Այս տարի «Ոսկե ծիրան» կինոփառատոնում ընդգրկված են նաեւ ադրբեջանական եւ թուրքական ֆիլմեր

«Ոսկե ծիրան» 16–րդ միջազգային կինոփառատոնի ընթացքում կներկայացվի նաեւ ադրբեջանական արտադրության կինոնկար: Այս մասին այսօր հրավիրված մամուլի ասուլիսում հայտնեց «Ոսկե ծիրան» միջազգային փառատոնի ծրագրերի տնօրեն Կարեն Ավետիսյանը: Ֆիլմի ռեժիսորը ռուսաստանաբնակ, ազգությամբ ադրբեջանցի Սագլարա Տյուրբեեւան է: Փառատոնի կազմակերպիչները դժվարացան ասել՝ նա Հայաստան կժամանի, թե՝ ո՛չ:

«Երբ արվում է տարածաշրջանային ծրագիր, առանց սահմանափակումների ներկայացվում է ամբողջ տարածաշրջանը, քանի որ մենք ունենք միջազգային կինոփառատոնի ձեւաչափ, ինչը նշանակում է, որ եթե այնտեղից ուղարկում են ֆիլմ, փառատոնը պարտավոր է այն ընդունել»,-ասաց Կարեն Ավետիսյանը:

Փառատոնի նոր ծրագրերից է «Ծուռ Ծիրան»-ը, որի ընթացքում կներկայացվի 5 ֆիլմ: Ըստ Կարեն Ավետիսյանի` ծրագիրը բաղկացած է ռադիկալ, էքսպերիմենտալ, երբեմն՝ էքստրեմալ ֆիլմերից: «Ոսկե ծիրան» միջազգային փառատոնի միջազգային բաժնի ղեկավար Վարվառա Հովհաննիսյանն անդրադարձավ «Երեւանյան պրեմիերաներ» ծրագրին, որում ընդգրկված են կինոնկարներ աշխարհի հեղինակավոր կինոփառատոններից՝ Կաննից, Բեռլինից, Ռոտերդամից:

«Երևանյան պրեմիերաներ» ծրագրում ընդգրկված ֆիլմերից են Նադավ Լապիդի «Հոմանիշներ», Ժու Շենգզեի «Ներկա կատարյալը», Ալեքսեյ Չուպովի և Նատալյա Մերկուլովայի «Բոլորին զարմացրած մարդը», Ֆրանսուա Օզոնի «Աստծու ողորմությամբ», Բոն Ջուն-հոյի «Մակաբույծը» և այլ կինոնկարներ: Բացի ադրբեջանական ֆիլմից` Տարածաշրջանային համայնապատկեր ծրագիրը ներառում է եւս 12 ֆիլմ՝ 3-ական Հայաստանից, Թուրքիայից և Իրանից եւ 2 ֆիլմ Վրաստանից:

Կարճամետրաժ ֆիլմերի տարածաշրջանային մրցույթում ներառված է 25 ֆիլմ ՝ Հայաստանից, Թուրքիայից, Իրանից, Վրաստանից: Հետահայաց ցուցահանդրություններ ծրագրի շրջանակում կներկայացվեն փառատոնի հատուկ հյուրեր Կառլոս Ռեյգադասի 4 և Արթուր Արիստակիսյանի 2 ֆիլմ: Ի դեպ, Մոլդովայում բնակվող հայ ռեժիսորը եւս կժամանի Հայաստան: Փառատոնի կազմակերպիչների խոսքով` «Ոսկե ծիրան»-ը միշտ հանդիսացել է ծանոթության օղակ տարբեր ռեժիսորների համար: Այս տարի էլ վերը նշված երկու ռեժիսորները կկարողանան հանդիպել եւ համագործակցել:

Միջազգային լիամետրաժ մրցույթային ծրագրի ժյուրին կնախագահի ռեժիսոր Ալեքսանդր Մինդաձեն:

Ժյուրիի կազմում ընդգրկված են ռեժիսոր Նիկոլաս Վադիմոֆը (Շվեյցարիա), ռեժիսոր, Թեհրանի միջազգային կինոփառատոնի նախագահ Ռեզա Միրքարիմին (Իրան), պրոդյուսեր, Թրայբեկայի կինոփառատոնի գործադիր տնօրեն Էմի Հոբին (ԱՄՆ), պրոդյուսեր Էլիզաբեթ Կառլսենը (Մեծ Բրիտանիա), կինոքննադատ Պաոլո Բերտոլինը (Իտալիա), դերասանուհի, ռեժիսոր Նինո Կիրտաձեն (Ֆրանսիա):

Կարճամետրաժ ֆիլմերի տարածաշրջանային մրցույթի ժյուրիի նախագահն է ռեժիսոր Պիպո Մեցապեսան (Իտալիա): Ժյուրիի կազմում ընգրկված են նաեւ օպերատոր Նորայր Կասպերը (Կանադա) եւ Clermont-Ferrand կինոփառատոնի ծրագրերի տնօրեն Ժորժ Բոլոնը:

Տպել
1380 դիտում

Օտար լեզվի քննության ժամանակ արձանագրվել է արտակարգ դրության իրավական ռեժիմի կանոնների խախտման 27 դեպք

Ոչ մեկը հստակ չի կարող ասել, Նարեկը ուր է, սահմա՞նն է անցել, թե՞ ինչ-որ դեպք է տեղի ունեցել

Ամեն անգամ նմանատիպ դեպքերը մեզ համար կարծես նորություն են, դասեր չենք քաղում․ Մարտիրոսյանը՝ «Յուքոմ»-ի խափանման մասին

Փարիզի Աստվածամոր տաճարը հրդեհից հետո կվերականգնվի նախկին ճարտարապետությամբ

30-ամյա Նարեկ Սարդարյանը որոնվում է որպես անհետ կորած

«Աջարաբեթ»-ի գրասենյակում պայթուցիկ սարք չի հայտնաբերվել

Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Նրա գմբեթը բավական մեծ էր բոլորի համար. Գարո Փայլանն անդրադարձել է Սուրբ Սոֆիայի տաճարը մզկիթի վերափոխելու որոշմանը

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում