Բարձր վարկանիշ ունի, վայելում է բոլորի սերը. սցենարիստը՝ տուգանված «Արմենիա Թի-Վի»-ի եւ իր հեռուստասերիալի մասին

Հեռուստատեսության եւ ռադիոյի հանձնաժողովը որոշում է կայացրել տուգանել «Արմենիա Թի-Վի» հեռուստաընկերությանը՝ սահմանված նվազագույն աշխատավարձի 500-ապատակի չափով: «Արմենիա Թի-Վի» ընկերության նկատմամբ վարչական տույժ կիրառելու պատճառը եթերում հեռարձակվող «Անհասցե ծնվածները» հեռուստասերիալի ընթացքում ցուցադրված ակնհայտ բռնության, կտտանքների ենթարկելու, ֆիզիկական եւ հոգեւոր ցավ պատճառելու տեսարաններն են:

Նման տեսարանների ցուցադրումն արգելված է «Հեռուստատեսության եւ ռադիոյի մասին» ՀՀ օրենքի 22-րդ հոդվածի 2-րդ կետով։ Հեռուստատեսության եւ ռադիոյի հանձնաժողովը օգոստոս ամսից քննարկման էր դրել տեւական ժամանակ քննադատության կենտրոնում հայտնված «Արմենիա» հեռուստաալիքով եթեր հեռարձակվող «Անհասցե ծնվածները» հեռուստասերիալը:

Ավելի վաղ ՀՌՀ նախագահ Տիգրան Հակոբյանը ՀԺ-ի հետ զրույցում հայտնել էր, որ խնդիրը բավականին բարդ է, որովհետեւ գեղարվեստական իմաստ ունեցող այդպիսի պատկերները գռեհկաբանությունից տարանջատելու համար շատ դժվար է իրավականորեն գնահատական տալը: Հակոբյանը հայտնել էր, որ աշխատում են «Արմենիա» հեռուստաընկերության տնօրինության հետ:

Ուստի հանձնաժողովը վարչական վարույթի շրջանակներում ուսումնասիրել է հեռուստաընկերության կողմից ներկայացրած տվյալները, նիստի ընթացքում լսել է նաեւ «Արմենիա Թի-Վի»-ի ներկայացուցիչների բանավոր պարզաբանումները եւ միաձայն որոշում կայացրել ընկերության նկատմամբ կիրառել «Հեռուստատեսության եւ ռադիոյի մասին» ՀՀ օրենքի 60-րդ հոդվածի 15-րդ մասով սահմանված տույժը` տուգանել սահմանված նվազագույն աշխատավարձի հինգհարյուրապատիկի չափով: Նշված հոդվածը սահմանում է, որ էրոտիկ բնույթի հեռուստառադիոհաղորդումները եւ սարսափ ու ակնհայտ բռնություն պարունակող ֆիլմերի հեռարձակումը առաջացնում է տուգանք:

Հանձնաժողովը 2019 թվականի օգոստոսի 14-ի որոշմամբ սահմանել է «էրոտիկ բնույթի, սարսափ եւ ակնհայտ բռնություն պարունակող հեռուստառադիոհաղորդումների, այլ տեսաձայնաշարային նյութերի որոշման չափորոշինչները: Սույն որոշումն ուժի մեջ կմտնի այն «ԱՐՄԵՆԻԱ ԹԻ-ՎԻ» ՓԲ ընկերությանը պատշաճ ձեւով հանձնելու օրվան հաջորդող օրվանից:

«Արմենիա Թի-Վի»-ից «Հայկական ժամանակ»-ին հայտնեցին, որ որոշումը դեռ չեն ստացել: Հեռուստասերիալը հետագայում եթեր հեռարձակելու, դրա բովանդակությանն ավելի լավ ծանոթանալու եւ տուգանքի ստույգ չափի մասին հեռուստաընկերությունից չցանկացան պատասխանել: «Արմենիա Թի-Վի»-ի փիար ղեկավար Հայկուհի Ասատրյանը նշեց, որ մեկնաբանություն չեն կարող տալ, քանի դեռ չեն ստացել ՀՌՀ որոշումը եւ ծանոթ չեն, թե ինչպես է վարչական մարմինը հիմնավորել իր որոշումը:

«Անհասցե ծնվածները» հեռուստասերիալի պատճառով տուգանված «Արմենիա Թի-Վի»-ի եթերում սերիալի հետագա հեռարձակման եւ հեռուստասերիալի բովանդակության մասին «Հայկական ժամանակ»-ը զրուցեց սերիալի սցենարի հեղինակ Դիանա Գրիգորյանի հետ: Սցենարի հեղինակից հետաքրքրվեցինք, թե մտավախություն չունի, որ այս աղմուկից հետո «Արմենիա Թի-Վի»-ն կարող է չցանկանալ շարունակել հեռուստասերիալի եթեր հեռարձակումը, կամ գուցե պահանջվի այն էական փոփոխությունների ենթարկել: Ի պատասխան Դիանա Գրիգորյանն ասաց. «Հարգելիս, այդ հեռուստասերիալն այսօր հանրապետությունում բարձր վարկանիշ ունի եւ վայելում է բոլորի սերը»: Վերջինս նաեւ նկատեց, որ այսօր կա վերահսկող համակարգ, եթե ինչ-որ աշխատանք է վերահսկող մարմինը կատարում, ուրեմն, նորմալ է եւ արվում է՝ ըստ օրենքի, եւ ինքը ավելացնելու որեւէ բան չունի:

Տպել
22586 դիտում

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)

Ինչպես է ազդել կորոնավիրուսն ու պատերազմը անշարժ գույքի շուկայի վրա. պատասխանում է կադաստրի կոմիտեի ղեկավարը

Անիեր-Սյուր-Սենի քաղաքային խորհուրդն Արցախի Հանրապետության ճանաչման մասին բանաձև է ընդունել

Լավրովը խոսել է Ղարաբաղյան հակամարտության գերիների ու զոհերի փոխանակման գործընթացի, ՀԱՊԿ նիստի որոշումների մասին

Սյունիքի մարզից որեւէ գյուղ հանձնելու հարց չի քննարկվում. Սյունիքի մարզպետարան

Քարամշակման արտադրամասն օգտագործում է մակերևույթային ջուր՝ չունենալով ջրօգտագործման թույլտվություն․ ԲԸՏՄ ստուգումները

ՀՀ ՏԿԵ նախարարության մասնագետները Շիրակի մարզում ուսումնասիրել են ընթացող փողոցաշինական աշխատանքները, կատարել նմուշառում

Երևանում 28-ամյա տաքսու վարորդը դանակահարել է33-ամյա մի տղամարդու (տեսանյութ)

ԱՀ կառավարությունը կփոխհատուցի Արցախի բնակիչների 2020 թվականի դեկտեմբերի և 2021 թվականի բոլոր ամիսների կոմունալ ծախսերը

Արթուր Դավթյանն ընդունել է Հայաստանում Իրանի արտակարգ և լիազոր դեսպան Աբբաս Բադախշան Զոհուրիին

Ստուգայց է իրականացվել Վայոց ձորի ոստիկանական բաժանմունքներում և համայնքապետարաններում. ԱԱՏՄ

Հրապարակվել է 2021/2022 ուսումնական տարվա մասնագիտությունների և ընդունելության քննությունների ցանկը

Փրկարարները պատվով կատարեցին իրենց առաջ դրված խնդիրը. ԱԻ փոխնախարարը պարգեւատրեց սահման մեկնած փրկարարներին

ՎՏԲ-Հայաստան Բանկը երկարաձգում է «Շահավետ ներդրում» ակցիան

Արցախում հաշվառված քաղաքացիներին տրամադրվող 68,000 դրամ միանվագ աջակցության շահառուների ցանկն ընդլայնվել է

Ամերիաբանկը կնքել է ստորադաս փոխառություն Սիմբիոտիքսի հետ

Արայիկ Հարությունյանը գործուղվել է Սյունիքի մարզ