Նոր Խաչակապում խմելու ջուր ոչ բոլորն ունեն

Լոռու մարզի Սպիտակի տարածաշրջանի Նոր Խաչակապ համայնքի բնակիչների մի մասը շարունակում են ահազանգել գյուղում խմելու ջրի ոչ համաչափ բաշխումից, ինչ արդյունքում իրենք ջուր պարզապես չեն ստանում: Գյուղը թեպետ խմելու ջրագիծ ունի, սակայն թաղամասի մի հատվածն է միայն կարողանում այն ստանալ, իսկ վերին հատվածում տեղակայված բնակարաններում ջուր պարզապես չի հասնում: Բնակիչներից մեկն ասում է, որ արդեն 20 տարի ինքը դույլերով է ջուր կրում.«Մենք էլ ենք մարդ, մենք ուրիշ բան չենք ուզում, մենք միայն ջուր ենք ուզում, թող մեր ջուրը մեզ մատակարարեն»:

Մշտական ջուր ունենալը Նոր Խաչակապում երազանքի նման մի բան է: Տարիներ շարունակ սեփական ծորակից եկող ջրին սպասող բնակիչները ստիպված են կամ ջուր հավաքել, կամ էլ դույլերով կրել՝ անհրաժեշտ կարիքները հոգալու համար. «Խմելու ջրի հարցը բացարձակ պրոբլեմ է, գյուղի վերեւի հատվածում ջուրը միշտ կա, մյուս հատվածում չկա, քանի որ նորմալ ճնշում չի տալիս, որ բոլորին հասնի, ու եթե տալիս էլ ա, մի մասը որ ստանում ա, էն մյուսին էլ չի հասնում»,-մանրամասնում են բնակիչներն ու ասում, որ խնդիրը միայն ճիշտ բաշխման արդյունքում կլուծվի. «Ոռոգման ջուր էլ չունենք, բայց հլա թող խմելու ջրի հարցը լուծի, նոր կխոսենք ոռոգման ջրից, անձրեւի ջրով ենք լվացք անում ու աման լվանում, իսկ բերք ու բարիք ջրելն էլ Աստծո հույսին ենք թողել»:

Ոչ ամենօրյա գրաֆիկով ու հաշված ժամաքանակով տրամադրվող ջուրը գյուղացիներին ստիպում է օգտագործել մի քանի օրվա պաշարված ջուր, որն, ինչպես իրենք են նշում, հատկապես ամռան օրերին վտանգավոր է դառնում: Բնակիչների բողոքին ի պատասխան, սակայն, Նոր Խաչակապի համայնքապետ Սուրիկ Տռուզյանն ասում է, թե խմելու ջուրը բավականացնում է գյուղի բնակչության մեծ մասին, իսկ մյուսների բողոքներն էլ բնական է համարում: Գյուղապետը համոզված է՝ ջրի անհավասար բաշխման հարցում մեղավոր են նաեւ համայնքի բնակիչները, եթե խնայողաբար օգտագործեն, խմելու ջրով հողամաս չոռոգեն, ամբողջ գյուղին ջուր կհասնի. «Բնակիչների 90 տոկոսին ջուր հասնում է, իրենք իրենց պահանջները բավարարում են, բայց էն մնացած 10 տոկոսն էլ նեղանում ու բողոքում են, բայց մենակ բողոքելով չէ, պետք է նաեւ հարցին լուծում տրվի, որին կմասնակցեն նաեւ իրենք՝ բնակիչները, սա սեզոնային երեւույթ է: Մի մասը, քանի որ խմելու ջրով նաեւ ոռոգում է իրականացնում, դրա համար մի մասին ջուրը չի բավականացնում կամ առհասարակ չի հասնում»:

Նոր Խաչակապի բնակիչները դիմել են Լոռու մարզպետարան, մարզպետն էլ խոստացել է 2 շաբաթվա ընթացքում պատասխան տալ: Բնակիչների բողոքը հիմնականում ուղղված է համայնքապետին, ասում են՝ իրենց խնդիրների մասին չի բարձրաձայնում պատկան մարմիններին, ինչպես նաեւ չի ցուցաբերում հետեւողականություն՝ խնդրի վերջնական լուծման ու գյուղի ողջ բնակիչներին ջրով ապահովելու հարցում:

Տպել
7756 դիտում

«Նուբարաշեն» ԿՔՀ փորձել են տեղափոխել կանաչ, փոշենման զանգված

Մայր Աթոռում տեղի ունեցավ գիտաժողով` նվիրված Տ.Տ. Գարեգին Ա Ամենայն Հայոց Կաթողիկոսին

Իրանի դեմ սահմանված նոր պատժամիջոցները վկայում են Թրամփի վարչակազմի հուսահատության մասին. Ռոհանի

Արմեն Սարգսյանն աշխատանքային այցով մեկնել է Իտալիայի Հանրապետություն

Պուտինը կառավարությանը հանձնարարել է գումար հատկացնել Աբխազիայի բանակի արդիականացման համար

Վանաձորի մանկատան տնօրենի մրցույթը տեղի կունենա վաղը. 4 թեկնածու կա

Եղեգնուտ գյուղում ապօրինի 65 ծառ էր հատել. ոստիկանության բացահայտումը (տեսանյութ)

Օդի ջերմաստիճանը աստիճանաբար կբարձրանա 6-7 աստիճանով. Հայպետհիդրոմետ

Վաղը տեղի կունենա ՀՀ ֆուտբոլի սուպերգավաթի խաղարկությունը

Արա Սաղաթելյանն իմ 22 տարվա ընկերն է, որի մասին տեղյակ են բոլորը. Վանեցյանը՝ աղմկահարույց լուսանկարի մասին

Ի՞նչ պետք է իմանա իրավաբանական անձը ԵԱՏՄ անդամ չհանդիսացող երկրից Հայաստան ավտոմեքենա ներմուծելիս. ՊԵԿ-ի պարզաբանումը

Սյունիքում Իրանի քաղաքացու՝ հեղուկ գազ տեղափոխող բեռնատարի կցորդիչը 30մ գլորվել է դեպի ձորը. ԱԻՆ (տեսանյութ)

Արցախում զինծառայողը վիրավորվել է զենքի օգտագործման կանոնների խախտման հետեւանքով. նախնական տվյալներ

Եթե կա տեղեկատվություն, որը պետական գաղտնիք չի պարունակում, ապա պարոն Վանեցյանը պետք է հրապարակի այն․ Մակունց

Հնարավորություն կունենան ընդլայնվել. Արայիկ Հարությունյանն այսօր ընդունել է Հայաստանի ամերիկյան համալսարանի նախագահին

1,3 մլրդ եվրո արժողությամբ ներդրումային փաթեթ ու 178 ծրագրեր. Ավինյանն ընդունել է ՎԶԵԲ առաջին փոխնախագահին

«Գահերի խաղը» «Էմմի» մրցանակի է արժանացել՝ անկախ երկրպագուների դժգոհություններից

Ուշադիր ընթերցողը հասկացել է՝ ինչ նկատի ունեի ես. Վանեցյանը արձագանքել է Փաշինյանի հայտարարությանը. Hraparak.am

ՎՏԲ-Հայաստան բանկը և Armenian Assembly հ/կ-ն հուշագիր են ստորագրել

Սուրեն Պապիկյանի մարտահրավերը լրագրողներին. միասին անցնենք 48.3կմ երկարությամբ «Արփա-Սևան» թունելով