Թատերական ինստիտուտի ռեկտորն այլեւս չի մտածում հրաժարականի մասին, ուսանողներն էլ Ռուբեն Բաբայանից ներողություն են խնդրել

Երեւանի թատրոնի եւ կինոյի պետական ինստիտում (ԵԹԿՊԻ) աշխատանքները շարունակվում են բնականոն հունով: Կրթության եւ գիտության նախարարի հետ հանդիպումից հետո ուսանողները կասեցրել էին բողոքի ցույցերը եւ սպասում են հաջորդ հանդիպումներին: Մեծ է հավանականությունը, որ բողոքի գործողություններն այլեւս չեն վերսկսվի:

Հիշեցնենք, որ մայիսի 22-ին բուհում անցկացվող ռեկտորի ընտրությունն ուղեկցվում էր ուսանողների հավաքով: Նրանք պահանջում էին չընտրել միակ թեկնածու, ռեկտորի ժամանակավոր պաշտոնակատար Լիլիթ Արզումանյանին եւ հայտարարել թափուր պաշտոնի նոր մրցույթ, որի ժամանակ կապահովվի թեկնածուների ու բուհի զարգացման ծրագրերի բազմազանություն: Խորհուրդը, սակայն, մրցույթն անցկացրեց, եւ Արզումանյանն ընտրվեց ձայների մեծամասնությամբ: Դա առաջ բերեց ուսանողների զայրույթը, եւ նրանք փակեցին շենքի մուտքերն ու ելքերը՝ խորհրդի անդամներին պահելով ներսում: Տեղի ունեցողը վիրավորեց խորհրդի անդամ եւ նույն բուհի դասախոս Ռուբեն Բաբայանին: Նա հայտարարեց, որ աշխատանքից ազատման դիմում է գրելու:

Բուհի նորընտիր ռեկտոր Լիլիթ Արզումանյանը մեր զրույցում ասաց, որ Բաբայանի դիմումն, իհարկե, չի մակագրել. «Որովհետեւ անձամբ ես չեմ պատկերացնում բուհը առանց Ռուբեն Բաբայանի: Նա անչափ վիրավորված էր: Ես մարդկայնորեն իրեն հասկանում եմ, բայց երեկոյան, երբ որ մենք ուսանողների հետ զրուցում էինք, իրենք արդեն հասկացել էին՝ ինչ են արել: Կարծում եմ իրենք պետք է իրենց մեղքը քավեն: Չգիտեմ՝ ոնց: Թող մտածեն: Իրենք արդեն հասուն են, նեղացրել են մարդուն, թող մտածեն՝ ոնց են մեղքները քավում»:

Սկզբում իր ինքնաբացարկը, հետո արդեն հրաժարականը պահանջող ուսանողներին Լիլիթ Արզումանյանն ասում էր, որ դրա համար չի եղել կամ պետք է լինի նախարարի համաձայնությունը: Հետաքրրքվեցինք՝ բուհը չունի՞ բավարար ինքնավարություն՝ նմանօրինակ հարցերն առանց նախարարի լուծելու համար:

«Սկզբում ես ասացի՝ ինքնաբացարկ կհայտնեմ, բայց երբ նախարարը խնդիրը դրեց զուտ օրինականության դաշտում, ես արդեն ոչինչ անել չկարողացա: Ասաց՝ հիմքն եմ ուզում, ուզում եմ պատճառաբանեք՝ ինչու: Ասաց՝ ես պահել եմ վեց ամիս պաշտոնակատար, տվել եմ հայտարարություն՝ մեկ ամիս ժամանակով, դիմել են երեք թեկնածու, երկուսը չափանիշներին չեն հապատասխանել, եւ ուրեմն հիմա ես չեմ հասկանում, ուզում եմ հիմնավորեք: Ու մրցույթից հետո էլ, բնականաբար այդ ճնշումների տակ, ինչ վիճակում որ ես էի (ես մարդ եմ, չէ), այո, կարող է մտածեի, տատանվեի եւ այլն, բայց հետո ես էլ հասկացա, որ ես ուզում եմ, որ մենք դառնանք օրինական երկիր: Ես օրենքով ընտրված ռեկտոր եմ եւ ես ենթարկվում եմ այդ օրենքին»,- ասաց Լիլիթ Արզումանյանը՝ հաստատելով, որ ինքն այլեւս չի մտածում պաշտոնից հրաժարվելու մասին:

Թափուր պաշտոնի մրցույթի նախօրեին ուսանողների հետ հանդիպման ժամանակ Լիլիթ Արզումանյանը համոզվել է, որ նրանց բողոքն ուղղորդված է: Թե ով է ուղղորդողը, նա հրաժարվեց մանրամասնել: «Խոսքը Արամ Սուքիասյանի՞ մասին է»,- հետաքրքրվեցինք: «Դո՛ւք ասացիք, ես բան չունեմ ասելու»,- եղավ արձագանքը:

Արամ Սուքիասյանը դասավանդում է ԵԹԿՊԻ-ում ու Երեւանի նախկին փոխքաղաքապետն  է: Նրա անունը, որպես այլընտրանքային թեկնածուի, հնչում էր ուսանողների բողոքի ցույցի ժամանակ: Նա ինքն էլ հայտարարել է, որ նոր մրցույթ անցկացվելու դեպքում կառաջադրի իր թեկնածությունը: Բայց հարց է առաջանում՝ ինչն էր խանգարում դա անել նախորդիվ: «Անհրաժեշտ փաստաթղթերի պակասն է եղել պատճառը, որ ես չեմ դիմել սահմանված ժամկետում: Դոցենտի կոչում ես չունեի, օրերս եմ ստացել, հետեւաբար հնարավորություն չունեի այն ժամանակ հայտատու լինելու»,- ասաց Սուքիասյանը:

Իրեն ուղղված մեղադրանքին նա անդրադարձել էր ավելի վաղ ու նշել. «Այդքան հեշտ չէ թատերական ինստիտուտի ուսանողներին ինչ-որ բան կազմակերպել, նրանք ճիշտ կարծիք չունեն բուհի ուսանողության մասին: Ավելին, եթե ես հանկարծ ու ձեռամուխ լինեի կազմակերպելու, կարծում եմ, որ արդյունքները գուցե այլ լինեին»:

«Շատ շատերը-ուզում են, որ ռեկտոր դառնա Արամ Սուքիասյանը: Ես իմ մասին չեմ ուզում խոսել, որովհետեւ նախարարի հետ հանդիպումից հետո ես կհասկանամ՝ ինձ համար որն է ավելի ճիշտ: Բայց ուղղորդվածություն, որպես այդպիսին ասելը, շատ կոպիտ է հնչում, շատ սխալ է, ըստ իս, քանի որ այս բողոքի ակցիան եղել է ուսանողների մեծամասնության շնորհիվ, մեծամասնության պահանջով: Այսինքն՝ ուսանողության մեծամասնությունը իր կամքով ցանկացել է, որ այս ամեն ինչը լինի, ոչ մեկը չի ստիպել, ոչ մեկը չի ուղղորդել, որ գնացեք այսպես արեք: Փառք Աստծո այսօրվա մեր ուսանողությունը մանավանդ այս ինստիտուտի բոլորս միմյանց ճանաչում ենք, բոլորս հասուն, խելացի, գրագետ մարդիկ ենք, հասկանում են՝ իրենք ինչի համար են անում, երբ անեն, ինչ անեն, որ ավելի ճիշտ լինի: Մեկը ինձ ոչ ոք չի ուղղորդել: Ես արել եմ այնպես, ոնց որ այդ պահին ավելի հարմար եւ ավելի ճիշտ եմ գտել: Իսկ նախարարի հետ հանդիպումից հետո, երբ որ կհասկանանք՝ ինչն է ավելի ճիշտ, ինչը ավելի լավ կլինի մեզ համար, այդ ժամանակ արդեն կորոշենք ինչ անել»,- ասաց ուսանողներից մեկը՝ անունը նշել չցանկանալով:  

