«Անհայտ՝ նշանակում է հասարակությանը ոչ հայտնի». Անդրանիկ Քոչարյանը պատրաստ է հանդիպել Արփինե Հովհաննիսյանի հայրիկի հետ

Երեկվանից համացանցում քննարկվում է «Իմ քայլը» խմբակցության պատգամավոր, ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանի հնչեցրած արտահայտությունները՝ Արդարադատության նախկին նախարար, նախկին ՀՀԿ-ական Արփինե Հովհաննիսյանի հասցեին:

«Արփինե Հովհաննիսյանը պետք է խոսի փաստերով, իսկ պայմանական կարող է տալ իր մայրիկի եւ անհայտ հայրիկի անունները»,- «Առաջին լրատվականի» հետ զրույցում հայտարարել է Քոչարյանը՝ արձագանքելով հարցազրույցներից մեկում Հովհաննիսյանի կողմից իր անունի հնչեցմանը:

Հովհաննիսյանը, «24news»-ի հետ զրույցում խոսելով թալանված ակտիվների վերադարձի մասին, ասել էր. «...Սա նշանակում է, որ Նիկոլ Փաշինյանը կորոշի, դիցուք՝ պայմանական անուն եմ տալիս. Անդրանիկ Քոչարյանը, որ, օրինակ, ինչ-որ բան է սեփականաշնորհել, ինչ-որ տեղ, ինքն ապօրինի՞ է դա արել, թե՞ ոչ: Եվ հաշվի առնելով Նիկոլ Փաշինյանի քաղաքական նախասիրությունները, որոնք ինքը ցույց է տալիս առիթ-անառիթ, օրինակ, Ռոբերտ Քոչարյանի եւ Սերժ Սարգսյանի ձեռք բերածը կհամարվի ապօրինի (ես չեմ դատում, կարող է լինել ապօրինի էլ, օրինական էլ...), այ օրինակ՝ Գագիկ Ջհանգիրյանի, էլի պայմանական եմ ասում, Անդրանիկ Քոչարյանի, Հովհաննես Իգիթյանի....գույքերը օրինական կհամարի»:

Այսօր լրագրողներն Ազգային ժողովում Անդրանիկ Քոչարյանից փորձեցին պարզել՝ պատրաստվո՞ւմ է ներողություն խնդրել Արփինե Հովհաննիսյանից:

«Ո՛չ, ներողություն չեմ պատրաստվում խնդրել: Նախ սպասում եմ, որ Արփինե Հովհաննիսյանը «24 news»-ում իր արած հայտարարությունը որեւէ ձեւով մեկնաբանի, իսկ եթե նրա ընտանիքի անդամները նեղացել են, թույլ տվեք, որ Արփինե Հովհաննիսյանի ընտանիքի անդամները հանդես գան այդպիսի առաջարկով»,- պատասխանեց նա:

Հարցին, թե ի՞նչ է ցանկացել ասել «անհայտ հայր» արտահայտությամբ, պատգամավորը նկատեց. «Բացատրեմ. անհայտ՝ նշանակում է հասարակությանը ոչ հայտնի: Եթե հիմա պարզվեց...երեկ ամբողջ «Ֆեյսբուք»-ը փնտրում էր եւ ոնց որ թե հայտնաբերեց. անհայտն արդեն հայտնի է: Կարող է եւ սխալվում եմ, չգիտեմ»:

Ըստ նրա՝ եթե վիրավորել է Հովհանիսյանի հայրիկին, պատրաստ է հանդիպել նրա հետ եւ «քննարկել, թե էս խնդիրը որտեղ է առաջացել»: Բայց, պատգամավորի տպավորությամբ, բոլորը վիրավորվել են, բացի Արփինե Հովհաննիսյանից.

