Կինոկենտրոնը սպասում է, որ իմպերատիվ կերպով կա՛մ Հարությունյանը հրաման տա կամ՝ դատարանը. Գալստյան

Կինոռեժիսոր, «Պարալլելս Ֆիլմփրոդաքշն» կինոընկերության հիմնադիր Հովհաննես Գալստյանը գրեթե մեկ տարի է՝ պայքարում է «Տատիկիս վարսեր»-ին հատկացվելիք ֆինանսավորումը վերականգնելու եւ նախագիծն իրականացնելու համար: Մինչեւ այս պահը կինոռեժիսորը ոչ մի դրական արդյունքի չի հասել: Այս մասին «Հայկական ժամանակ»-ի հետ զրույցում ասաց Գալստյանը:

Նա նշեց, որ պայմանավորվածություն էր ձեռք բերել ՀՀ կրթության, գիտության, մշակույթի եւ սպորտի նախարար Արայիկ Հարությունյանի հետ, որ եթե բանակցությունների միջոցով հասնեն դրական եզրակացության, այսինքն, խաղաղության ճանապարհ գտնեն Ազգային կինոկենտրոնի հետ, ապա դատական պրոցեսները կդադարեցվեն:

Գալստյանը 2019 թվականի փետրվար 3-ից վերսկսած կրկնահացադուլը դադարեցրել էր նախարարի հետ հանդիպումից հետո: Ռեժիսորը Արայիկ Հարությունյանի հետ քննարկել էր Ազգային կինոկենտրոնի կողմից «Տատիկիս վարսերը» հայ-բուլղարա-գերմանական կինոնախագծի արգելափակման ու հացադուլի պահանջների ամբողջ փաթեթը, որից հետո էլ ձեռք էր բերվել վերը նշված համաձայնությունը:

«Բազմիցս նշել եմ, որ դատական պրոցեսները խնդրահարույց են, որովհետեւ միջազգային ներդրողները ներդրումների կորստի եւ ակնկալվող շահույթի համար դատեր են հարուցելու, դրա համար էր պարոն Հարությունյանը հորդորում Կինոկենտրոնի տնօրինությանը՝ խաղաղության գալ, բայց նրանք չեկան դրան, պահանջեցին, որ դատական պրոցեսով գնա: Կինոկենտրոնը սպասում է, որ կա՛մ պարոն Հարությունյանն իմպերատիվ կերպով հրաման տա կամ՝ դատարանը»,-ասաց Գալստյանը:

Ռեժիսորի փոխանցմամբ՝ Ազգային կինոկենտրոնը շարունակում է տարբեր պատճառաբանություններով դատերին չներկայանալ ու ձգձգել գործը:

«Հունիսի 26-ին ՀՀ Վարչական դատարանում պետք է կայանար Պարալլելս Ֆիլմպրոդաքշն կինոընկերությունն ընդդեմ ՀՀ մշակույթի նախարարության եւ Հայաստանի ազգային կինոկենտրոնի հայցի նախնական լսումների առաջին նիստը։ Հայցվոր կողմը՝ Պարալլելս ֆիլմպրոդաշնը, կտրվելով ֆիլմի նախապատրաստական փուլի անհետաձգելի գործերից, դատարան էր եկել ճիշտ ժամին։ ՀՀ կառավարության ներկայացուցիչը՝ իրավաբան Անուշ Ղազարյանը, եկավ ու մասնակցեց նիստին, ու միայն Կինոկենտրոնի՝ էս ամբողջ բորշի հիմնական հեղինակի, ներկայացուցիչը չկար ու բավարարվել էր նիստը հետաձգելու վերաբերյալ միջնորդություն ուղարկելով»,-պատմեց Գալստյանը:

Վերջինիս համոզմամբ՝ ֆիլմի հայտը բավարարելու եւ արտադրության վերադարձնելու փոխարեն՝ կինոկենտրոնն ընկերությանը միտումնավոր տանում է սնանկացման` անընդհատ մեծացնելով պետության վնասները:

«Կինոկենտրոնը սա չի հասկանում, ուղղակի մտել է կոշտ հակամարտության մեջ: Անգամ դատավորն է ամեն նիստից հետո հորդորում Կինոկենտրոնին՝ գնալ հաշտության: Վարչական դատարանում էլ երկրորդ հայցն ենք ներկայացրել»,-ասաց Գալստյանը:

Հիշեցնենք, որ «Տատիկիս վարսերը» ֆիլմի ֆինանսավորումը դադարեցնելու համար «Պարալլելս Ֆիլմփրոդաքշն» կինոընկերության հիմնադիր Հովհաննես Գալստյանը դատի էր տվել Ազգային կինոկենտրոնին:

Տպել
13413 դիտում

Վթարի պատճառով 8 ժամ ջուր չի լինելու Նոր Նորքում

Մովսես գյուղում այրվել է մոտ 10 հա խոտածածկույթ. կրակը մարելուն օգնել է գյուղի 23 բնակիչ

Երևանում և 8 մարզում այսօր սպասվում են էլեկտրաէներգիայի պլանային անջատումներ

Շարուրի փողոցի բնակարաններից մեկում հայտնաբերվել է 46-ամյա տղամարդու դի

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