Շախմատիստ Մարիա Գեւորգյանը չի բացառում, որ ապագայում կընդունի Թուրքիայում մրցման մասնակցելու հրավեր

Հայաստանի չեմպիոն, միջազգային կարգի վարպետ շախմատիստ Մարիա Գեւորգյանը չի բացառում, որ ապագայում կարող է Թուրքիայում մրցման մասնակցելու հրավեր ընդունել: Վերջերս շախմատում միջազգային սկանդալ առաջացավ այն բանից հետո, ինչ հայտնի դարձավ, որ Մարիային դուրս են թողել Թուրքիայի Sivas Buruciye Сhess Open 2019 միջազգային մրցաշարից ադրբեջանցի մասնակիցների պահանջով: «Հայկական ժամանակ»-ի հետ զրույցում Մարիան նշեց, որ վրդովված է տեղի ունեցածից, սակայն չի շտապում 1 հոգու սխալի պատճառով կտրուկ որոշում կայացնել:

«Հիմա հրավերներ ստացել եմ իրենց կողմից (խմբ. Թուրքիայից), բայց այս պահին զբաղված եմ: Եթե լավ մրցաշար լինի ապագայում, ինչո՞ւ ո՛չ: Չեմ կարծում, որ 1 հոգու պատճառով չպետք է այնտեղ մրցաշարերի մասնակցեմ»,- ասաց նա:

Մրցաշարը նախատեսված էր օգոստոսի 22-24-ը: Մարիա Գեւորգյանը նախ մասնակցության հրավեր է ստացել կազմակերպիչներից: Այնուհետեւ պատասխանատու անձանցից մեկը՝ Մուսթաֆա Էրոգլուն, նրան հայտնել է, որ հետ են վերցնում հրավերը ադրբեջանցի մասնակիցների պահանջով: Իրենք՝ ադրբեջանցիները, փորձում են հերքել, որ դա իրենց միջամտության հետեւանքն է: Ադրբեջանի հավաքականի անդամ գրոսմայստեր Գադիր Գուսեյնովը Մարիային գրել է, որ ուումնասիրել է դեպքը: Նշել է, որ դա սադրանք է, որ իրենց կողմից ընդամենը 1 մարզիկ է նման նամակ գրել, իսկ կազմակերպիչներն առիթից օգտվել են, քանի որ չեն ցանկացել փակել Մարիայի մասնակցության ծախսերը, ինչը պարտավոր էին անել: Մարիա Գեւորգյանն այս տեսակետը չի մեկնաբանում:

«Ադրբեջանի տղամարդկանց հավաքականի խաղացողներից է, հայտնի գրոսմայստեր է, ու իր խոսքով՝ 3 ժամ ծախսել է, որպեսզի բոլոր մանրամասները պարզի: Չեմ կարող ասել, սպասում եմ պաշտոնական նամակի»,- ասաց նա:

Տեղի ունեցածը մեծ արձագանք է ստացել: Դեպքը հայտնի է դարձել միջազգային մամուլին, Մարիա Գեւորգյանից հարցազրույց է վերցել բրիտանական BBC-ի ռուսական ծառայությունը: ՖԻԴԵ-ն ուսումնասիրում է դեպքն ու խոստացել է, որ մեղավորները կպատժվեն: ՀՀ-ում շախմատիստուհուն աջակցում է ՀՀ Շաշմատի ֆեդերացիան: Նրա հետ հանդիպել ու տեղի ունեցածը քննարկել է ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Մխիթար Հայրապետյանը: Ինչպես նշում է շախմատիստը, ՀՀ Արտաքին գործերի նախարարությունն էլ է տեղյակ ու անուշադրության չի մատնի:

ՀՀ եռակի չեմպիոնին իրենց աջակցությունն են հայտնել ՖԻԴԵ-ում աշխատող ընկերները, իրեն ծանոթ այլ շախմատիստներ տարբեր երկրներից, նրան նամակներ են գրել բազմաթիվ թուրքեր՝ ինչպես շախմատիստներ, այնպես էլ ոչ շախմատիստներ: Նա նշում է, որ չի տխրել տեղի ունեցածից, պարզապես վրդովված է անարդարությունից: Նրա խոսքով՝ ադրբեջանցիների պատճառով հայ շախմատիստները նախկինում նման խնդրի առաջ երբեք չեն կանգնել, ու հույս ունի, որ ոչ մի մարզաձեւում երբեք նման երեւույթ չի կրկնվի:

«Նման դեպք երբեւէ չի եղել: Ու հուսով եմ՝ ոչ շախմատում, ոչ էլ այլ սպորտաձեւում չի կրկնվի: Մենք միշտ խաղացել ենք, ու ես ինքս շատ եմ մասնակցել Թուրքիայում մրցաշարերի: Երբեւէ նման խնդրի առաջ չենք կանգել»,- ասաց նա:

Այս շրջանում Մարիա Գեւորգյանը պատրաստվում է հոկտեմբերին Բաթումիում կայանալիք Եվրոպայի կանանց 2019 թ. թիմային առաջնությանը: Առաջիկա 1.5-2 ամիսները նվիրելու է դրան եւ ուսմանը: Սովորում է Խաչատուր Աբովյանի անվան հայկական պետական մանկավարժական համալսարանի մանկավարժության ամբիոնի ասպիրանտուրայում:

Տպել
1485 դիտում

Covid-19-ը մենակ չէ. 2020-ին հրդեհներ, ջրհեղեղներ, բերքի անբավարարություն ու մորեխների ներխուժում է կանխատեսվում

Ուկրաինան և Թուրքիան բանակցում են օդային հաղորդակցությունը վերսկսելու շուրջ

ՀՀ ԱԳՆ-ն հայտարարություն է տարածել «Մակուչյան և Մինասյանն ընդդեմ Ադրբեջանի և Հունգարիայի» ՄԻԵԴ-ի վճռի առնչությամբ

Իրանի գերագույն հոգևոր առաջնորդը 3․721 բանտարկյալի ներում կամ պատժի մեղմացում է շնորհել

Տանկային ստորաբաժանումները զորավարժություն են անցկացրել

ԵՏՀ կոլեգիայի նիստ է կայացել. որոշումներ՝ միության տարածքում սննդամթերքի անվտանգության եւ պարենային ապրանքների մասին

Ռուբեն Հայրապետյանի նկատմամբ հետախուզում է հայտարարվել. նրան կալանավորելու միջնորդություն է ներկայացվել

Ոստիկանության Կումայրիի բաժնի ծառայողներն ապօրինի ծառահատման դեպք են բացահայտել

Պտղունք համայնքի նորակառույց թաղամասի բնակիչները կապահովվեն կապույտ վառելիքով

ԱԻՆ-ը կատարել է 1245 վարակազերծում. 872-ը՝ մարզերում, 373-ը՝ Երևանում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