Արսեն Թորոսյանը նաեւ Միքայել Մինասյանին է տեսնում իր դեմ կամպանիայի հետեւում կանգնած

Սուտ է ասում Արմեն Մուրադյանը: Այս մասին այսօր ԱԻՆ աշխատողի օրվա կապակցությամբ կազմակերպված միջոցառման ավարտից հետո լրագրողների հետ զրույցում ասաց ՀՀ առողջապահության նախարար Արսեն Թորոսյանը:

Հիշեցնենք, որ երեկ ԵՊԲՀ ռեկտոր Արմեն Մուրադյանը հայտարարել էր, որ մեկ տարի առաջ Հայրենիքի պաշտպանի վերականգնողական կենտրոնի հետ կապված քննարկում է եղել, որի ընթացքում եղել է անթույլատրելի բառակապակցություն՝ Արսեն Թորոսյանի կողմից. «Պարոն նախարարն ասաց, որ «50 հոգի եղել են հաշմանդամ,եւ 50 հոգին էլ մեռնելու են հաշմանդամ, ինչու եք այդքան փող ծախսել»:

Հարցին՝ զրպարտության համար դատի տալո՞ւ է, Թորոսյանը պատասխանեց. «Եթե բոլոր զրպարտություններով զբաղվեինք՝ ուրիշ ոչ մի բանով չէինք զբաղվի»:

Հարցին՝ ո՞ւմ նկատի ուներ, երբ ասում էր, որ ընտանիքներ են կապված այս կամպանիայի հետեւում՝ օրինակ՝ Սերժ Սարգսյանի փեսայի՞ն, Թորոսյանը պատասխանեց. «Նաեւ»:

Դիտարկմանը՝ ի՞նչ նպատակ ունի Միքայել Մինասյանը՝ իր դեմ կամպանիա հրավիրելով, Թորոսյանը պատասխանեց. «Օրինակ ի՞նչ նպատակ ուներ՝ նույնը 1 տարի առաջ անելով: Դրա մասին շատ է խոսվել, այնքան պարզ՝ տրիվիալ հարցեր եք տալիս»:

Անդրադառնալով հարցին՝ թե առողջապահության ոլորտում արած բացահայտումնե՞րն է պատճառը, որը նաեւ առնչվել է Մինասյանի հորը, Թորոսյանն ասաց. «Նաեւ, նաեւ խիստ անձնական են ընդունում այդ ամեն ինչը»:

Հիշեցնենք, որ երեկ նախարար Թորոսյանն մամուլի ասուլիս էր հրավիրել, որին ներկայացել էր նաեւ մանկական ուռուցքաբան, արյունաբան Գեւորգ Թամամյանը՝ հայտարարելով, որ նախարարին հարցեր ունի: Թամամյանն, ի դեպ, վերջերս է հրաժարվել նախարարության՝ ուռուցքաբանության գծով խորհրդատուի պաշտոնից: Թորոսյանն ընդհատեց ասուլիսը եւ հեռացավ: Իսկ ավելի ուշ ֆեյսբուքյան ուղիղ եթերի միջոցով հայցեց լրագրողների ներողամտությունը, ապա եւ սենսացիոն հայտարարություն արեց: Համոզմունք հայտնեց, որ Գեւորգ Թամամյանի գործողությունների ետեւում կանգնած է Երեւանի պետական բժշկական համալսարանի ռեկտոր Արմեն Մուրադյանը, որովհետեւ վերջինս դեռ բուհի խորհրդում ձեռնարկված փոփոխությունների ժամանակ անհանգստություն է ունեցել, որ իր շուրջը օղակը սեղմվում է ու կարող է զրկվել պաշտոնից: Մուրադյանի պատասխանը չուշացավ: Իսկ հակահարվածը ուժգին էր: Նա նախ հայտարարեց, որ որեւէ պաշտոն չի կարող իր արժանապատվությունից բարձր դասվել, իսկ Թամամյանն այն մարդը չէ, որը կարող է չունենալ սեփական կարծիք, ապա նշեց. «Եթե բաց քննարկում է գնում, թե ինչ է պատահել իմ եւ պարոն Թորոսյանի միջեւ, պարզ կարող եմ հայտարարել. հենց այս կենտրոնի հետ կապված (Զինվորի տան-խմբ.) մոտավորապես մեկ տարի առաջ եղել է քննարկում, որի ընթացքում արվել է անթույլատրելի բառակապակցություն: Հիսուն հոգի եղել են հաշմանդամ,- հայտարարեց պարոն նախարարը,- եւ հիսունն էլ մեռնելու են հաշմանդամ: Ինչո՞ւ եք այդքան փող ծախսել: Որից հետո մեր խոսակցությունն ընդհատվել է, եւ որեւիցե ընդհանուր կողմ չենք կարող ունենալ առհասարակ: Ես չեմ կարծում, որ ցինիզմը, ստախոսությունը եւ ոչ ադեկվատ քննադատությունները կարող են տեղ գտնել առողջապահության ոլորտում»:

