Ես իրենց պահանջով երբեք չեմ հրաժարվելու, իրենք իրավունք չունեն խորհրդից պահանջել իմ հրաժարականը. Ղարիբյան

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում խռովությունները շարունակվում են: Պատճառը՝ կոլեգիալ կառավարման մարմնի խորհրդի մայիսի 22-ի որոշումն է, ըստ որի՝ Օպերային թատրոնի կառավարման խորհրդի նախագահ է ընտրվել ՀՀ մշակույթի նախարարի պարտականությունները կատարող Նազենի Ղարիբյանը:

Օպերային թատրոնի կառավարման խորհուրդը բաղկացած է ութ անդամից. թատրոնի անձնակազմը լարվել է խորհրդում թատրոնի ներկայացուցիչներ՝ բալետի արտիստ Սերգեյ Սաֆարյանի եւ Օպերային թատրոնի մեներգիչ Պերճ Քարազյանի դեմ: Դեռեւս մայիսի 27-ին հրավիրված ժողովում բուռն քննարկումներից եւ վիճաբանությունից հետո լարվածությունը շարունակվում է: Օպերային թատրոնի աշխատակիցներն իրենց վստահված անձանց են մեղադրում Ղարիբյանի ընտրման համար, պահանջում են չեղարկել մայիսի 22-ի որոշումը: 

Օպերային թատրոնի լարվածության, գեղարվեստական ղեկավար Կոնստանտին Օրբելյանին տնօրենի պաշտոնից զրկելու եւ թատրոնի ներկայիս խռովությունների շուրջ «Հայկական Ժամանակ»-ը զրուցել է կատարվածի կիզկետում հայտնված Նազենի Ղարիբյանի հետ:

- Տիկին Ղարիբյան, արդեն մի քանի օր է՝ Օպերային թատրոնում խռովություններ են, այս անգամ էլ են հայտնում, որ պատճառը դուք եք: Թատրոնի անձնակազմը չի ուզում տեսնել ձեզ Օպերային թատրոնի կառավարման խորհրդի նախագահի պաշտոնում:

- Ես չէի ուզում լինել Կառավարման խորհրդի նախագահ, բայց խորհրդի անդամները պնդեցին: Ասացին՝ դուք փորձ ունեք, դուք կկարողանաք նորմալ ղեկավարել: Իմ լիազորությունները սկսվում եւ ավարտվում են խորհրդում: Ես Օպերային թատրոնը ոչ ղեկավարելու եմ, ոչ էլ որեւէ որոշում եմ կայացնելու, քանի որ խորհրդում ես մեկ ձայն ունեմ:

- Օպերային թատրոնի անձնակազմը խորհրդի իրենց ներկայացուցիչների առաջ հարց է դրել՝ չեղարկել 22-ի որոշումը եւ ըստ այդմ կառավարման խորհրդի նախագահի պաշտոնից զրկել ձեզ: Եթե խռովությունները շարունկավեն, դուք պատրա՞ստ եք հրաժարվել ձեզ վստահված պարտականություններից:

Ես իրենց պահանջով երբեք չեմ հրաժարվելու, եթե հրաժարվեմ, ապա դա կարող է լինել ուրիշ պատճառ: Իրենք ժողով են արել, երկու մարդ են ընտրել, ուղարկել են խորհուրդ, եթե հիմա հետ կկանչեն, դա իրենց խնդիրն է: Եվ մի բան էլ, Օպերային թատրոնն ունի 650 աշխատող, արդյո՞ք այդ 650 հոգին էլ պատրաստ են նորից քվեարկել եւ հետ կանչել իրենց ներկայացուցիչներին, ինչքան հասկանում եմ՝ այնտեղ ակտիվացածներն ընդամենը 50 հոգի են: Թող իրենք իրենց մեջ որոշեն, ես դրան չեմ խառնվի: Երկու ամիս է՝ այդ խորհուրդը գործում էր առանց նախագահի: Իրենք են ինձ ընտրել նախագահ, չնայած իմ ընդդիմանալուն՝ նրանք այդ պատասխանատվությունը վստահել են ինձ: Սակայն մի բան կասեմ, մեր նախարարությունները շուտով միանում են, կարող է եւ ամիսներ անց իմ զբաղվածությունն այնպիսին լինի, որ ես ինքս չհասցնեմ ու հրաժարվեմ: Իրենք իրավունք չունեն խորհրդից պահանջել իմ հրաժարականը, այդ խորհուրդը ձեւավորվել է ի հակակշիռ իրենց տնօրինության եւ գեղարվեստական խորհրդի: Եթե պետք է խորհրդում իրենց ուզած մարդիկ աշխատեն, դրա գոյության իմաստն էլ ո՞րն է: Այն անկախ խորհուրդ է, որը չի ենթարկվում Օպերային թատրոնին:

