Հայաստանյան ֆուտբոլասերների համար արձակուրդն ավարտվում է: Հաջորդ շաբաթվանից եվրագավաթներում իրենց ելույթները կսկսեն հայկական թիմերը: Ինչպես հայտնի է, Չեմպիոնների լիգայի 2019-20 մրցաշրջանի որակավորման առաջին փուլում Հայաստանը ներկայացնելու է չեմպիոն «Արարատ-Արմենիան», իսկ Եվրոպա լիգայում հանդես են գալու «Փյունիկը», «Բանանցը» եւ գավաթակիր «Ալաշկերտը»:

«Արարատ-Արմենիան» Հայաստանի չեմպիոն դարձավ Բարձրագույն խմբում իր առաջին տարում: Այժմ նորամուտն է նշում եվրագավաթներում: Չեմպիոնների լիգայի որակավորման առաջին փուլում մրցակիցը շվեդական ԱԻԿ-ն: Վերջին 6 խաղերում շվեդական թիմերն անպարտելի են հայկական թիմերի համար: Ունեն 5 հաղթանակ, 1 ոչ-ոքի:

Եվրոպա լիգայի 2015-16 մրցաշրջանի որակավորման 2-րդ փուլում ԱԻԿ-ը խաղացել է հայկական թիմի դեմ: Հանդիպել էր «Շիրակին»: 2 խաղերի արդյունքում հաղթեց 4:0 հաշվով ու շրջանցեց գյումրեցիներին: Դիմանակությունն աչքի ընկավ ոչ միայն սպորտային առումով: Առաջին՝ Շվեդիայում կայացած, հանդիպումից հետո ԱԻԿ-ը «Շիրակին» մեղադրեց ակումբի սրբիչների գողության մեջ: Պատասխան խաղում նրանց երկրպագուները Հայաստանում սրբիչներ էին թափահարում: Դրան ի պատասխան՝ «Շիրակը» մրցակցին սրբիչներ նվիրեց:

«Արարատ-Արմենիա»-ԱԻԿ հանդիպումը կայանալու է հաջորդ շաբաթ՝ հուլիսի 9-ին Երեւանի Ֆուտբոլի ակադեմիայում: Սկսվելու է 18:00-ին: Պատասխան խաղը տեղի է ունենալու հուլիսի 17-ին:

ՀՀ չեմպիոնը տնային հանդիպման հետ կապված անսովոր որոշում է կայացրել երկրպագուների համար: Մուտքն ազատ չէ: Տոմսերն արժեն 2 հազար դրամ: Դրանք հնարավոր է ձեռք բերել Ֆուտբոլի ակադեմիայի մարզադաշտի տոմսարկղից (գլխավոր մասնաշենքի մուտքի հարեւանությամբ), «Տաշիր» առեւտրի կենտրոնի առաջին հարկում տեղակայված «Արարատ-Արմենիայի» նորաստեղծ վաճառակետից կամ կարելի է պատվիրել առցանց այստեղ:

«Ալաշկերտի» մրցակիցը Եվրոպա լիգայի որակավորման առաջին փուլում մակեդոնական «Մակեդոնիան» է: «Ալաշկերտը» եվրագավաթներում մակեդոնական թիմերի չի հանդիպել: Մրցակիցը նույնպես հայկական մրցակիցներ չի ունեցել: Թիմերի առաջին հանդիպումը կայանալու է Երեւանի Ֆուտբոլի ակադեմիայում հուլիսի 11-ին: Կմեկնարկի 19:00-ին: Պատասխան խաղը տեղի կունենա 1 շաբաթ անց՝ հուլիսի 18-ին:

Անցած մրցաշրջանում «Ալաշկերտը» պատմական հաջողություն էր հասել: Դուրս էր եկել Եվրոպա լիգայի որակավորման 3-րդ փուլ: Թիմը կրկնել էր նույն մրցաշրջանում՝ մի քանի օր առաջ «Փյունիկի» գրանցած պատմական հաջողությանը, որը նույնպես ԵԼ որակավորման 3-րդ փուլ էր դուրս եկել: Անցած մրցաշրջանում այս թիմերի շնորհիվ հայկական ակումբներն առաջին անգամ հայտնվեցին եվրագավաթների որակավորման 3-րդ փուլում:

«Փյունիկի» մրցակիցն այս տարի Եվրոպա լիգայի որակավորման առաջին փուլում նույնպես մակեդոնական թիմ է՝ «Շկուպին»: Սա «Փյունիկի» 4 մակեդոնական մրցակիցն է եվրագավաթներում: 2004-05 մրցաշրջանի Չեմպիոնների լիգայի որակավորման առաջին փուլում խաղացել է «Պոբեդայի» դեմ: 2 խաղերի արդյունքում շրջանցել է ընդհանուր 4:2 հաշվով: 2013-14 մրցաշրջանում Եվրոպա լիգայի որակավորման առաջին փուլում մրցել է «Տետեքսի» դեմ, շրջանցել ընդհանուր 2:1 հաշվով: Անցած մրցաշրջանում պատմական հաջողությանը՝ Եվրոպա լիգայի որակավորման 3-րդ փուլին, հասավ կրկին մակեդոնական թիմի դեմ պայքարում: «Վարդարն» էր, որին հաղթեց ընդհանուր 3:0 հաշվով:

«Փյունիկ»-«Շկուպի» առաջին խաղը կայանալու է հուլիսի 11-ին Գյումրիի քաղաքային մարզադաշտում: Սկսվելու է 17:30-ին: Բոլոր երկրպագուների համար, որոնք ցանկանում են հաճախել մարզադաշտ, «Փյունիկը» կազմակերպում է անվճար փոխադրում Գյումրի եւ հետ Երեւան: Տեղափոխության մարմանասներին կարելի է ծանոթանալ ակումբի ֆեյսբուքյան պաշտոնական էջում: Այս թիմերի պատասխան հանդիպումը Մակեդոնիայում հուլիսի 18-ին:

Եվրոպա լիգայի որակավորման առաջին փուլում «Բանանցի» մրցակիցը սերբական «Չուկարիչկին»: Եվրագավաթներում «Բանանցը» սերբական մրցակիցներ չի ունեցել: «Չուկարիչկին» էլ հայկական թիմերի դեմ չի խաղացել: Առաջին հանդիպումը կկայանա Սերբիայում հուլիսի 11-ին: Պատասխան խաղը Երեւանում տեղի կունենա «Բանանց» մարզադաշտում հուլիսի 16-ին: Կսկսվի 19:00-ին: Հայկական թիմերից «Բանանցը» միակն է, որը տնային հանդիպումն անց է կացնելու սեփական ենթակառուցվածքում:

«Ալաշկերտը», «Փյունիկը» եւ «Բանանցը» տոմսերն չեն վաճառում: Մուտքն ազատ է:

Տպել
1146 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)