Օհանյանին ու Բաբաջանյանին ես էի հրավիրել աշխատանքի, երբ սոցապի պետն էի. ԱԺ պատգամավորը գոհ է եղել աշխատակիցներից

Սոցապ ծառայության պետի տեղակալ Արսեն Օհանյանին եւ ծառայության քարտուղար Վանիկ Բաբաջանյանին ես էի հրավիրել աշխատանքի, երբ զբաղեցնում էի Սոցիալական ապահովության ծառայության ղեկավարի պաշտոնը։ Այս մասին «Հայկական ժամանակ»-ի հետ զրույցում ասաց ԱԺ «Իմ քայլը» խմբակցության պատգամավոր Արաման Բոշյանը՝ անդրադառնալով ծառայության պետի տեղակալ Արսեն Օհանյանի՝ աշխատանքից անսպասելի ազատմանը: Սոցիալական ապահովության ծառայության նախկին պետը նշեց, որ երկու աշխատակիցների աշխատանքից էլ գոհ է եղել․

«Կար թիմային ոգի, կար այն առաքելության գիտակցումը, որ Հայաստանում տեղի են ունեցել արմատական փոփոխություներ եւ մենք յուրաքանչյուրս մեր տեղում պարտավոր էինք այդ փոփոխությունները տանել իր տրամաբանական հունով»,-ասաց նա:

Բոշյանը վստահեցրեց, որ իր պաշտոնավարման ընթացքում շատ կառուցողական եւ պրոդուկտիվ են աշխատել, ինքը բավարարված է եղել ամբողջ աշխատակազմի աշխատանքից: «Իմ՝ ԱԺ պատգամավոր ընտրվելուց հետո ՀՀ վարչապետի կողմից ծառայության նոր պետ է նշանակվել պարոն Սուրեն Ղամբարյանը, նա, իհարկե, իր նոր մոտեցումներն ունի աշխատանքի վերաբերյալ եւ ինքն է հաշվետու ծառայության գործունեության համար»,-ասաց Բոշյանը:

Վերջինս սոցիալական ապահովության ծառայության պետի պաշտոնը զբաղեցրել է գրեթե 8 ամիս: Մեր զրույցում պատգամավորը նկատեց, որ ծառայության պետի եւ աշխատակիցների միջեւ կոմպրոմիս է ակնկալել՝ մտածելով, որ մարդիկ կկարողանան աշխատանքային գործընթացում մի կողմ դնել եղած տարաձայնություններն ու միջանձնային հարաբերությունները: «Այո, ինձ համար կանխատեսելի չէր նման ավարտ, բայց պետք է նշեմ, որ նախարարն է որոշում ծառայության ղեկավարի տեղակալին ազատել-չազատելը, դա բացառապես նախարարի լիազորությունների տիրույթում է»,-ասաց նա:

Աժ պատգամավորը սոցիալական ապահովության  ծառայության գործառույթները ներկայացնելիս նկատեց, որ ծառայության ղեկավար լինելու եւ աշխատանքը ճիշտ կազմակերպելու համար նախ եւ առաջ պետք է լինել լավ կառավարիչ․

«Ես տեղյակ չեմ, թե պարոն Ղամբարյանը որքանով է տիրապետում իր գործառույթներին, ես չէ, որ պետք է գնահատեմ նրա աշխատանքները պրոֆեսիոնալ հարթության մեջ: Պետք չէ շտապել, պետք չէ արագ եզրահանգումներ անել, սրանք գործընթացներ են որոնք, իհարկե, ցանկալի չեն, բայց չակերտավոր ասած՝ բնական են, որովհետեւ ինչքան էլ պետական ապարատն իր յուրահատկություններն ու փոխհարաբերություններն ունի, այնտեղ աշխատում են մարդիկ, եւ միջանձնային փոխհարաբերությունենրի մեջ հնարավոր են նմանատիպ դեպքեր»,-ասաց Բոշյանը՝ հույս հայտելով, որ ծառայության աշխատանքներն ապագայում նույնպես կընթանան իրենց բնականոն ճանապարհով։

Մամուլում շրջանառվող տեղկությունները, թե սոցիալական ապահովության ծառայության պետ Սուրեն Ղամբարյանը նախկինում ներգրավված է եղել մի շարք կոռուպցիոն գործարքներում եւ այդ պատճառով է ՊՎԾ-ում, ապա ՊԵԿ-ում զբաղեցրած իր պաշտոններից ազատվել, Բոշյանը չցանկացավ մեկնաբանել.

