ԱԺ-ում մեկնարկել է Հրայր Թովմասյանի լիազորությունները դադարեցնելու մասին ԱԺ որոշման նախագծի գաղտնի քվեարկությունը

ՀՀ Ազգային ժողովում մեկնարկել է Սահմանադրական դատարանի անդամ Հրայր Թովմասյանի լիազորությունները դադարեցնելու մասին ԱԺ որոշման նախագծի փակ, գաղտնի քվեարկությունը։

Նախքան քվեարկությունը ԱԺ փոխնախագահ, «Իմ քայլը» խմբակցության պատգամավոր Ալեն Սիմոնյանը, դիմելով ՍԴ անդամներին, դատավորներին, կոչ արեց իրենց չնույնացնել Հրայր Թովմասյանի հետ, չնույնացնել իրենց անցած ճանապարհը եւ ուղղորդվել օրենքով, իրենց խղճով եւ գիտելիքներով։

Սիմոնյանի կոչին միացավ նույն խմբակցության պատգամավոր Արեն Մկրտչյանը՝ նշելով, որ այս պատասխանատու պահին ՍԴ անդամներն արկածախնդրությամբ չզբաղվեն․ «Սահմանադրական դատարանի նախագահի զավթված աթոռը պետք է վերադարձվի ժողովրդին»,- հայտարարեց Մկրտչյանը։

Եթե խորհրդարանն ընդունի նախագիծը, այն ուղարկվելու է Սահմանադրական դատարան։ Մնացած գործողությունները ՍԴ-ի տիրույթում են։ Հրայր Թովմասյանի լիազորությունները դադարեցնելու համար անհրաժեշտ կլինի վեց դատավոր/անդամի քվե։

Քվեարկությանը մասնակցում են միայն «Իմ քայլը» եւ «Լուսավոր Հայաստան» խմբակցությունների պատգամավորները։ ԲՀԿ-ականները հայտարարել էին, որ չեն մասնակցելու, քանի որ «Իմ քայլ»-ի ներկայացրած նախագիծը իրավական առումով թերի է։

Հիշեցնենք, որ Հայաստանի խորհրդարանը երեկ քննարկում էր «Իմ քայլը» խմբակցության ներկայացրած Սահմանադրական դատարանի նախագահ Հրայր Թովմասյանի լիազորությունները դադարեցնելու մասին ԱԺ որոշման նախագծի քննարկումը։ Թովմասյանը նպատակահարմար չէր համարել մասնակցել նախագծի քննարկմանը․ նա պատշաճ ծանուցումից հետո ԱԺ չէր եկել։

Վերջինս հանդես էր եկել հայտարարությամբ՝ քննարկմանը ներկա չլինելու որոշումը պատճառաբանելով, որ Ազգային ժողովի «Իմ քայլը» խմբակցության նախաձեռնած այս գործընթացը, ըստ էության, ունի քաղաքական եւ սուբյեկտիվ նպատակաուղղվածություն: Հրայր Թովմասյանը հայցել էր Ազգային ժողովի միայն «Բարգավաճ Հայաստան» խմբակցության պատգամավորների ներողամտությունը՝ Ազգային ժողովի նիստում հարցի քննարկման ժամանակ իրեն հարցեր ուղղելու հնարավորություն չտալու առնչությամբ։ Իսկ թե ինչու հենց «Բարգավաճ Հայաստան»-ի, քանի որ այս խմբակցության պատգամավորները հայտարարել են, որ չեն մասնակցելու նախագծի քվեարկությանը. այն, ըստ իրենց, իրավական առումով ոչ լիարժեք է եւ խոցելի մասեր ունի։

Հրայր Թովմասյանի հայտարարությունը խորհրդարանում քննադատությամբ ընդունվեց։ «Իմ քայլը» խմբակցության պատգամավորները միայն ԲՀԿ-ից ներողամտություն հայցելու հանգամանքը անհարգալից վերաբերմունք որակեցին օրենսդիր մարմնի հանդեպ՝ նշելով, որ Թովմասյանն ուղղակի պարտավոր էր ներկա լինել քննարկմանն ու պատասխանել պատգամավորների հարցերին, փորձել ներկայացնել իր հակափաստարկները, եթե, իհարկե, այդպիսիք կային։

Մասնավորապես «Իմ քայլը» խմբակցության պատգամավոր Արփի Դավոյանն իր ելույթում ասաց, որ Թովմասյանը շարունակեց իր քաղաքական հոր՝ Սերժ Սարգսյանի գործելաոճը՝ տաքուկ հարցազրույց տալով կոնկրետ լրատվամիջոցի, կոնկրետ հարցերով, բայց պարտավոր էր ներկա լինել ԱԺ-ում, հակադարձել, ոչ թե քաղաքական հայտարարություն անել՝ ասելով, որ չի գա ԱԺ եւ ներողություն խնդրեր միայն ԲՀԿ-ից․ «Նա պարտավոր էր ներողություն խնդրել բոլոր պատգամավորներից ու խմբակցություններից»,- շեշտեց պատգամավորը։

Տպել
1558 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին