Ապրիլյան պատերազմում վիրավորված զինծառայողի բուժման համար պետք է 35 000 եվրո, առայժմ հանգանակվել է 375 դոլար

Ապրիլյան պատերազմում ողնաշարի ծանր վնասվածք ստացած զինծառայող Հայկ Սեխլիյանի ընկերներն արդեն մի քանի օր է՝ հանգանակություն են սկսել, որպեսզի նա հնարավորություն ունենա մեկնել Գերմանիա՝ անհրաժեշտ բուժումը ստանալու համար: Կառավարությունից սպասելիքներ կարծես թե այլեւս չկան:

«Ես սովորաբար իմ կյանքում ոչ մի բան չեմ սպասում, առավելեւս կառավարությունից, պետությունից: Սա ասում եմ ոչ թե որովհետեւ հիասթափված եմ կամ ինչ-որ բան, այլ ընդհանրապես չեմ սպասում: Դրա համար ընկերներս նախաձեռնեցին այդ հանգանակությունը»,- «Հայկական ժամանակի» հետ զրույցում ասաց Հայկը: Անհրաժեշտ գումարը 35 հազար եվրո է: Այս ընթացքում նրա հաշվեհամարին փոխանցվել է ընդամենը 375 դոլար:

Հայկը, որ սկզբում ինքնուրույն նույնիսկ տեղաշարժվել չի կարողացել, Հայաստանում երկու վիրահատությունից ու վերականգնողական բուժումից հետո քայլում է ձեռնափայտի օգնությամբ: Ասում է՝ ըստ գերմանացի եւ իսրայելցի բժիշկների՝ դա բացառիկ երեւույթ է վերջին 70-75 տարիներին. «Իրենք ամենամեծ հրաշքը, որ պատկերացնում են, այն է, որ ես պետք է նստեի»:

Հայկ Սելխիյանը ապրիլի 4-ին Թալիշում վիրավորվել է գրադի ականի պայթյունից: Մարմնում մնացած բեկորներ կան: Դրանցից մեկն ընդհուպ մոտեցել է ողնուղեղին: Այժմ, արդեն, ըստ նրա, հայաստանցի մասնագետները հրաժարվում են իր հետ աշխատել, որովետեւ այդ վիճակում ռիսկային է, քանի որ յուրաքանչյուր շարժում կարող է բեկորը ճակատագրան ուղղությամբ տանել:

«Երեք տարի փորձել եմ Հայաստանի պայմաններում բուժվել, բայց վերջին մի տարին մեր բժիշկներն էլ գրեցին, որ իրենք չեն կարողանում այստեղ բուժել: Անցյալ տարի նոյեմբերին գնացել եմ Գերմանիա հետազոտման, մասնագետների եզրակացությունը հետեւյալն է եղել, որ իրենք վեց շաբաթում վերականգնողական բուժման միջոցով պետք է ոտքի կանգնեցնեն, ես առանց ձեռնափայտի ազատ տեղաշարժվեմ: Իսկ բեկորին, որը ողնուղեղիս մոտ է, ասացին՝ չենք համարձակվի դիպչել: Խորհուրդ տվեցին գնալ Շվեյցարիա՝ Ցյուրիխ քաղաքում գործող կլինիկա: Գերմանիայում ասացին՝ վերականգնողական միջոցներով քեզ կկանգնեցնենք ոտքի, հնարավոր է նաեւ օրգանիզմի վնասված ֆունկցիաներն էլ վերականգնվեն: Օրինակ տաքի ու սառի զգացողություն ընդհանրապես չունեմ»,- ասաց 33-ամյա Հայկը:

Ցյուրիխում վիրահատությունն, ըստ նրա, իհարկե նախընտրելի կլիներ, բայց տվյալ բուժհաստատությունից առաջարկել են նախ երկու օր հետազոտություն անցնել, որի համար պահանջվում է 6 680 եվրո: Իսկ թե վիրահատության գործն այստեղ ստանձնելու դեպքում որքան կարող է լինել դրա արժեքը, հայտնի չէ: «Նոյեմբերին էլ որ գնացի Գերմանիա, իմ հրամանատարի շնորհիվ եմ գնացել»,- հավելեց պատերազմի ընթացքում հաշմանդամություն ձեռք բերած զինծառայողը: Հրամանատարը տրամադրել է երեք հազար դոլար:

Հայկ Սելխիյանը դիմել է առողջապահության նախարարություն: Գերմանիա տեղափոխվելու հարցում այստեղից, գոնե առայժմ, աջակցություն չի ստացել: Զինծառայողի փոխանցմամբ, պատասխանել են, որ Հայաստանում նույնպես վերականգնողական բուժում ստանալու հնարավորություն կա: Իսկ վիրահատական միջամտություն, փաստորեն, գերմանացի մասնագետներն էլ չեն ստանձնում:

Հայկը նկատում է, որ եղել է մեր երկրի բոլոր վերականգնողական կենտրոններում. «Ասում են՝ վերականգնողական բուժում այստեղ էլ հնարավոր է: Վերականգնողական կենտրոնը հանձնաժողով է ստեղծում, հանձնաժողովի բժիշկները ասում են՝ չենք կարող: Բժիշկները երեք անգամ թե գրավոր, թե բանավոր ասել են՝ մենք հրաժարվում ենք: Առողջապահության նախարարության գրության մեջ մերժում է, որովհետեւ այդ բուժումը Հայաստանում էլ կա: Ասում եմ՝ երեք տարի բոլոր վերականգնողական կենտրոններում եղել եմ: Առաջընթաց ունեմ, հիմա հասել է այն ստադիային, որ այլեւս չեն կարողանում ոչ մի բան անել: Եթե ութ ամիս առաջ գնացած լինեի Գերմանիա, ես բոլորի նման հավասար կքայլեի: Ես մտածում էի՝ թող մի տարի ուշ լինի, բայց Հայաստանում լինի: Որ քայլում եմ, դա առաջընթաց է: Սրանից ավելին այստեղ հնարավոր չէր հասցնել: Ուղղակի Աստծո կամքով, իմ համառ բնավորության շնորհիվ քայլում եմ»,- ասաց Հայկը:

Հայաստանում, ըստ նրա, իր հետ չեն համարձակվել աշխատել, երբ բեկորը ողնուղեղից հեռու էր դեռ մեկ միլիմետր, իսկ Գերմանիայում աշխատելու են նորագույն տեխնոլոգիաների ու սարքավորումների միջոցով: Նա, սակայն, չի բացառվում, որ արդեն ողնուղեղին հասած բեկորի դիրքը նրանց էլ թույլ չտա վերականգնողական բուժում իրականացրել:

«Երեկ եմ անձամբ հետները խոսել: Իրենք հարցնում են՝ ցավեր կա՞ն, ես ասում եմ՝ չէ: Ասացին՝ ուրեմն դա չի խանգարում, բայց ամեն դեպքում պետք է նորից հետազոտենք»,- հույսը չի կորցնում երկու երեխաների հայրը:

Առողջապահության նախարարության լրատվական ծառայությունից մեր հարցմանը պատասխանեցին, որ ուսումնասիրվում են Գերմանիայում կատարված վերջին հետազոտությունների պատասխանները` հասկանալու, թե նախարարությունն իր լիազորության սահմաններում ինչով կարող է աջակցել Հայկ Սելխիյանին: Մեր ճշտող հարցին, թե վերը նշված մերժումն արդյոք չի՞ եղել նոյեմբերին Հայկի անցած հետազոտությունից հետո, թե՞ նախարարությունը կրկնակի է ուսումնասիրում գործը, պատասխան չստացանք:

«Զինվորի տուն» վերականգնողական կենտրոնից նույնպես փորձեցինք պարզել, թե Հայաստանում առաջարկվող վերականգնողական բուժումն ինչով է զիջում Գերմանիայում առաջարկվողին, եթե զիջում է: Այստեղի լրատվական ծառայությունից էլ պատասխանեցին, որ Գերմանիայում Հայկ Սեխլիյանին վերականգողական բուժում տրամադրելուց առաջ պետք է որոշակի միջամտություն արվի, որը ենթադրում է պոմպի տեղադրում ողնուղեղում: Դա չի մտնում այս կենտրոնի գործառույթների մեջ, ի  տարբերություն վերականգնողական բուժման:

Հ.Գ. Հայկ Սեխլիյանին օգնել ցանկացողները կարող են ցանկացած արժույթով գումար փոխանցել ACBA-CREDIT AGRICOLE BANK-ի հետեւյալ հաշվեհամարին՝ 220098610326001։

Տպել
7960 դիտում

ՀՀ տարածքում կան փակ ավտոճանապարհներ․ Սիսիան-«Զանգեր» կոչվող հատվածում կան կուտակված ավտոմեքենաներ

Սարի թաղում ավտոմեքենա է կողաշրջվել

Մեկնարկել են տնօրենի հավաստագրման քննությունները. դիմել է 505 հավակնորդ

Վերին Պտղնի համայնքում ավարտին են մոտեցել համայնքային մանկապարտեզի կառուցման աշխատանքները

Լարսը փակ է. ռուսական կողմում 730 բեռնատար է կուտակվել

Ինչ ծրագրեր կան Երեւանի ամենահին թաղամասերից մեկի՝ Կոնդի հետ կապված․ փոխվարչապետի եւ քաղշինկոմի նախաձեռնությունը

Փրկարարները Ձորագլխի մոտակա սարից 3 մարդու են իջեցրել. 17-ամյա քաղաքացու վիճակը գնահատվում է ծանր

Առանց հյուրերի, ընթրիքի, պարահանդեսի ու առանց Թրամփի. ինչպիսին է լինելու Բայդենի երդմնակալությունը

