Ամուլսարի գործով քննչական խմբի նախկին ղեկավար Յուրա Իվանյանի մասով ծառայողական քննությունն ավարտվել է․ ՔԿ նախագահ

Յուրա Իվանյանի մասով ծառայողական քննությունն ընթացել է եւ դրա արդյունքներով նա որեւէ շահագրգռվածություն կամ կապ չի ունեցել Ամուլսարի հարցի հետ կապված: Այս մասին այսօր՝ լրագրողների հետ զրույցում, հայտնեց ՀՀ քննչական կոմիտեի նախագահ Հայկ Գրիգորյանը՝ պատասխանելով Ամուլսարի հանքի հարցով քրեական գործի վերաբերյալ հարցին:

Հիշեցնենք, որ infocom.am լրատվական կայքը մի հետաքննություն է հրապարակել՝ «Ամուլսարի գործով քննիչ Յուրա Իվանյանը եւ նախկին բնապահպանության նախարարը ազգակցական կապ ունեն» վերտառությամբ, որտեղ ներկայացվում է Ամուլսարի հանքի գործով քննչական խմբի ղեկավար Յուրա Իվանյանի եւ բնապահպանության նախկին նախարար Արամայիս Գրիգորյանի ազգակցական կապը: Ըստ հետաքննության մեջ ներկայացված տվյալների՝ 2016 թվականին՝ Գրիգորյանի նախարար եղած ժամանակ, «ԳԵՈԹԻՄ» ՓԲԸ-ն («Լիդիան Արմենիա» ՓԲԸ) ներկայացրել է Ամուլսարի շահագործման փոփոխված նախագիծը եւ նույն թվականի ապրիլի 29-ին Բնապահպանության նախարարության կողմից ստացել դրական եզրակացություն:

Այս նյութից հետո նշանակվել էր ծառայողական քննություն՝ Իվանյանի շահագրգռվածությունն այս գործում եւ նախկին նախարարի հետ նրա ազգակցական կապը պարզելու համար։

Գրիգորյանը պարզաբանեց, որ Քրեական դատավարության օրենսգրքով հստակ նշվում են, թե բարեկամական որ կապերի դեպքում է, որ անձը պետք է ինքնաբացարկ հայտնի․

«Իրենց ազգակցական կապի աստիճանը նշված չէ, ուստի զուտ իրավական առումով խախտում չկա: Հանգուցալուծում չստանալու խնդիր չկա, խնդիրն այն է, որ քրեական գործը շատ դինամիկ պրոցես է եւ նույնիսկ այսօր մենք կարող ենք ստանալ այնպիսի տվյալ, որ երեկ կամ նախորդ օրը չենք ունեցել: Դրանով է պայմանավորված նոր քննության զարգացումը եւ խորացումը»,- ասաց Հայկ Գրիգորյանը:

Նա նշեց, որ անցած տարի Ամուլսարի գործը վարույթ ընդունելիս խնդիրն այն է եղել, որ բնապահպանության նախարարության ՇՄԱԳ-ի ՊՈԱԿ-ն իր հերթին շահագրգիռ մարմիններ է ուղարկում այս կամ այն տնտեսվարող սուբյեկտի կողմից ներկայացված ՇՄԱԳ-ի հաշվետվությունը: Այդ շահագրգիռ մարմինների կողմից դրական կամ բացասական եզրակացություններն ստանալուց հետո իրենք էլ են եզրակացություն կայացնում եւ ուղարկում նախարարին՝ միայն հաստատման․

«Այդ փուլում, անկեղծ ասած, մենք տեղյակ չենք եղել, թե բնապահպանության նախարարն ինչ ազդեցություն կարող է ունենալ ՇՄԱԳ-ի թույլտվության վրա»,- ասաց Հայկ Գրիգորյանը:

Ինչ վերաբերում է Յուրա Իվանյանին նոր պաշտոնի նշանակելուն, Հայկ Գրիգորյանը նշեց, որ դա այդպես չէ. «Խնդիրն այն է, որ կառավարության որոշմամբ ՔԿ-ում տեղի են ունեցել մի շարք կառուցվածքային փոփոխություններ եւ նրա պաշտոնն ուղղակի վերանվանվել է: Եթե նախկինում նա ղեկավարել է սեփականության դեմ ուղղված, կոռուպցիան հանցագործությունների, կիբերհանցագործությունների դեմ ուղղված վարչությունը, կիբերհանցագործությունների վարչությունն առանձնացվել է: Ինքը մնացել է իր պաշտոնում, անունն է վերանվանվել»:

Տպել
942 դիտում

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները

Ոստիկանությունը պարզել է զբոսաշրջիկից 34 հազար դրամ պահանջած տաքսու վարորդի ինքնությունը. նրան բաժնում լսել են

3 քաղաքացի կեղծ վարորդական վկայականներ են ձեռք բերել. հարուցվել են քրեական գործեր

ԱԺ-ն առաջին ընթերցմամբ ընդունեց նախագիծը. սպորտային վաշտը շուտով կրկին կգործի

Մայրաքաղաքը տրակտոր է նվեր ստացել. Հակոբ Կարապետյան

Երևանում ԱԶԲ ֆինանսավորմամբ քաղաքի կենտրոնը շրջանցող նոր ճանապարհներ են կառուցվում