«Գուդվին» բուքմեյքերական ընկերության աշխատակիցները փակել են Բաղրամյան պողոտան․ պահանջում են հանդիպում ԱԺ նախագահի հետ

«Գուդվին-Բետ» բուքմեյքերական ընկերության աշխատակիցները Ազգային ժողովի մուտքերից մեկի մոտ բողոքի ակցիա են իրականացնում։ Այս պահին ցուցարարները փակել են Բաղրամյան պողոտան։

Բանն այն է, որ Ազգային ժողովն այսօր քննարկելու է ԱԺ փոխխոսնակ Ալեն Սիմոնյանի հեղինակած նախագիծը, որով նախատեսվում է փոփոխություններ եւ լրացումներ կատարել «Վիճակախաղերի մասին» օրենքում։ Նախագծի ընդունման դեպքում բուքմեյքերական գրասենյակներ Հայաստանի տարածքում գործելու են միայն Ծաղկաձոր, Ջերմուկ, Մեղրի եւ Սեւան քաղաքներում: Տվյալ տարածքներում գործող գրասենյակներ մուտք գործելիս քաղաքացիների ինքնությունը ստուգվելու է: Խաղադրույք կատարելու ավտոմատացված սարքավորումներ Հայաստանի տարածքում չեն լինի: Այնուհետ՝ բուքմեյքերական ընկերությունները պարտադիր 500 միլիոն դրամ դեպոզիտ գումար պետք է ունենան։ Ըստ նախագծի՝ մոլախաղերով հրապուրված եւ իրենց ընտանիքի անդամներին ծանր դրության մեջ դրած քաղաքացիները զրկվելու են բուքմեյքերական ընկերությունների ծառայություններից օգտվելու հնարավորությունից, արգելվելու է նաեւ «am» եւ «hay» դոմեյններով օտարերկրյա բուքմեյքերականների գովազդը:

Ի դեպ, Ալեն Սիմոնյանի նախագծին միացել են ԲՀԿ-ական պատգամավոր Նաիրա Զոհրաբյանն ու «Իմ քայլ»-ի պատգամավոր Սիփան Փաշինյանը:

«Գուդվին» բուքմեյքերական ընկերության մենեջեր Պողոսյանը մեր զրույցում ասաց, որ իրենք այսօր հանդիպում են պահանջում ԱԺ նախագահ Արարատ Միրզոյանի հետ, քանի որ Ալեն Սիմոնյանի հետ այլեւս քննարկելու բան չունեն։ Ի դեպ՝ բուքմեյքերական գործունեություն ծավալող ընկերությունների ներկայացուցիչները մասնակցել են ԱԺ տնտեսական հանձնաժողովում թեմայի շուրջ կայացած քննարկումներին, որի ժամանակ, մենեջերի պնդմամբ՝ Ալեն Սիմոնյանն իրենց վիրավորել է՝ ասելով՝ «ջանդամ, թե «Գուդվին»-ը չի փակվի»։

Նշենք, որ հայաստանյան բուքմեյքերական շուկայում գործում են 5 ընկերություններ՝ «Վիվառո»-ն, «Տոտո»-ն, «Աջարաբեթ»-ը, «Գուդվին-Բետ»-ը, «Եվրոֆուտբոլ»-ը: Ցուցարարների պնդմամբ՝ այս օրինագծի ընդուման դեպքում տուժում են միայն իրենք, եւ շահում են օնլայն հարթակում գործունեություն ծավալող ընկերությունները, մասնավորապես՝ «Վիվառո»-ն։

ԱԺ փոխնախագահ Ալեն Սիմոնյանը մեր զրույցում մեկնաբանեց, որ աշխատակիցները բողոքի ակցիա են անում, քանի որ ոլորտում մենաշնորհ ունեն․

«Մենաշնորհը վերաբերում է խաղային ապարատներին, որոնք դրված են գազալցակայաններում, որոնք մեր համաքաղաքացիների բողոքն են առաջացնում։ Իրենց կողմից առաջարկներ են ներկայացվել, 500 մլն դրամի երաշխավճարի վերացումը, ժամկետն ենք երկարաձգել, հիմա ուզում են իրենց ապարատները երկար պահել»։

Սիմոնյանն ասաց, որ օրենքի նախագիծն ընդհանուր փաթեթ է, որտեղ հաշվի են առնվել բոլոր կարծիքները, որոշներն ընդուվել են, որոշները՝ մասնակի․

«Հիմա ընդհանուր ոլորտի հարցերը առաջ քաշելով՝ փորձում են լուծել խաղային ապարատների հարցը, որոնք չարիք են եւ ունեն միայն իրենք»,-ասաց Սիմոնյանը։

Մեր դիտարկմանը, որ Սիմոնյանը տնտեսական հանձնաժողովի նիստի ժամանակ ասել է «ջանդամ, թե «Գուդվին»-ը չի փակվի»՝ այդպիսով վիրավորելով աշխատակիցներին, ԱԺ փոխխոսնակն արձագանքեց՝ «Վիրավորել եմ՝ թող դատի տան»։

Տպել
12616 դիտում

Մահվան ելքով վրաերթ Երեւանում. 63-ամյա տղամարդը գիտակցության չգալով մահացել է

Տղերքին ասել եմ՝ երգե՛ք, որ թշնամին տեսնի մենք կանք. Ռուբեն Սանամյանը՝ երգելով թշնամու դեմ դուրս գալու մասին և ոչ միայն

Թուրքիայում ձերբակալել են Կարսի քաղաքապետին

Առաջիկա օրերին սպասվում է առանց տեղումների եղանակ. ջերմաստիճանն էապես չի փոխվի

Հայկական արտադրության խելացի հաշվիչները բաժանորդին թարմ տվյալներ են տալիս սպառած էլէներգիայի մասին կես ժամ պարբերությամբ

«Զինառ»-ում իրականացվում են զինվորի կենցաղային պայմանների բարելավմանը նպաստող փոփոխություններ

Երեւանի Ագաթանգեղոսի փողոցում կին վարորդը վրաերթի է ենթարկել անձը չպարզված քաղաքացու

Մեկնարկել է Գյուղական կյանքի և ավանդույթների յոթերորդ փառատոնը․ նախարարը ծանոթացել է ներկայացված գյուղմթերքին

22-ամյա երիտասարդի մոտ զենք-զինամթերք է հայտնաբերվել

Արմավիրի մարզում բախվել է 5 մեքենա.նրանցից մեկը հայտնվել է գնացքի գծերի վրա

«Սանիթեքը» աճուրդի է դրել աղբահավաք մեքենաներն ու կոնտեյներները, այդ թվում՝ 200 հատ կոտրված կամ կիսավառվածները

ՀԴՄ կտրոն չվերցնելու համար քաղաքացիներին տուգանելու նախագիծ օրակարգում չկա․ Բաբկեն Թունյան

Երևանի Ազատության պողոտայում մեքենա է այրվել. վարորդը հոսպիտալացվել է

Ստեփանծմինդա-Լարս ավտոճանապարհը բաց է միայն ՀՀ-ից մեկնող բեռնատարների համար

Հայաստանը շարունակում է շնորհավորանքներ ստանալ. շնորհավորել է Սերբիայի նախագահ Ալեքսանդր Վուչիչը

«Արարատ-Արմենիա» - «Ցրվենա Զվեզդա» խաղը` ակադեմիայի մարզադաշտում

Կրկեսի վերածվող թեժ աշունը

Ջրամատակարարման նոր գրաֆիկը չի ենթադրում ջրամատակարարման ժամերի կրճատում․ «Վեոլիա Ջուր»-ը պարզաբանում է

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև