Սոցիոլոգիական սառը ցնցուղ՝ ընդդիմության համար․ հեղափոխական էյֆորիան անցնում է, ցուցանիշները մնում են բարձր

լուսանկարը՝ Նարեկ Ալեքսանյանի

Ամերիկյան միջազգային հանրապետական ինստիտուտը սոցիոլոգիական հետազոտություն է անցկացրել Հայաստանում, որի արդյունքները բազմաթիվ հարցերի պատասխաններ են տալիս։ Ըստ այդ հարցումների՝ «Իմ քայլը» դաշինքի վարկանիշը 59 տոկոս է, ԲՀԿ-ինը՝ 12 տոկոս, իսկ երրորդ տեղում ՀՀԿ-ն է՝ 5 տոկոսով։ Հանրապետականներն, ի դեպ, սա մեծ հաջողություն են համարում եւ հպարտանում են իրենց 5 տոկոսով, որովհետեւ փոքր-ինչ առաջ են անցել «Լուսավոր Հայաստանից», բայց համաձայնվեք՝ իրականում դա շատ խղճուկ ցուցանիշ է մի ուժի համար, որն ինքն իրեն համարում է հիմնական ընդդիմություն եւ մեկ տարվա ընթացքում հսկայական միջոցներ է ծախսել քարոզչության վրա՝ փորձելով հնարավոր բոլոր ձեւերով սեւացնել գործող իշխանություններին։

Բայց քաղաքական ուժերի վարկանիշներն ամենակարեւորը չեն։ Այո, վերջին 7 ամիսների ընթացքում իշխող քաղաքական ուժի վարկանիշը նվազել է 12 տոկոսով, բայց հեղինակավոր միջազգային կազմակերպության հարցումները շատ ավելի էական փաստ են արձանագրում. այն է՝ չնայած աննախադեպ ակտիվ ու ագրեսիվ հակաքարոզչությանը, հասարակության 69 տոկոսը շատ դրական կամ մասամբ դրական է գնահատում կառավարության փոփոխությունները, 62 տոկոսը գտնում է, որ երկրում պետք է արագ փոփոխություններ իրականացնել, իսկ 60 տոկոսը համարում է, որ երկիրը ճիշտ ուղղությամբ է զարգանում։

Ի՞նչ են ցույց տալիս այս թվերը։ Նախ՝ արձանագրում են, որ հեղափոխական էյֆորիան անցյալում է։ Եվ սա, ի դեպ, էականորեն մեծացնում է հարցման արդյունքների արժեքը, որովհետեւ էմոցիոնալ բարձր ֆոնի պայմաններում արձանագրված թվերը մի՛ բան են, առանց էմոցիաների, սառը դատողությամբ արտահայտված կարծիքները՝ բոլորովին այլ բան։ Եվ այն, որ հեղափոխությունից գրեթե մեկուկես տարի անց էլ 69 տոկոսը դրական է գնահատում կառավարության գործունեությունը, իսկ 60 տոկոսը համարում է, որ երկիրը ճիշտ ուղղությամբ է զարգանում, վկայում է այն մասին, որ անցած տարվա ապրիլ-մայիսին Հայաստանում տեղի ունեցածն ամենեւին էլ ինչ-որ անսպասելի, ինքնաբուխ բռնկում չէր, ու հեղափոխական ալիքի վրա իշխանության եկածներն էլ պատահական մարդիկ չէին, որոնց նկատմամբ հեղափոխական «մասսաները», որպես կանոն, շատ արագ լցվում են ատելությամբ կամ հիասթափվում ու մի կողմ քաշվում։ Այսինքն՝ այնպես չէ, որ հանրապետականները նորմալ ղեկավարում էին երկիրը, պարզապես Սերժ Սարգսյանը «պահի տակ սխալվեց», Նիկոլ Փաշինյանն էլ օգտվեց դրանից ու վերցրեց իշխանությունը։ Իրականում խնդիրները շատ ավելի լուրջ էին, ճգնաժամը վաղուց էր խորացել, եւ վաղ թե ուշ հանգուցալուծումը պիտի տեղի ունենար։

Ուշադրություն դարձրեք՝ փաստորեն չի աշխատել նաեւ նախկինների իրականացրած «սառնարանային» քարոզչությունը (որի համաձայն՝ հասարակության համար ամենակարեւորը սեփական սառնարանի պարունակությունն է)։ Նույն հարցումների համաձայն՝ հասարակությունն առանձնապես գոհ չէ սոցիալական վիճակից եւ գտնում է, որ երկրում շարունակում են առաջնային մնալ գործազրկության եւ աղքատության բարձր մակարդակի հետ կապված խնդիրները, այսինքն՝ մարդիկ դեռեւս իրենց մաշկի վրա չեն զգացել հեղափոխության արդյունքները, բայց միեւնույն է՝ մեծամասնությունը համարում է, որ երկիրը ճիշտ ուղով է զարգանում։ Այլ կերպ ասած՝ հեղափոխական էյֆորիան թոթափած մարդիկ հասկանում եւ ընդունում են, որ ամեն ինչ միանգամից չի լինի, ժամանակ է պետք։

Մի խոսքով՝ ակնհայտ է, որ այս հետազոտությունը սառը ցնցուղ էր նախկին իշխանությունների ու իրենք իրենց հիմնական ընդդիմություն համարողների համար։ Բայց ակնհայտ է նաեւ, որ իշխանությունները նույնպես պիտի լուրջ հետեւություններ անեն ու ամենայն մանրամասնությամբ ուսումնասիրեն հետազոտության արդյունքները։ Իշխող քաղաքական ուժի՝ դեռեւս պահպանվող շատ բարձր վարկանիշն ու ընդդիմության խղճուկ թվերը  չպետք է հանգստացնեն նրանց, որովհետեւ սառը դատողությամբ առաջնորդվող հասարակության պահանջներն ու ակնկալիքներն էլ որակապես այլ աստիճանի վրա են, ու դրանց բավարարումը շատ ավելի ծանր ու հետեւողական աշխատանք է պահանջում։

Տպել
16146 դիտում

Կոտայքում ճանապարհի մերկասառույցի պատճառով վրաերթի են ենթարկվել ծառայություն կատարող պարեկները

Դուբայում աքսորի մեջ մահացել է Պակիստանի նախկին առաջնորդ Փերվեզ Մուշարաֆը

Վարդենյաց լեռնանցքը փակ է կցորդով տրանսպորտային միջոցների համար

Թուրքիայի առևտրի նախարարը խոսել է Հայաստանի հետ սահմանները բացելու նախապայմանների մասին

Ծեծկռտուք Երևանի «Ռոյալ» ակումբի մոտ. բերման ենթարկվածներից մեկը Առաքել Մովսիսյանի որդին է

Կեղծ հրապարակում է տարածվել Արցախի ԱԱԾ-ի հետ կապ ունեցող «Տելեգրամ» ալիքի վերաբերյալ

Տաշիր քաղաքում բախվել են ավտոմեքենաներ. կա տուժած

Երևան-Մեղրի ճանապարհին մերկասառույցի պատճառով բեռնատարները թեքվել և միակողմանի փակել են ավտոճանապարհը

ՀՀ ազգային հերոս Էդուարդո Էռնեկյանին շնորհվել են Ֆլորենցիա քաղաքի բանալիները (լուսանկարներ)

Ակտիվ ցիկլոն է ներթափանցել ՀՀ տարածք. առաջիկա օրերին առատ ձյուն կտեղա, սպասվում է բուք, ցածր տեսանելիություն

Թեհրանի Սուրբ Սարգիս մայր եկեղեցում համանուն տոնին նվիրված պատարագ է մատուցվել

Ուկրաինայի գլխավոր դատախազությունը հեռակա մեղադրանք է առաջադրել Սեմյոն Պեգովին

Մաեստրոն կա թատրոնում, երգերում, մարդկանց սրտերում և հայրենիքում. մեկ տարի՝ առանց Արթուր Գրիգորյանի (տեսանյութ)

