Հայաստանյան պատվիրակությունը դահլիճից չի հեռացել, չնայած այնտեղ տիրող լարված իրավիճակին. Սիմոնյան

Վրաստանի խորհրդարանում նախօրեին Ուղղափառության միջխորհրդարանական վեհաժողովի ժամանակ տեղի ունեցած սկանդալային միջադեպի ժամանակ նիստին մասնակցող հայաստանյան պատվիրակությունը դահլիճից չի հեռացել, չնայած այնտեղ տիրող լարված իրավիճակին: Այս մասին ֆեյսբուքյան ուղիղ եթերով պատմել է հայաստանյան պատվիրակության ղեկավար, Հայաստանի ԱԺ փոխնախագահ Ալեն Սիմոնյանը:

Հիշեցնենք, որ նիստը ընդհատվել էր այն բանից հետո, երբ այն նախագահող ռուս պատգամավոր Սերգեյ Գավրիլովը զբաղեցրել էր Վրաստանի օրենսդիր մարմնի ղեկավարի աթոռը եւ փորձել հավաքի աշխատանքները շարունակել ռուսերեն լեզվով: Այս տեսարանը դժգոհության մեծ ալիք է բարձրացրել՝ մասնավորապես նիստին ներկա վրացի պատգամավորների շրջանում: Բողոքի ակցիաներ էին սկսվել նաեւ խորհրդարանի միջացնքներում եւ փողոցում:

«Մենք չենք լքել, որեւիցե մեկին չենք թողել այդ իրավիճակում, բայց հասկանում եք, որ ես պատվիրակության ղեկավարն եմ եւ պատասխանատվություն եմ կրում: Մենք սպասեցինք այնքան, մինչեւ ղեկավարությունը եկավ եւ որոշում հրապարակեց առ այն, որ միջոցառումը չի շարունակվում, եւ միայն դրանից հետո բոլորով լքեցինք դահլիճը»,- պատմել է Սիմոնյանը:

ԱԺ փոխնախագահը ասաց, որ որեւիցե դրական եւ ուրախալի բան այդ ամենի մեջ չկա եւ չի կարող լինել. «Մենք ուղղակի շատ վատ իրավիճակում էինք հայտնվել բոլորով, որովհետեւ որեւիցե կողմ պաշտպանել չէր կարելի, որովհետեւ մի կողմից Ռուսաստանի Պետդումայի պատգամավորները եւ ներկայացուցիչներն էին, մյուս կողմից Վրաստանի կուսակցություններից մեկի ներկայացուցիչները: Մենք սպասեցինք, մենակ չթողեցինք ո՛չ մեր վրացի գործընկերներն, ո՛չ մեր ռուս գործընկերներին, թեպետ կարող եմ ասել, որ իրավիճակը շատ լարված էր եւ ինձ համար, որպես պատվիրակության ղեկավար, նույնիսկ մի պահ կանգնած էր անվտանգության խնդիր»:

Սիմոնյանը վստահեցրել է, որ հայաստանյան պատվիրակության բոլոր անդամները՝ իշխանական եւ ընդդիմադիր խմբակցություններից, «բարձր են պահել եւ բարձր են պահում մեր երկրի վարկը»: «Մենք իրավիճակում ճիշտ ենք կողմնորոշվել, չենք նեղացրել որեւիցե կողմի, չենք վատթարացրել որեւիցե հարաբերություն»,- պատմել է ԱԺ փոխնախագահը:

Տպել
1605 դիտում

Ամեն ինչ այս պահին աշխարհում կորոնավիրուսի հետ կապված իրավիճակի մասին. պատվաստանյութը պատրաստ է մարդկանց վրա թեստավորման

ՊՊԾ-ից գրություն ենք ստացել. Դատական դեպարտամենտի ղեկավարը բացատրում է՝ ինչու Սարգսյանը դատարան մտավ ծառայողական մուտքով

Արտակ Դավթյանի ղեկավարությամբ անցկացվել են մարտավարաշարային պարապմունքներ

Երբ չգիտես՝ ինչից խոսել, խոսիր Արցախից. Ս. Սարգսյանը կարող էր ասել՝ առավոտը արեւը թող ծագի, երեկոյան մայր մտնի. Սիմոնյան

Մեկնարկել է «Քաղաքացիական պայմանագիր» կուսակցության դրամահավաք-երեկոն (ուղիղ)

Վարդենյաց լեռնանցքը փակ է, Գեղարքունիքի մարզի Սևան-Գավառ հատվածում բուք է

Համաշխարհային բանկի փորձագետները պատրաստակամ են օգնելու Ներդրումների աջակցման կենտրոնի կայացմանը

Ողբերգական դեպք Վանաձորում. տարեց տղամարդը նետվել է կամրջից (լուսանկարներ)

Ոստիկանները կոռուպցիոն բնույթի հանցագործություն են բացահայտել Վայոց ձորում

Նիկոլ Փաշինյանը Զինաիդա Գրեչանիի հետ քննարկել է հայ-մոլդովական հարաբերությունների հետագա զարգացմանը վերաբերող հարցեր

Մարդու իրավունքների դպրո՞ց, բազմաբնակարան շե՞նք, թե՞ ռեստորան. ինչու քաղաքապետարանը հետ վերցրեց հատկացրած տարածքը

ՀՀ մարմնամարզության առաջնությանը կմասնակցեն բոլոր առաջատարները՝ բացի Ունիվերսիադայի չեմպիոնից. լուրջ վնասվածք ունի

Սարուխան գյուղի հրդեհը մարվել է. տուժածներ չկան

Թոմն ու Ջերին 80 տարեկան են

Իրանի հետ ՀՀ սահմանին այսօր կեսօրից սկսած շարժը կտրուկ նվազել է. Լիանա Եղիազարյան

Գագիկ Խաչատրյանի եղբորորդին դարձյալ կալանավորվել է. ԱԱԾ

Հայ ու ռուս մասնագետների համատեղ ջանքերով ավելի շատ փոքրիկներ կհաղթահարեն քաղցկեղը. Աննա Հակոբյան

Այն, որ Սերժ Սարգսյանի մեղադրանքի հիմքում դրված է մեկ ցուցմունք, չի բխում քրգործի նյութերից. մեղադրող դատախազ

Մշակող արդյունաբերությունը աճել է 12%-ով` ՀՆԱ-ի կառուցվածքում 12․1% կշռով դառնալով տնտեսության առաջատար ճյուղը. վարչապետ

Զոհրաբ Մնացականյանը եւ Սերգեյ Լավրովը հանդիպել են