Տպել
1024 դիտում

Երևանի թիվ 156 միջնակարգ դպրոցում պայթուցիկ սարք է տեղադրվել. ահազանգ է ստացվել

Իտալական շուկայի մոտ 30 ձեռնարկություններ առաջիկայում կգան Հայաստան․ Իտալիայում ՀՀ դեսպան

Արա Մինասյանն ընդդեմ Արսեն Թորոսյանի գործով վերաքննիչ բողոքները մերժվել են

ՀՀ վարչապետն ու Աննա Հակոբյանն այցելել են Հռոմի Սուրբ Նիկողայոս Հայ Կաթողիկե եկեղեցի (տեսանյութ, լուսանկարներ)

Երթևեկության կազմակերպման փոփոխություն Երևան քաղաքի Արցախի պողոտայի և Այվազովսկու փողոցի խաչմերուկում

Սարհատ Պետրոսյանը ներկայացել է ոստիկանություն՝ իր հայտարարությունների վերաբերյալ պարզաբանումներ տալու

Կոնստանտին Օրբելյանը ներկայացվել է «Գրեմմի». նախորդ տարի հաջողություն չէր ունեցել

Դերասան Արտյոմ Կարապետյանին դանակով սպառնացած երթուղայինի վարորդը հայտնաբերվել է (տեսանյութ)

«Ջերմոց կմշակեմ». Լեւոն Երանոսյանը՝ իր հետագա անելիքների մասին

ՀՀ և ՌԴ դատախազությունների դատախազները Մոսկվայում քննարկել են անչափահասներին վերաբերող քրգործերով խնդիրները

Բրեգովիչի նոյեմբերի 24-ի համերգը չեղարկվել է քաղաքապետարանի պատճառով. մարդիկ զանգվածաբար վերադարձրել են տոմսերը

ՀՀ վարչապետը՝ ամենաակտիվ ֆեյսբուքյան էջ վարող քաղաքական լիդերների տասնյակում. Twiplomacy

ԱԱԾ-ում ապօրինի որդեգրման դեպքերով հարուցված քրեական գործը փոխանցվել է ՀՀ քննչական կոմիտե

Վերաքննիչ քրեական դատարանը վարույթ է ընդունել Ռ. Քոչարյանի պաշտպանների բողոքը

2004-ի այս օրը պայթեցվեց կամ հրկիզվեց «Հայկական ժամանակ» օրաթերթի գլխավոր խմբագրի` Ն. Փաշինյանի մեքենան (լուսանկարներ)

Քթի վիրահատությունից հետո երիտասարդը կորցրել է ձայնը. մեղադրանքներ ու պարզաբանումներ

Ոստիկանների կողմից քաղաքացու խոշտանգման դեպքով ՀՔԾ-ում նյութեր են նախապատրաստվում

1 օրում բացահայտվել է հանցագործության 85 դեպք. օպերատիվ իրավիճակը նոյեմբերի 21-ից 22-ը

Վարչապետը հանդիպում է Իտալիայի արտաքին առևտրի պետական գործակալության նախագահ Կարլո Ֆերոյի հետ (տեսանյութ)

Լեւոն Սարգսյանի արտահանձնման նպատակով նախապատրաստվում է անհրաժեշտ փաստաթղթերի փաթեթը. դատախազի խորհրդական