Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Նիկոլ Փաշինյանը, ինչպես եւ խոստացել էր, ֆեյսբուքի ուղիղ եթերում անդրադարձավ Ամուլսարի խնդրին: Վարչապետը սկսեց այսպես.

«Մեջբերումով կսկսեմ իմ ասելիքը: Մեջբերում եմ անելու ինքս ինձնից, որ վերհիշենք եւ սկսենք խոսակցությունը:

2018-ի հուլիսի 25-ին ես հայտարարել եմ հետեւյալը՝ «Սիրելի հայրենակիցներ, ես կոչ եմ անում, որ դուք կառավարությանը թույլ տաք զբաղվել այս հարցով: Ես անկեղծ չեմ հասկանում քաղաքացիական անհնազանդոթյունը: Ինձ ժամանակ է պետք խնդիրը հասկանալու համար: Մենք չենք կարող լուծում տալ մի խնդրի, որի փաստարկներին ծանոթ չենք: Չկա այդպիսի մի սուբյեկտ, որի հետ կապված մենք կաշկանդվածություն ունենանք: Մենք հնարավորություն ենք խնդրում, որ առանց նախապայմանների կարողանանք խնդրով զբաղվել: Մեզ մի ասեք, որ մենք պետք է հենց այս որոշումը կայացնենք: Ինձ համար անհասկանալի են քաղաքացիական անհնազանդության գործողությունները եւ եթե դրա նպատակը սաբոտաժը չէ, ես կոչ եմ անում դադարեցնել այն:

Կարող է իրականությունն այնպիսին չէ, ինչպիսին երում է: Սա է մեր դիրքորոշումը, իհարկե խնդիրը կա, իհարկե մենք պետք է որոշում կայացնենք եւ մեր որոշումը պետք է հիմնված լինի միայն փաստերի վրա: Եթե խնդիրը սաբոտաժ իրականացնելը եւ կառավարությանը արգելքի առաջ դնելը չէ, կոչ եմ անում դադարեցնել այդ գործողությունները, որպեսզի միասին աշխատելու հնարավորություն ունենաք: Սա հունիսի 25-ին եմ ես հայտարարել:

Հիմա մեջբերում հուլիսի 5-ի հանդիպումից հետո արված հայտարարությունից:

Ունենք իրավիճակ, որ կատարվել է ահռելի ծավալների ներդրում, որը կատարվել է ՀՀ կառավարության թույլտվությամբ եւ դեռ չկան փաստեր, որ դրանք ապօրինի են: Կատարվում են մի շարք փորձաքննություններ, այժմ ուսումնասիրվում են վնասները, որոնք կարող են լինել հանքի շահագործումից հետո: Պետք է հասկանանք, որ պետք է ցանկացած որոշում կայացնենք միայն փաստերի, այլ ոչ հույզերի հիման վրա: Մենք չունենք այս հարցում որեւէ շահագրգռվածություն, բացի ՀՀ հավասարակշռված ընդհանրական շահից:

Կարելի է միշտ էլ ասել, որ եթե այս շենքը չլիներ, այլ ծառեր եւ բնություն լինեին, ավելի լավ կլիներ, կամ կածանը ավելի լավ է, քան ասֆալտապատ ճանապարհը, որովհետեւ բնապահպանական խնդիր է լուծվում:

Սեպտեմբերի 9-ին ես հայտարարել եմ, որ վերջնական եզրակացության համար պետք է իրականացվի փորձաքննություն, որը պետք է լինի հավաստի կազմակերպության կողմից, կա հարուցված քրեական գործ եւ արդյունքները պարզ կլինեն:

Ավելի ուշ լրագրողների հետ զրույցում ասել եմ, որ պետք է ունենանք հստակ պատասխաններ՝ Ջերմուկի ջրերի եւ Սեւանի համար եթե անվտանգ լինի հանքի շահագործումը, մենք շահագործումը թույլ կտանք:

