Մանվել Գրիգորյանին անհրաժեշտ է հոգեկան խաղաղություն, լույս. պաշտպանները միջնորդեցին անհապաղ փոխել նրա խափանման միջոցը

Երեւան քաղաքի ընդհանուր իրավասության դատարանի Կենտրոնի նստավայրում՝ դատավոր Մնացական Մարտիրոսյանի նախագահությամբ, շարունակվում է ՀՀ ԱԺ նախկին պատգամավոր, գեներալ Մանվել Գրիգորյանի եւ նրա կնոջ՝ Նազիկ Ամիրյանի վերաբերյալ գործով դատական նիստը:

Ինչպես նախորդ նիստին, այնպես էլ այսօր, Մանվել Գրիգորյանը դատարան բերվեց շտապօգնության մեքենայով՝ անվասայլակով. նա շնչում է թթվածնային սարքի օգնությամբ:

Նիստի ընթացքում Մանվել Գրիգորյանի պաշտպան Լեւոն Բաղդասարյանը Գրիգորյանի կալանքը անհապաղ վերացնելու վերաբերյալ միջնորդություն ներկայացրեց: Բաղդասարյանը թվեց Գրիգորյանի առողջական խնդիրները՝ հավելելով, որ Առողջապահության նախարար Արսեն Թորոսյանի՝ հունիսի 11–ի հրամանով «Նաիրի ԲԿ»–ում Մանվել Գրիգորյանին բուժող բժիշկների կոնսիլիում է կազմակերպվել, որի արդյունքում նրա մոտ մի շարք հիվանդություններ են ախտորոշվել: Բաղդասարյանի խոսքով՝ բժիշկներն անձանագրել են, որ հիվանդը մշտապես կարիք ունի սրտաբանի, ուռուցքաբանի, էնդոկլինոլոգի եւ նրան պետք է շուրջօրյա թթվածին տրամադրվի։ Նա նշեց, որ Գրիգորյանի ոտքերն այտուցված են, ոտքերի 90 տոկոսը դարձել է անզգա եւ նրա մոտ գանգրենա է առաջանում։ «Նման հիվանդության պայմաններում անձի կալանքը չփոխելը պաշտպանական կողմը դիտարկում է որպես հաշվեհարադար»,- հավելեց Գրիգորյանի պաշտպանը: Լեւոն Բաղդասարյանը հավելեց նաեւ, որ Մանվել Գրիգորյանին անհրաժեշտ է հոգեկան խաղաղություն, բնական լույս: «Միջնորդում ենք անհապաղ վերացնել Մանվել Գրիգորյանի կալանավորումը, այնուամենայնիվ, եթե դատարանը գտնի, որ ծանրագույն հիվանդություններով տառապող անձը կարող է խուսափել քննությունից, խոչընդոտել, ապա խնդրում ենք Գրիգորյանի նկատմամբ կիրառել գրավ, մինչեւ 10 միլիոն դրամի չափով: Մանվել Գրիգորյանի պաշտպաններից Կարեն Քամալյանն էլ հավելեց, որ իր պաշտպանյալը գտնվում է ծայրահեղ ծանր վիճակում, նրա կյանքին վտանգ է սպառնում: Քամալյանը նշեց, որ Գրիգորյանի հիվանդություններից երեքը համընկնում են Կառավարության որոշման հիվանդությունների ցանկում նշած հիվանդություններին: Մյուս պաշտպան Արսեն Մկրտչյանն էլ ասաց, որ Մանվել Գրիգորյանը արդեն մեկ անգամ գտնվել է ազատության մեջ (նա գրավի դիմաց ազատ էր արձակվել,-հեղ.) եւ չի թաքնվել եւ չի խուսափել քննությունից:

Մեղադրող դատախազ Վահե Դոլմազյանը նշեց, որ մայիսի 2-ի խափանման միջոցի քննությունից հետո նոր հանգամանք ի հայտ չի եկել: Նա ասաց, որ պաշտպանական կողմի ներկայացրած միջնորդության ընթացքում հրապարկվեցին մի շարք տվյալներ, հիվանդությունների ցանկ, եւ դատախազի համար հասկանալի չեն, թե դրանցից որը ինչ նշանակություն ունի: Դատախազը նկատեց, որ հենց դրանով է պայմանավորված հունիսի 18-ին իրենց կողմից ներկայացված միջնորդությունը՝ միջգերատեսչական հանձնաժողովային դատաբժշկական փորձաքննություն նշանակելու վերաբերյալ: Բացի դա դատախազը նկատեց, որ Մանվել Գրիգորյանը այժմ գտնվում է քաղաքացիական հիվանդանոցում եւ եթե նա ազատ արձակվի, ապա նույնպես բուժումը շարունակելու է ստանալ հիվանդանոցում:

Դատարանը հեռացավ խորհրդակցական սենյակ՝  միջնորդության վերաբերյալ որոշում կայացնելու. այն կհրպարակվի մեկ ժամից:

Տպել
2753 դիտում

Հայոց բանակի զինվորին մրցանակ հանձնելը մեծ պատիվ ու պարտավորություն է. երկրորդ հատուկ մրցանակը՝ զինվորականներին (ուղիղ)

ԱՄՆ-ի եւ Իրանի միջեւ բանակցություններ հնարավոր են. Զարիֆը՝ նախապայմանների մասին

ՀՀ տարածքում ավտոճանապարհներն անցանելի են. Ստեփանծմինդա-Լարս ավտոճանապարհը բաց է միայն բեռնատարների համար

Մենք կարծես ուսուցիչների հետ մարտի դաշտում լինենք. վճարովի թեստավորվում են ու ասում՝ գնում ենք դպրոց

Հատուկ մրցանակը բուժաշխատողներին հանձնեց COVID 19-ը վերապրած Պետրոս Պետրոսյանը (ուղիղ)

ՌԴ-ն իր հակակորոնավիրուսային պատվաստանյութի տրամադրման գործարքներ է կնքում աշխարհով մեկ. ինչ է հայտնի

Լուիս Սուարեսը տեղափոխվում է «Ատլետիկո», Ալվարո Մորատան՝ «Յուվենտուս»

«Զվարթնոց» տաճարում մեկնարկեց «Մեր ժամանակների հերոսը» մրցանակաբաշխությունը (ուղիղ)

Րոպեներ անց Նիագարա ջրվեժը կլուսավորվի Հայաստանի դրոշի գույներով

Մոլդովական փողոցում բռնկված հրդեհի վայրից փրկարարները տարհանել են երկու քաղաքացու․ տուժածներ չկան

Անկախության տոնակատարությանը նվիրված համերգ Զվարթնոց տաճարում. Տիգրան Գալստյանը լուսանկարներ եւ տեսանյութ է հրապարակել

Անկախության տոնի կապակցությամբ Երևանում կազմակերպվել են մարզական և մշակութային միջոցառումներ. ՊՆ

Նոր Ամանոս գյուղում այրվել է մոտ 700 հակ անասնակեր

Մենք ակնկալում ենք խորացնել մեր գործընկերությունը մի շարք կարևոր ոլորտներում. Ջաստին Թրյուդոյի ուղերձը

Արթիկի գերեզմանատանը հայտնաբերվել է գերեզմանափորի դին

Վարորդի եկամուտը քչացել է, չի աշխատի, ծնողներն էլ խառը դրության մեջ են. 3 գյուղի աշակերտներ դպրոց հասնելու խնդիր ունեն

Սեպտեմբերի 21-ը Վաշինգտոնում հայտարարում եմ որպես «Հայաստանի անկախության օր». քաղաքապետ

Վանաձորում 2 մանկապարտեզ չի վերաբացվել, 1-ի գործունեությունը դադարեցվել է. բուժքրոջ մոտ կորոնավիրուս է հայտնաբերվել

Թաթան երգ կնվիրի Գյումրիի «Շիրակ» ֆուտբոլային ակումբին

Անկախության 29-րդ տարեդարձի առիթով 5 մարզչի շնորհվել է վաստակավորի պատվավոր կոչում