Անբարեխիղճ արցախցիները չեն օգտվի կոմունալ ծառայությունների փոխհատուցման աջակցության միջոցառումից

Առաջարկում եմ պարոն Անանյանին հեռացնել իր էջից ստատուսը․ Սերգեյ Բագրատյանն էլ Դավիթ Անանյանի գրառմանն է անդրադարձել

Գյումրիում ցրտահարությունից 70-ամյա կին է մահացել

Մեսրոպ Առաքելյանը ԵՄ դեսպան Անդրեա Վիկտորինի հետ քննարկել է իրականացվող ծրագրերն ու դրանց ընթացքը

Ահա թե ինչ է լինում, երբ... Բագրատյանի հանձնաժողովը խիստ քննադատվեց, նա մեղքը գցեց Անանյանի վրա, Անանյանն էլ, թե՝ սուտ է

Արցախի խորհրդարանի 2021 թվականի ծախսը 2020թ-ի համեմատ աճել է 25 մլն 871 հազ դրամով

Հայտնում եմ, որ պատգամավորը ստում է․ Դավիթ Անանյանն արձագանքել է Սերգեյ Բագրատյանի ելույթին

Կրեմլը մեկնաբանել է Նավալնիի հետ կապված իրավիճակը

2021 թվականին սպասվող կարևոր սպորտային իրադարձությունները

ՀՀ պաշտպանության նախարարն ընդունել է ԵԿՄ վարչության անդամներին

Սեպտեմբերից սկսած Սահմանադրական դատարանի դատավորները որևէ տեսակի պարգևավճար չեն ստացել․ ՍԴ խոսնակ

Աբովյան քաղաքի ավտոճանապարհները դժվարանցանելի են․ Հանրապետության մեծ մասում ձյուն է տեղում

Վիգեն Ստեփանյանի հուղարկավորման տեղի համար Կառավարության միջամտությանն են դիմել

Արտադրական փակ տարածքներում հակահամաճարակային նորմերի պահպանման թերություններ է արձանագրվել․ ԱԱՏՄ

Դատարանը հեռացավ խորհրդակցական սենյակ՝ Քոչարյանի գործով դատախազների բացարկի միջնորդության վերաբերյալ որոշում կայացնելու

Վահան Քերոբյանը հանդիպում է ունեցել Սյունիքի մարզպետ Մելիքսեթ Պողոսյանի հետ․ քննարկվել են գյուղատնտեսական խնդիրները

Նկատողություն Ռոբերտ Քոչարյանին, Յուրի Խաչատուրովին, մեղադրող դատախազին եւ պաշտպանին

Հայտնաբերվել է տոպրակ` առանձնապես խոշոր չափի թմրանյութով (տեսանյութ)

Մեկնարկել է «i-Portunus» արվեստագետների ճամփորդական դրամաշնորհի մասնակցության հայտերի ընդունումը

4-րդ զորամիավորումում ամփոփվել է 2020 թ. ուսումնական տարին (լուսանկարներ)

Արմեն Փամբուխչյանը և Ֆրանսիայի դեսպանության ներքին անվտանգության կցորդ Էրվե Ժամենը քննարկել են համագործակցության ծրագրեր

Տղամարդու կեցվածքի մեջ ինձ համար ամենաանընդունելի բանը լաչառությունն է. Ռոբերտ Քոչարյան

Գերիների ու անհետ կորածների ընտանիքներին չպետք է միայնակ թողնել, բայց դա պետք է անել հնարավորինս աննկատ․ Ա. Քոչարյան

Վարդենյաց լեռնանցքը փակ է, ՀՀ 9 մարզում ձյուն է տեղում

Ուսուցիչներին տրվող լրավճարների չափը կենթարկվի՞ փոփոխության. ԿԳՄՍՆ-ից պարզաբանում են, որ բանաձեւը լրամշակման փուլում է

Դուք դավաճանների աջակիցն եք. Խաչատուրովը՝ դատավորին

Նիկոլ Փաշինյանը և Նիդերլանդների դեսպանը քննարկել են երկկողմ կապերի զարգացման օրակարգը (լուսանկարներ)

Առանց պետական գրանցման ու լիցենզիայի կազմակերպվել են «պոկեր» կենդանի խաղեր․ պետությանը պատճառվել է 5,5 մլրդ դրամի վնաս

«Շուշին հանձնողներից մեկն ես, էլի». վիճաբանություն Քոչարյանի, նրա պաշտպանների եւ մեղադրող դատախազի միջեւ

Առաջին զորամիավորումում անցկացվել է ռազմաբժշկական պատրաստության պարապմունք (լուսանկարներ)

Արման Թաթոյանը Գերմանիայի դեսպանի հետ քննարկել է Ադրբեջանում պահվող հայկական կողմի գերիների վերադարձի հետ կապված հարցեր

ՀՀ պետական սահմանի հայ-ադրբեջանական շփման գծի ամբողջ երկայնքով շարունակվել է պահպանվել կայուն օպերատիվ իրավիճակ․ ՊՆ