Հաջորդ հայտարարությունը, որ արել եմ սեպտեմբերի վերջին՝ լրագրողների հետ զրույցում, այն է, որ երբ հաստատվի, որ Ամուլսարի շահագործումը վնասներ ու սպառնալիք չի ստեղծումշրջակա միջավայրի համար, մենք շահագործումը թույլ կտանք: Եթե պարզվի, որ որեւէ սպառնալիք կա, այդ շահագործումը չի թուլատրվի:

Շատ պարզ պայման եմ ես ասել՝ հանքի շահագործել-չշահագործելու խնդիրը պետք է լինի միայն հստակ փորձաքննության եզրակացության հիման վրա, երբ պարզ կլինի՝ Սեւանին եւ Ջերմուկի ջրերին վնաս կլինի, թե ոչ: Այս տրամաբանությունը եղել է հանրայնորեն, ամեն ինչ ասվել է հանրայնորեն: Սա մենք արձանագրել ենք որպես պայման՝ մեր դիրքորոշումները հայտնելու համար:

Հիմա եկեք ես ասեմ այն, ինչ պետք է ասեմ այսօր:

Իմ վարչապետ ընտրվելուց հետո ստացվեց այնպես, որ Ամուլսարի հանքի հարցը դարձավ ամենաքննարկվողներից մեկը: Խառը իրավիճակ էր, բայց ես հասկանալով Ամուլսարի հարցի հույժ կարեւորությունը, ես արել եմ այսպես՝ ինձ ուղղված բոլոր խմբերի, անհատների նամակները, դիրքորոշումները ես նստել եմ կարդացել հատ-հատ, ծանոթացել եմ բոլոր ահազանգերին: Հսկայական քանակությամբ նյութ եմ կարդացել այս մասին: Էդ նյութերը կարդալու արդյունքում ես գիշերները չէի կարողանում քնել, որովհետեւ այդ նամակներից հետեւոմ էր, որ մենք Սեւանը կորցնում ենք բնապահպանական առումով, Ջերմուկը կորցնում ենք, դե եթե էս 2-ը կորցնում ենք, արդեն իսկ լուրջ է:

Մի մասն էլ նամակներ են գրում՝ նշելով, որ սա շատ լավ նախագիծ է եւ այլն:

Ես պետք է ինստիտուցիոնալ լուծում գտնեի:

Ես մի նամակ ստացա: Նամակը մակագրված էր քննչական կոմիտեի նախագահին եւ էդ նամակի հիման վրա կոմիտեն քրեական գործ է հարուցում: Հաջորդ գործողությամբ գործում եղած ամբողջ նյութը՝ հնարավոր ամեն պնդում խմբերի կամ անհատների կոմղիմց արված, ամեն նամակ հավաքել է եւ դարձրել նյութ քննության, որ հասկանան, թե խնդիրն ինչումն է: Քրեական գործը հարցվել է հուլիսի 20-ին 2018-ի ու մինչ այդ պահը ինչ ասվել է հանրային դաշտում, բոլոր պնդումները դարձել են քրեական գործի համար նյութ, հիմք: Քննչական կոմիտեն պետք է գտնի, թե նշված նյութերից որն է հիմնավոր եւ ինչ է ստացվելու արդյունքում:

Մենք ասել ենք, որ խնդիր ենք դնում, որ այս հարցերի քննությունն իրականանա միջազգային փորձագետների մասնակցությամբ:

Քաղաքական որոշումը, որ կայացվում է, այն է,  որ պետք է նաեւ միջազգային փորձաքննություւն լինի: Անցկացվում է մրցույթ, որի համար ՀՀ կառավարությունը մեծ գումար է ծախսում, այն  ՀՀ կառավարության եւ մեզ, ձեզ վրա նստել է 400 հազար դոլար:

Հայտարարվում է մրցույթ, մասնակցում է 2 ընկերություն, որից հաղթել է «Էլարդ»-ը եւ սա եղել է եզակի դեպք, երբ մրցույթը հաղթել է ոչ թե ավելի քիչ գումար առաջարկած ընկերությունը, այլ ավելի շատ:  Կա միջազգային բնապահպանների կազմակերպություն, կոալիցիա, որը հայտնել է, որ «Էլարդ»-ը ավելի վստահելի է, քան այն մյուս ընկերությունը:

Ես ասում եմ, որ «Էլարդ» ընկերությունը միանշանակ բարձր հեղինակություն ունեցող ընկերություն է: «Էլարդ»-ն էլ իր հերթին ներգրավել է «Թի-Ար-Սի» ընկերությանը:

 ՔԿ ղեկավարը կառավարության նախորդ նիստին ասեց, որ այո, փորձաքննությունն ավարտվել է եւ եզրակացությունը հետեւյալն է.

Ամուլսարի հանքի շահագործումը չի պարունակում վտանգ Սեւանա լճի համար: Եթե անգամ շարժվենք ամենահոռետեսական սցենարով, որ երկրաշարժի ժամանակ Կեչուտի ջրամբարով այդ լցոնները կլցվեն Սեւանա լիճ, այդ վնասն այնքնան փոքր կլինի, որ գրեթե անհաշվելի կլինի:

Սեւանա լճի հարակից կառույցների շահագործումն ավելի մեծ վնաս է հասցնում լճին, քան Ամուլսարի շահագործումը կարող է հասցնել:

Ջերմուկի ջրերի համար Ամուլսարի շահագործումը եւս որեւէ վնաս չի լինի: Ջերմուկը մեր բրենդն է, սա նշանակում է, որ եթե անգամ չնչին վնաս լիներ, ես իքնս շահագործումը թույլ չէի տա: Սա իմ դրած պայմանն էր:

Իմ առաջադրած 2 պայմանները պատասխան ստացել են:

Հաջորդը, Որոտոն-Արփա գետերի համար սպասվող վտանգները գտնվում են կառավարելի վիճակում: «Էլարդ» ընկերությունը առաջակել է ռիսկերի մեղմման 16 միջոց, որից 10-ը Լիդիանը արդեն ներառել է իր ծրագրում:

Քննչական կոմիտեն իր կայքում տեղադրում է «Էլարդ»-ի եզրակացությունը, մենք բոլորս այն կարդում ենք եւ ականատես ենք լինում սյպիսի մի փաստի, որ «Էլարդ»-ի եզրակացության մեջ բազմաթիվ պրիտենզիաներ կան Լիդիանի նկատմամբ:

Օրինակ, Լիդիանի տարածքի ուսումնասիրումը թերի է, միջոցների եւ ծրագրերի մի մասը մասնակի է, ունեն անորոշության բարձր մակարդակ, որոշ ձեւակերպումներ թերի են: Եթե էս եզրակացության մեջ նման եզրահանգումներ կան, ձեզ մոտ հարց է ծագում՝ ո՞նց է ստացվում, որ Քննչական կոմիտեն եկել է այն եզրակացությանը, որ հանքի շահագործումը կարելի է: Երբ ՔԿ-ն ստացել է «Էլարդ»-ի եզրակացությունը, զուգահեռ ինքն աշխատել է եւ տեղյակ է եղել ամեն ինչից:

Եթե կա պնդում, որ էսինչ հաշվարկը թերի է, սա կամ նա ճիշտ չէ եւ այլն, ՔԿ-ն հրավիրում է մյուս կողմին, արդյունքում տեղի է ունենում իրավիճակի օբյեկտիվ գնահատում:

Ասում են՝ քննիչը բնապահպան չէ, որ եզրակացություններ է անում հանքի շահագործման շուրջ: Քննիչը ներգրավում է համապատասխան մարդկանց, լսում այդ մարդկանց եւ եզրակացություններ անում: Օրինակ, որ քննում են քրեական գործ բժշկական սխալի մասին, հո բժիշկ չե՞ն, բայց իրենք են քննում՝ համապատասխան մարդկանց դիմելով, մեղադրողին ու պատասխանողին լսելով:

Ես եկել եմ այն եզրակացության, որ Ամուլսարի հանքը էս պայմաններով շահագործվելու դեպքում շահագործվելու է Հայաստանի համար աննախադեպ բնապահպանական բարձր ստանդարտներով, որոնք Հայաստանում մինչ այս երբեք չեն կիրառվել: Երբ Ամուլսարի հանքը շահագործվի այսպիսի բնապահպանական ստանդարտներով, մեզ համար ակնհայտ է լինելու, որ մինչ այժմ գործող հանքերի վիճակը շատ ցածր է եղել: Էս պայմաններում ՀՀ կառավարությունը ի՞նչ պետք է անի, պետք է գնա եւ ասի բոլորին, որ պետք է ստանդարտները բարձրացվեն:

Մենք մեր նախընտրական ծրագրում գրել ենք, որ Հայաստանը պետք է աննախադեպ բարձր բնապահպանական որակ ունենա: Տասնյակ միլիոնավոր դոլարներ պետք է ծախսվեն: Մենք չենք ասի գնացեք մի շաբաթում դա արեք, մենք հասկանում ենք, որ ժամանակ է պետք: Ենթադրենք, եթե Ամուլսարը շահագործվի,մենք տասնյակ միլիոնավոր դոլարներ պետք է ծախսենք մյուս հանքերի մակարդակը բարձրացնելու համար:

Մենք պնդելու ենք, որ Հայաստանում հանքարդյունաբերությունը շատ բարձր մակարդակով իրականացվի:

Ես ուզում եմ ողիղ ասել, որ այս պահին տեղեկատվությունն այնպիսին է, որ նոր շմափ (շրջակա միջավայրի ազդեցության փորձաքննություն) իրականացնելու կարիք չկա:

Քանի որ դրվել է հստակ ամպլիտուդ եւ նշվել ինչ է արվելու, «Էլարդ»-ի կողմից առաջարկված 6 դրույթներն ու Լիդիանի կողմից ներդրված մյուս 10-ը բոլոր հարցերի պատասխանները կտան: «Էլարդ»-ը առաջարկել է 3 տարբեր միջոց թթվային դրենաժի ներդրման համար, նշել, որ լավ կլինի սրանցից մեկը գոնե կատարվի, Լիդիանը նշել է, որ պատրաստակամ է կատարել միանգամից երկուսը:

Ես հիմա ինչ ասում եմ, մինչ էս պահը իմ ձեռքի տակ առկա փաստաթղթերի հիման վրա եմ ասում: Եթե մի քանի օրվա ընթացքում ի հայտ գա նոր փաստարկ, որը մենք հաշվի չենք առել, կառավարությունը ոչ մի բանով կաշկանդված չէ իրականացնել այն, ինչ ասել է»,-հայտարարեց վարչապետը:  

Վարչապետը նշեց, որ հանքի շահագործումը Ջերմուկի ճակատագիրը, որպես առողջարանային քաղաք, եւս չի վտանգում, բնապահպանական խնդիր չկա ոչ միայն ջրի, այլ նաև օդի, շրջակա միջավայրի հարցում: 

Նա կոչ արեց չշահարկել որպես զբոսաշրջային քաղաքի՝ Ջերմուկի գրավչության կորստի հարցը՝ պնդելով, որ աշխարհում բազմաթիվ զբոսաշրջային քաղաքներ կան, որոնցից 1-2 կամ 10 կմ հեռավորության վրա բազմաթիվ հանքեր են գտնվում։