Ի դեպ, Ռուբեն Բաբայանից տեղեկացանք, որ ուսանողական խորհրդի անդամներն այցելել են իրեն, ներողություն խնդրել, ասել, որ նաեւ մամուլի ասուլիս կհրավիրեն կամ հանդես կգան հայտարարությամբ: «Մենք շատ լավ իրար հասկացանք: Կարծում եմ իրենք հասկացան, որ անհամաձայնություն հայտնելու բազմաթիվ ձեւեր կան, որովհետեւ պրոբլեմը համաձայնության-անհամաձայնության մեջ չէր, պրոբլեմը ձեւի մեջ էր, որը իրականում վիրավորական էր համենայնդեպս ինձ համար: Ես ուրիշ ձեւով չէի կարող վարվել, հակառակ դեպքում կստացվեր, որ ես ինքս ինձ դավաճանում եմ, մի բան եմ ասում մարդկանց արժանապատվության մասին, ուրիշի իրավունքները հարգելու մասին, իսկ ինքս չեմ հետեւում սեփական խոսքերին: Մենք որոշեցինք, որ ճիշտը կլինի դա, որ ինչպես գործողությունները, այնպես էլ ներողությունը լինեն հրապարակային: Ես հիշաչար մարդ չեմ: Անտարբեր չեմ ուսանողների ճակատագրի հանդեպ: Իմ ուժերի չափով պետք է փորձեմ յուրաքանչյուրին օգնել՝ տիրապետել իր մասնագիտությանը: Սա է իմ ֆունկցիան: Իրենք անկեղծորեն էին զղջում եւ դա ինձ համար ամենակարեւորն էր: Սա նշանակում է, որ մենք գտնվում ենք նույն արժեքային դաշտում եւ կարող ենք շարունակել շատ լավ աշխատել իրար հետ»,- ասաց Ռուբեն Բաբայանը:

Հ.Գ. Ըստ նախապես հայտարարվածի՝ մայիսի 24-ին, պետք է կայանար ԿԳ նախարարի եւ ԵԹԿՊԻ նորընտիր ռեկտորի հանդիպումը՝ ուսանողների բողոքը քննարկելու համար: Այդ ժամանակ էլ որոշվելու էր ընդլայնված կազմով հանդիպման օրը, որին նաեւ ուսանողներն էին մասնակցելու: Մինչեւ ուշ երեկո, սակայն, նախարարությունից պատասխան չստացանք, թե նախարարն ու ռեկտորը հանդիպե՞լ են: Ենթադրվում է, որ հանդիպումը հետաձգվել է: 

Տպել
2574 դիտում

31 խորքային հորի տանիք ամբողջությամբ վերանորոգված է․ աշխատանքների իրականացման համար 50 մլն դրամ է տրամադրվել

Երգչուհի Սիրուշոն ԱՄՆ-ից տեսանյութ է հրապարակել, որտեղ երգում է «Սարերով-ձորերով» երգը (տեսանյութ)

Չլինի այնպես՝ ԼՂՀ-ն ինքնուրույն խաղա, բայց պատասխանատվությունը կրի Հայաստանը. Խալաթյանը՝ Արցախի պաշտոնյաների մասին

Կենդանաբանական այգում երկու մասի է բաժանվում վագրերի ազատավանդակը

«Իմ ժամանակի մեծերը»․ բացվել է ՀՀ ժողովրդական նկարիչ Անատոլի Ավետյանի աշխատանքների ցուցահանդեսը

Ստեփանավանում ավտոմեքենա է այրվել

Տարածաշրջանում գլխավոր հարցը շարունակում է մնալ ԼՂ հարցի կարգավորումը․ հանդիպել են Նիկոլ Փաշինյանը և Պուտինը (տեսանյութ)

Նա կարողացավ բոլորին համոզել, որ գեղեցիկը փարթամ մարմինն է. լույս է տեսել Քիմ Քարդաշյանի մասին գրքի հայերեն տարբերակը

Հեղափոխությունը միայն այսօր մտավ Անի համայնք․ Նազելի Բաղդասարյանը ներկայացրել է համայնքապետի պաշտոնակատարին

Վարդենիսի և Նորատուսի ջրային տարածքներից դուրս են բերվել լողամիջոցները, որսագործիքներն ու ժամանակավոր կացարանները

Աննա Հակոբյանն Արմավիրի մարզում այցելել է «Ոսկենի գինիներ» գինեգործարան, Գետաշենի ագրոէկո դպրոց (լուսանկարներ)

Աշտարակի թիվ 4 և Ուշիի միջնակարգ դպրոցներն արդեն հիմնանորոգված մարզադահլիճներ ունեն

Ստեփանավանի ոլորաններում թույլ ձյուն է տեղում

Տեղի է ունեցել «ԿԱՆԱՉ Հայաստան» հարթակի քաղաքականությունների երկխոսության շարքի երկրորդ հանդիպումը

