Ծառուկյանի մեկնաբանությունը Միհրան Հարությունյանին ու բռնցքամարտին վերաբերող սկանդալների մասին

Օլիմպիական արծաթեմեդալակիր հունահռոմեական ոճի ըմբիշ Միհրան Հարությունյանը հավաքական կվերադառնա, եթե հետեւի մարզիչների կողմից սահմանած կանոններին: Այս մասին այսօր՝ հունիսի 14-ին, Մինսկի եվրոպական խաղերի մասնակիցների հետ հանդիպման ժամանակ հայտարարեց ՀԱՕԿ նախագահ Գագիկ Ծառուկյանը: Ավելի վաղ Հարությունյանը նշել էր, որ պատրաստվում է պայքարել Տոկիո 2020-ի ուղեգրի համար ու որ ինքը պայմանավորվածություն ունի Ծառուկյանի հետ: Մյուս կողմից հունահռոմեականների գլխավոր մարզիչ Լեւոն Ջուլֆալակյանն ընդգծում էր, որ նա կարող է պայքարել միայն այն պարագայում, եթե մյուս ըմբիշների նման մարզվի նախատեսված ծրագրով: 2 կողմերի՝ Ջուլֆակայնի (ողջ ֆեդերացիայի ու թիմի հետ միասին) ու Հարությունյանի միջեւ այս երկխոսությունն ընթանում էր մամուլի միջոցով ու մեծ աղմուկով: Ծառուկյանը մեկնաբանեց իրավիճակը:

«Միհրանը, այո՛, գնացել է Բաքու, որը չեմ կարող մոռանալ: Օլիմպիական խաղերում, որ մարդը մասնակցեց լիարժեք, մենք ոսկե մեդալ տվեցինք, ուշադրություն դարձրինք, որ չկոտրվի, չհիասթափվի, որովհետեւ արժանի մարզիկ է: Ես ասել եմ, Ջուլֆալակյանն էլ գիտի, ֆեդերացիայի նախագահն էլ գիտի, եթե նա ուժեղ է, ցանկություն ունի, երբ կգա, կմասնակցի հավաքներին, կգնա մրցումների.... ուրիշը չի կարող ուղեգիր բերել, Միհրանն էլ այդ ուղեգրով գնա մրցման»,- ասաց նա:

Վերջին շրջանում հայկական սպորտի մյուս սկանդալը կապված էր բռնցքամարտի հետ: Հայաստանի բռնցքամարտի ֆեդերացիայի (ՀԲՖ) գլխավոր մարզիչ Ռուդիկ Մկրտչյանը Եվրոպական խաղերի համար ներկայացրել էր մի կազմ, ՀԱՕԿ-ը հայտավորել էր այլ կազմ՝ հավաքականում ընդգրկելով նաեւ այնպիսի բռնցքամարտիկներ, որոնք ներկայացնում են ոչ թե ՀԲՖ-ն, այլ նորաստեղծ բռնցքամարտի ֆեդերացիան, որը ճանաչված չէ Բռնցքամարտի միջազգային միության՝ ԱԻԲԱ-ի կողմից: ՀԲՖ մարզիկները նշում էին, որ սրա պատճառով կարող են բոյկոտել խաղերը, սակայն ի վերջո որոշել են մեկնել ՀԱՕԿ-ի որոշած կազմով: Հարցին, թե ինչպես է նրանց համոզել, Ծառուկյանը հետեւյալ պատասխանն է տալիս.

«Որեւիցե մեկը չի եղել համոզելու, բոլորը բռնցքամարտի մարզիկներ են, որոնք ինչի համար պայքարել են, չարչարվում են ամեն օր, որ իրենք կարողանան աշխարհի, Եվրոպայի, օլիմպիական չեմպիոններ դառնան: Նրանք բոլորն էլ համաձայնվել են, որ օլիմպիական կոմիտեի շուրջը համախմբվում են, գնում են մրցումների գալիս են, մի թիմը՝ իր մարզիկով, մյուս թիմը՝ իր մարզիկով, մինչեւ ընտրությունները կդնենք, ով կհաղթի նա էլ կլինի ֆեդերացիայի նախագահ»,- ասաց նա:

Եվրոպական 2-րդ խաղերում Հայաստանը ներկայացնելու է 37 մարզիկ 9 մարզաձեւում: Ծառուկյանն ընդգծեց, որ նրանք մեծ աշխատանք են կատարել: Նա նաեւ վստահություն հայտնեց, որ Մինսկից վերադառնալու են մեդալներով:

«Եվրոպական օլիմպիական խաղերը, դա 2-րդը, արդեն գիտեք, մեր հարազատ, բարեկամ երկրում՝ Բելառուսիայում՝ Բելառուսիայի մայրքաղաք Մինսկում է կայանալու ամսի 21-ից 30-ը, որը ես ձեզ հետ եմ լինելու, ու ամենակարեւորը ես գիտեմ, որ այնտեղից մենք մեծ մեդալներով պետք է վերադառնանք, որովհետեւ ամեն ինչ արված է»,- ասաց նա, իսկ ՀԱՕԿ գլխավոր քարտուղար Հրաչյա Ռոստոմյանն ավելացրեց, որ հաջող հանդես եկած մարզիկները պարգեւավճար են ստանալու՝ պետական պարգեւի կրկնապատիկը:

Մինսկի Եվրոպական խաղերը մեկնարկելու են հունիսի 21-ին: Ավարտվելու են 30-ին: Վերջնական կազմը հետեւյալն է.

Ազատ ոճի ըմբշամարտ

Գարիկ Բարսեղյան 57 կգ

Վալոդյա Ֆրանգուլյան 65 կգ

Սարգիս Հովսեփյան 97 կգ

Անդրանիկ Գալստյան 125 կգ

Հունահռոմեական ոճի ըմբշամարտ

Արմեն Մելիքյան 60 կգ

Կարեն Ասլանյան 67 կգ

Կարապետ Չալյան 77 կգ

Մաքսիմ Մանուկյան 87 կգ

Արթուր Ալեքսանյան 97 կգ

Սպորտային մարմնամարզություն

Վահագն Դավթյան օղակներ

Արթուր Թովմասյան օղակներ

Արթուր Դավթյան բազմամարտ

Բադմինթոն

Լիլիթ Պողոսյան

Հրաձգություն

Հրաչիկ Բաբայան 10 մ օդամղիչ հրացան, 50մ հրացան

Ալլա Պողոսյան 10 մ օդամղիչ հրացան

Ձյուդո

Ֆերդինանդ Կարապետյան 73 կգ

Հեծանվասպորտ

Էդգար Ստեփանյան

Սամբո

Ասյա Լալազարյան 48 կգ

Տիգրան Կիրակոսյան 52 կգ

Մաքսիմ Մանուկյան 57 կգ

Արսեն Ղազարյան 74 կգ

Դավիթ Գրիգորյան 82 կգ

Գրիգոր Սահակյան 90 կգ

Թիավարություն

Արա Վիրաբյան

Դավիթ Մարաբյան

Վլադիմիր Ալավերդյան

Բռնցքամարտ

Անուշ Գրիգորյան 51 կգ

Արթուր Հովհաննիսյան 49 կգ

Բարեղամ Հարությունյան 52 կգ

Ժիրայր Սարգսյան 56 կգ

Կարեն Տոնականյան 60 կգ

Հովհաննես Բաչկով 64 կգ

Գուրգեն Մադոյան 69 կգ

Արման Դարչինյան 75 կգ

Գոռ Ներսեսյան 81 կգ

Հենրիկ Սարգսյան 91 կգ

Գուրգեն Հովհաննիսյան +91 կգ

Տպել
1479 դիտում

Արտո Թունջբոյաջյան, Վահան Արծրունի. վաղվանից կմեկնարկի «Ֆրեսկո» ամենամյա փառատոնը

«Ներկայիս իրավիճակն անթույլատրելի է». Բակո Սահակյանն այսօր խորհրդակցություն է անցկացրել

Վենետիկի հանձնաժողովը պատրաստ է խորհրդատվական կարծիք տրամադրել Քոչարյանի գործով. Թովմասյանը գրություն է ստացել

ԿԳՄՍ նախարարի հրամանով հաստատվել է, թե որքան է լինելու յուրաքանչյուր դասագրքի համար վճարի չափը

Կամ գտնվում են իրավական հիմնավորումներ, որոնցով հանքը փակվում է, կամ այդ հանքը շահագործվում է․ հանրաքվեն տարբերակ չէ

Շոգն աստիճանաբար կնվազի. եղանակը՝ Հայաստանում

Հրդեհներ Ամազոնի անտառներում. կրակը տարածվում է աննախադեպ արագությամբ

Պետական պարտքի դինամիկան թույլ է տալիս եզրակացնել, որ ռիսկերը կառավարելի են. Ջանջուղազյան

ՀՊՏՀ-ի ռեկտորի ժամանակավոր պաշտոնակատար է նշանակվել Դիանա Գալոյանը

Մեղավորության կանխավարկա՞ծ. Հերոյանը` քիլլե՞ր

Սյունիքի մարզում այրվում է մոտ 100 հա բուսածածկույթ (տեսանյութ)

Օդային աղետի պատճառների լաբիրինթոսում. անպատասխան հարցեր

Պետք է ապավինել մասնագետների փորձաքննության արդյունքներին եւ առաջնորդվել դրանցով. նախարար

Պայքար կյանքի եւ մահվան միջեվ. հրաշքի հնարավորությունը չի բացառվում

Ադրբեջանի հետ օպերատիվ կապը գործում է բավականին կայուն. ԱԳ նախարար

Այրվում է երկրագնդի ամենախիտ ու ընդարձակ անտառներից մեկը՝ Ամազոնը. Սուրենյան

Երբ Թրամփի կամ Պոմպեոյի հետ հանդիպելու պահը գա, դա կլինի. Մնացականյան

Սուրիկ Խաչատրյանի որդին՝ Տրդատ Խաչատրյանը, ճանաչվել է ոչ պիտանի զինվորական ծառայության համար

Սահմանադրական դատարանը փոխնախագահ չունի․ չի իրականացվել Սահմանադրական դատարանի մասին օրենքի պահանջը

Խոշոր հրդեհ Լոռիում. հրշեջներին հաջողվել է կանխել հրդեհի տարածումը (լուսանկարներ)