Լարսը բաց է բոլոր տեսակի տրանսպորտային միջոցների համար

Փողն էր պատճառը, ուտում էին, չէին տալիս, մի պահ եկավ՝ դարձել էինք աշխատող. Վաչե Թովմասյանը՝ «32 ատամ»-ի փլուզման մասին

Հայաստանը պետք է սեղմի խաղաղության ձեռքը, որ նրան մեկնել են Ալիևը և Էրդողանը. Հուլուսի Աքար

Լեռներում գոնե 2 մետր ձյուն կուտակենք, էլ բան չեմ ուզում. Սուրենյան

Հայաստանի մեծ մասում ձյան առատ տեղումներ են, որոշ հատվածներում՝ բուք

Հայտնի են Հայաստանի՝ բռնցքամարտի 2023 թվականի առաջնության չեմպիոնները

Հրդեհ Լեոյի փողոցում. այրվել է երկհարկանի տան մի հատվածը

8 տարի հետախուզման մեջ գտնվող 40-ամյա Տիգրանը Աստանայից տեղափոխվել է Հայաստան

Հունաստանի հանրային ռադիոն անդրադարձել է Արցախի շրջափակմանը

Հունվար ամսին որդեգրվել է 9 թափառող շուն. հաշվետվություն

Եթե կա մեկը, ով վախում է թրքացումից, թող պրոբլեմը իր մեջ փնտրի. Սամսոնյանը՝ «Էրիվան» պրոդուկտի շուրջ քննարկումների մասին

Լիլիթ Մակունցը կոնգրեսական Ջուդի Չուի հետ քննարկել է Ադրբեջանում պահվող հայ ռազմագերիների հարցը

Ստեփանակերտի Մայր եկեղեցում կատարվել են երեկոյան ժամերգություն և օրհնության կարգ

ՀՀ տարածքում կան դժվարանցանելի ավտոճանապարհներ. Լարսը փակ է բեռնատարների համար

Միասնական ջանքերի շնորհիվ ՀՀ-ի և Շրի Լանկայի միջև հաստատված բարեկամական հարաբերությունները կամրապնդվեն․ ՀՀ նախագահ

Այգեվանցի Քեսաբլյանները 11-րդ զավակն են ունեցել

Ճանապարհի լայնացման աշխատանքներ Մեղրիի լեռնանցքում (տեսանյութ)

Փրկարար ծառայությունում գնահատվել են լավագույնները (լուսանկարներ)

ՀՀ-ն վերահաստատում է Նիգերիայի հետ հարաբերություններում առկա ներուժի իրացման պատրաստակամությունը․ ՀՀ նախագահի ուղերձը

Փարիզը մտահոգված է Լաչինի միջանցքի փակմամբ և կողմ է հայ-ադրբեջանական բանակցությունների վերսկսմանը. Ֆրանսիայի ԱԳՆ խոսնակ

Խոստանում եմ, որ կունենանք քո սրտում ապրող կարոտին համարժեք պետություն․ Աննա Հակոբյանը շնորհավորել է հերոս Գոռի մայրիկին

Շարժական մամոգրաֆը մինչև մայիս կմնա Սյունիքում․ 50-69 տարեկան կանայք անվճար հետազոտվելու հնարավորություն կունենան

Արցախում 6 երեխա գտնվում է նորածնային և վերակենդանացման բաժանմունքներում, 4 չափահաս ծայրահեղ ծանր վիճակում է

ՊԵԿ-ը 2023 թ. հունվարին ապահովել է 166.3 մլրդ դրամ հարկային եկամուտ և պետտուրք

Գյումրիի «Շիրակ»-ը կշարունակի մարզումները Բելեկում

Շրջանների մեծ մասում սպասվում է ձյուն և մառախուղ, լեռնային գոտիներում՝ բուք

Չկան «սիրելիներ» և «չսիրելիներ», կա պրոֆեսիոնալ աշխատանք և սկզբունքայնություն. գլխավոր դատախազն այցելել է Արմավիրի մարզ