Ստեղծվելու է «ԵՊՀ ՍԹԵՄ դպրոց»․ նպատակ կա ապահովել ԵՊՀ-ում հանրակրթության ու բարձրագույն կրթության անընդհատությունը

Կալանքի տակ գտնվող Վերմիշյանն ու նրա ընտանիքի անդամները ապօրինի գույքի գործով կանչվել են դատախազություն

Գալչյանի աշխատանքները գնել են «Քրիստիան Դիոր», «Վերսաչի» նորաձևության տները․ Աննա Հակոբյանը այցելել է Արմավիրի մարզ

Բրյուսովի ռեկտորը, ՀԺ-ի հրապարակումը խեղաթյուրված համարելով, չի հերքում, որ ՊՎԾ-ի հետ ունեն անհամաձայնություն

Վահան Քերոբյանը ընդունել է Grid Dynamics ընկերության գործադիր տնօրենի գլխավորած պատվիրակությանը

Ադրբեջանի կողմից նոր սադրանքների հավանականությունը շարունակում է բարձր լինել․ Արարատ Միրզոյան

44-օրյա պատերազմի ժամանակ Մարտունու ուղղությամբ արձակված հրթիռը ֆոսֆորային ռազմամթերք է․ փորձաքննությունն ավարտվել է

Շենգավիթ վարչական շրջանում նոր կանգառասրահներ են տեղադրվել (լուսանկարներ)

ՔԿ-ն պարզաբանում է ներկայացրել Է․ Վանեսքեհյանի նկատմամբ նախաձեռնված քրեական վարույթների առնչությամբ

Ես վստահ էի, որ «Snap»-ը մեծ հաջողություններ կունենա և այդպես էլ եղավ ․ Ռոզա Լին

ՀՀ ոստիկանության պետը պարգևատրել է դատաբժշկական գիտագործնական կենտրոնի աշխատակիցների և ոստիկանների

Լաչինի միջանցքը վերջերս արգելափակվել էր, և ԼՂ-ում մեծ մտահոգություն կա այդ հարցում․ կայացել է Փաշինյան-Պուտին հանդիպումը

Մեկնարկում է «Տարվա 10 լավագույն մարզիկներ» մրցույթը․ որ մարզիկները կարող են առաջադրվել, ովքեր և ինչպես են քվեարկելու

Հալիձորից Տաթև մառախուղ է, տեսանելիությունը՝ 20-30 մետր

Ռանչպար գյուղի ջրատարում դի է հայտնաբերվել

Ծառայության նկատմամբ վարչապետը հիմա էլ ունի նույն լիազորությունը. պատգամավորը՝ անվտանգային համակարգի բարեփոխման մասին

Գլխավոր դատախազությունը Երևանի նախկին փոխքաղաքապետ Վահե Նիկոյանին ազատ արձակելու որոշումը կբողոքարկի

ՔԿ-ում քննարկվել են ընտանիքում և կանանց նկատմամբ բռնությունների դեմ պայքարի արդյունավետությունը բարձրացնելու խնդիրները

Տեղի է ունեցել Նիկոլ Փաշինյանի և Վլադիմիր Պուտինի հանդիպումը (լուսանկարներ)

Պապիկյանն ու Շոյգուն ստորագրել են ՀՀ և ՌԴ պաշտպանության նախարարությունների միջև ռազմական համագործակցության ծրագիրը

Երևանի Վ․ Բրյուսովի անվան պետական համալսարանի ռեկտորի պաշտոնում վերընտրվել է Կարինե Հարությունյանը

Կալանավորին այցի եկած քույրը արգելված իրերը թաքցրել էր մազերի մեջ

ՊՆ պատվիրակությունը Բրյուսելում մասնակցել է ՆԱՏՕ-ի միջազգային համաժողովի

Ամերիկահայ փոփ-երգչուհի Շերը ներկա է գտնվել Օսկարին ներկայացված «Արշալույսի լուսաբացը» ֆիլմի ցուցադրությանը

Վահագն Խաչատուրյանը հրաժեշտի հանդիպում է ունեցել Հայաստանում ԱՄՆ դեսպան Լին Թրեյսիի հետ

Պեմզաշենում իրենց տան մեջ դաժանաբար սպանված ընտանիքի հայրը փորձել է վրեժ լուծել. Aravot