«Չեմ տիրապետում նման ինֆորմացիայի եւ լիազորված չեմ նման մեկնաբանություններ անել, ուղղակի կարող եմ ասել, որ այն մարդիկ, որոնք նմանատիպ պնդումներ են անում, շատ հանգիստ կարող են դիմել համապատասխան մարմիններին, ներկայացնել համապատասխան փաստեր, վստահ եմ, որ գործը կընթանա իր տրամաբանական հունով: Եթե կան փաստեր, ես պարզապես հորդորում եմ դրանք ներկայացնել իրավապահ մարմիններին, խոստանում եմ հետամուտ լինել գործի ընթացքին»:

Արման Բոշյանը նաեւ նկատեց, որ թավշյա հեղափոխությունից հետո ծառայությունում այնպիսի իրավիճակ էր, ինչպես մնացած գերատեսչություններում: Մարդիկ ինչ-որ դադարի մեջ էին եւ սպասում էին որոշակի գործողությունների, ինչը, սակայն, հետագայում կարգավորվել էր:

Տպել
4930 դիտում

Մահացել է գեներալ-մայոր Աստվածատուր Պետրոսյանը

ՍԴ նախկին անդամ Կիմ Բալայանը հացադուլ է հայտարարել՝ միանալով Գեղամ Մանուկյանին

Ստեփանակերտում ականազերծում կկատարվի՝ «Սմերչ»-ից արձակված ռումբերը վնասազերծելու համար

Ֆրանսիական Դեսին-Շարպիոն քաղաքը Ֆրանսիայի Կառավարությանը կոչ է անում ճանաչել Արցախի Հանրապետությունը

Մեկնարկել է ավագանու նիստը․ Մարությանը ներկա չէ, նրան փոխարինում է փոխքաղաքապետը

Գաբրիել Բալայանն ազատվել է ՊՆ փոխնախարարի պաշտոնից

Մայր Աթոռում կգործի Արցախի հոգևոր-մշակութային ժառանգության հարցերով գրասենյակ

ՀՀ կենտրոնական բանկը արտարժութային շուկայում կիրականցնի գործառնություններ

Վարչապետի նկատմամբ հանրության վերաբերմունքը պարզելու գործիքներից մեկը կարող է լինել վստահության հանրաքվեն. քաղաքագետ

Գրանցվել է կորոնավիրուսի 813 նոր դեպք, կա 3845 առողջացած

Նիկոլ Փաշինյանը մշակութային արժեքների վերաբերյալ նոր որոշում է ստորագրել

Երևանի Դավթաշեն և Աջափնյակ համայնքների մի շարք հասցեների ջրամատակարարումը վաղվանից 36 ժամով կդադարեցվի

Լայն տարածում են գտել գերեվարված զինծառայողների վերաբերյալ կեղծ, երբեմն միտումնավոր մոնտաժված տեսանյութեր. ԱԱԾ

Կարմիր խաչի ՄԿ-ը լրացուցիչ 400-500 մարդ կուղարկի Ղարաբաղ, կավելանա նաեւ բյուջեն. Մաուրեր

Ծովասար գյուղի անասնագոմերից մեկում հրդեհ է բռնկվել

Կա փոխվստահություն, և կարող ենք աշխատել հանուն ապագայի․ Արմեն Սարգսյանն այց է կատարել Հաշիմյան Թագավորություն

Իսպանիայի Կոնգրեսն ընդունել է Ինյառիտուի հերթական առաջարկ-միջնորդությունը Արցախի հարցով

Ստեփանծմինդա-Լարս ավտոճանապարհը տեղումների պատճառով փակ է բեռնատարների համար

Պետք չէ մոռանալ, որ գերիների փոխանակման գործընթացը կախված է առաջին հերթին ադրբեջանական կողմից. ԱՀ ՄԻՊ

Ռիտա Սարգսյանի վերջին հրաժեշտի արարողությունը տեղի է ունենալու խիստ ընտանեկան միջավայրում