- Տիկին Ղարիբյան, լուրեր են շրջանառվում, որ նախարարությունների միացումից հետո մշակույթի գծով փոխնախարարը դուք եք լինելու: Նման առաջարկ ստացե՞լ եք կամ քննարկում եղե՞լ է:

- Նման առաջարկ չի եղել, որովհետեւ որոշում է կայացվել, որ բոլոր նախարարությունները մեխանիկորեն միանում են: Ինձ դեռեւս չեն ասել, թե ես մնում եմ, կամ գնում: Նախարարությունների միացման որոշումն ուժի մեջ է մտնում հունիսի 3-ից: Հունիսի 3-ին կնշանակվի միացյալ նախարարությունների նոր նախարարը, որից հետո նա կնշանակի իր փոխնախարարներին: Մինչեւ այդ որեւէ մեկը չի կարող ասել՝ ինքը մնում է, թե՝ ո՛չ:

- Եթե ձեզ առաջարկ արվի, կմնա՞ք:

- Իմ սկզբունքը եղել եւ մնում է հետեւյալը, եթե ինձ հրավիրում են պետական ծառայության մեջ որեւէ աշխատանքի, որը նվիրված է նոր Հայաստանի շինարարությանը, ապա չեմ կարող հրաժարվել: Եթե ինձ հրավիրում են օգտակար լինել, նշանակում է՝ վստահություն եւ որոշակի ակնկալիք կա իմ մասնագիտական կարողություններից: Եթե գտնում են, որ կարող եմ այդ աշխատանքն իրականացնել, ուրեմն, ես չեմ հրաժարվի: Ես այս պաշտոնն անցյալ տարի էլ եմ ընդունել: Հետո մի բան էլ կա, ես թողնում եմ իմ ամբողջ կարիերան եւ՛ գիտական ե՛ւ դասախոսական, նաեւ գրողի, գալիս եմ, որովհետեւ գտնում եմ, որ կարող եմ օգտակար լինել նոր Հայաստանի շինարարության գործում՝ մասնավորապես մշակույթի ոլորտում:

Կոնստանտին Օրբելյանին օպերային թատրոնի տնօրենի պաշտոնից ազատելուց հետո նրա հետ հանդիպելու առիթ ունեցե՞լ եք:

- Ես այլեւս չեմ կարող Օրբելյանի հետ շփում ունենալ, որովհետեւ նա հիմա գեղարվեստական ղեկավար է, իսկ ես գեղարվեստական ղեկավարի հետ չեմ առնչվում: Օրբելյանն իր աշխատանքային եւ մնացած հարցերը իր տնօրենի հետ պետք է քննարկի: Մեր գերատեսչության հարաբերությունները թատրոնի տնօրենի հետ են: Նամակագրություններն ու մնացած հարցերը տիկին Կիրակոսյանի (տնօրենի ԺՊ) հետ են:

- Կոնստանտին Օրբելյանը ձեզ դատի է տվել եւ պահանջում է անվավեր ճանաչել տնօրենի իր լիազորությունները դադարեցնելու հրամանն ու աշխատանքում վերականգնել եւ հարկադիր պարապուրդի գումարը վճարել:

- Լավ է արել, դա իր իրավունքն է:

- ՀՀ վարչապետ Նիկոլ Փաշինյանը պետք է նայեր փաստաթղթերը եւ այն հիմնավորումները, որոնք Օրբելյանի ազատման հիմքում ներկայացրել էր մշակույթի նախարարությունը: Դուք առանձին հանդիպում կամ զրույց ունեցե՞լ եք վարչապետի հետ, թե հարցը փակվեց:

- Այդ հարցը չի փակվել: Արդարադատության նախարարությունն իր դիրքորոշումն է հայտնել, ըստ որի՝ ներկայացված գոնե երեք կետերը հիմնավոր են, ու ըստ այդմ Օրբելյանը չի կարող զբաղեցնել տնօրենի պաշտոն: Դրանցից գոնե մեկը անբեկանելի է. Օրբելյանը չի կարող զբաղեցնել տնօրենի պաշտոն, քանի որ նա արդեն զբաղեցնում է գեղարվեստական ղեկավարի պաշտոնը:

