Մարդիկ ճանաչել են հերոսի, իսկ հիմա տեսնում են մի մարդու, որը պառակտում է մտցնում Հայաստանի ու Արցախի միջեւ․ Փամբուխչյան

Վիտալի Բալասանյանի՝ Հայաստանի կառավարության հասցեին հնչեցրած մեղադրանքներից գեթ մեկը նույնիսկ ճշմարտության հատիկ չի պարունակում, դրանցում դժվար է գտնել իրականությանը համապատասխանող գոնե մի բառ։

«Հայկական ժամանակ»-ի հետ զրույցում Արցախի անվտանգության խորհրդի նախկին քարտուղար Վիտալի Բալասանյանի վերջին հայտարարություններին այս կերպ արձագանքեց խորհրդարանական «Իմ քայլը» խմբակցության պատգամավոր Արմեն Փամբուխչյանը։

Նախօրեին Բալասանյանն իր ասուլիսում կրկին այնպիսի հայտարարություններ է արել, որոնք հանրության տարբեր շրջանակներում քննադատության առարկա են դարձել։ Նա մասնավորապես ասել է, թե ՀՀ վարչապետ Փաշինյանը Արցախը բանակցային սեղանից հեռու պահելու պայմանավորվածություն ունի Ադրբեջանի նախագահ Իլհամ Ալիեւի հետ:

Բալասանյանը միտումնավոր կամ ակամա շրջանցել է, որ ե՛ւ Փաշինյանը, ե՛ւ Հայաստանի կառավարության անդամները, ե՛ւ խորհրդարանական մեծամասնության ներկայացուցիչները բազմիցս բարձրաձայնել են, որ Արցախը պետք է վերադառնա բանակցային սեղան, իսկ հակամարտության լուծման տարբերակն ընդունելի լինի Արցախի, Հայաստանի եւ Ադրբեջանի ժողովուրդների համար։ Ընդ որում, Արցախի նախագահ Բակո Սահակյանը եւս հայտարարել է, որ շահարկումներ թույլ չտալու լավագույն եւ գուցե միակ հնարավորությունը բանակցությունների լիարժեք ձեւաչափի վերականգնումն է՝ Արցախի անմիջական մասնակցությամբ։

- Պարոն Փամբուխչյան, Վիտալի Բալասանյանը վերջին շրջանում ակտիվորեն տարատեսակ մեղադրանքներ է հնչեցնում Փաշինյանի, Հայաստանում կառավարող ուժի վերաբերյալ, ընդհուպ հայտարարում է, թե վարչապետն Ալիեւի հետ որոշակի պայմանավորվածություններ ունի։ Ըստ  Ձեզ՝ ի՞նչն է Բալասանյանին դրդում նման հայտարարություններ անել, ո՞րն է նրա մոտիվացիան կամ շահը։

- Ես ուշադրությամբ հետեւում եմ Վիտալի Բալասանյանի վերջին հայտարարություններին եւ դժվարանում եմ նրա ասածներում իրականությանը համապատասխանող գոնե մի բառ գտնել։ Կարծում եմ՝ Բալասանյանն ինչ-որ ձեւ ուղղորդվում է, եւ այդ ուղղորդողների մոտ Հայաստան-Արցախ հարաբերություններում պառակտում մտցնելու, մեր ժողովրդի միջեւ արհեստական տարանջատում մտցնելու միտում կա։ Մենք նույն ժողովուրդն ենք, եւ անընդհատ նմանատիպ շեշտադրումներ անելով՝ փորձ է արվում տպավորություն ստեղծել՝ իբրեւ մենք Արցախը հանձնող ուժն ենք, իսկ այն ուժը, որի ներկայացուցիչներն այսօր ներգրավված են տարբեր քրեական գործերով, փորձել է Արցախը պահել, հերոս է։ Եվ, ընդ որում, հաշվի չի առնվում հանգամանքը, որ նրանք բանակցել են այնպիսի փաստաթղթերի շուրջ, որոնցով ֆիքսել են, որ պետք է ազատագրված հողերի մի մասը վերադարձնել Ադրբեջանին։ Նույն Ռոբերտ Քոչարյանի օրոք Արցախը դուրս է մնացել բանակցային գործընթացից, եւ այդ գործելաոճն ինտենսիվորեն շարունակել է իր իրավահաջորդ եւ ժառանգորդ Սերժ Սարգսյանը։ Իսկ մեր օրակարգը Արցախը բանակցային սեղան վերադարձնելն է, եւ մենք ամբողջությամբ լծվել ենք այդ գործին։

Իսկ ինչ վերաբերում է Ալիեւի հետ համագործակցելուն, դա մեր գործելաոճը չէ, դա վարչապետի գործելաոճը չէ, դա իրե՛նց գործելաոճն է՝ գաղտնի պայմանավորվածություններ ունենալ, այդ թվում՝ Ադրբեջանի ղեկավարության հետ, եւ ցանկացած քայլի դիմել՝ փորձելով ռեւանշիստական գործողություններ անել։ Եթե Վիտալի Բալասանյանի հայտարարությունները գոնե մի տոկոսով համապատասխանեին իրականությանը, գուցե ես այսպես չարձագանքեի։

