Երևան
22 °C
searchclose
today
menuclose
Երևան
22 °C
Ալեքսանդր Սարգսյանի որդու՝ Հայկ Սարգսյանի գործով նիստում այսօր հարցաքննվեց նրանց հարեւան Սամվել Ասլանյանը:
Դատարանը նախորդ նիստին այս վկային բերման ենթարկելու որոշում էր կայացրել, քանի որ վերջինս երկու անգամ ծանուցվել էր, սակայն երկու անգամ էլ հետ է վերադարձվել ծանուցումը՝ չծանուցված նշումով։
Սամվել Ասլանյանը ասաց, որ Ալեքսանդր Սարգսյանի որդու՝ Հայկ Սարգսյանի եւ Դավիթ Սիմոնյանի հետ նորմալ հարաբերություններ ունի: Ասլանյանը դատարանում պատմեց Թումանյան փողոցի բնակարաններից մեկում 11 տարի առաջ տեղի ունեցած միջադեպի եւ դրան հաջորդած իրադարձությունների մասին։ Նա ասաց, որ սկզբում իմացել է, թե կրակոցի հետեւանքով Արթուր Ղեւոնդյանն է մարմնական վնասվածք ստացել, սակայն հետո Հայկ Սարգսյանը իրեն կանչել է եւ ասել, որ տուժածը Դավիթ Սիմոնյանն է: Մեղադրողի հարցին՝ իրեն ասե՞լ են, թե ինչի հետեւանքով է Սիմոնյանը մարմնական վնասվածք ստացել, վկան պատասխանեց. «Ինչ-որ զենք են գտել, խաղացել-մաղացել են, կրակել են...»: Նա նշեց, որ որեւէ տեղեկություն չի ունեցել, որ Սիմոնյանի վրա կրակել է Հայկ Սարգսյանը։ Մեղադրողի հարցին ի պատասխան վկան ասաց, որ նախաքննության ընթացքում ինքը եւ Ալեքսանդր Սարգսյանը առերեսվել են, սակայն չի հիշում, թե ինչ ցուցմունք է տվել:
Վկան պատմեց, որ իր լսածով՝ կրակոցը դիպել է Դավիթի մեջքին։ Մեղադրող դատախազ Աբգար Առաքելյանը, սակայն, նկատեց, որ վկայի դատաքննության եւ նախաքննության ընթացքում տված ցուցմունքների միջեւ կան էական հակասություններ, ուստի, միջնորդեց հրապարկել նրա նախաքննական ցուցմունքը: Մասնավորապես, վկա Ասլանյանը նախաքննության ընթացքում հայտնել է, որ Ալեքսանդր Սարգսյանն իրեն տեղեկացրել է, թե Դավիթ Սարգսյանի վրա կրակել եւ մարմնական վնասվածք է հասցրել Հայկ Սարգսյանը, սակայն դատաքննության ընթացքում նշեց, որ նման տեղեկություն չի ունեցել։ Նախաքննության ընթացքում վկան հայտնել է, որ Դավիթ Սիմոնյանը եւ Արթուր Ղեւոնդյանը մտերիմ հարաբերություններ են ունեցել Ալեքսանդր Սարգսյանի որդիների՝ Հայկի եւ Նարեկի հետ։ Նա նշել է, որ Ալեքսանդր Սարգսյանի բնակարանի նկուղում տեղի ունեցած դեպքի մասին իմացել է Ալեքսանդր Սարգսյանից։ «2007թ. ապրիլի 1-ին ես տանն էի, երբ երեկոյան ինձ զանգահարեց Ալեքսանդր Սարգսյանի թիկնապահներից մեկը եւ ասաց, որ շեֆը ուզում է տեսնել ինձ եւ որ ես իջնեմ ներքեւ։ Գնացի նրա մոտ. խոսակցության ժամանակ նա պատմեց, որ մեր կողքի մուտքի վերեւի հարկում գտնվող երիտասարդը, որը մշտապես գտնվում է իրենց նկուղում, Հայկի հետ զենքով խաղացել է