Սիմֆոնիկը Հրապարակում կկատարի մինչ այդ պահը գոյություն չունեցող երաժշտություն. այն կստեղծի եւ կառաջարկի մեքենան

Հոկտեմբերի 6-ին կայանալիք տեղեկատվական տեխնոլոգիաների WCIT 2019 համաշխարհային համաժողովի շրջանակներում Հայաստան կայցելի ավելի քան 2000 մասնակից 70 երկրից։ Սիմֆոնիկ նվագախումբը Հանրապետության հրապարակում առանց նախապես ծանոթ լինելու ստեղծագործությանն առաջին անգամ իրական ժամանակում կատարելու է արհեստական բանականության ստեղծած երաժշտությունը: Առաջին անգամ նվագախումբը դուրս է գալու բեմ եւ նոր է իմանալու, թե ինչ նվագի, 3-4 րոպեի ընթացքում մեքենան, որն անվանում են արհեստական տաղանդ, կստեղծի հայկական երաժշտություն:

Ստեղծվել է նաեւ WCIT նվագախումբ, որը ձեւավորված է 15 երկրների երաժիշտներից: Նվագախումբը կներկայացնի 15 երկրների երաժշտական պոպուրի, որի ամբողջ ընթացքում Հանրապետության հրապարակի շենքերի վրա կցուցադրվեն երկրները խորհրդանշող պրոյեկցիոն տեսարաններ:

Համերգի վիզուալիզացիան կհամալրվի 3D անիմացիաներով, աննախադեպ լուսային, ձայնային եւ վիզուալ էֆեկտներով: Համերգը անվճար է ու բաց բոլորի համար:

Աննախադեպ WCIT համաշխարհային նվագախմբի ստեղծման գաղափարը Սերգեյ Սմբատյանին է եւ կյանքի է կոչվել WCIT-2019-ի կազմակերպիչների աջակցությամբ։ Սեպտեմբերի 29-ից Հայաստան կժամանեն նաեւ WCIT համաշխարհային նվագախմբի մյուս երաժիշտները:

-Պարո՛ն Սմբատյան, Դուք միշտ ինչ-որ մեգանախագծեր եք ներկայացնում, ինչո՞վ է պայմանավորված:

-Գիտեք, միշտ ինչ-որ գաղափարներ են գալիս: Նպատակն ինչ-որ պրոյեկտներ ու կրեատիվ առաջարկներ անելը չէ, այլ ցույց տալը, թե ինչքան շատ է միտքը: Երաժշտությունն այնքան ֆանտաստիկ արվեստ է, գործիք է, որը կարող է ամեն ինչի հետ աշխատել: Հետաքրքիր է, երբ մեքենային սովորեցնում են մտածել հազարավոր ալգորիթմերի շուրջ, եւ մենք կարողանում ենք հասկանալ, թե ինչ ունակություն ունի բանականությունն առհասարակ: Ինչ-որ անում ենք, փորձում ենք անել լավ, իսկ անում ենք շատ բան, այսինքն՝ կարծում եմ, որ բավականին լավ բան ենք անելու: Ինտելեկտ եւ տաղանդ բառերն էլ բոլորս տարբեր կերպ ենք հասկանում: Դրանք իմաստներ են, որոնք ալգորիթմիկ լեզվով շատ էական ու մեծ տարբերություններ ունեն: Այսօր մենք արհեստական բանականության կոդավորված ձեւն ենք գտել, այն ձեւաչափը, որը գրում է հայկական երաժտություն: Սա շատ հետաքրքիր է եւ առաջին անգամ է լինելու աշխարհում:

-Ի՞նչ արձագանքի եք սպասում: Արդյո՞ք ակնկալում եք, որ նորարարական այս մեթոդը կզարգացնեն նաեւ այլ երկրներում:

-Մենք մեր կոմունիկացիայի մեջ միշտ օգտագործում ենք դրսում՝ արտասահմանում ընդունված հասկացությունները, բայց պետք է մի բան հասկանանք՝ շատ տարբեր պարունակություններ ունեցող բառեր են Հայաստանից դուրս, միջազգային ասպարեզ եւ ընդհանրապես արտասահման ասվածները: Պետք է մի բան ֆիքսել, որ Հայաստանում այսօր տեղի է ունենալու մի պրոյեկտ, որի նպատակը ոչ թե միջազգային դաշտում ամենահաջող լինելն է, այլ մենք ունենք ասելիք, որին փորձում ենք հասնել այդ պրոյեկտի միջոցով: Հայաստանում միշտ մասնակցել ենք մեգամասշտաբային ծրագրերի, բայց դրանք եղել են ինչ-որ կարեւոր օրերի՝ պատմական, քաղաքական եւ այլն: Առաջին անգամ է, որ WCIT-ը հայացք դեպի առաջ տեսլականով է շարժվելու: Ցույց ենք տալու, թե տեխնոլոգիաներն ինչպես կարող են փոխել մեր կյանքը: Այսօր Հայաստանում այսպիսի մի ծրագիր է արվում, որով ցույց ենք տալիս՝ արվեստում եւս կա ասելիք, որը կարող է մտածելակերպ փոխել: Կան մարդիկ, որոնք անգամ արհեստական բանականության «տաղանդը» չունեն եւ կան մարդիկ, որոնք փոխում են աշխարհը: Հայաստանում բոլորը գիտեն, թե ինչ ասեն, որ մարդկանց դուր գա, ինչ մեսիջներ ուղարկեն: Մեր պատմության մեջ միշտ ասում ենք, որ հայերը շատ են հարգել կրթությունն ու մշակույթը: Հայաստանը կրթության ու մշակույթի երկիր է, մենք այդ երկու էլեմենտը WCIT-ի պլատֆորմի վրա առաջարկում ենք մարդկանց: Տեղեկատվական տեխնոլոգիաների ոլորտի ամենահեղինակավոր իրադարձությամբ Հայաստանը կներկայանա մեգանախագծով, աննախադեպ նորարարությամբ՝ ՏՏ համայնքի առանցքային գործիչներին ցույց տալով, որ նոր գաղափարներ գեներացնող երկիր է:

-Ինչ եք կարծում՝ նոր ստեղծված այս պրոդուկտը դուր գալո՞ւ է Հրապարակի հանդիսատեսին։

-Չեմ կարծում, որ դուր է գալու: Եթե պատկերացնենք, որ դա գրել է մեքենան, դա երեւույթ է: Էմոցիոնալ դաշտում, եթե խոսենք դուր գալուց, թե ինչ է դուր գալիս մեր հասարակությանը, շատ երկար թեմա կլինի: Իմ ամենացավոտ թեման է, թե մեր զանգվածին ինչն է գրավում ու ինչ են շատերը լսում: Բայց եթե պատկերացնենք, որ արհեստական բանականության լայն հասկացության մեջ մենք կարողանում ենք ստեղծել մի բան, որը փոխում է մարդկանց մոտեցումը դեպի արհեստական բանականության ալգորիթմիկ աշխարհ, կարծում եմ՝ ինտելեկտուալ իմաստով մարդը պետք է իրեն մի քիչ ծանրաբեռնի, որ պատկերացնի. սա մի թեմա է, որը պետք է շատ հարգել: Այսպես ասեմ՝ այն մարդիկ, որոնք թեմայից հասկանում են, այդ օրը գալու են Հայաստան, որպեսզի ներկա լինեն:

Տպել
925 դիտում

Արմավիրի մարզպետը շնորհավորել է եզդիական համայնքին Սուրբ Խըդըր Նաբիի տոնի առթիվ

Իրանի խորհրդարանական ընտրությունները նշմարում են Ռոհանիի իշխանության ավարտը. իշխող ուժի շանսերը փոքր են

Վթար Կապանում. «Հունդայի Սանտաֆե»-ի 46-ամյա ուղևորը մահացել է

Արարատի ծննդօգնության ծառայություններ մատուցող բժշկական հաստատություններում հունվար ամսին ծնվել է 53 տղա եւ 71 աղջիկ

Քաղաքապետարանում տեղյակ չեն, թե Երեւանին նվիրաբերված սեքվոյա հսկա ծառի սերմերը որտեղ են պահվում

Նախագահական նստավայրում կայացել է ռուսական ռոմանսի երեկո՝ նվիրված Մեծ հաղթանակի 75-ամյակին

Նախ ասել են՝ երեխաս աղիքային խնդիր ունի, հետո՝ իբր մահացել է. տարիներ առաջ ծննդաբերած կինը փնտրում է իր աղջկան

Երևան-Սևան ավտոճանապարհին մեքենան բախվել է երկաթե արգելապատնեշներին. 37-ամյա վարորդը մահացել է

Դիլիջանի «Շլորկուտ» հանդամասում 5000 քմ խոտածածկույթ է այրվել. ԱԻՆ

Նոր Նորք վարչական շրջանում ոստիկանության ուժեղացված ծառայություն է իրականացվել

Ոստիկանությունը իդեալականին մոտ ցուցակներ է խոստանում. այս անգամ կհամագործակցեն նաեւ թաղման բյուրոների հետ

Ամփոփվել են Երեւանի 2019թ. բյուջեի եւ զարգացման ծրագրի հաշվետվությունների վերաբերյալ առաջարկներն ու դիտողությունները

Իրանում կորոնավիրուսը հասել է արդեն Թեհրան. երկրում 18 հաստատված դեպք կա

Սահմանադրական փոփոխությունների հանրաքվեի քարոզարշավը Շիրակի մարզ դեռ չի հասել. Արամ Անտոնյան

Հայկ Մարությանն ընդունել է Հայաստանում Վրաստանի դեսպան Գիորգի Սագանելիձեին

Թուրքիայի, Գերմանիայի, Ֆրանսիայի եւ Ռուսաստանի առաջնորդները Իդլիբի հարցով հանդիպում կունենան

Նիկոլ Փաշինյանը ցավակցական հեռագիր է հղել Անգելա Մերկելին՝ Հանաու քաղաքում տեղի ունեցած ողբերգության կապակցությամբ

Կոռուպցիոն բնույթի հանցագործություն է բացահայտվել. պետությանը պատճառվել է առանձնապես խոշոր չափերի՝ 34․723․560 դրամի վնաս

«Այո»-ի նախընտրական շտաբը դրամահավաք կկազմակերպի փետրվարի 25-ին՝ «Դվին» հյուրանոցում. Էդուարդ Աղաջանյան

Միջազգային փորձագետների մասնակցությամբ քննարկվել է ՏԻՄ ընտրությունների վերաբերյալ օրենսդրական փոփոխությունների փաթեթը