Արսեն Թորոսյանի ցուցմունքները մտահոգիչ են․ ըստ դրանց՝ եթե եղել է հանցակազմ, ապա նա այդ հանցակազմին օժանդակողն է․ պաշտպան

Երեք մեղադրյալներն իրենց ցուցմունքներում գրել են, որ կատարել են որոշակի չարաշահումներ, եւ այդ ցուցմունքներից հետո որոշվել է ՊՎԾ պետին ներգրավել այս գործընթացում։ Այս մասին այսօր՝ հրավիրված մամուլի ասուլիսի ժամանակ, ասաց ՊՎԾ՝ լիազորությունները կասեցված ղեկավար Դավիթ Սանասարյանի պաշտպան Արսեն Սարդարյանը։

Նա նշեց, որ եթե ՊՎԾ աշխատակիցներից ոմանք թույլ են տվել ենթադրյալ չարաշահումներ, դա դեռ չի նշանակում, որ ՊՎԾ պետը պետք է պատասխանատու լինի կամ նրա գործողություններում լինի հանցակազմ․

«Անձը պետք է տեղյակ լիներ իր աշխատակիցների գործողություններից, միայն այդ դեպքում վերադասը կարող է քրեական պատասխանատվության ենթարկվել։ Որեւէ ցումցունքով չկա նման բան, որ Սանասարյանն այդ երեք անձանց սխեմաներից տեղեկացված է եղել։ Նրանց ցուցմունքներում նշված է եղել, որ իրենք են կազմել ներքին սխեմաները, իսկ Սանասարյանը բացարձակ տեղյակ չի եղել»,- ասաց պաշտպանը՝ նշելով, որ Սանասարյանին վերաբերող միակ բանն այն է, որ գործով մեղադրյալ, ՊՎԾ աշխատակից Սամվել Ադյանն իր ցուցմունքում գրել է, որ աշխատանքի ընդունվելիս Սանասարյանին տեղյակ է պահել իր բիզնեսի մասին։

Սանասարյանի պաշտպանը նշեց նաեւ, որ առողջապահության նախարար Արսեն Թորոսյանն իր ցուցմունքում գրել է, որ 2018 թվականի վերջին հեռախոսազրույց է ունեցել Դավիթ Սանասարյանի հետ, հայտնել, որ հեմոդիալիզի գնման տենդերին մասնակցել է մի ընկերություն, որը կապ ունի ՊՎԾ աշխատակիցների հետ, բայց լավ գնային առաջարկ է ներկայացրել։ Ըստ ցուցմունքի՝ Սանասարյանն իբրեւ պատասխանել է, որ ճշտումներ է արել եւ փաստաթղթային խնդիր չկա։

Պաշտպանի պնդմամբ՝ Սամվել Ադյանի եւ Արսեն Թորոսյանի ցուցմունքները կեղծ են, բայց եթե նույնիսկ այդ ցուցմունքները հիմք ընդունվեն, ապա Սանասարյանի գործողություններում հանցակազմ չկա։ Սարդարյանը պարզաբանեց, որ Սամվել Ադյանը Դավիթ Սանասարյանին հայտնել է, որ ունի բիզնես, Սանասարյանն էլ պատասխանել է, որ իրավաբանական առումով չպիտի այդպիսի բան լինի՝ նկատի ունենալով, որ բիզնեսը պետք է հանձնված լինի հավատարմագրային կառավարմամբ, սակայն Ադյանը հասկացել է, թե կարող է ունենալ բիզնես, միայն փաստաթղթերով դա չերեւա․

«Ադյանն իր ցուցմունքում նույնիսկ գրել է, թե իր մոտ տպավորություն էր, որ Սանասարյանը ոչ միայն տեղյակ է, որ իր ֆիրմայով է մասնակցում մրցույթին, այլ նաեւ վարչապետն է տեղյակ։ Պարոն Ադյանի անմեղության կանխավարկածը հարգում եմ, բայց կարծում եմ՝ ունի ընկալման խնդիր, որովհետեւ ի՞նչ է նշանակում դա. մարդիկ պայքարում են կոռուպցիայի դեմ ու տեղյակ են սրանից, խնդիր չե՞ն տեսնում։ Սամվել Ադյանը գրել է, որ ինքը, պետության շահով քողարկված, ներկայացրել է իր անձնական շահը։ Ի դեպ, Ադյանի ցուցմունքները հակասություններ ունեն մյուս վկաների ցուցմունքների հետ, քանի որ Ադյանը մյուսներին ասել է, թե Սանասարյանն ամեն ինչից տեղյակ է։ Իսկ Սանասարյանը վկայի ներկայությամբ ասել է, որ եթե պարզվի՝ ընկերությունն աշխատակիցների հետ կապ ունի, շատ խիստ պատժվելու են։ Ստացվում է՝ Ադյանն ուրիշ բան է ասել»,- ասաց պաշտպանը։

