Կոռուպցիոն չարաշահումներ են բացահայտվել Շիրակի մարզի երկու դպրոցներում

Շիրակի մարզի իրավապահ մարմինների կողմից շարունակվում են ակտիվ միջոցներ ձեռնարկվել մարզում գործող ուսումնական հաստատություններում կատարված կոռուպցիոն հացնագործությունների բացահայտման, դրանցում ներգրավված անձանց արարքներին իրավական գնահատականներ տալու ուղղությամբ:

ՀՀ գլխավոր դատախազության հանրային կապերի բաժնից հայտնում են, որ Շիրակի մարզի Գուսանագյուղ համայնքի միջնակարգ դպրոցում 2017-2018թթ. ուսումնական տարում դասերին չհաճախած աշակերտին ավարտական ատեստատ տալու վերաբերյալ տեղեկատվություն պարունակող՝ Ցայգ հեռուստաընկերության ինտերնետային կայքում սեպտեմբերի 12-ին հրապարակված համապատասխան տեսանյութի առթիվ ՀՀ ոստիկանության Շիրակի մարզային վարչության Անիի բաժնում նախապատրաստվել են նյութեր: Դրա ընթացքում փաստական տվյալներ են ձեռք բերվել առ այն, որ Գուսանագյուղի միջնակարգ դպրոց ՊՈԱԿ տնօրենի 2017թ. սեպտեմբերի 6-ի հրամանով մեկ երեխա ընդունվել է դպրոցի 12-րդ դասարան, ով տնօրենի 2018թ. հունիսի 28-ի հրամանով ավարտել և դուրս գրվել սովորողների ցուցակներից: Մինչդեռ, պարզվել է, որ վերջինս ողջ ուսումնական տարվա ընթացքում դասերի չի հաճախել և դասապրոցեսի չի մասնակցել:

Բացի այդ, պարզվել է նաև, որ նշված դպրոցի տնօրենը, դուրս գալով իր լիազորությունների շրջանակներից, նույն դպրոցում որպես ուսուցչուհի աշխատող իր կնոջ հետ միասին 2017-2018թթ. ընթացքում վաճառել է Համաշխարհային բանկի միջոցներով դպրոցին հատկացված սննդամթերքից, ինչով էական վնաս է պատճառվել շահառու աշակերտների և նշված կազմակերպության օրինական շահերին:

Նկատի ունենալով, որ նախապատրաստված նյութերն առերևույթ պարունակել են պաշտոնատար անձանց կողմից պաշտոնեական լիազորությունները չարաշահելու, անցնելու, ինչպես նաև պաշտոնատար անձի կողմից իր պաշտոնեական լիազորությունների անցմանն օժանդակելու, պաշտոնեական կեղծիք կատարելու հանցագործության հատկանիշներ պարունակող տվյալներ՝ ՀՀ Շիրակի մարզի դատախազությունում հարուցվել է քրեական գործ ՀՀ քրեական օրենսգրքի   308-րդ հոդվածի 1-ին մասի, 309-րդ հոդվածի 1-ին մասի, 38-309-րդ հոդվածի 1-ին մասի և 314-րդ հոդվածի 1-ին մասի հատկանիշներով:

Քրեական գործի նախաքննությունը հանձնարարվել է ՀՀ քննչական կոմիտեի Շիրակի մարզային քննչական վարչությանը:

Բացի այդ, Գյումրու թիվ 19 հիմնական դպրոց ՊՈԱԿ-ում առերևույթ կառուպցիոն բնույթի չարաշահումների դեպքի առթիվ Շիրակի մարզի դատախազությունում 29.06.2019թ. հարուցված քրեական գործի նախաքննությամբ ձեռք բերված ապացույցների բավարար համակցությամբ սեպտեմբերի 26-ին վարույթն իրականացնող մարմնի կողմից ՀՀ քրեական օրենսգրքի 179-րդ հոդվածի 3-րդ մասի 1-ին կետով և 314-րդ հոդվածի 1-ին մասով մեղադրանք է առաջադրվել նույն դպրոցի նախկին տնօրեն Ն. Մ.-ին:

Նախաքննությամբ հիմնավորվել է, որ վերջինս իր պաշտոնեական դիրքն օգտագործելով, երկու անձի օժանդակությամբ, 2014-2018թթ. ընթացքում, մեկ միասնական դիտավորությամբ կատարել է դպրոցին հատկացված առանձնապես խոշոր չափերի՝ ընդհանուր 3.1մլն ՀՀ դրամ գումարի վատնում:

Մասնավորապես՝ դպրոցի նախկին տնօրենի հրամաններով նշված անձանցից մեկը 2014թ. և 2016 թվականներին, մինչև 2018թ. դպրոցում գրանցված է եղել որպես հավաքարար, ապա՝ դռնապահ, իսկ մյուսը՝ 2016-2018թթ.՝ որպես հնոցապան: Չնայած այն հանգամանքին, որ  երկուսն էլ աշխատանքի չեն հաճախել, տնօրենը կնիքել և ստորագրել է 2014-2018թթ. աշխատավարձի հիմքերն ու աշխատավարձի վճարման տեղեկագրերը՝ դրանցում կեղծ տեղեկություններ մտցնելով այդ անձանց աշխատանքի հաճախած լինելու վերաբերյալ: Արդյունքում նրանց անունով հաշվարկվել ու որպես աշխատավարձ նրանց է փոխանցվել առանձնապես խոշոր չափերի՝ ընդհանուր 3.1մլն դրամ:

Նույն օրը դպրոցի տնօրենի կողմից պաշտոնեական դիրքն օգտագործելով խոշոր չափերի վատնում կատարելուն օժանդակելու համար մեղադրանք է առաջադրվել նաև նշված անձանցից մեկին:

Նախաքննությունը շարունակվում է:

Տպել
818 դիտում

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)

Ստեղծել ենք տեղաշարժման թերթիկի էլեկտրոնային տարբերակը. Տիգրան Ավինյան

Դեռ շատ դիմակներ կպատռվեն

Լրագրողների մուտքն Արցախ ազատ է, անգամ եթե մեքենայում 3 հոգով են, կանցնեն. Հայկ Մհրյան

Մենք կոչված ենք ծառայություն մատուցել ՀՀ քաղաքացիներին, որի համար երդում ենք տվել. Հայկ Մհրյան

Հեռավար կրթությունը Գյումրու սոցիալապես անապահով ընտանիքներից շատերի համար անհասանելի է

Արևմտահայերենով օնլայն հեքիաթներ՝ Թումանյանի թանգարանից

Մարտի 28-ի ժամը 9:00-ի դրությամբ ՀՀ-ում 96 անձ խախտել է մեկուսացման կամ ինքնամեկուսացման կանոնները (տեսանյութ)

ՀՀ նախագահն ինժեներներին առաջարկել է ստեղծել թոքերի պարզագույն օդափոխիչներ, որոնք կարտադրվեն Հայաստանում

Անցած 7 օրում հակառակորդը հրադադարի պահպանման ռեժիմը խախտել է 150 անգամ

Բարև Ձեզ, Ձեզ Նիկոլն է անհանգստացնում Փաշինյան. վարչապետը շարունակում է հեռախոսազրույցը քաղաքացիների հետ (տեսանյութ)