Վաշինգտոնում առկա է լայն կոնսենսուս. հայ-ամերիկյան գործընկերությունը ռազմավարական բնույթ է ստանում

26/06/2019 schedule12:10

«Հայաստանին հատկացվող ամերիկյան օգնությունը 40 միլիոն դոլարով ավելացնելու մասին կոնգրեսական Սփիրի առաջարկը, որն ընդունվեց ձայների զգալի մեծամասնությամբ, ինչպես նաեւ կոնգրեսական Փալոնի ներկայացրած հայ-ամերիկյան ռազմավարական գործընկերության առաջարկն անհրաժեշտ է դիտարկել միասնական, որպես Հայաստանի զարգացմանն ուղղված ընդհանուր ծրագիր», - «Ամերիկայի Ձայն»-ի հետ զրույցում ասաց Ամերիկայի հայկական համագումարի գործադիր տնօրեն Բրայըն Արդունին:

Նույն տրամաբանության մեջ է նաեւ ԱՄՆ-ի պետքարտուղարի տեղակալ Դեյվիդ Հեյլի հետ Հայաստանի արտգործնախարար Զոհրաբ Մնացականյանի հանդիպումը, որի ընթացքում քննարկվել են երկկողմ հարաբերությունների զարգացման հեռանկարները:

Կոնգրեսականներ Սփիրի եւ Փալոնի առաջարկները, ինչպես նաեւ Կոնգրեսի Ներկայացուցիչների պալատում ընդունված կոնգրեսական Թիջեյ Քոքսի՝ Լեռնային Ղարաբաղում ականազերծման աշխատանքների համար ամերիկյան բյուջեից գումար հատկացնելու առաջարկը քաղաքական լուրջ նշանակություն ունեն, համոզված է Ամերիկայի Հայ դատի հանձնախմբի Վաշինգտոնի գրասենյակի ղեկավար Արամ Համբարյանը.

«Օրինակ, այդ օգնությունը այլ պայմաններում կարող էր ուղղվել Հայաստանի փոխարեն այլ երկրների՝ նույն Ուկրաինային կամ Վրաստանին, որոնք այլ աշխարհաքաղաքական մոտեցումներ ունեն, սակայն, Սփիրի նախաձեռնության լուրջ աջակցությունը, Փալոնի նախաձեռնության կողմնակիցների աճող թիվը վկայում են, որ Վաշինգտոնում առկա է լայն կոնսենսուս՝ հայ-ամերիկյան գործընկերությունը ռազմավարական բնույթ է ստանում»:

Համբարյանի կարծիքով, անցած տարիների ընթացքում Միացյալ Նահանգներում փոխվել է Հայաստանի եւ Ադրբեջանի նկատմամբ նախկինում հավասարազոր մոտեցումը. «Այսօր Վաշինգտոնում բոլորն են համաձայն, որ ժողովրդավարության, խաղաղության եւ գործընկերության տեսանկյունից Հայաստանի եւ Ադրբեջանի միջեւ աճող անդունդ է առկա: Հայաստանը ԱՄՆ-ի համար շատ ավելի լավ գործընկեր է, շատ ավելի ժողովրդավար երկիր»:

ԱՄՆ-ի հայ համայնքի ներկայացուցիչները համոզված են՝ Հայաստանում վերջին մեկ տարվա ընթացքում տեղի ունեցած փոփոխությունները հայ-ամերիկյան համագործակցության լայն հեռանկար են բացում:

«Իրականում, հաշվի առնելով զգալի փոփոխությունները եւ ժողովրդավարական առաջընթացը Հայաստանում, մենք նույնիսկ կոչ կանեինք է՛լ ավելի մեծ աջակցություն հատկացնել Հայաստանի ժողովրդավարական հաստատություններին», - նշում է Արդունին:

Տպել
2189 դիտում

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում