ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

20/09/2019 schedule22:37

Սեպտեմբերի 20-ին փոխվարչապետ Տիգրան Ավինյանը մասնակցել է «ԵՄ-Հայաստան ՓՄՁ ֆոնդ»-ի մեկնարկին նվիրված արարողությանը: Այս մասին հայտնում են փոխվարչապետի գրասենյակից:

Իր ողջույնի խոսքում փոխվարչապետը ասել է.

«Մեծարգո՛ պարոն վարչապետ,

Տիկի՛ն Մատերնովա,

Հարգարժա՛ն հյուրեր,

Տիկնա՛յք և պարոնա՛յք,

Ուրախ եմ ողջունել ձեզ Եվրամիության, Վերակառուցման և Զարգացման Եվրոպական Բանկի և «Ամբեր կապիտալ» ընկերության համատեղ նախաձեռնության հանդիսավոր մեկնարկի արարողությանը։

Հայաստանի համար բեկումնային  և հիմնարար փոփոխությունների այս ժամանակահատվածում նորաստեղծ «ԵՄ-Հայաստան Փոքր և միջին ձեռնարկությունների ֆոնդ»-ն իր զգալի նպաստը կբերի տնտեսության առաջանցիկ զարգացմանը։

Նախորդ տարի տեղի ունեցած թավշյա հեղափոխությունը լավագույն առիթն էր վերագնահատելու այն հնարարավորությունները, որ ստեղծարար քաղաքացին ունի՝ առավել ակտիվ տնտեսական վարքագիծ ցուցաբերելու համար։

Շատերը մրցակցության բացառիկ հնարավորությունների,  շուկայի ազատ մուտքի պայմաններում սկսեցին դիտարկել ձեռնարկատիրական գործունեությամբ զբաղվելու հեռանկարը։ Նոր իրողությունները սեփական մտքերը, վաղուց խնամքով պահած գաղափարները և բիզնես նախաձեռնությունները կյանքի կոչելու հնարավորություն են։ Այսօր արդեն իսկ ականատեսն ենք լինում մի շարք նոր ձեռնարկատիրական գաղափարների, որոնք փնտրում են համապատասխան հնարավորություններ և հարթակներ՝ կյանքի կոչվելու համար։ Այս հանգամանքով է նաև պայմանավորված տվյալ նախաձեռնության արդիականությունը։

Հարգելի՛ ներկաներ,

Հայաստանի կառավարությունը որդեգրել է նորարարական և ներառական տնտեսություն կառուցելու ուղին, ինչի համար հատկապես կարևոր է փոքր և միջին ձեռնարկատիրության զարգացումը։ Ժամանակակից աշխարհում այն ազգային տնտեսությունների վերակառուցման և զարգացման գլխավոր նախադրյալներից մեկն է: ՓՄՁ-ն խթանում է մասնավոր սեփականությունը և ձեռնարկատիրական հմտությունները, ճկուն է փոփոխվող շուկայական տնտեսության պայմաններում, օգնում է բազմազանեցնել տնտեսական գործունեությունը և կարող է էական ներդրում ունենալ միջազգային առևտրի, արտահանման խթանման և իհարկե, նոր աշխատատեղերի ստեղծման գործում: Արդյունքում, ապահովվում է տնտեսության կայուն, ներառական աճ։

Մեր ուսումնասիրությունները վկայում են, որ ՓՄՁ զարգացման հարցում առանցքային կարևորություն ունի կապիտալի հասանելիությունը։ Միաժամանակ ակնհայտ է, որ միայն ֆինանսական ռեսուրսների հասանելիությունը բավարար նախապայման չէ ՓՄՁ սուբյեկտների զարգացման, կայացման և խոշոր ընկերություներ դառնալու համար։

Ընկերություններում կորպորատիվ կառավարման լավագույն փորձի ներդրում, թափանցիկության բարձրացում, ընկերությունների արտադրական և մատակարարման շղթաների կառավարման բարելավում, ֆինանսական ներդրումներ շուկայի աճող պահանջարկին համապատասխանելու և նոր շուկաներ մուտք ապահովելու համար․ ահա սրանք են այն անհրաժեշտ նախապայմանները, որ ընկերությունների համար  կապահովեն կայուն զարգացում, ահա սրանով է առանձնահատուկ նորաստեղծ ֆոնդը։

