Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Հանրային հեռուստառադիոընկերության Խորհուրդը՝ խորհրդի նախագահ Արա Շիրինյանի անունից հրապարակել է Լոս Անջելեսում գործող ARTN հեռուստաընկերության նախագահ և սեփականատեր Ռոբերտ Օղլաղչյանի կողմից Հանրային հեռուստաընկերությանը ներկայացված մեղադրանքներին պատասխան: Պարզաբանման մեջ, մասնավորապես, նշվում է.

Հանրային հեռուստաընկերության Առաջին ալիքը Ամերիկայի Միացյալ Նահանգների տարածքում վերահեռարձակվում է «ՊանԱրմ ինք» ընկերության միջոցով։ Վերահեռարձակման իրավունքի տրամադրումը ոլորտը կարգավորող իրավական ակտերով մրցույթ անցկացնելու պահանջ չի նախատեսում, հետևաբար Հանրային հեռուստաընկերությունն ունի իր հայեցողությամբ վերահեռարձակող ընտրելու իրավունք։
Այդուհանդերձ, 2019 թ․հունիսին Խորհրդի նախագահը մամուլում բազմիցս հայտնել է ԱՄՆ-ում Առաջին ալիքի վերահեռարձակման նոր պայմանագիր կնքելու ցանկության մասին։ Դրանից հետո երեք ամիսների ընթացքում Հանրային հեռուստաընկերությունը չի ստացել ոչ մի առաջարկ ARTN կամ որևէ այլ ընկերությունից։ Խորհուրդը զուգահեռաբար անցկացրել է մասնավոր հարցումներ և հեռակա ուսումնասիրություն Լոս Անջելեսում հնարավոր գործընկեր գտնելու նպատակով, բայց համոզվել է, որ տեղի հայկական հեռուստաշուկայում տիրող անառողջ մրցակցությունը լայն ընտրության հնարավորություն չի տալիս։
Հաշվի առնելով այն հանգամանքը, որ «ՊանԱրմ ինք» ընկերությունը․
- 2014-2019 թթ․կատարել է Վերահեռարձակման իրավունքի տրամադրման պայմանագրով ստանձնած պարտավորությունները,
- ամերիկյան Spectrum ընկերության հետ համագործակցության արդյունքում մեծացրել է հեռարձակման գոտին՝ Առաջին ալիքն ավելի հասանելի դարձնելով ԱՄՆ հայ հեռուստադիտողին,
- 2014 թվականից Հարավային Կալիֆորնիայի հայ հեռուստադիտողների համար Առաջին ալիքը հասանելի է դարձրել անվճար հիմունքներով,
- Հանրային հեռուստաընկերության պահանջով ընդունել է գովազդի տևողության սահմանափակումները, վերահեռարձակման տեխնիկական նոր պահանջները և պայմանները,
- բարձրացրել է Վերահեռարձակման իրավունքի տրամադրման դիմաց վճարվող գինը տարեկան 30․000 ԱՄՆ դոլարից մինչև 48․000 դոլար՝
Հանրային հեռուստառադիոընկերության Խորհուրդը համաձայնություն է տվել հեռուստաընկերության Գործադիր տնօրենին «ՊանԱրմ ինք» ընկերության հետ ևս 5 տարի ժամկետով վերակնքելու Վերահեռարձակման իրավունքի տրամադրման պայմանագիրը։
Հարկ է նշել նաև, որ վերահեռարձակման իրավունք ստացած ընկերությունը, բացի տարեկան 48․000 դոլար վճարից, հոգում է Պայմանագրից բխող ծառայության մատուցման բոլոր ծախսերը, այն է՝ ամերիկյան կաբելային ընկերությունների և վերգետնյա հեռարձակողների միջոցով Առաջին ալիքի հաղորդումների տարածումը, իր աշխատողների վարձատրությունը և այլն։ Այդ ծախսերը, որոնք մի քանի անգամ գերազանցում են վերահեռարձակման իրավունքի (լիցենզիայի) համար վճարվող գումարը, «Պան Արմ ինք» ընկերությունը փոխհատուցում է Առաջին ալիքի ծրագրում գովազդ տեղադրելով և կրում է բոլոր ռիսկերը դրանք չփոխհատուցելու պարագայում, ինչը աշխարհում ընդունված պրակտիկա է։
Եւ չնայած վերոնշյալ հանգամանքներին՝ հաշվի առնելով հայ հանրության արդեն բորբոքված սպասելիքները՝ Հանրային հեռուստառադիոընկերության Խորհուրդը ընդունում է պարոն Օղլաղչյանի ժամկետանց առաջարկը և պատրաստ է կնքել վերահեռարձակման պայմանագիրը ARTN հեռուստաընկերության հետ 2019 թ. նոյեմբերի 1-ից՝ նույն պայմաններով, ինչ «ՊանԱրմ ինք» ընկերության հետ՝ փոփոխելով միայն լիցենզիայի համար նախատեսված վճարի չափը՝ բարձրացնելով այն տարեկան 48.000-ից մինչև 1 մլն դոլար, ինչը 5 տարվա համար կազմում է 5 մլն դոլար, ինչպես և խոստացել է պարոն Օղլաղչյանը:
Հասկանալով առաջարկի բիզնես ռիսկերը՝ Հանրային հեռուստաընկերությունը բանակցելու է «ՊանԱրմ ինք» ընկերության հետ պայմանագրի հնարավոր չեղարկման հետևանքների շուրջ: Ուստիև սպասում ենք Ռոբերտ Օղլաղչյանի գրավոր արձագանքին:
Պարոն Օղլաղչյանը ասուլիսում նշում էր նաև «Գլոբքաստ» ընկերության անունը, որն իբրև թե 2013 թվականից փակվել է և այլևս գոյություն չունի, բայց որի հետ կնքված պայմանագրով Հանրայինն իրականացնում է իր արբանյակային հեռարձակումը։ Այս պնդումը չի համապատասխանում իրականությանը։ Գլոբքաստ Ֆրանս ընկերությունը շարունակում է գործել և այսօր էլ ապահովում է Հանրայինի արբանյակային սփռումը։ 2015 թվականին տեխնիկական որակի բարելավման և ֆինանսական տնտեսման նպատակով Հանրայինը փոփոխել է իր արբանյակային հեռարձակման սխեման և Գլոբքաստ ընկերության հետ կնքված պայմանագրում կատարվել է փոփոխություն․ վերջինս Առաջին ալիքի հաղորդումները Հյուսիսային Ամերիկայում սկսել է հեռարձակել Galaxy 19 արբանյակով:
Անհրաժեշտության դեպքում, որպես «կոռուպցիոն բացահայտման» հերքում, կարող ենք ներկայացնել «Գլոբքաստ Ֆրանս» ընկերության հետ Հանրայինի համագործակցությունը հավաստող նամակը ֆրանսիական ընկերությունից՝ ստորագրված 2019 թ.փետրվարին։
Հանրային հեռուստաընկերության շուրջ հասարակական հետաքրքրությունը և թափանցիկության պահանջները հասկանալի են և ողջունելի։ Սակայն այդ պահանջները պետք է հիմնված լինեն առողջ փաստարկների, այլ ոչ թե մանիպուլյատիվ հայտարարությունների վրա:
Հանրային հեռուստառադիոընկերության խորհրդի նախագահ՝
Արա Շիրինյան
Տպել
1749 դիտում

