Լրանում է Օպերային թատրոնի տնօրենի ԺՊ-ի պաշտոնավարման ժամկետը. ինչու ԿԳՄՍ-ն դեռ չի կողմնորոշվել

Հոկտեմբերի 2-ին լրանում է Երեւանի Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի տնօրենի ԺՊ Կարինե Կիրակոսյանի պաշտոնավարման ժամկետը: Մինչեւ օրս հայտնի չէ տնօրենի մրցույթի օրը: Կարինե Կիրակոսյանն Օպերային թատրոնի նախկին փոխտնօրենն է, տնօրենի ԺՊ է ապրիլի 1-ից: ՀԺ-ի հետ զրույցում Կիրակոսյանը հայտնեց, որ մրցույթի օրվա մասին տեղեկություն չունի: Նրան հայտնի չէ նաեւ, թե թատրոնի ներսում կա՞ որեւէ մեկը, որը ցանկանում է զբաղեցնել տնօրենի պաշտոնը:

ՀՀ կրթության, գիտության, մշակույթի եւ սպորտի նախարարությունից էլ ՀԺ-ին հայտնեցին, որ տնօրենի մրցույթի կայացման օրն իրենք էլ չգիտեն: Մոտ երկու ամիս է՝ նախարարությունում ՊՈԱԿ-ների տնօրենների թափուր պաշտոնը զբաղեցնելու համար մրցույթ անցկացնելու նոր՝ միասնական կարգ է մշակվում: Մեզ այդպես էլ չհաջողվեց պարզել, թե մշակվող նոր կարգը երբ պատրաստ կլինի:

Օպերային թատրոնի նախկին տնօրեն Կոնստանտին Օրբելյանին աշխատանքից ազատելու հրամանը ստորագրել էր մշակույթի նախկին փոխնախարար Նազենի Ղարիբյանը՝ պատճառաբանելով, որ նա թատրոնում զբաղեցնում է միաժամանակ երկու՝ գեղարվեստական ղեկավարի եւ տնօրենի պաշտոները: Ըստ «Պետական ոչ առեւտրային կազմակերպությունների մասին» ՀՀ օրենքի 15-րդ հոդվածի 3-րդ մասի պահանջի, «Պետական կազմակերպության գործադիր մարմնի պաշտոնում նշանակված անձը չի կարող զբաղեցնել այլ պաշտոն կամ կատարել վճարովի այլ աշխատանք, բացի գիտական, մանկավարժական եւ ստեղծագործական աշխատանքից, իսկ գեղարվեստական ղեկավարի պաշտոնը չի համարվում այդպիսին, ուստի Օրբելյանը չի կարող միաժամանակ զբաղեցնել թատրոնի տնօրենի եւ գեղղեկավարի պաշտոնը:

Ղարիբյանի այս որոշումը ամիսներ առաջ թատրոնի անձնակազմը անհիմն էր համարել եւ ՀՀ վարչապետ Նիկոլ Փաշինյանին էր ներկայացրել Ղարիբյանի՝ Օրբելյանին ազատելու համար հիմք ընդունած 10 կետից բաղկացած փաստարկների հակափաստարկները: Երկու ամիս պատասխան չստանալուց հետո Օրբելյանը դիմել էր դատարան:

Հուլիսի 24-ից Երեւան քաղաքի ընդհանուր իրավասության դատարանում մեկնարկել է Կոնստանտին Օրբելյանի հայցն ընդդեմ ՀՀ կրթության, գիտության, մշակույթի եւ սպորտի նախարարության գործով նիստը: Ի դեպ սույն գործով հաջորդ դատական նիստը տեղի կունենա հոկտեմբերի 2-ին, այն օրը, երբ լրանում է տնօրենի ԺՊ-ի պաշտոնավարման ժամկետը:

Տպել
1158 դիտում

Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը

ՀՀ-ում տրվել է դպրոցական աստղագիտական դասախոսությունների 2020թ. ծրագրի մեկնարկը

Անհետ կորած զինծառայողների և մահացածների մարմինները հարազատներին փոխանցելու հարցը գտնվում է ՌԴ ուշադրության կենտրոնում

Դաշտ և Կոբավան համայնքներում ձեռք է բերվել սուբվենցիոն ծրագրով հաստատված անհրաժեշտ գյուղտեխնիկան

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)

Ինչպես է ազդել կորոնավիրուսն ու պատերազմը անշարժ գույքի շուկայի վրա. պատասխանում է կադաստրի կոմիտեի ղեկավարը

Անիեր-Սյուր-Սենի քաղաքային խորհուրդն Արցախի Հանրապետության ճանաչման մասին բանաձև է ընդունել

Լավրովը խոսել է Ղարաբաղյան հակամարտության գերիների ու զոհերի փոխանակման գործընթացի, ՀԱՊԿ նիստի որոշումների մասին

Սյունիքի մարզից որեւէ գյուղ հանձնելու հարց չի քննարկվում. Սյունիքի մարզպետարան

Քարամշակման արտադրամասն օգտագործում է մակերևույթային ջուր՝ չունենալով ջրօգտագործման թույլտվություն․ ԲԸՏՄ ստուգումները

ՀՀ ՏԿԵ նախարարության մասնագետները Շիրակի մարզում ուսումնասիրել են ընթացող փողոցաշինական աշխատանքները, կատարել նմուշառում

Երևանում 28-ամյա տաքսու վարորդը դանակահարել է33-ամյա մի տղամարդու (տեսանյութ)

ԱՀ կառավարությունը կփոխհատուցի Արցախի բնակիչների 2020 թվականի դեկտեմբերի և 2021 թվականի բոլոր ամիսների կոմունալ ծախսերը

Արթուր Դավթյանն ընդունել է Հայաստանում Իրանի արտակարգ և լիազոր դեսպան Աբբաս Բադախշան Զոհուրիին

Ստուգայց է իրականացվել Վայոց ձորի ոստիկանական բաժանմունքներում և համայնքապետարաններում. ԱԱՏՄ

Հրապարակվել է 2021/2022 ուսումնական տարվա մասնագիտությունների և ընդունելության քննությունների ցանկը