Նիկոլ Փաշինյանը ֆեյսբուքյան ուղիղ եթերում ասաց, որ կառավարությունը դրական եզրակացություն տվեց Ամուլսարի հանքի շահագործմանը:

«Այս պահի դրությամբ մեր ունեցած ինֆորմացիան շատ հստակ է՝ հանքը չի վնասում շրջակա միջավայրին: Ոչ մի լիտր աղտոտված ջուր չի լցվելու»:

Նա վերընթերցեց իր նախկին հայտարարությունն, ըստ որի՝ եթե համոզվեն, որ հանքի շահագործումը վնաս չէ, այն պետք է շահագործվի: Եվ, ըստ Փաշինյանի, իրենք պետք է կատարեն իրենց պայմանը:

«Մեր ժողովրդի շահերից է բխում, որ մենք մեր պայմանը կատարենք եւ հնարավորություն տանք, որպեսզի Ամուլսարի հանքը շահագործվի»:

Տպել
5404 դիտում

ԱԺԲ-ի անդամները փորձել են անհնազանդության ակցիաներ անել. բերման է ենթարկվել 96 ցուցարար

Թբիլիսիում հերթական ցույցն է ընթանում՝ ընդդեմ «Օտարերկրյա գործակալների մասին» օրենքի

«Մարտական եղբայրության» անդամ Արման Պետրոսյանը կալանավորվել է

Որ որոշների լպիրշությունը կհասնի Ծիծեռնակաբերդում մանկահասակ երեխային ահաբեկել, վիրավորելուն՝ նորություն էր․ Ալեքսանյան

Ողջունում ենք Հայաստանի և Ադրբեջանի միջև սահմանի սահմանազատման գործընթացի սկիզբը․ Պետդեպարտամենտ

Չնայած սարսափներին, որոնց բախվում է հայ ժողովուրդը, տոկունության կամքը չի կոտրվել, ես միշտ կկանգնեմ ձեր կողքին․ Ադամ Շիֆ

Ողջունում ենք ՀՀ-Ադրբեջան սահմանային սյան տեղադրումն ու գործընթացի ուշագրավ զարգացումները․ Էստոնիայի ԱԳՆ

Կլիշեներից պետք է հրաժարվել, բայց ոչ՝ պատմական իրականությունից. Քոչինյանը՝ Էրդողանի հայտարարության մասին

Եվրոպական դատարանը երբեք չի վճռել, որ Հայաստանն օկուպացրել է Լեռնային Ղարաբաղը․ Եղիշե Կիրակոսյան

Հիշում ենք և պահանջում․ Կանադայի ԱԳ նախարարը գրառումն ավարտել է հայերենով

ՄԻՊ-ը բրիտանական ԶԼՄ-ների ներկայացուցիչների հետ խոսել է մարդու իրավունքների հետ կապված խնդիրների և Տավուշի այցի մասին

Կարասինը պաշտոնական նամակ է հղել ՀՀ ԱԺ-ին՝ Ալեն Սիմոնյանի հայտարարությունների հետ կապված

ԱԺԲ-ի անդամները փորձել են անհնազանդություն անել. կան բերման ենթարկվածներ

Զգացմունքներն ու զայրույթն են համակել են ինձ այսօր․ Բուայեն հարգանքի տուրք է մատուցել Ցեղասպանության զոհերի հիշատակին

Կամո գյուղում տուն և անասնագոմ է այրվել

Պատմական ճշմարտության ճանաչումն անհրաժեշտ է մարդկության դեմ հանցագործությունների կրկնությունից խուսափելու համար․ Դենդիաս

Իսակովի պողոտայից ակցիայի մասնակից 12 անձ է բերման ենթարկվել

Ինչպես երիտթուրքերը, Ալիևը նույնպես ատելություն է տածում հայերի նկատմամբ․ Լեմկինի ինստիտուտի տնօրեն

109 տարի առաջ այս օրը սկսվեց Հայոց ցեղասպանությունը, ես դատապարտում եմ մեղավորներին․ Փայլան