- Վերջին շրջանում շատ է քննարկվում նաեւ ձեր Ֆրանսիայի քաղաքացի լինելը, որը նաեւ շեշտում է Օրբելյանը:

- Հայաստանի բնակչության ուղիղ կեսը նաեւ Ռուսաստանի քաղաքացի է: Այդ առիթով որեւէ մեկը որեւէ բան չի ասում: Իսկ ինձ հետ կապված այնպես են ասում՝ նա երկքաղաքացի է, կարծես Ստալինի ժամանակ ասեն՝ նա ժողովրդի թշնամի է: Ոչ մի վատ բան չեմ տեսնում, որ ես երկքաղաքացիություն ունեմ: Ես վաղուց կարող էի հրաժարվել Հայաստանի քաղաքացիությունից, երբ ապրում էի Ֆրանսիայում: Այն օրը, երբ Հայաստանի խորհրդարանն ընդունեց երկքաղաքացիության օրենքը, հաջորդ օրը ես դիմում եմ գրել եւ ստացել նաեւ Ֆրանսիայի քաղաքացիություն: Այո, ես ոչ միայն երկքաղաքացի եմ, այլեւ այդ երկու երկրների մշակույթները լիարժեքորեն կրում եմ իմ մեջ: Ես Սորբոնի համալսարանի դոկտոր եմ, ֆրանսիացի գիտնական եմ: Ֆրանսիան քաղաքացիություն չի ճանաչում եւ ես էլ լիարժեքորեն համարվում եմ մյուսների հետ հավասար: Շառլ Ազնավուրը որ ասում էր՝ ես 100 տոկոս հայ եմ, 100 տոկոս ֆրանսիացի, ոչ ոք նրան չէր քննադատում, բայց հենց Ղարիբյանն է ասում, բոլորին թվում է, թե ազգի թշնամի է:

Տպել
3998 դիտում

Լոռու մարզպետ՝ Օձունի համայնքապետին ազատման պահանջ ներկայացնելու, ապա ծեծելու դեպքով գրություն կուղարկվի դատախազություն

Ես ունեմ կյանքի ու նախագահական երդում, որը չեմ կարող դրժել. Արայիկ Հարությունյան

Մոսկվայում այսուհետ ռեստորաններ կայցելեն միայն պատվաստված կամ ՊՇՌ թեստ ունեցող մարդիկ. ռեստորանային բիզնեսը վտանգվա՞ծ է

Ամենայն պատասխանատվությամբ հայտարարում եմ, միայն ՔՊ գրասենյակում չէ, որ եղել եմ, այլ հանդիպումներ էլ կային. ԱՀ նախագահ

Ֆրանսիան վերահաստատում է աջակցությունը ՀՀ սուվերենությանը և տարածքային ամբողջականությանը. ԱԳՆ

Օձունի համայնքապետը հաղորդում է տվել իր նկատմամբ կատարված հանցագործության վերաբերյալ

Վեդի-Արարատ ճանապարհին «KIA» մակնիշի ավտոմեքենան կողաշրջվել է․ 16-ամյա վարորդը տեղում մահացել է

Համեմատվել են ԱԺ անցած 3 ուժերի ձայները բոլոր հոսանքազրկված ընտրատեղամասերում․ Իոանիսյան

Բաց պահել ԲՀԿ գրասենյակները, լինել ժողովրդի կողքին. Ծառուկյանը հանդիպել է համակիրների հետ

5165 շարժումը մերժել է Նիկոլ Փաշինյանի հետ հանդիպման առաջարկը․ ընդդիմադիր որոշ ուժերի ՍԴ դիմելու առաջարկը ևս մերժվել է

«Բանալի բառը՝ բոլորի վարչապետ». Նիկոլ Փաշինյանի մեկնած «համախմբման ձեռքը» օդում չմնաց

Բուսաբանական այգում լինելու է Արցախյան պատերազմներում զոհվածների հիշատակը հավերժացնող մեծ անտառ-պուրակ

«Շոկային սելֆիներ արջի հետ»․ միջազգային հանրությունը մերժում է այս երևույթը (տեսանյութ, լուսանկարներ)

