Քոչարյանի պաշտպանական թիմը մեկ խնդիր է դրել՝ ինչ անել դատաքննական պրոցեսից ամեն կերպ խուսափելու համար․ Անդրանիկ Քոչարյան

Ռոբերտ Քոչարյանի պաշտպանները Սահմանադրական դատարանի որոշումը կարող են մեկնաբանել այնպես, ինչպես ցանկանում են, որովհետեւ դրա համար վարձատրվում են։ Այսօր Ազգային ժողովում լրագրողների հետ զրույցում նման կարծիք հայտնեց ԱԺ պաշտպանության եւ անվտանգության հարցերի մշտական հանձնաժողովի նախագահ, «Իմ քայլը» խմբակցության պատգամավոր Անդրանիկ Քոչարյանը՝ անդրադառնալով Մարտի 1-ի գործով առանցքային մեղադրյալ Ռոբրետ Քոչարյանի դիմումի վերաբերյալ ՍԴ կայացրած որոշմանն ու Քոչարյանի ներկայացուցիչ Արամ Վարդեւանյանի այն մեկնաբանությանը, թե ըստ այդ որոշման՝ Քոչարյանի կալանքն իրավաչափ չէ։

Հիշեցնենք, որ Սահմանադրական դատարանը հրապարակեց Քոչարյանի դիմումի քննության արդյունքում կայացրած որոշումը, ըստ որի՝ Քրեական դատավարության օրենսգրքի՝ Քոչարյանի վիճարկած հոդվածներից 35-րդը ճանաչեց Սահմանադրությանը չհամապատասխանող եւ անվավեր, մյուսը՝ 135-րդը՝ Սահմանադրությանը համապատասխանող: Որոշման հրապարակումից հետո Քոչարյանի ներկայացուցիչ Արամ Վարդեւանյանը լրագրողների հետ զրույցում մեկնաբանեց, թե՝ ՍԴ որոշման համաձայն՝ եթե Քրեական դատավարության օրենսգրքի 35-րդ հոդվածը հակասահմանադրական է, դա նշանակում է, որ խախտվել է Քոչարյանի՝ Սահմանադրության 27-րդ հոդվածով երաշխավորված անձնական ազատության իրավունքը։

Անդրանիկ Քոչարյանն ասաց, որ նախ պետք է իրավական առումով հասկանալ՝ ինչ խնդիրներ կարող է առաջացնել նմանատիպ որոշումը՝ նշելով, որ անձամբ իր համար շատ կարեւոր է, որպեսզի ՍԴ-ն խոչընդոտ չհանդիսանա, որպեսզի մեր հանրությունն էապես հնարավորություն ունենա իմանալ՝ Մարտի 1-ին ինչ է եղել․

«Ես բազմիցս ասել եմ, որ Քոչարյանի փաստաբանական թիմը մեկ խնդիր է դրել․ ինչ անել տարբեր ճանապարհներով, նաեւ մեր օրենսդրության մեջ որոշակի ճեղքեր գտնելով՝ դատաքննական պրոցեսից խուսափելու համար։ Ըստ էության, իրենք ամեն ինչ անում են, որպեսզի դատաքննությունը էապես չսկսվի կամ սկսվի այնպես, որ իրենք հնարավորություն ունենան խոչընդոտներ դնել դատարան եկող մարդկանց առաջ»,- լրագրողների հետ զրույցում ասաց պատգամավորը։

Նա նկատեց, որ Քոչարյանի պաշտպանական թիմի ներկայացուցիչները հակասական մեկնաբանություններ են անում․

«Մեկն ասում է, որ գրավյալ տարածքները Արցախ չեն, հետո սկսեցին հասկանալ, որ ախմախություն են դուրս տվել, հետո սկսեցին ուրիշ ձեւ գնալ։ Բնականաբար, իրենց թիմի խնդիրը խափանման միջոցից սկսած, մինչեւ մյուս բոլոր հարցերը, վիճահարույց դարձնելն է»։

Անդրանիկ Քոչարյանի խոսքով՝ ՍԴ-ն ինչ-որ պահի շատ կասկածելի դրսեւորումներով ուզում էր մասնակից դառնալ այս գործընթացի խոչընդոտների մեջ․

«Մի քանի օր առաջ ՍԴ դատավոր Վահե Գրիգորյանը հիմնավորել էր, որ ՍԴ անդամներից մի քանիսը իրավունք չունեն մասնակցել Քոչարյանի դիմումի քննության գործով նիստին, որովհետեւ ինքը՝ Գրիգորյանը, լինելով տուժողների իրավահաջորդների ներկայացուցիչ, այսօր չի մասնացկել, իրենք էլ պետք է բարի լինեին, չմասնակցեին։ Հրայր Թովմասյանն այս ամենը գիտակցված է արել եւ այս ամենը պետք է ունենա հետեւանք։ Որովհետեւ դատաիրավական համակարգի բարենորոգումը պիտի լինի բոլոր մակարդակներում, ընդհուպ՝ մինչեւ ՍԴ։ Եթե օրենքով նախատեսված է, որ Սահմանադրական դատարանը պիտի կազմված լինի դատարվորներից, ուրեմն այդպես պիտի լինի։ Այսինքն՝ ՍԴ անդամներից մի քանիը չէին կարող մասնակցել այս նիստին, բայց մասնակցել են, ինչի իրավունքը չունեին»,- ասաց Անդրանիկ Քոչարյանը՝ հավելելով, որ Վահե Գրիգորյանը իր պահվածքով ցույց տվեց եւ Դատարանի անդամներին էլ հորդորեց, որպեսզի շարժվեն օրենքով եւ Սահմանադրությամբ․

«ՍԴ անդամները երեւի ուզել են իրենց վերջին որոշման մասնակիցը լինել, բայց այդ որոշումը շատ հնարավոր է խոչընդոտ լինի Մարտի 1-ի ամբողջական, էֆեկտիվ դատաքննություն ունենալու համար»,- ասաց Քոչարյանը՝ նշելով, որ դեռ պետք է ուսումնասիրի ՍԴ կայացրած որոշումը՝ առավել խորքային մեկնաբանությունների համար։

Տպել
2724 դիտում

ՀՀ որոշ ճանապարհների մառախուղ, մերկասառույց է. կան դժվարանցանելի ճանապարհներ

Երեւանում եւ 3 մարզերում էլեկտրաէներգիայի մինչեւ 6-ժամյա անջատումներ են սպասվում

Առանձնացրել ենք 60 ռազմագերիների եւ ներկալված ու անհետացած 40 քաղաքացիական անձի տվյալներ. ԱՀ ՄԻՊ

Սարալանջում արևային ֆոտովոլտային կայան է տեղադրվել, 3 փողոցում ընդլայնվել է լուսավորության ցանցը

Մանե Թանդիլյանը տեղափոխվել է Արցախ ապրելու եւ Արցախն ապրեցնելու

Երևանի Իսահակյան և Թամանյան փողոցների խաչմերուկում կկատարվի երթևեկության կազմակերպման ժամանակավոր փոփոխություն

Աշխատանքի միջոցով պետք է ԱՄՆ-ի կողմից ՀՀ-ին տրամադրվող հումանիտար օգնությունը 100 մլն դոլարի հասցնել. Զարեհ Սինանյան

Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը

ՀՀ-ում տրվել է դպրոցական աստղագիտական դասախոսությունների 2020թ. ծրագրի մեկնարկը

Անհետ կորած զինծառայողների և մահացածների մարմինները հարազատներին փոխանցելու հարցը գտնվում է ՌԴ ուշադրության կենտրոնում

Դաշտ և Կոբավան համայնքներում ձեռք է բերվել սուբվենցիոն ծրագրով հաստատված անհրաժեշտ գյուղտեխնիկան

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)

Ինչպես է ազդել կորոնավիրուսն ու պատերազմը անշարժ գույքի շուկայի վրա. պատասխանում է կադաստրի կոմիտեի ղեկավարը

Անիեր-Սյուր-Սենի քաղաքային խորհուրդն Արցախի Հանրապետության ճանաչման մասին բանաձև է ընդունել

Լավրովը խոսել է Ղարաբաղյան հակամարտության գերիների ու զոհերի փոխանակման գործընթացի, ՀԱՊԿ նիստի որոշումների մասին

Սյունիքի մարզից որեւէ գյուղ հանձնելու հարց չի քննարկվում. Սյունիքի մարզպետարան