Լոռու մարզի մի շարք դպրոցներ առաջին դասարան հաճախող աշակերտ չունեցան. պատճառները տարբեր են

Լոռու մարզի մի շարք դպրոցներ այս տարի չունեցան առաջին դասարան հաճախող աշակերտներ: Լոռու մարզպետարանի կրթության, մշակույթի եւ սպորտի վարչության կրթության բաժնից ՀԺ-ին տեղեկացրեցին, որ այս պահի դրությամբ հստակ թվային տվյալներ տրամադրել չեն կարող, քանի որ կան դպրոցներ, որտեղ թեպետ մինչեւ սեպտեմբերի 1-ը չեն այցելել ու գրանցվել, սակայն առաջին դասարանցիների դպրոց հաճախել կանխատեսվում է: Բաժնից նաեւ տեղեկացրեցին, որ վերջնական տվյալները հայտնի կդառնան մինչեւ սեպտեմբերի երկրորդ տասնօրյակ:

Մարզի Ծաղկաշատ համայնքը 11 աշակերտ ունի. այս տարի առաջին դասարան հաճախող աշակերտ չունեն: Նախորդ տարի 2 առաջին դասարանցի է դպրոց հաճախել: Նույնքան էլ՝ հաջորդ տարի են կանխատեսում:

Շամուտի հիմնական դպրոցում եւս ամեն տարի առաջին դասարան հաճախող աշակերտ են ունեցել, այս տարի սակայն, ինչպես ՀԺ-ին տեղեկացրեցին դպրոցից, առաջին դասարան հաճախող չեն ունեցել: Դպրոցում հույսով սպասում են հաջորդ տարվան՝ 3 առաջին դասարան հաճախող են ունենալու:

Չկալովի հիմնական դպրոցը եւս այն դպրոցների շարքում է, ովքեր 1-ին դասարան հաճախող աշակերտ չունեցան, սակայն ի տարբերություն որոշ համայնքների, որտեղ պարզապես այդ տարիքի երեխա չկար, Չկալով գյուղում  1-ին դասարան հաճախող աշակերտի տարիքի 4 երեխա կար, որոնց մի մասի ծնողները տարբեր պատճառներով նրանց  քաղաքի ու հարեւան գյուղի դպրոցներ են տարել. «Թվով 4 առաջին դասարան հաճախող պետք է ունենայինք, բայց ծնողները տարան քաղաք ու կողքի գյուղ, մարդիկ աշխատանք են  ուզում, ասում են կգնանք քաղաք, երեխեն կսովորի, մենք էլ գործ կգտնենք կաշխատենք»,-ՀԺ-ին հայտնեց Չկալովի դպրոցի տնօրեն Անահիտ Հարությունյանը: Վերջին 6 տարում անընդմեջ այս դպրոցն ընդունել է 1-ին դասարան հաճախողների: Դպրոցում այս պահին 10 աշակերտ է սովորում:

Սպիտակի տարածաշրջանի Խնկոյան համայնքի հիմնական դպրոցում վերջին 4 տարում 1-ին դասարան հաճախող չեն ունեցել. դպրոցում 5 աշակերտ է սովորում: Տնօրեն Մարինե Առաքելյանի խոսքով՝ դպրոցի շենքային պայմանները լավն են, նորոգված ու գազաֆիկացված: Իսկ թե ինչու երեխաներին այս դպրոց չեն բերում, տնօրենն ասաց. «Մենք նախակրթարան չունենք, տարիներ շարունակ խնդրում եմ, որ նախակրթարան բացեն, լիցենզիա տրամադրեն, մարդիկ իրենց երեխաներին տանում են կողքի գյուղի նախակրթարան ու հետո արդեն այնտեղի դպրոց, հիմնական պատճառը դա է»:

Բովաձոր եւ Արդվի Համայնքի հիմնական դպրոցները եւս առաջին դասարան այս տարի չունեն: Տնօրենների հետ կապ հաստատել մեզ չհաջողվեց:

Հատկանշական է, որ գյուղական դպրոցներում երեխաներին առաջին դասարան չուղարկելու պատճառները բազմաթիվ են՝ սկսած դպրոցի անմխիթար վիճակից, վերջացրած ուսուցչական կադրերի պակասից: Սրան էլ գումարվում է նախակրթարանի բացակայությունն ու առկա մի շարք գործոններ, որոնք սկզբում պատճառ են դառնում աշակերտներին քաղաքի դպրոց տանելու, հետո արդեն՝ դպրոցի փակման:

Տպել
571 դիտում

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության

Այսուհետ կգործեն ՌԴ-ում ՀՀ դեսպանությանը կից մաքսային կցորդի հետ հետադարձ կապի միջոցներ

Երևանի Թումանյանի այգու մոտակա ձորակն ընկած քաղաքացուն հոսպիտալացրել են

ՀԿԵ-ն հայտնում է երկաթուղային ճանապարհով ներկրման անկման մասին