Ինձ համար էլ էր նորություն թայֆայաբազության եւ կոռումպացվածության մասին Սարհատ Պետրոսյանի հայտարարությունը․ Ավինյան

Հակակոռուպցիոն բարեփոխումների փաթեթ. Լիբանանի վարչապետը համաձայնել է մասնակիորեն կատարել ցուցարարների պահանջները

Տպավորություն է, որ այս բոլոր պրոցեսներում մոռանում ենք, թե անցյալում ինչ է տեղի ունեցել ՍԴ-ում․ Տիգրան Ավինյան

Կադաստրը միայն գրանցող մարմին չէ, ես չեմ եկել որպես գրանցող մարմնի ղեկավար. Սարհատ Պետրոսյանը հեռանում է

Նիկոլ Փաշինյանը պատասխանում է աշակերտի հարցերին. Երեւանում անցկացվում է կրթական համաժողով

Հայաստանի երկու օդանավակայաններում ուղևորահոսքն աճել է 16.5 տոկոսով

«Nouvelles d’Arménie»-ի դեմ հարձակումը պայմանավորված է խմբագրի գործունեությամբ. ամսագրի հայաստանյան թղթակից

Կան մի շարք բացահայտված հանգամանքներ․ ՔԿ նախագահը՝ Վանեցյանի եւ Խաչատրյանի գաղտնալսման վերաբերյալ գործի մասին

Թղթային արխիվներն անցյալ կդառնան. Սարհատ Պետրոսյանը «Թայեքս»-ի հետ քննարկել է համագործակցության հեռանկարները

Ամուլսարի գործով քննչական խմբի նախկին ղեկավար Յուրա Իվանյանի մասով ծառայողական քննությունն ավարտվել է․ ՔԿ նախագահ

ՀՖՖ-ն դեռ հավաքականի գլխավոր մարզչի թեկնածու չունի, իսկ Եվրո 2020-ի մյուս խաղին մնացել է 1 ամսից քիչ

Սեյրան Օհանյանը մի քանի օրով մեկնել է Գերմանիա՝ բուժման նպատակով

ՀՔԾ-ն ղեկավարվում է միայն օրենքով եւ քաղաքական հրահանգներ ոչ ստանում է, ոչ էլ ստանալու դեպքում կկատարի․ Սասուն Խաչատրյան

Ի՞նչ նոր կարգավորումներ են նախատեսվում ՀՀ-ում ինտերնետ ծառայություններ մատուցողների համար. պարզաբանում

Երբ նպատակահարմար գտնեն ինձ ազատել, այն ժամանակ կխոսենք. ՔԿ նախագահ Հայկ Գրիգորյան

Հայաստանյան երգչախումբն առաջին անգամ հանդես է եկել ՅՈՒՆԵՍԿՕ-ի Փարիզի կենտրոնակայանի սրահում

Գեւորգ Կոստանյանը խոստացել է եկող ամսվա սկզբին ներկայանալ ՀՔԾ. Սասուն Խաչատրյան

Պետական գնումների գործընթացին մասնակցողների իրավունքները կլինեն ավելի պաշտպանված․ ՄԻՊ-ի առաջարկներն ընդունվել են

Մեզ բավարարեց ՆԱՏՕ-ի գլխավոր քարտուղարի պատասխանը, որ ԼՂ հակամարտությունը ռազմական լուծում չունի․ Անդրանիկ Քոչարյան

Ժողովուրդ ջան, մինչև ամսվա վերջը ցրտեր չունենք, դրա մասին անգամ չհիշեք. Գագիկ Սուրենյան