«Արփինե Հովհաննիսյանը «24news»-ին տվել է սխալ գնահատականներ քաղաքական իրողություններին եւ նաեւ իմ անձին վերաբերող, որի պատասխանը ես պարզապես հնչեցրել եմ այդպիսի ձեւակերպմամբ: Եթե որեւէ մեկը վիրավորվել է դրանից, բայց ես, ինչքան հասկացա, բացի Արփինե Հովհաննիսյանից, բոլորը վիրավորվել են, եւ որոշակի լյուստրացիայի ինչ-որ բան նկատեցի այստեղ: Վիրավորվածների մեջ տեսնում եմ նաեւ այն ռեսուրսը, որը տիկին նախկին նախարարը հայտարարեց, որ իր ամբողջ ռեսուրսը կկիրառի՝ այդ երիտասարդների հետ կապված իրավական թնջուկը լուսաբանելու համար: Այդ ռեսուրսի մեջ տեսնում եմ միայն ֆեյքեր՝ հայհոյանքների տեսքով: Ես չեմ ջնջել, դրանք բոլորը արժե, որ դուք նայեք. Արփինե Հովհաննիսյանի ռեսուրսը, հայհոյանքների բովանդակությունը, բնույթը, եւ նայեք իմ հարցազրույցը, դիտեք մեր քաղաքացիների լայքերի քանակը, տարածման քանակը»,- ասաց Քոչարյանը: 

Անդրադառնալով իր հայտարարություններին հաջորդած արձագանքներին՝ Քոչարյանը նկատեց, որ շատ է նեղվել միայն ՀՀ նախագահի խորհրդական Թեւան Պողոսյանի արձագանքից. «Զանգեցի, ասացի՝ Թեւան, ինչո՞ւ ես ներողություն խնդրում, որտե՞ղ է վիրավորանքը»,- ընդգծեց նա՝ հավելելով. «Հիմա էս հիստերիան, որ բարձրացել ա, Շուշան Պետրոսյանը գրառումներ է անում՝ Հանրապետականի չգիտեմ որերորդ համարն էր, նախկին դաշնակ Աղվան Վարդանյանը, դա հայհոյանքներ են: Աղվան Վարդանյան, դու ո՞վ ես, ինչի՞ ես հայհոյանքներ անում, դու կապ ունե՞ս Արփինե Հովհաննիսյանի հետ, հնչեցրած բաներին...գեղեցիկ չի, չէ՞»:

Նշենք, որ Քոչարյանի կողմից Արփինե Հովհաննիսյանի ծնողների անունի հիշատակման հանգամանքին «Ֆեյսբուք» սոցցանցի իրենց էջերում բացասաբար էին արձագանքել, օրինակ՝ ԱԺ ԼՀԿ խմբակցության ղեկավար Էդմոն Մարուքյանը, ԲՀԿ խմբակցության քարտուղար Նաիրա Զոհրաբյանը, իրավապաշտպան Ավետիք Իշխանյանը եւ ուրիշներ:

Իսկ ահա «Իմ քայլը» խմբակցությունում Քոչարյանի խոսքերը դատապարտելի էր համարում թերեւս միայն Սասուն Միքայելյանը: «Եթե Անդրանիկ Քոչարյանը նման բան է ասել, ես իր փոխարեն ներողություն եմ խնդրում»,- լրագրողների հետ զրույցում այսօր ասաց ԵԿՄ նախագահը:

«Առանց մեկնաբանության»,- մեր հարցին ի պատասխան թեմային այսպես արձագանքեց ԱԺ փոխնախագահ Ալեն Սիմոնյանը:

ԱԺ «Իմ քայլը» խմբակցության ղեկավար Լիլիթ Մակունցը մեր հարցին ի պատասխան ասաց, որ անձամբ զրուցել է Անդրանիկ Քոչարյանի հետ, իսկ խմբակցությունում չեն հասցրել այդ թեմայով քննարկում ունենալ. «Ինձ համար ընդունելի չէ անձնական տիրույթում վարվող ցանկացած քաղաքական դիսկուրս: Այն, ինչ վերաբերում է անձնական տարածքին, անձնական տիրույթին, անձնական դաշտին, չպետք է տեղ ունենա մեր քաղաքական խոսքում: Եվ ուզոււմ եմ նշել, որ ես շատ ուրախ կլինեի, որ այն արձագանքը, որ եղավ այս դեպքի հետ կապված, դրսեւորվեր անխտիր բոլոր դեպքերում, այդ թվում՝ այն պարագայում, երբ որեւէ բարձրաստիճան պաշտոնյայի ընտանիքի հետ կապված, այդ թվում՝ անչափահաս երեխայի հետ կապված արվում է անընդունելի հրապարակային մեկնաբանություն, արտահայտություն»:

Մեր հարցին՝ հնարավո՞ր է կարգապահական վարույթ հարուցվի՝ հետագայում նման դեպքերից խուսափելու համար, Մակունցը պատասխանեց. «Չեմ կարծում»:

Իսկ ահա «Իմ քայլը» խմբակցությունից Քրիստինե Պողոսյանը տեղի ունեցածում ավելի շատ լրագրողներին մեղադրեց՝ ընդգծելով, որ նրանք տարբեր անձանց դեպքում տարբեր սկզբունքներ են դրսեւորում: «Ո՞ւր էին այս 15 լրագրողները, երբ որ Գեւորգ Պետրոսյանն Ազգային ժողովի ամբիոնից ասում էր՝ կանանց եւ երեխաներին պետք է դաստիարակչական ապտակ տալ: Ո՞ւր էիք դուք, երբ որ Նաիրա Զոհրաբյանը, լինելով Մարդու իրավունքների պաշտպանության հանձնաժողովի նախագահ, դուրս էր հրավիրում մարդկանց դահլիճից: Ես ընդամենն ուզում եմ, որ դուք հավասարազոր արձագանք տաք ամեն քայլի: Եթե Պարոն Քոչարյանը սխալ ձեւակերպում է արել, ես կարող եմ ընկերաբար ասել՝ պետք չէ նման արտահայտություն անել, գուցե դուք զայրացած եք: Կամ Արփինե Հովհաննիսյանի «24 News»-ին տված խայտառակ հարցազրույցը՝ ամենավերջին անձնական վիրավորանքներով. Ես չեմ տեսնում՝ դուք իրեն ասեք՝ ինչո՞ւ եք մտնում անձնական դաշտ, ո՞վ է ձեզ իրավունք տվել նման բան ասել: Ի վերջո, Արփինե Հովհաննիսյանն Արդարադատության այն նախարարն է, ում օրոք մահացավ «Հաց բերողը»»,- ասաց Պողոսյանը:

Տպել
7250 դիտում

Առնվազն «եվլախյան էլիտան» եք, որով լուծարեցին Արցախը, Հայաստանի հարցում բախտներդ չփորձեք. Առաքելյանը՝ խմբակցություններին

Նոր էջ բացելու համար անհրաժեշտ է, որ Անկարան համարձակ քայլ անի, ընդունի միջազգային իրավունքի դրույթները. Հունաստանի ՊՆ

ՆԳ նախարարն ԱՄՆ պատվիրակության հետ այցելել է Պարեկային ծառայության և Օպերատիվ կառավարման կենտրոնի վարչական նոր համալիր

ԱՄՆ-ն Վրաստանին հրավիրել է մասնակցելու ՆԱՏՕ-ի գագաթնաժողովին

Նելլի Ղուլյանն ազատվել է Ազգային ժողովի նախագահի մամուլի քարտուղարի պաշտոնից

Մոսկվայի մարզի Ֆրյազինոյի ինստիտուտի հրդեհի զոհերի թիվն աճել է. բալոններ են պայթում (լուսանկարներ, տեսանյութ)

Տեղի կունենա Երևանի ավագանու նիստը․ ինչ հարցեր են օրակարգում

Արմավիրը տաք և ծաղկող քաղաք է. Աննա Հակոբյանը տեսանյութ է հրապարակել

Տարոն Մարգարյանը ԱԺ-ի աշխատավարձով է «ապրում». ում է պատկանում Ավանի նրա հայտնի առանձնատունը, ինչ է հայտարարագրվել

Թաղապետարանի խաչմերուկում մեքենաներ են բախվել, մեկը կողաշրջվել, հայտնվել է մայթին. կան վիրավորներ

Այսօրվա մայրամուտը. Գագիկ Սուրենյանը լուսանկար է հրապարակել

3200 հա ոռոգված տարածք՝ Հայաստանի ամենաբերրի հարթավայրում. ՀՀ-ում Ֆրանսիայի դեսպանն այցելել է Վեդիի ամբարտակ

ԿԸՀ նախագահի գլխավորած պատվիրակությունը հրավիրվել է Էստոնիա

Կենտրոնական բանկը UBPAY հայաստանյան և KWIKPAY արտասահմանյան համակարգերի համագործակցության թույլտվություն է տրամադրել

