Զոհրաբ Մնացականյանն այսօր մեկնելու է Վաշինգտոն. հանդիպելու է Ադրբեջանի ԱԳ ղեկավարին

Հայաստանի արտգործնախարար Զոհրաբ Մնացականյանն այսօր աշխատանքային այցով մեկնելու է Վաշինգտոն, որտեղ Մինսկի խմբի համանախագահների միջնորդությամբ և մասնակցությամբ կայանալու է Հայաստանի և Ադրբեջանի արտաքին գործերի նախարարների հանդիպումը։ Այդ մասին տեղեկացնում է Հայաստանի արտգործնախարարությունը։

Օրեր առաջ Հայաստանի արտգործնախարարությունը հաղորդել էր, որ Մինսկի խմբի համանախագահության հովանու ներքո Վաշինգտոնում հունիսի 20-ին նախատեսվում է Հայաստանի և Ադրբեջանի արտաքին գործերի նախարարների միջև հերթական հանդիպումը։ 

Թեպետ երկու երկրների ղկավարները Վիեննայում այս տարվա մարտի վերջին կայացած հանդիպման ժամանակ պայմանավորվեցին իրականացնել մի շարք մարդասիրական միջոցառումներ, սականյ ամիսներ անց լարվածությունը շփման գծում աճեց: Ավելի հաճախակի դարձան կրակոցները: Եղան զոհեր՝ երկու կողմից:

Հայաստանի ու Ադրբեջանի ԱԳՆ-ները օրեր առաջ հայտարարություններով հանդես եկան՝ մեղադրելով միմյանց բանակցություններում ապակառուցողական լինելու համար:

«Հայաստանը հավատարիմ է մնում այս պայմանավորվածությանը։ Միևնույն ժամանակ Ադրբեջանի կողմից հրադադարի շարունակական դատապարտելի խախտումները և սադրիչ գործողությունները, որոնք վերջին օրերին պատճառ են դարձել մարդկային անդառնալի կորուստների և հանգեցրել շփման գծում իրավիճակի լուրջ լարմանը, ձևավորել են հանդիպմանն ընդառաջ ոչ նպաստավոր միջավայր։

Ադրբեջանի գործողությունները, որոնք բնութագրվում են ուժի և ուժի սպառնալիքի կիրառմամբ, խոչընդոտում են խաղաղության համար բարենպաստ միջավայրի կայացմանը և ըստ այդմ խաթարում են խաղաղ կարգավորման գործընթացի առաջընթացին։ Ստեղծված իրավիճակը պայմանավորում է վաշինգտոնյան հանդիպման օրակարգի հստակ  գերակայություններ», - ասված է ՀՀ ԱԳՆ հայտարարության մեջ։

Ադրբեջանի ԱԳՆ-ն հակադարձում է՝ Հայաստանին «մեղադրելով Լեռնային Ղարաբաղի հարցով բանակցությունները տապալելու համար»:

Միեւնույն ժամանակ այցից մեկ օր առաջ Ադրբեջանի ԱԳՆ-ն հույս է հայտնել, որ վաշինգտոնյան հանդիպման ժամանակ, որը մոսկովյան հանդիպման շարունակությունն է, կողմերը կհասնեն ավելի հստակ արդյունքների: «Նաև կարծում ենք, որ պետք է վերջ դրվի հայկական ղեկավարության դիրքորոշման մեջ առկա անորոշությանը: Միայն հստակ դիրքորոշումը, վճռականությունը և քաղաքական կամքը կարող են հանգեցնել հակամարտության խաղաղ կարգավորմանը»,- ասել է Ադրբեջանի ԱԳՆ մամուլի խոսնակ Լեյլա Աբդուլաևան:

Ավելի վաղ ՀՀ պաշտպանության նախարար Դավիթ Տոնոյանը բարձր պարգևատրման էր ներկայացրել հակառակորդի կրակից զոհված զինծառայող Սիփան Սերժիկի Մելքոնյանի՝ մահվան վրեժն առնող զինծառայողներին: Վերջինները բարձր որակով էին կատարել վերադասի հրամանը: Այդ մասին ֆեյսբուքյան իր էջում գրել էր ՀՀ ՊՆ մամուլի խոսնակ Արծրուն Հովհաննիսյանը:

Հիշեցնենք, որ հունիսի 1-ին N զորամասի պահպանության շրջանի մարտական դիրքում հակառակորդի կողմից արձակված կրակոցներից մահացու հրազենային վնասվածք է ստացել ժամկետային զինծառայող Սիփան Սերժիկի Մելքոնյանը: Դեպքի առթիվ առաջին կայազորային քննչական բաժնում ՀՀ քրեական օրենսգրքի 104-րդ հոդվածի 2-րդ մասի 7-րդ և 13-րդ կետերով հարուցվել է քրեական գործ:

Տպել
4510 դիտում

Հուլիսի 1-ից երրորդ և հաջորդ երեխայի ծննդյան դեպքում երեխայի ծննդյան միանվագ նպաստը վճարվելու է ամբողջությամբ

Լեհաստանի գործող նախագահ Անջեյ Դուդան վերընտրվել է երկրի նախագահի պաշտոնում

Արտակարգ դրության երկարաձգման որոշման մեջ փոփոխություններ են կատարվել

Էլվիս Փրեսլիի թոռանը մահացած են գտել. ըստ մամուլի՝ ինքնասպանություն է գործել

Ինչպես են վերահսկվում մայրաքաղաքում իրականացվող շինարարական աշխատանքները

Քիչ առաջ միջազգային կառույցներին ուղարկեցինք Տավուշի ուղղությամբ ադրբեջանական գնդակոծությունների մասին առաջին զեկույցը

Կորոնավիրուսով վարակված ԴԱՀԿ 10 աշխատակից բուժման մեջ է, աշխատանքի է վերադարձել 27-ը

Արցախա-ադրբեջանական հակամարտ զորքերի շփման գծում գիշերը իրադրությունը հիմնականում հանգիստ է եղել

Վարչապետը Կառավարության նիստին մասնակցում էր Հայաստանի դրոշի գույներով փողկապով

ՀԱՊԿ-ը հրատապ նիստ է հրավիրել հայ-ադրբեջանական սահմանին տիրող իրավիճակի հարցով

«Ոսկե ծիրանի» նախաձեռնությամբ Հրանտ Մաթևոսյանի և Աղասի Այվազյանի աստղերը զարդարում են Ազնավուրի հրապարակը

Արտակարգ դրության ժամկետը երկարաձգվեց մինչեւ օգոստոսի 12-ը

Հնարավո՞ր է ադրբեջանցի զինվորները մեքենան են ուզեցել վերցնել. վարչապետի հարցը՝ նախարարին. Տոնոյանը ներկայացրեց իրավիճակը

Շաբաթ օրը գրանցվել է կորոնավիրուսի 577 նոր դեպք, կիրակի՝ 182․ ընդհանուր առմամբ դեպքերի թիվը 32.151 է․ Արսեն Թորոսյան

Ադրբեջանական զինուժի սադրիչ գործողությունները խստագույնս դատապարտելի են. Նիկոլ Փաշինյան (տեսանյութ)

Արցախում հաստատվել է կորոնավիրուսային հիվանդության 1 նոր դեպք, վարակակիրը ժամանել է ՀՀ-ից

Հաստատվել է կորոնավիրուսի 182 նոր դեպք, գրանցվել՝ 9 մահ, 1-ը՝ այլ հիվանդության հետեւանքով

Վստահեցնում եմ՝ ցանկացած սադրիչ գործողություն անպատասխան չի մնում. վարչապետը՝ Կառավարության արտահերթ նիստում

Փրկարարները ճոպանների օգնությամբ քաղաքացիներին Հրազդանի կիրճից դուրս են բերել

Հակառակորդի կրակոցից սահմանին մարտական ծառայություն իրականացնող ոստիկաններից 2-ը թեթեւ վնասվածքներ են ստացել. Ստեփանյան