- Դուք կարծում եք, որ Բալասանյանն ինչ-որ անձանց կողմից ուղղորդվում է, միեւնույն ժամանակ հնչեցնում եք ե՛ւ Սերժ Սարգսյանի, ե՛ւ Ռոբերտ Քոչարյանի անունները։ Ո՞ւմ կողմից է ուղղորդվում։ Օրինակ՝ ինքը հայտնել է, որ օրեր առաջ հանդիպում է ունեցել Սերժ Սարգսյանի հետ։

- Չեմ կարող պնդել, թե կոնկրետ որ կողմից է ուղղորդումը, բայց այդ հանգամանքն ակնհայտ է, նույն այդ տարբեր հանդիպումները տրամաբանորեն բերում են իմ ասածին։ Մինչ այս, նա կարծես թե նման աբսուրդ հայտարարություններով աչքի չի ընկել, եւ ցավով եմ նշում, բայց վերջին շրջանում իր անձն օգտագործում են՝ փաստացի դնելով նման դրության մեջ։

- Պարոն Փամբուխչյան, Վիտալի Բալասանյանը նաեւ նշում է, թե իր հայտարարություններով չի կարող զբաղվել ՀՀ ԱԱԾ-ն, քանի որ ինքը հաշվառված է Արցախում։ Ստացվում է, որ Արցախում հաշվառված քաղաքացիների՝ ՀՀ ղեկավարության հասցեին հնչեցված հանցագործության հատկանիշներ պարունակող հայտարարություններով ՀՀ իրավապահները չե՞ն կարող զբաղվել։

- Դասական պառակտման օրինակ. պնդում եմ, որ դա Հայաստան-Արցախ հարաբերությունների պառակտման փորձ է։ Բայց մենք ունենք այն հասունությունն ու գիտակցումը, եւ Արցախում ու Հայաստանում ապրող մեր ժողովուրդը ունի այն խոհեմությունը, որ տարանջատի իրականությանը համապատասխանող եւ իրականության հետ որեւէ աղերս չունեցող հայտարարությունները։ Մենք երբեք չենք գնա պառակտման, մեր ժողովուրդը չի ենթարկվի տարատեսակ մանիպուլյացիաների։

- Վիտալի Բալասանյանն Արցախի հերոս է, նա տարիներ շարունակ հանրության մեջ ունի հերոսի ընկալում։ Հերոսին վայե՞լ է, ինչպես ինքներդ եք նշում, նման պառակտող հայտարարություններ անելը։

- Հերոսը, որը կռիվ է տվել իր ժողովրդի համար, պաշտպանել իր հողը, ազատագրել հայրենիքը, արժանացել հերոսի կոչման, մինչեւ կյանքի վերջ պետք է պահի այդ կեցվածքը, զինվորական ճանապարհ անցած մարդը պետք է պահի իր զինվորական արժանապատվությունը, չխառնվի մանր քաղաքական, կարճաժամկետ գործընթացների, չընկնի ինչ-ինչ գայթակղությունների մեջ, որովհետեւ այդ դեպքում մարդկանց մոտ հակառակ էֆեկտն է լինում։ Մարդիկ ճանաչել են մի  հերոսի, հպարտացել են, հիացել են նրա ռազմական հռչակով, մյուս կողմից հիմա տեսնում են մի մարդու, որը պառակտում է մտցնում Հայաստանի եւ Արցախի միջեւ, մեր ժողովրդին տարանջատում է, հատվածների է բաժանում, նպաստում է ոչ թե դրական մթնոլորտի ապահովմանը, այլ նույնիսկ փորձում է բացասական տրամադրություններ ստեղծել։ Սա ընդունելի չէ։

Տպել
3485 դիտում

Գորիսում շչակ է փորձարկվելու

ՀՀ-ում դիվանագիտական կորպուսի ներկայացուցիչներն այցելել են Ադրբեջանի հրետակոծությունից տուժած Սոթք և Կութ (լուսանկար)

Խոշոր վթար Դիլիջանի ոլորաներում. մեքենան դուրս է եկել ճանապարհից ու 70 մ-ից գլորվել ձորը, կա տուժած

Հիմնանորոգվում է «Փակ շուկայի» դիմացի գետնանցումը (տեսանյութ)

Հայերը պետք է խաղաղ ապրելու հնարավորություն ունենան. ՀՀ-ում Ֆրանսիայի դեսպան

7 որդով սեղան կնստեն. 2 վանաձորցի ընտանիքներում երեկ ծնվել են 7-րդ զավակները

ՀՀ արդարադատության նախարարի տեղակալը 4 օրով գործուղվել է ԱՄՆ

Հայաստանում Բելառուսի դեսպանը հրավիրել է ՀՀ ԱԳՆ՝ երկրի ԱԳ նախարարի հայտարարությունների առնչությամբ