Մեկնարկել է «Քայլ դեպի տուն» 2021 ուսումնաճանաչողական ծրագիրը․ շուրջ 400 սփյուռքահայեր կհյուրընկալվեն հայրենիքում

Երբ Այվազյանը հեռացավ, գերիների հարցը լուծվեց, նա ստել էր ականապատման քարտեզների մասին. Արմեն Գրիգորյան. «Ազատություն»

Իսպանիայի իշխանությունները ներում են շնորհել կատալոնցի ձերբակալված քաղաքական գործիչներին

70-ից ավելի ընտրական տեղամասերի վերահաշվարկի աշխատանք կիրականացվի. ԿԸՀ

Ես փախչող տեսակ չեմ, պատրաստ եմ բոլորի հետ երկխոսության. Արցախի նախագահը իր հրաժարականը պահանջողներին

Նորք-Մարաշ վարչական շրջանում այրվել է մոտ 5 հա խոտածածկույթ․ հայտարարվել է հրդեհի բարդության «1 ԲԻՍ» կանչ

Զախարովան նշել է Ռուսաստանի բարեկամ լինելու պայմանը

ԱՄՆ-ն պատրաստակամ է աջակցել ՀՀ-ին՝ բարձր տեխնոլոգիական ոլորտի ձեռնարկությունների էկոհամակարգերի ստեղծման հարցում. Թրեյսի

Առերևույթ ընտրական հանցագործությունների մասին ստացված 727 հաղորդում, հարուցված 32 քրեական գործ. ամփոփում

Էրդողանը արգելում է երաժշտությունը կեսգիշերից հետո՝ առաջացնելով թուրքական սոցիալական մեդիայի զայրույթը

Այդ կենտրոնն էլի թողնելու ենք այդպես՝ ոչինչ չանելո՞վ. Երեւանի ավագանին քննարկում է Թոխատյանին հատկացված «Կանազի» հարցը

Անընդունելի են արցախյան հասարակությունը պառակտելու, հակադիր բևեռների բաժանելու բոլոր փորձերը, անկախ հեղինակներից. ԱՀ ՄԻՊ

Ազգային-Ժողովրդավարական Բևեռը մերժել է Նիկոլ Փաշինյանի հանդիպման առաջարկը

Հայաստանը մեծ հույսեր է կապում ձեզ հետ․ Նիկոլ Փաշինյանը հանդիպում է ունեցել Սամվել Բաբայանի հետ (տեսանյութ)

«Հայաստան» դաշինքը դատի է տվել ԿԸՀ-ին՝ պահանջելով նախազգուշացում կիրառել ՔՊ-ի նկատմամբ

Արմեն Սարգսյանը հեռախոսազրույց է ունեցել Ռոբերտ Քոչարյանի հետ

Որևէ պարտադրանք և հարկադրանք չի եղել. Չարչյանը՝ աղմկահարույց ձայնագրության մասին

ԿԸՀ-ն բավարարել է ևս մեկ պատգամավորության թեկնածուի ազատությունից զրկելու վերաբերյալ դատախազության միջնորդությունները

«Մեր օրակարգը պարտվել է այս ընտրություններում. չնայած դա ոչինչ չի նշանակում». Էդմոն Մարուքյանը՝ Նիկոլ Փաշինյանին

Բարձր ջերմաստիճանային պայմաններում աշխատանքի կազմակերպման խորհուրդներ

Ալիկ Առաքելյանը պայմանագիր կնքեց «Արարատի» հետ, Ջեյսոն Մարտինեսը տեղափոխվեց իսպանական «Ալբասետե»

Ոչ մի շանս մարդասպան գողապետերին․ Նիկոլ Փաշինյանը եւ Արման Բաբաջանյանը հանդիպել են

Հայաստանի հավաքականի առաջիկա մրցակցի մարզիչը կփոխվի

Նիկոլ Փաշինյանը հանդիպել է «Քաղաքացու որոշում» կուսակցության ներկայացուցչի հետ

Համալիրում սիմֆոնիկ նվագախումբը կկատարի հայկական սիրված կինոֆիլմերի համար գրված մեղեդիները

Մեղադրանք է առաջադրվել Մեծամոր քաղաքի դպրոցի նախկին տնօրենին և ամուսնուն․ ՔԿ

Թրամփի անհեթեթ առաջարկների շարքից