Կոմանդոսն ու Ռոբերտ Մլքեյանը Գյումրու պատվավոր քաղաքացու կոչումներ ստացան. որոշումը միասնական էր, մթնոլորտը՝ հուզիչ

Գեներալ-մայոր, Արցախյան ազատամարտի մասնակից Արկադի Տեր-Թադևոսյանին և Հայաստանի պետական կամերային երգչախմբի գեղարվեստական ղեկավար և գլխավոր դիրիժոր, ՀՀ արվեստի վաստակավոր գործիչ Ռոբերտ Մլքեյանին Գյումրու ավագանու որոշմամբ՝ այսօր շնորհվեցին Գյումրու պատվավոր քաղաքացու կոչումներ: Դահլիճից հնչած գնահատանքի խոսքերից հետո ամբիոնին մոտեցավ լեգենդը՝ Արկադի Տեր-Թադևոսյանը:

«Ծառայում եմ հայրենիքիս»,- հպարտ հուզմունքով ասաց Կոմանդոսը:   Փոքր դադարից հետո շարունակեց. «Սովետական միությունում ծառայել եմ 30 տարի, որից 6-ը՝ Գյումրիում: Այսինքն՝ 6 տարի ապրել եմ Գյումրիում: Դա՝ մեկ: Եվ երկրորդ՝ կինս է գյումրեցի: Որ ասեմ ես հայ եմ, այն չի լինի, ես Սովետական միության մարդ եմ, ուր ասես եղել եմ՝ Գերմանիա, Չեխոսլովակիա, եւ դարձել եմ սովետական մարդ: Երբ արտերկրում էի, չէի էլ ուզում վերադառնալ, բայց կինս, արդեն ասեցի՝ գյումրեցի էր, ասաց՝ պետք է գնանք Հայաստան: Եվ եկանք այստեղ: Երբ 88-ին շարժումն սկսվեց, ես գնացի Ղարաբաղ, որ մեր տղերքին օգնեմ: Բոլորի հետ շատ մտերմացանք, բայց Գյումրու ջոկատների հետ մի ուրիշ տեսակ կապ կար: Առաջին օրվանից մինչեւ վերջին օրը ես նրանց հետ մնացի: Շնորհակալ եմ բոլորիցդ, որ ինձ այսպես գնահատում եք, այս պարգեւն ավելի է պարտավորեցնում, ես ձեզ դեռ պարտք եմ: Կմտածեմ, թե ինչ անեմ, որ ձեզ ավելի պետքական լինեմ»,- ներկաներին ասաց նա:Գյումրու պատվավոր քաղաքացու երկրորդ կոչումը շնորհվեց ՀՀ արվեստի վաստակավոր գործիչ Ռոբերտ Մլքեյանին: Կոմանդոսից պակաս հուզված չէր նաեւ Մլքեյանը: Ասաց՝ կանգնել Ազգային հերոսի կողքին եւ ստանալ նույն պարգեւը, արդեն մեծագույն պատիվ է:

«Գյումրեցի լինելու համար պարտադիր չէ, որ այստեղ ծնվես, որ լինես այս քաղաքից: Ցավոք, ես Գյումրիում չեմ ծնվել, բայց հոգով ու սրտով գյումրեցի եմ: Մի անգամ ինձ հարցրին, թե մաեստրո, որտե՞ղ կուզեիք կյանքում ապրել, ասացի՝ Գյումրիում: Զարմացան, թե ամբողջ աշխարհը պտտվել եք, ասում եք՝ Գյումրիու՞մ: Ասացի՝ եթե մի պահ պատկերացնենք, որ Գյումրին չկա, ուրեմն՝ աշխարհը պտտվելուց հետո՝ Հռոմում, բայց քանի որ կա Գյումրին, կուզեի հենց այնտեղ էլ ապրեի»,- հիշեց Մլքեյանը:  

«Դուք չեք պատկերացնում, թե ինչ է ինձ համար Գյումրին, կամ էլ, որ պատկերացնում եք, դրա համար շնորհակալություն: Ամենակարեւոր խոսքերը կյանքում մարդիկ ասում են շշուկով, բարձրագոչ չես կարող դա ասել: Իմ կյանքում ամենակարեւորն այն է, որ ես 30 տարեկանում եկա Գյումրի՝ այստեղ մինչեւ կյանքիս վերջը մնալու որոշմամբ: Ինչ խոստում տվել եմ, արել եմ: Այն, որ ես մեկնեցի Երեւան, ստեղծեցի նվագախումբ, երգչախումբ, դա չէր նշանակում, որ Գյումրին իմ կյանքից պետք է դուրս մնար: Հակառակը, էլ ավելի մեծ թափով ետ եկա, որովհետեւ այս անգամ արդեն երեխաներին էր պետք կրթել: Այսօր՝ երբ գյումրեցի երեխաները երգում են Հռոմի Սուրբ Պետրոսի տաճարում, եւ պատարագիչն է Հռոմի պապը, ու այնտեղ բարձրաձայն ասում են՝ Գյումրիի Տիրամայր Հայաստանի երգչախումբ, եւ Գյումրի բառն անընդհատ հնչում է աշխարհի բեմերում՝ պարզ ու մաքուր երեխաների բերանով, սա իմ կյանքի ամենամեծ ձեռքբերումն է»,- պատմեց Ռոբերտ Մլքեյանը:

Դահլիճում ներկա ավագանու անդամները նկատեցին, որ եզակի օր է այսօր, երբ Գյումրու պատվավոր քաղաքացու կոչումը շնորհելիս ոչ միայն միասնական են իրենց որոշման մեջ, այլ՝ հուզված: Այդ հուզմունքն առավել խտացրեց Ռոբերտ Մլքեյանը: Ասաց՝ երկրագնդի վրա միայն Գյումրիում է, որ իրեն դիմում են ոչ թե մաեստրո, այլ՝ մեր մաեստրո:

«Խոնարհվում եմ բոլորիդ եւ այս սուրբ քաղաքի առաջ: Կյանքիս ամենադժվար օրերն ապրել եմ այստեղ, ձեզ հետ միասին ամենաչապրվելու տարիներն եմ ապրել. 90-ականներն էին, եւ ես ապրել եմ այստեղ ամենաերջանիկ կյանքով, հենց այդ ծանրության մեջ: Երբ այդ պայմաններում ընկերներ ունես, նվիրվում ես, եւ դա փոխադարձ է, պարտավորվում ես մինչեւ կյանքիդ վերջ նրանց նվիրվել: Գերագույն պատիվ եմ համարում այսօր ինձ տրված Գյումրու պատվավոր քաղաքացու կոչումը»,- ասաց Մլքեյանը:

Տպել
915 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց