Տանը նստած էի, երբ ծանոթներիցս մեկը զանգեց, թե իմ անունն էլ է հրապարակված կառավարության կայքում. փոխնախարար

ՀՀ վարչապետ Նիկոլ Փաշինյանի որոշմամբ՝ Հայաստանի զբոսաշրջության զարգացման հիմնադրամի գործադիր տնօրեն, արվեստագիտության թեկնածու Արայիկ Խզմալյանը նշանակվել է կրթության, գիտության, մշակույթի եւ սպորտի նախարարի տեղակալ։ Մշակույթի գծով փոխնախարարն ավելի վաղ ՀԺ-ի հետ զրույցում հայտնել էր, որ եթե պաշտոնական առաջարկ ստանա եւ քննարկվի, ապա հոգեբանորեն պատրաստ է ոլորտը համակարգողի պարտականությունները ստանձնել: Արայիկ Խզմալյանի հետ մեր զրույցը ստորեւ.

- Պարոն Խզմալյան, ե՞րբ եք իմացել, որ դուք եք լինելու մշակույթի գծով փոխնախարար եւ ինչպես ընդունեցիք առաջարկը:

- Անկեղծ ասած, տանը նստած էի, ծանոթներիցս մեկը զանգեց եւ ասաց, որ իմ անունն էլ է հրապարակված կառավարության կայքում: Վերջնական հաստատման մասին ես իմացել եմ հենց այսօր, որովհետեւ մինչեւ հրամանը չլինի՝ որեւէ մեկը չի կարող ասել, որ դա հաստատ է, քանի որ նշանակումները հաստատում է ՀՀ վարչապետը՝ նախարարի առաջարկությամբ: Պարզ է, որ այս ընթացքում հանդիպումներ եմ ունեցել նախարարի հետ, շատ տարօրինակ կլիներ, եթե այդ հանդիպումները չլինեին: Կարծում եմ՝ մինչեւ նշանակումը մարդիկ պետք է համաձայնեցնեն իրենց տեսլականները, ծրագրերը, պիտի շոշափեն մեկը մյուսի ռազմավարությունը: Եվ եթե խոշոր հարցերում կա ներդաշնակություն եւ համաձայնեցված աշխատելու հնարավորություն, ապա այդ դեպքում նոր մարդիկ վերջնական որոշում են կայացնում: Քննարկումները եղել են, վերջնական ծրագիր է ներկայացվել եւ ես շատ ուրախ եմ ու շնորհակալ, որ այն ծրագրերն ու գաղափարները, որոնք ես ունեմ ոլորտի կարգավորման հետ կապված, արժանացել են բարձրագույն քաղաքական իշխանության համակրանքին:

Հայտնի է, որ մշակույթի գծով փոխնախարարները երկուսն են լինելումինչեւ այս պահը Նարինե Թուխիկյանի անունն է շրջանառվում: Վերամիավորված նախարարությունում երկու փոխնախարարների համագործակցությունն ինչպիսի՞ն է լինելու: Միասին եք աշխատելու, թե՞ յուրաքանչյուրը մի ուղղություն է կոորդինացնելու, ինչպես է արվելու:

- Դեռ չեմ կարող վստահաբար խոսել տիկին Թուխիկյանի մասին, քանի որ չկա վարչապետի որոշումը վերջինիս նշանակման վերաբերյալ: Անձի անունը չտալով՝ կարող եմ ասել, որ սովորաբար ոլորտը բաղկացած է լինում երկու հիմնական ուղղություններից, մեկը՝ ժամանակակից արվեստը, որի մեջ ներառված են կերպարվեստը, երաժշտությունը, խորեոգրաֆիան, թատրոնը, կինոն եւ մյուսը՝ այն ամենն է, ինչ կապված է մեր հոգեւոր ժառանգության, հոգեւոր հիշողության հետ, դա մշակութային ժառանգությունն է, հուշարձաններ, գրադարաններ, թանգարաններ եւ այլն. կարծում եմ՝ բաժանումը տեղի կունենա հենց այդ սկզբունքով: Յուրաքանչյուրը կլինի իր ոլորտի պատասխանաոտւն, բայց ես վստահ եմ, որ որեւէ հիվանդագին սահմանապահություն չի լինի համագործակցության մեջ, որովհետեւ ի վերջո նախարարությունների միաձուլման գաղափարը հենց բոլոր պատասխանատուների համաձայնեցված ամենօրյա ներդաշնակ աշխատանքն է: Աշխատանքները պետք է լինեն համաձայնեցված, բարեկիրթ եւ գործընկերային մթնոլորտում, ես դրանում գրեթե վստահ եմ:

Նախկին փոխնախարարների ժամանակ կարծես թե այդ առողջ եւ գործընկերային մթնոլորտն այնքան էլ չէր պահպանվում, մասնավորապես, Նազենի Ղարիբյանը մի շարք ՊՈԱԿ-ների ղեկավարների հետ խնդիրներ ունեցավ: Մեր զրույցում Ղարիբյանը նշեց, որ մտավախություն ունի, թե նոր փոխնախարարները չեն կարողանալու իր սկսածը շարունակել:

- Ես չգիտեմ, թե տիկին Ղարիբյանն ինչ է ասել մեր մասին, բայց ես ինքս ինձ խոստացել եմ, որ որեւէ ձեւով չեմ անդրադառնալու նախորդների աշխատանքին: Ես համարում եմ, որ բոլոր այն մարդիկ, որոնք մշտապես հետ են նայում, փորձում գնահատել նախորդների աշխատանքը, նրանք ժամանակ չեն ունենում առաջ նայելու եւ միջավայրը բարեկարգելու: Այնքան ծրագրեր կան իրականացնելու, շտկելու, կարգի բերելու եւ այնքան բան կա անելու, որ վստահ եմ՝ ժամանակ չի լինելու հետ նայելու եւ գնահատելու, թե ինչ է արվել նախորդների ժամանակ: Մի բան կարող եմ հստակ ասել՝ այն բոլոր առողջ նախաձեռնությունները, որոնք տեղի են ունեցել մեզնից առաջ, չկա որեւէ տրամաբանական պատճառ, որ հրաժարվենք դրանցից եւ փորձենք ոլորտ մտնել՝ նախորդների արածը ջնջելով: Որեւէ պետականամետ մարդ, կամ ողջամիտ ղեկավար չի կարող ինչ-ինչ հանգամանքներից դրդված՝ անտեսել լավ արված աշխատանքն առողջ հատիկը: Մենք հիմա խնդիր ունենք համատեղ ջանքերով, լրագրողների հետ համատեղ առողջ տեղեկատվական դաշտ ձեւավորելու, մշակույթը դիրքավորելու տեղեկատվական դաշտում եւ քաղաքացիներին ընդգրկելու մշակույթի ոլորտ: Մենք խնդիր ունենք բոլոր մասնագիտական ռեսուրսները մոբիլիզացնելու եւ օպտիմիստական մթնոլորտ ստեղծելու: Մարդիկ սպասելիքներ ունեն եւ մեծ խնդիրներ կան այդ սպասումներն ու լավատեսական տրամադրվածություններն արդարացնելու, դրա համար որեւէ մեկը ժամանակ չունի անդրադարձ կատարելու իրենից առաջ արված աշխատանքին:

Տպել
15650 դիտում

ԵՊՀ դեկանները պահանջում են ԱԺ-ից անհապաղ հետ կանչել օրենքի նախագիծը

Հայկական եւ ադրբեջանական կողմերը գերիների ցուցակները փոխանցել են Կարմիր խաչի միջազգային կոմիտեին

Ռուս խաղաղապահների միջնորդությամբ գերությունից ազատվել է Ադրբեջանում գտնվող երկու քաղաքացիական անձ

Բոլորս խոնարհվում ենք մեր ժողովրդի օրգանական, անքակտելի մաս մեր ազգային բանակի առջև․ ԱԳ նախարար

Մարմաշեն, Եղեգիս և Գլաձոր համայնքները նորից տեխնիկա են ստացել․ ներդրվել է ավելի քան 100 միլիոն դրամ․ ՀՏԶՀ

Արարատ Միրզոյանը Եռաբլուրում հարգանքի տուրք է մատուցել հայրենիքի պաշտպանության համար նահատակված հերոսների հիշատակին

Արաբկիրի նախկին ղեկավարը որպես մեղադրյալ է ներգրավվել․ նրա նկատմամբ հայտարարվել է հետախուզում

Նախագահական նստավայրում տեղի է ունեցել Լոռու մարզի առաջին ատյանի դատարանի դատավոր Լ․ Ալավերդյանի երդման արարողությունը

Տիգրան Ավինյանն ընդունել է ԱՄՆ դեսպանին․ քննարկվել են մի շարք հարցեր

Վարչապետը վերահաստատել է Հայաստանի ակտիվ համագործակցության պատրաստակամությունը՝ ի նպաստ ԵԱՏՄ հետագա զարգացման

Ստեղծվել է 10-15 րոպեում Թբիլիսյան խճուղուց Դավթաշեն կամ Զովունի հասնելու հնարավորություն

Նայելիս տանջվում էինք, ասես՝ մեր գրածն ու նկարածը չլիներ․ Նարինե Դովլաթյանի նոր երգը՝ նվիրված հայ մարտիկներին

Գագիկ Ծառուկյանը վաղը կայանալիք հանրահավաքից առաջ հրավիրվել է ԱԱԾ՝ լրացուցիչ հարցաքննության

Առաջիկա օրերին ՀՀ 3 մարզերում եղանակը ցրտելու է, առանձին վայրերում սպասվում են տեղումներ

Գողթանիկ գյուղում վայրի արջի քոթոթը խճճվել էր ցանցավանդակների մեջ. օգնել են մասնագետները (լուսանկարներ)

Օժանդակություն ստանալու համար արցախցիները պետք է մինչեւ դեկտեմբերի 20-ը էլեկտրոնային դիմում ներկայացնեն

«Հայկական ժամանակը» փնտրում է լրագրողների

Հետպատերազմյան փուլում քաղպաշտպանությունը դրված է որպես առաջնահերթ խնդիր․ ՀՀ ԱԻՆ փոխնախարար

Ֆրանսիայի խորհրդարանի և՛ ստորին, և՛ վերին պալատների միասնական դիրքորոշումը խորհրդանշում է Ֆրանսիայի վճռական բողոքը. ԱԳՆ

Ստեփանակերտում, Ասկերանի տարածքում կկատարվի չպայթած զինատեսակների վնասազերծում