նկուղում, որի ժամանակ զենքը կրակել է այդ տղայի մեջքին եւ նա վիրավորվել է, նրան տեղափոխել են հիվանդանոց։ Ես ասացի, որ խոսքը Արթուրի մասին է, նա ասաց՝ այո։ Քանի որ ինձ բակում ճանաչում են, խնդրեց հանդիպել Արթուրի ընտանիքի անդամների հետ, նրանց փոխանցել, որ ամեն ինչ լավ կլինի, նրան տիրություն կանեն։ Գնացի Արթուրենց տուն՝ ծնողների հետ զրուցելու, նրանց հետ եկանք համաձայնության։ Երեկոյան, սակայն, ինձ զանգահարեց Ալեքսանդր Սարգսյանի աներձագը՝ Աբոն, եւ ասաց, որ թյուրիմացություն է եղել եւ խնդրեց իջնեմ բակ: Բակում էին Աբոն եւ Ալեքսանդր Սարգսյանը. վերջինս ինձ ասաց, որ շփոթել է, վնասվածքը ստացել է ոչ թե Արթուրը, այլ Դավիթը, հետո խնդրեց նույն խոսքերը փոխացնել Դավիթի ընտանիքի անդամներին, ովքեր գտնվում էին հիվանդանոցում»,–նախաքննական ցուցմունքում պատմել է վկան։ Այնուհետեւ վկան հայտնել է, որ գնացել է այն հիվանդանոց, որտեղ գտնվում էր Դավիթ Սիմոնյանը։ «Գնացի հիվանդանոց, մայրը լաց էր լինում, ասում էր, որ որդին կմահանա, մայրն ու հայրն ասացին, որ իրենց տղան գնում է ձեռքից, ասացին, որ ծանր վիրահատություն է տարել եւ որ նրա օրգաններից մեկը կարող է հեռացնեն: Դուրս եկա հիվանդանոցից, բակում ինձ սպասում էր Աբոն, նրան ասացի՝ ինչու էիք ինձ խաբում եւ ասում՝ վնասվածքը թեթեւ է, այնինչ, Դավիթի ծնողներն ասում են՝ ծանր է, Աբոն պատասխանեց, որ ես էլ քո պես չգիտեմ»,- պատմել է վկան՝ հավելելով, որ իրեն չի հաջողվել զրուցել ծնողների հետ։ Հաջորդ օրն, ըստ վկայի ցուցմունքի՝ Ալեքսանդր Սարգսյանի անվտանգության աշխատակիցներից մեկը իրեն «լսեցնելու համար» ասել է, որ Դավիթին կրակել է Արթուր Ղեւոնդյանը՝ իր կողմից գտած զենքով, մինչդեռ ինքը գիտեր իրականությունը։ Սամվել Ասլանյանը նախաքննության ընթացքում նշել է, որ Ալեքսանդր Սարգսյանի ողջ շրջապատը եւ բակի բնակիչները տեղյակ են եղել, որ Հայկն է կրակել Դավիթի վրա։ Դատախազի հարցին, թե ինչո՞վ է պայմանավորված, որ նախաքննության ընթացքում նշել է, որ Հայկն է կրակել Դավիթի վրա, իսկ հիմա այդ մասին չի խոսում, վկան պատասխանեց, որ հնարավոր է՝ շփոթել է եւ չի հիշում, թե ինչ է տեղի ունեցել: «Ես սրտի վիրահատությունից հետո շատ բաներ չեմ հիշում, հիպերտոնիկ հիվանդ եմ, որտեղից հիշեմ 15 տարվա բանը»,- դժգոհեց վկան՝ հավելելով, որ իրեն որեւէ մեկը չի խնդրել նման բովանդակությամբ ցուցմունք տալ:
Հայկ Սարգսյանը մեղադրվում է 11 տարի առաջ տեղի ունեցած հանցագործության՝ սպանության փորձի եւ ապօրինի կերպով զենք-զինամթերք պահելու համար: Նրան մեղադրանք է առաջադրվել ՀՀ ՔՕ 34-104-րդ հոդվածի 1-ին (սպանության փորձ) մասի եւ 235-րդ հոդվածի 1-ին մասի (զենք–զինամթերք ձեռք բերելու եւ պահելը) հատկանիշներով։ Ըստ մեղադրական եզրակացության՝ Հայկ Սարգսյանը 2007թ. ապրիլի 1-ին ժամը 16:00-ի սահմաններում իր բնակության վայրի` Երեւան քաղաքի Թումանյան փողոցի 11 շենքի 14 բնակարանի նկուղային հարկում գտնվող սենյակում քննությամբ չպարզված հանգամանքներում ապօրինի ձեռք բերած եւ պահվող, հրազեն հանդիսացող «SIGSAUER» տեսակի ատրճանակով Դավիթ Սիմոնյանին ապօրինաբար կյանքից զրկելու դիտավորությամբ կրակել է վերջինիս որովայնին, սակայն հանցագործությունն ավարտին չի հասցրել իր կամքից անկախ հանգամանքներում: Հիշեցնենք, որ Երեւան քաղաքի ընդհանուր իրավասության դատարանի դատավոր Աննա Դանիբեկյանը 2018թ. սեպտեմբերի 10-ին բավարարել էր Հայկ Սարգսյանի պաշտպանի միջնորդությունն ու որոշում կայացրել Սարգսյանի նկատմամբ գրավը ճանաչել թույլատրելի։ 50 մլն դրամ գրավը վճարելուց հետո Սարգսյանն ազատ էր արձակվել «Նուբարաշեն» ՔԿՀ–ից։
Գորիսում արյան փոխներարկման կայան կստեղծվի
2 օրում ՀՀ ավտոճանապարհներին վթարների հետևանքով զոհվել է 1, վնասվածք ստացել՝ 24 մարդ
Գրականության և պատմության քննությունները միավորվել են․ ինչպես են նոր չափորոշիչներով դրանք հանձնվելու (տեսանյութ)
ՀՀ-ում կան տասնյակ ընկերություններ, որոնք կանխիկ շրջանառության արդյունքում կարողանում են ձևակերպել կրիպտոակտիվ. Սարգսյան
Բողոքի ակցիայի մասնակից կինը ոստիկանի հասցեին հնչեցրել է սեռական բնույթի հայհոյանք, ոտքերով ու ձեռքերով հարվածել նրան
ՀՀ շրջանավարտները դպրոցի ավարտական քննությունների միավորները կօգտագործեն բուհ ընդունվելու համար․ նախարարը մանրամասնում է
Սահմանին կատարվողը ցույց է տալիս, որ մենք առանց միջնորդների կարող ենք համաձայնության գալ. Ալիև
Հայտնի են զորակոչի և զորացրման օրերը
Դեսպան Փոլադյանն Ալժիրի ԱԳ նախարարին է ներկայացրել Հայաստանի և Ադրբեջանի միջև ընթացող խաղաղության գործընթացը
Ընտանիքի հասցեին վիրավորանք են հնչեցնում նրանք, ովքեր ոչ քննադատության փաստարկ ունեն, ոչ էլ դաստիարակություն. Իոաննիսյան
Երևան-Երասխ ավտոճանապարհի երթևեկությունը այրվող անվադողերով խաթարելու դեպքի առթիվ նախաձեռնվել է քրեական վարույթ
Երևանում հայտնաբերվել են կողաշրջված մոպեդներ. 22-ամյա մոպեդավարը հիվանդանոցում մահացել է
Հայտնի է «Երևանի մարաթոն» ամենամյա վազքի մրցման անցկացման ժամկետը
Համեղ ու առողջ․ «Բիգ Լայֆ» ընկերության «Նարինե» արտադրանքն ու սպասվող նոր պրոդուկտը
Հայոց ցեղասպանության ժխտման և անպատժելիության մթնոլորտը հանգեցրել են աշխարհում նոր ոճրագործությունների. Շվեդիայի դեսպան
ՄՔԴ դատախազ Օկամպոն ելույթ է ունեցել Ֆրանկֆուրտի Սուրբ Պողոս եկեղեցում Ցեղասպանությանը նվիրված երեկոյին
Քննարկվել է ՀՀ-Չեխիա ռազմատեխնիկական համագործակցությունը, պայմանավորվածություն է ձեռք բերվել
Երևանի և 8 մարզի բազմաթիվ հասցեներում 2-6 ժամ լույս չի լինի
Մենք սգում ենք նրանց համար, ովքեր սպանվեցին Հայոց ցեղասպանության ժամանակ․ Սամանթա Փաուեր
ԱԺԲ-ի անդամները փորձել են անհնազանդության ակցիաներ անել. բերման է ենթարկվել 96 ցուցարար
Թբիլիսիում հերթական ցույցն է ընթանում՝ ընդդեմ «Օտարերկրյա գործակալների մասին» օրենքի
«Մարտական եղբայրության» անդամ Արման Պետրոսյանը կալանավորվել է
Որ որոշների լպիրշությունը կհասնի Ծիծեռնակաբերդում մանկահասակ երեխային ահաբեկել, վիրավորելուն՝ նորություն էր․ Ալեքսանյան
Ողջունում ենք Հայաստանի և Ադրբեջանի միջև սահմանի սահմանազատման գործընթացի սկիզբը․ Պետդեպարտամենտ
Չնայած սարսափներին, որոնց բախվում է հայ ժողովուրդը, տոկունության կամքը չի կոտրվել, ես միշտ կկանգնեմ ձեր կողքին․ Ադամ Շիֆ
Ողջունում ենք ՀՀ-Ադրբեջան սահմանային սյան տեղադրումն ու գործընթացի ուշագրավ զարգացումները․ Էստոնիայի ԱԳՆ
Կլիշեներից պետք է հրաժարվել, բայց ոչ՝ պատմական իրականությունից. Քոչինյանը՝ Էրդողանի հայտարարության մասին
Եվրոպական դատարանը երբեք չի վճռել, որ Հայաստանն օկուպացրել է Լեռնային Ղարաբաղը․ Եղիշե Կիրակոսյան
Հիշում ենք և պահանջում․ Կանադայի ԱԳ նախարարը գրառումն ավարտել է հայերենով
ՄԻՊ-ը բրիտանական ԶԼՄ-ների ներկայացուցիչների հետ խոսել է մարդու իրավունքների հետ կապված խնդիրների և Տավուշի այցի մասին
Կարասինը պաշտոնական նամակ է հղել ՀՀ ԱԺ-ին՝ Ալեն Սիմոնյանի հայտարարությունների հետ կապված
ԱԺԲ-ի անդամները փորձել են անհնազանդություն անել. կան բերման ենթարկվածներ
Զգացմունքներն ու զայրույթն են համակել են ինձ այսօր․ Բուայեն հարգանքի տուրք է մատուցել Ցեղասպանության զոհերի հիշատակին
Կամո գյուղում տուն և անասնագոմ է այրվել
Պատմական ճշմարտության ճանաչումն անհրաժեշտ է մարդկության դեմ հանցագործությունների կրկնությունից խուսափելու համար․ Դենդիաս
Իսակովի պողոտայից ակցիայի մասնակից 12 անձ է բերման ենթարկվել
Ինչպես երիտթուրքերը, Ալիևը նույնպես ատելություն է տածում հայերի նկատմամբ․ Լեմկինի ինստիտուտի տնօրեն
109 տարի առաջ այս օրը սկսվեց Հայոց ցեղասպանությունը, ես դատապարտում եմ մեղավորներին․ Փայլան
Սևանում հրկիզել են «Աուդի A4»-ը. սեփականատերը ենթադրյալ հրկիզողի մասին տեղեկություններ է փոխացել իրավապահներին
Հայոց ցեղասպանության զոհերի հիշատակի անարգանքը․ Թորոսյանը՝ Ծիծեռնակաբերդում Աննա Հակոբյանի և դստեր հետ կատարվածի մասին