Ինչ վերաբերում է Արսեն Թորոսյանի ցուցմունքին՝ Արսեն Սարդարյանը ներկայացրեց, որ Սանասարյանի եւ Թորոսյանի ֆեյսբուքյան անձնական նամակագրության մեջ էլ երեւում է, որ իր պաշտպանյալը անհանգստացած է մենաշնորհային եւ բարձր գներով գնումներից, իսկ Թորոսյանն ընդունել է, որ հեմոդիալիզի գնման մրցույթն անցկացվել է օրենքի տառից դուրս, բայց բերել է փաստարկի, որ կա հանրության անդամների առողջության խնդիր, եւ եթե կոնկրետ ֆիրմայի պահանջը չընդունվի, կարող է վնաս լինել առողջությանը։ Սանասարյանն, ըստ պաշտպանի, այլ տարբերակ է առաջարկել։

«Իրավաբանորեն, եթե իրականում հիմք ընդունենք ցուցմունքը, որ դեռ 2018-ին Արսեն Թորոսյանը զանգել է, ասել՝ տենդերին մասնակցած ֆիրմայի հետ կապված խնդիր կա, դրանից հետո համոզվելով, որ փաստաթղթերը նորմալ են, ընթացքավորել է տենդերը: Նշանակում է, որ եթե եղել է հանցակազմ, ապա պարոն Թորոսյանն այդ հանցակազմին օժանդակողն է»,- ասաց Սանասարյանի պաշտպանը՝ հարց հնչեցնելով, թե ինչպես է ստացվում, որ խնդրից տեղյակ Դավիթ Սանասարյանի արարքում հանցակազմ կա, իսկ Արսեն Թորոսյանի գործողություններում՝ չկա․

«Ինչո՞ւ նույն հանգամանքների պայմաններում մեկի նկատմամբ քրեական հետապնդում կա, մյուսի նկատմամբ՝ ոչ»,- ասաց Սարդարյանը՝ նշելով, որ ակնհայտորեն հանցակազմ չկա, ուղղակի մտահոգիչ են Արսեն Թորոսյանի ցուցմունքները։

Հիշեցնենք, որ Դավիթ Սանասարյանի եւ մյուսներին գործն արդեն ուղարկվել է Երեւան քաղաքի ընդհանուր իրավասության դատարան եւ մակագրվել դատավոր Դավիթ Բալայանին: Դավիթ Սանասարյանին մեղադրանք է առաջադրվել այն բանի համար, որ նա, հանդիսանալով ՀՀ պետական վերահսկողական ծառայության ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու և ազատելու, կարգապահական տույժի ենթարկելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ և փաստաթղթեր պահանջելու լիազորություններ, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, ինչպես նաև չի կատարել իր ծառայողական պարտականությունները: Նրա նկատմամբ որպես խափանման միջոց է ընտրվել չհեռանալու մասին ստորագրությունը։

Մեղադրանք է առաջադրված նաեւ ՊՎԾ աշխատակիցներ Գևորգ Խաչատրյանին, Սամվել Ադյանին եւ վերջինիս մտերիմ Տարոն Ավետիսյանին։

Տպել
1271 դիտում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)

Ավագ լեյտենանտ Արմեն Մանասյանը խոցել է թշնամական 8 տանկ, 4 հրամանատարական դիտակետ և կենդանի ուժ․ ճանաչենք մեր հերոսներին

Համանախագահները ԼՂ հարցում առարկայական բանակցությունների կոչ են անում

Ամերիաբանկը 2020թ. Տարվա լավագույն բանկն է. Մրցանակը շնորհվել է «The Banker»-ի կողմից

Վեդիում իրականացվում են շենքի ջերմամեկուսացման և էներգաարդյունավետության բարձրացման աշխատանքներ

Բարեկարգվում է Մաստարա համայնքի մանկապարտեզի բակը, կառուցվում է խաղահրապարակ

Նախագահի հրամանագրով տասը զինծառայողներ հետմահու պարգևատրվել են Մարտական ծառայության մեդալով

Ջավախքում չեն ուզում Նոր տարի անել․ դիմել են հրավառությունն արգելելու ու գլխավոր տոնածառ չդնելու համար

2300 հեկտար նռան այգուց տարածքների կորստի հետեւանքով մնացել է 500-ը. Արցախի գյուղատնտեսության նախարար

Համավարակով պայմանավորված ՀՀ սահմանին մուտքի եւ ելքի սահմանափակումները շարունակում են ուժի մեջ մնալ

Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձև

Ցուցարարները Մաշտոցի պողոտան փակել են կաղամբով եւ դդումով բեռնված սայլակներով

Նախագահն ու ՄԻՊ-ն անդրադարձել են ռազմագերիների ու պատանդների հարցին և նրանց վերադարձի ուղղությամբ ձեռնարկվող քայլերին

Այվազյանն ու Լավրովը կքննարկեն եռակողմ հայտարարության շրջանակներում ձեռք բերված պայմանավորվածությունների իրագործումը

Այս պահին չեմ կարող որոշում կայացնել Հայաստանի հավաքականի օգտին, բայց չգիտեմ՝ վաղն ինչ կլինի․ Տիկնիզյան

Պե՞տք է նշել Նոր տարին, թե՞ չէ․ ինչ կարծիքի են մարդիկ, ինչ է որոշել քաղաքապետարանը