-ը կլինի համերգային ծրագիր: Տիգրան Մեծ պողոտայում կբացվի «ՀՆԱՐԱՎՈՐՈՒԹՅՈՒՆՆԵՐԻ ՔԱՂԱՔ» խորագրով ցուցահանդես, կլինեն նաեւ մշակութային տաղավարներ, ու բազմաթիվ անակնկալներ»,-ասաց բաժնի պետը, նշելով, որ բազմաթիվ հյուրեր են լինելու Վանաձորում: Կհնչի «ՔԵԶ, ԻՄ ՎԱՆԱՁՈՐ» խորագրով համերգ, մասնակցությամբ Վանաձորի կատարողական համույթների, անհատ ստեղծագործողների և Վանաձորի Երգի թատրոնի արտիստների:

Դիտարկմանը, որ հնարավոր է Վանաձորի օրն ու վարչապետի՝ Վանաձոր այցելելը առիթ հանդիսանա Վանաձորում ստեղծել այն իրավիճակը, որը եղավ Գյումրիում ու որը պահպանվում է մինչ օրս, Գոռ Բադյանն ասաց, որ նման սպասելիքներ կան, ինչի վկայությունը բազմաթիվ զանգերն են:

Գոռ Բադյանը ուրախությամբ փաստեց Վանաձորում կառուցված եւ տարածաշրջանում նմանը չունեցող լուսա-ձայնային շատրվանների առկայությունը, որն ըստ նրա, 2020թ-ին զբոսաշրջիկների թիվը կավելացնի մի քանի անգամ. «Մեզ մնում է ճիշտ ներկայացնել այն, ինչ ունենք, ու 2020-ին կտեսնենք, թե ինչպես կփոխվի մարզկենտրոնը: Աննախադեպ տարի կլինի Վանաձորի համար թե տուրիզմի, թե երիտասարդության ու թե մշակույթի ոլորտում»:

Գոռ Բադյանը տեղեկացրեց նաեւ, որ ՀՀ կրթության, գիտության, մշակույթի եւ սպորտի փոխնախարար Արա Խզմալյանի գլխավորությամբ հոկտեմբերի 26-ին Վանաձոր կայցելեն մշակութային 14 գործիչներից կազմված պատվիրակություն, ովքեր կայցելեն տարբեր բնակավայրեր՝ ուսումնասիրելու, թե որտեղ 2020 թվականին հնարավոր կլինի անցկացնել համերգներ, փառատոններ ու մշակութային այլ լայնամասշտաբ միջոցառումներ:

Որպես վերջաբան բաժնի պետը կոչ արեց ակտիվ մասնակցել քաղաքի տոնակատարությանը, եւ որ ամենակարեւորն է՝ լինել ժպիտով, չաղտոտել քաղաքն ու հյուրերին մեկ անգամ եւս ցույց տալ, թե որքան լավն է Վանաձորն ու վանաձորցին:

Արդեն ժամը 19:00-ին Հայքի հրապարակում կտրվի գլխավոր միջոցառման մեկնարկն ու շատրվանների բացման արարողությունը, որը կեզրափակվի  տոնական համերգով՝ Գաթա բենդ ու Արամ MP 3-ի մասնակցությամբ: Տոնական միջոցառման ավարտին վանաձորյան երկինքը կզարդարվի հրավառությամբ:

Տպել
6793 դիտում

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ

Ֆրանսիայում տեղի է ունեցել հայ ցուցարարների վրա թուրքերի հարձակման գործով դատական 1-ին նիստը

Գեղարքունիքի մարզում բախվել են Mercedes Vario-ն ու Mercedes C240-ը. կան վիրավորներ

Երեւանի բակերից մեկում կայանված մեքենայից կատարված գողությունը բացահայտվել է

Նուբարաշենի աղբավայրում հրդեհաշիջման աշխատանքները շարունակվում են (տեսանյութ)

Արցախում հաստատվել է կորոնավիրուսի 4 նոր դեպք. բոլորը՝ Ստեփանակերտից

Մեքենան ճանապարհից սահել է դեպի «Բելաջիո» ռեստորանային համալիր. փրկարարներն ուղղել են

Ինչո՞ւ է աղմկում Ծառուկյանը

Լուսաղբյուր գյուղում այրվել է անասնագոմ. մեկնել է 2 մարտական հաշվարկ

Նիկոլ Փաշինյանի շնորհավորական ուղերձ է հղել Ավրորա մարդասիրական նախաձեռնության 5-րդ տարեդարձի կապակցությամբ

Արարատի մարզում մեծ շուքով նշվել է «Բերքի տոնը»․ մարզպետ

Լոռիում ավտովթարի հետեւանքով ՌԴ 102-րդ ռազմաբազայի 27-ամյա զինծառայող է զոհվել (լուսանկարներ)

Հաստատվել է կորոնավիրուսի 277 նոր դեպք. մահացել է քրոնիկական հիվանդություններ ունեցող 2 տղամարդ

Մահացել է բժիշկ, առողջապահության նախկին նախարար Նորայր Դավիդյանցը