Սևանում հրկիզել են «Աուդի A4»-ը. սեփականատերը ենթադրյալ հրկիզողի մասին տեղեկություններ է փոխացել իրավապահներին

Հայոց ցեղասպանության զոհերի հիշատակի անարգանքը․ Թորոսյանը՝ Ծիծեռնակաբերդում Աննա Հակոբյանի և դստեր հետ կատարվածի մասին

Մարդկանց ուղեղը մխտռում են՝ ցույց տալով, թե մարտնչող ողորմելիությունը ուժի դրսևորում է. Մեհրաբյանը՝ դրոշ այրելու մասին

Մի խումբ քաղաքացիներ փորձել են փակել Իսակովի պողոտան. կան բերման ենթարկվածներ

Սիրիայի Ժողովրդական ժողովի պատվիրակությունը հարգանքի տուրք է մատուցել Հայոց ցեղասպանության զոհերի հիշատակին

Հայոց ցեղասպանության հիշատակի օրը մտորումների և ոգեկոչման ժամանակ է, պետք է հիշենք և հարգենք․ Կանադայի վարչապետի ուղերձը

ՀՀ վարչապետ Նիկոլ Փաշինյանը լուսանկար է հրապարակել տիկնոջ՝ Աննա Հակոբյանի հետ

Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր (լուսանկարներ)

Ադրբեջանում հանդիպել են Ալիևն ու Ղրղզստանի նախագահ Սադիր Ժապարովը․ համագործակցության վերաբերյալ փաստաթղթեր են ստորագրվել

Պաշտոնական Անկարան, խեղաթյուրելով պատմական փաստերը, ժխտել է Հայոց ցեղասպանության իրողությունը և հայտարարություն տարածել

Արարատ Միրզոյանը ՀՀ բարձրագույն ղեկավարության հետ այցելել է Ծիծեռնակաբերդի հուշահամալիր (լուսանկարներ)

Իմ մայրն այստեղ հաճախ էր գալիս՝ թոռան ձեռքը բռնած, իբրև իր ծնողների գերեզման, ո՛չ ծնող տեսավ, ո՛չ գերեզման․ Մանսուրյան

Բախվել են «Մերսեդես»-ը, «ՎԱԶ 2106»-ն ու տրակտորը․ պապը, տատը, նրանց դուստրն ու անչափահաս թոռները հիվանդանոցում են

Թուրքիան դեռ չի ճանաչել ցեղասպանությունը, և դա խայտառակություն է, բայց մենք հիշում ենք և չենք ների․ Ջամբասկի

«Լադանիվա» խմբի անդամներն այցելել են Ծիծեռնակաբերդ, հարգանքի տուրք մատուցել զոհերի հիշատակին (լուսանկարներ)

Եվրոն էժանացել է․ ինչ փոփոխություններ է արձանագրել տարադրամի շուկան ապրիլի 24-ին

5-րդ շարասյունը կասի «Бьет, значит любит», իմացի հերդ ա, դիմացի, Ցոլակ ջան. Խաչատրյանը՝ Մատվիենկոյի հայտարարության մասին

Ալիևի ներկայացուցիչը հայտարարել է, թե ՀՀ-ի և Ադրբեջանի միջև խաղաղության պայմանագրի կնքման իրական հնարավորություն կա

Պետք է աշխատենք հայ ժողովրդի եվրոպական բարեկեցիկ ապագայի համար. Ֆաբիո Մասիմո Կաստալդո

«Հողատու» են գոռում մի կնոջ ու մի աղջնակի ուղղությամբ, ովքեր որդի ու եղբայր են ուղարկել պատերազմ, որ հող պահեն. Սաֆարյան

Աբխազիան հարգում է Հայոց ցեղասպանության զոհերի հիշատակը․ երկրի նախագահ Ասլան Բժանիա