Ուրախ լուր լոռեցիների համար. Վանաձոր բ/կ-ում բացվել է ինվազիվ սրտաբանական բաժանմունք (լուսանկարներ)

Հուլիսի 22-ից Վանաձորի բժշկական կենտրոնում սկսեց գործել ինվազիվ սրտաբանության բաժանմունքը: Այսօր արդեն ընդունվել է առաջին հիվանդը: Բաժանմունքում կիրականացվի սրտի անոթների զոնդավորում և ստենտավորում:

«Սա աննախադեպ է վանաձորցիների եւ բոլոր լոռեցիների համար: Մեր առողջապահական համակարգը վերջապես համաչափ զարգացում է ապրում նաեւ մարզային քաղաքներում՝ բացելով նման կարեւոր ծառայություն սրտի ինվազիվ սրտաբանության ու միջամտային վիրահատության: Մենք շատ երկար ենք պատրաստվել սրան, նորակառույց հիվանդանոցում մենք ունենք գերժամանակակից, իր տեսակի մեջ նաեւ եզակի զարքավորումներով, որոնցից օժտված է նաեւ Երեւանի մեկ մասնավոր բժշկական կենտրոն»,-ասաց Վանաձորի բժշկական կենտրոնի տնօրեն Վահագն Մկրտչյանը, որը անձամբ էր հետեւում բաժանմունք ընդունված առաջին հիվանդի բուժզննմանը:

Վահագն Մկրտչյանի խոսքով՝ բուժանձնակազմը հենց հիվանդանոցում է վերապատրաստվել ու ծանոթացել սարքավորումներին՝ դրսից հրավիրված համապատասխան մասնագետների կողմից. «Բաժանմունքը տեխնիկապես պատրաստված է, անհրաժեշտ բոլոր այն դեղորայքերը, որն անհրաժեշտ է ծառայության համար, մենք ունենք»:

Բժշկական կենտրոնի տնօրենը հպարտությամբ է փաստում կառավարության ու հատկապես առողջապահության նախարարության դերը, ի դեմս նախարար Արսեն Թորոսյանի, քանի որ բաժանմունքը ծառայություններ կկարողանա մատուցել նաեւ պետպատվերի շրջանակներում: Ասել է թե՝ հիվանդանոցում կկարողանան ախտորոշվել ու բուժվել բոլոր հիվանդները՝ թե վճարովի ու թե պետպատվերի շրջանակներում. «3 ծրագրով պետպատվեր ենք ստացել: Ծառայությունների ցանկը բավականին լայն է՝ սրտի զոնդավորումից մինչեւ ստենտավորում: Մենք կկարողանանք օգնություն ցուցաբերել թե՛ սուր ինֆարկտ տարածներին, ու թե՛ պլանային դեպքերով: Մեր բնակչությունը այլեւս կարիք չունի հասնել Երեւան: Մասնագետները, բժիշկները, բուժքույրական անձնակազմն ու տեխնիկները բոլորը վերապատրաստված են»,- ասաց Վահագն Մկրտչյանը՝ հավելելով, որ 2 բժիշկ է հրավիրվել՝ Արմեն Օքրոյանը եւ Վահե Նավասարդյանը, վերջինս Սանկտ Պետերբուրգից է Հայաստան  վերադարձել,  Թավշյա հեղափոխությունից հետո՝ ապրելու եւ աշխատելու Վանաձորում:

Անդրադառնալով գնային համակարգին, հիվանդանոցի տնօրենը վստահեցրեց՝ գները առավել քան մատչելի են մայրքաղաքի բժշկական կենտրոնների կողմից առաջարկվող նույնատիպ ծառայությունների համեմատ, սակայն, ըստ Մկրտչյանի, դա դեռ չի նշանակում, թե որակապես ու տեխնիկապես զիջում ենք մայրաքաղաքին. «Մենք կարող էինք բարձր գներ դնել, մեր բաժանմունքը դա մեզ թույլ էր տալիս, բայց հաշվի առնելով մեր ազգաբնակչության սոցիալական վիճակը, որոշեցինք, որ ծառայությունները պետք է մատչելի լինեն»:

Տպել
15174 դիտում

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության

Այսուհետ կգործեն ՌԴ-ում ՀՀ դեսպանությանը կից մաքսային կցորդի հետ հետադարձ կապի միջոցներ

Երևանի Թումանյանի այգու մոտակա ձորակն ընկած քաղաքացուն հոսպիտալացրել են

ՀԿԵ-ն հայտնում է երկաթուղային ճանապարհով ներկրման անկման մասին

1400 մահճակալ ունենք կորոնավիրուսի համար, բայց դրանց կեսն է զբաղված․ Նիկոլ Փաշինյան