Հարգելի՛ գործընկերներ,

Ցանկանում եմ շնորհակալություն հայտնել մեր եվրոպական գործընկերներին տարիներ ի վեր Հայաստանի ՓՄՁ ոլորտին տարբեր գործիքակազմերով և ձևաչափերով աջակցություն ցուցաբերելու համար։

Մեզ բոլորիս համար կարևոր այս նախաձեռնությանը մաղթում եմ հաջող ընթացք և բեղմնավոր գործունեություն։

Շնորհակալություն»։

Տպել
424 դիտում

Ինձ համար էլ էր նորություն թայֆայաբազության եւ կոռումպացվածության մասին Սարհատ Պետրոսյանի հայտարարությունը․ Ավինյան

Հակակոռուպցիոն բարեփոխումների փաթեթ. Լիբանանի վարչապետը համաձայնել է մասնակիորեն կատարել ցուցարարների պահանջները

Տպավորություն է, որ այս բոլոր պրոցեսներում մոռանում ենք, թե անցյալում ինչ է տեղի ունեցել ՍԴ-ում․ Տիգրան Ավինյան

Կադաստրը միայն գրանցող մարմին չէ, ես չեմ եկել որպես գրանցող մարմնի ղեկավար. Սարհատ Պետրոսյանը հեռանում է

Նիկոլ Փաշինյանը պատասխանում է աշակերտի հարցերին. Երեւանում անցկացվում է կրթական համաժողով

Հայաստանի երկու օդանավակայաններում ուղևորահոսքն աճել է 16.5 տոկոսով

«Nouvelles d’Arménie»-ի դեմ հարձակումը պայմանավորված է խմբագրի գործունեությամբ. ամսագրի հայաստանյան թղթակից

Կան մի շարք բացահայտված հանգամանքներ․ ՔԿ նախագահը՝ Վանեցյանի եւ Խաչատրյանի գաղտնալսման վերաբերյալ գործի մասին

Թղթային արխիվներն անցյալ կդառնան. Սարհատ Պետրոսյանը «Թայեքս»-ի հետ քննարկել է համագործակցության հեռանկարները

Ամուլսարի գործով քննչական խմբի նախկին ղեկավար Յուրա Իվանյանի մասով ծառայողական քննությունն ավարտվել է․ ՔԿ նախագահ

ՀՖՖ-ն դեռ հավաքականի գլխավոր մարզչի թեկնածու չունի, իսկ Եվրո 2020-ի մյուս խաղին մնացել է 1 ամսից քիչ

Սեյրան Օհանյանը մի քանի օրով մեկնել է Գերմանիա՝ բուժման նպատակով

ՀՔԾ-ն ղեկավարվում է միայն օրենքով եւ քաղաքական հրահանգներ ոչ ստանում է, ոչ էլ ստանալու դեպքում կկատարի․ Սասուն Խաչատրյան

Ի՞նչ նոր կարգավորումներ են նախատեսվում ՀՀ-ում ինտերնետ ծառայություններ մատուցողների համար. պարզաբանում

Երբ նպատակահարմար գտնեն ինձ ազատել, այն ժամանակ կխոսենք. ՔԿ նախագահ Հայկ Գրիգորյան

Հայաստանյան երգչախումբն առաջին անգամ հանդես է եկել ՅՈՒՆԵՍԿՕ-ի Փարիզի կենտրոնակայանի սրահում

Գեւորգ Կոստանյանը խոստացել է եկող ամսվա սկզբին ներկայանալ ՀՔԾ. Սասուն Խաչատրյան

Պետական գնումների գործընթացին մասնակցողների իրավունքները կլինեն ավելի պաշտպանված․ ՄԻՊ-ի առաջարկներն ընդունվել են

Մեզ բավարարեց ՆԱՏՕ-ի գլխավոր քարտուղարի պատասխանը, որ ԼՂ հակամարտությունը ռազմական լուծում չունի․ Անդրանիկ Քոչարյան

Ժողովուրդ ջան, մինչև ամսվա վերջը ցրտեր չունենք, դրա մասին անգամ չհիշեք. Գագիկ Սուրենյան