ՀՀ վարչապետն այսօր ուղիղ եթերում կպատասխանի քաղաքացիներին հուզող հարցերին (տեսանյութ)

Քննարկվում է Հայաստանում և Ադրբեջանում ՀԱՊԿ դիտորդական խմբեր օգտագործելու հնարավորությունը. Լավրով

Վարչապետի որոշմամբ՝ Գեղամ Շախբազյանն ազատվել է պաշտոնից

Քննարկվել է Հա­յաս­տա­նի շեն­քե­րի էներ­գիա­յի սպառման և ջերմոցային գազերի ար­տա­նե­տում­նե­րի կրճատման ծրագիրը

Տրանսպորտային ուղիների ապաշրջափակումը միանշանակ դրական կլինի բոլոր կողմերի համար. Օվերչուկ

Նախաձեռնվել է քրեական վարույթ հակառակորդի կողմից երեք զինծառայողի սպանության դեպքի առթիվ. ՔԿ

Վարչապետի որոշմամբ՝ նշանակվել է Կադաստրի կոմիտեի ղեկավարի տեղակալ

Մի քանի ժամով լույս չի լինի Երևանի և 5 մարզերի մի մասում

Հայաստանի, Ռուսաստանի և Ադրբեջանի փոխվարչապետներն «արտատարածքային միջանցքի» հարց չեն քննարկում. Օվերչուկ

Մոլորեցրել են հակառակորդին ու դուրս եկել շրջափակումից, ոչնչացրել են թշնամու մեծաթիվ ուժեր. նոր հերոսական դրվագներ

Այս տարի «ՀԱՅ ՖԵՍՏ»-ը կանցկացվի «Հաջորդ 20 տարիները կլինեն ավելի լավը» խորագրի ներքո. ԿԳՄՍՆ

Ժնևում տեղի կունենա Հայաստանի և Ադրբեջանի արտաքին գործերի նախարարների հանդիպումը

Խարդախությամբ կատարված հափշտակության դեպքերը կտրուկ աճել են. դատախազությունը հորդորում է չփոխանցել անձնական տվյալներ

Վայոց ձորի մարզի Շատին գյուղում սողանք է ակտիվացել

Պատահականություն, դիտավորություն կամ դիվերսիա. ինչ է հայտնի «Հյուսիսային հոսք» գազատարի ստորջրյա պայթյունների մասին

Երևան-Մեղրի ավտոճանապարհին մեքենան ընկել է Դարբ գետը. վարորդն ու 3 ուղևորները տեղափոխվել են հիվանդանոց

Հայ-ադրբեջանական սահմանին իրավիճակը հարաբերականորեն կայուն է. ՊՆ

Պուտինը ճանաչել է Խերսոնի և Զապորոժիեի շրջանների «անկախությունը». ինչու էր դա անհրաժեշտ, և ինչ է սպասվում հետո

Ինչու են պատերազմական իրավիճակում գտնվող երկրում քննարկվում տնտեսական և ֆինանսական հարցեր․ Բաբկեն Թունյան

Արմեն Գրիգորյանը հանդիպումներ է ունեցել ԱՄՆ Կենտրոնական հետախուզական գործակալությունում

«Կապիտուլյացիոն փաստաթո՞ւղթ», թե՞ ելույթներ. «Կիկոսի մահը» հեքիաթի մոտիվներով

Լեռնանիստ գյուղի դաշտերն այրվել են

Ադրբեջանի ԶՈՒ-ն դաժանաբար սպանել է վիրավոր հայ զինծառայողներին, վայրագ կերպով վարվել զոհերի մարմինների հետ․ Մարտիկյան

Ժամը 22:00-ի դրությամբ հայ-ադրբեջանական սահմանին իրադրության փոփոխություն չի արձանագրվել

Սյունիքում իրավիճակը շարունակում է մնալ հարաբերականորեն հանգիստ․ Դավիթ Դանիելյան

Կարևոր է՝ ռուս-թուրք-ադրբեջանական թակարդից դուրս գալով՝ այժմ էլ չընկնենք Արևմուտք-Ադրբեջան հյուսած ծուղակը. Բաբաջանյան

Հայկական կողմը գիտի, թե որտեղ քանի դի կա, սակայն դուրս բերելու փորձերը հանդիպել են Ադրբեջանի ԶՈՒ ուժեղ կրակին․ Մարտիկյան

Հոխիկյանը, ԵՊՀ-ին մեղադրելով քաղաքական պատվեր կատարելու մեջ, ինքն է քաղաքականացման առերևույթ քայլ կատարում. Գրիգորյան

Ծաղկունք գյուղում տնակ է հրդեհվել

Հայկական ԶՈՒ-ն սպասում է հակառակորդին դիմակայելու և ջախջախելու․ Առաքել Մարտիկյան

ՌԴ-ից մեծ թվով անձանց ներհոսքն ինչ ազդեցություն կունենա Հայաստանում ժողովրդագրական աճի վրա

Հայաստանն Ադրբեջանին մի քանի անգամ արդեն առաջարկել է զորքերի հայելային հետքաշում