Վանաձոր-Ստեփանավան ճանապարհին մեքենաներ են բախվել. կա 1 զոհ, 5 վիրավոր

Հայաստանի բասկետբոլի հավաքականը՝ Լոս Անջելեսի միջազգային մրցաշարի հաղթող

Պետք է մեկտեղել ուժերն ընդհանուր գաղափարի շուրջ՝ ունենալու մարդու իրավունքների պաշտպանության ամուր համակարգ․ Մանասյան

Անհրաժեշտ է ՀՀ-Մեքսիկա գործարար նոր կապերի ստեղծման քայլեր ձեռնարկել. նախագահը ընդունել է Սան Լուիս Պոտոսիի նահանգապետին

Առկա է չօգտագործված ներուժ. Գևորգ Պապոյանը Մեքսիկայի պատվիրակությանը ներկայացրել է, թե որ ոլորտներն են հեռանկարային

Դաղստանում իրականացված ահաբեկչության զոհերի թիվը հասել է 20-ի

Արարատ Միրզոյանը հեռախոսազրույց է ունեցել Պաղեստինի Պետության ԱԳ նախարարի հետ

ԳՇ պետն այցելել է ՊՆ կենտրոնական հավաքակայան, զրուցել զորակոչիկների հետ, մաղթել անվտանգ ծառայություն

Մոսկվայի մարզի Ֆրյազինո քաղաքի «Պլատան» գիտահետազոտական ինստիտուտում հրդեհ է. կան զոհեր (տեսանյութ)

Մեկնել է 2024-ի Երևան-Բաթումի-Երևան առաջին գնացքը. ինչ չվացուցակ է գործում, ինչպես ձեռք բերել տոմսեր

«Իմ Քայլը» հիմնադրամում ծրագիր է ամփոփվել. վերապատրաստման դասընթաց անցած 3 զինծառայող համակարգիչ է ստացել (տեսանյութ)

Ոստիկանության մեկ ծառայող ազատվել է աշխատանքից, մյուսին խիստ նկատողություն է տրվել (տեսանյութ)

Հորբատեղ գյուղում սողանք է տեղի ունեցել, ճանապարհը փակվել է

Նախ բռունցքով, հետո մահակով ծանր մարմնական վնասվածք է պատճառել 2 եղբայրների. 1 անձի նկատմամբ քրհետապնդում է հարուցվել

Դաղստանում ահաբեկչությունից հետո եթե Ռուսաստանն օգնություն խնդրի՝ ՀԱՊԿ դաշնակիցներն անտարբեր չեն մնա. Տասմագամբետով

Բարձր կպահեն հայրենիքի ու հայ զինվորի պատիվը. զինծառայության են մեկնել Մարտունիի նորակոչիկները

Հոնկոնգի հատուկ վարչական շրջանի կառավարության հետ համաձայնագիր է ստորագրվել. ինչ է այն նախատեսում

Ավտովթարից հետո տեղի է ունեցել վիճաբանություն. դանակահարված 3 անձ է տեղափոխվել հիվանդանոցներ

Քաղաքական կամքի առկայության դեպքում Հայաստանը և Ադրբեջանը կարող են շատ շուտով ստորագրել խաղաղության համաձայնագիրը. Կլաար

Հայերն այստեղ ապրել են տասնյակ հազարավոր տարիներ. ԱՄՆ դիվանագիտության հատուկ ներկայացուցիչն այցելել է Սյունիք

2 կալանավոր է տեղափոխվել բժշկական կենտրոն. ինչ է տեղի ունեցել հացադուլավորների համար նախատեսված խցում

Զինվորական ծառայության են մեկնել Վանաձոր և Փամբակ համայնքների նորակոչիկները (լուսանկարներ)

Տղամարդը, խաբեությամբ ստանալով էլեկտրոնային դրամապանակների գաղտնաբառերը, 3 քաղաքացուց 2 մլն 500 հազար դրամ է հափշտակել

Կարևորվել է Հայաստան-Բրազիլիա համագործակցության զարգացումը. վարչապետն ընդունել է դեսպան Ֆաբիո Վազ Պիտալուգային

Ռուսաստանի արտաքին գործերի նախարարությունը հայտարարություն է տարածել. ում է մեղադրում Մոսկվան կատարվածում

Արբանյակային պատկերները ցույց են տալիս ԼՂ-ի մշակութային ժառանգության լայնածավալ ոչնչացման աճ. Caucasus Heritage Watch