Շուրջօրյա վեճեր, ծեծ ու բռնազավթում. ոսկու շուկայի տարածքի բնակիչները բողոքում են Վաղարշ Աբրահամյանից

Երեւան քաղաքի «Վաղարշ եւ Որդիներ» ոսկու շուկայի հարեւանությամբ գտնվող շենքերի բնակիչները բողոքում են ոսկու շուկայի սեփականատեր Վաղարշ Աբրահամյանի դրածոների ճնշումներից, որոնք պարբերաբար անդրադառնում են մի քանի անձնաց վրա եւ արդեն երկար տարիներ է՝ սկսել են ֆիզիկական բնույթ կրել:

Նույն տարածքի Խորենացի 1 հասցեի բնակիչ Ալեքսանդր Ղասաբյանն այդ ամենի հիմնական տուժողներից է: Ղասաբյանը 2000 թվականից իր տանը կից ավտոտնակն օգտագործում է որպես ավտոլվացման կետ, օրինական կարգով բացված ընտանեկան փոքրիկ բիզնեսը քաղաքացին չի կարողանում առանց խոչընդոտի աշխատեցնել, քանի որ տարածքում մեկ մեքենայից ավելի չի կարող կայանել:

Ղասաբյանը նշում է, որ ոսկու շուկայի սեփականատեր Վաղարշ Աբրահամյանն, օգտագործելով իր ձեռքի տակ եղած բոլոր հնարավոր եւ անհնար միջոցները, տարիներ շարունակ ջանք ու եռանդ չի խնայել՝ ավտոլվացման կետի աշխատանքը խափանելու համար, ինչի ականատեսը եղավ նաեւ «Հայկական ժամանակ»-ը: Ավտոլվացման կայանին հարող ամբողջ տարածքը զբաղեցված է տարբեր մեքենաներով, որոնց մեծ մասը Աբրահամյանին են պատկանում, կայանված են նաեւ մի քանի գազել մակնիշի մեքնենաներ՝ իջեցված անվադողերով, որոնք հնարավոր չէ տեղաշարժել:

Քաղաքացին հայտնում է, որ Վաղարշ Աբրահամյանը շենքերի փակուղու տարածքն ապօրինի կերպով օգտագործել է որպես կայանատեղի, որի համար իր աշխատողները գումար են գանձում այնտեղ կայանվող ավտոմեքենաներից: «Աբրահամյանին եւ իր թիկնապահներին պատկանող հին ու նոր մեքենաները զավթել են ողջ հարակից տարածքը՝ բլոկադայի ենթարկելով եւ խաթարելով ավտոլվացման կետի աշխատանքը»,-ասաց Ղասաբյանը:

«Վաղարշ եւ Որդիներ» ոսկու շուկայի իրավաբան Վլադիմիր Գաբրիելյանը «Հայկական ժամանակ»-ի հետ զրույցում վստահեցրեց, որ իրենց կողմից ոչ մի օրինախախտում չի եղել: «Թե՛ մեր, թե՛ իրենց կողմից դիմումներ են եղել ոստիկանություն, համապատասխան մարմինները բազմաթիվ անգամ եկել են, տարածքը նայել եւ եթե ինչ-որ խնդիր լիներ, կարծում եմ՝ համապատասխան միջոցներ կձեռնարկվեր: Այս տարածքը համայնքի տարածքն է եւ արգելող նշան չկա»,-ասաց ոսկու շուկայի իրավաբանը:

Լուսանկարում՝ Վլադիմիր Գաբրիելյան

Վերջինիցս հետաքրքրվեցինք՝ եթե համայնքին պատկանող տարածք է, ապա որքանո՞վ է արդարացի, որ այդ տարածքը ծառայեցվի միայն մեկ անձի, քանի որ ամբողջ երկայնքով երկու կողմից էլ Աբրահամյանի մեքենաներն են: Վլադիմիր Գաբրիելյանը մեքենաների կայանումն օրինական է համարում, իսկ այն մասերում, որտեղ մեքնեա չկա, նրանք աթոռներ եւ երկաթներ են դրել, որպեսզի տպավորություն ստեղծվի, թե այդ տարածքը զբաղված է:

Ավտոլվացման կետից եւ կայանատեղիից ընդամենը մի քանի մետր այն կողմ մեկ այլ վտանգավոր եւ խնդրահարույց իրավիճակի բախվեցինք:

Վաղարշ Աբրահամյանը բնակելի տներին հարող տարածքում բացօթյա պահեստավորում է թթվածնի եւ գազի բալոններ, ինչը սպառնում է նրբանցքի բնակիչների անվտանգությանը: Երկար տարիներ է՝ բնակիչներն ահազանգում են, իրենց անհանգստությունը հայտնում ոսկու զտման եւ ոսկու հետ առնչվող այլ աշխատանքների հետեւանքով արտանետվող թունավոր նյութերի մասին, որն ամեն վայրկյան վտանգում է բնակիչների առողջությունը, սակայն ոչ ոք ականջալուր չի լինում:

Բնակիչները պատմեցին, որ ավելի վաղ Վաղարշ Աբրահամյանը բարձր լարմամբ տրանֆորմատոր էր տեղադրել նրբանցքում, իրենց բազմաթիվ դիմում բողոքներից հետո Երեւանի քաղաքապետարանից գնացել եւ տրանսֆորմատորը հեռացնել են տվել: Նրանց խոսքով՝ Արահամյանն այդ դեպքից հետո առանձնակի է լարվել նրանց հանդեպ:

«Կիսլառոդնի բալոններ է տեղադրել, եւ այդ ոսկու ձուլարանի ծուխը, պատկերացրեք՝ շրջապատում ինչքան մարդ կա եւ բոլորը անհանգստացած են: Ամառները շտապօգնության ամենաշատ կանչերը մեզ մոտ են լինում: Այդ մարդը Մոնումենտում իր դղյակներն է սարքել ու ծաղիկ է աճեցնում, թող տանի իր բալոնները դնի իր երեխեքի մոտ: Մեր երեխաների խաղալու, մեր հանգստի հաշվին ինչի պիտի քաղաքի կենտրոնում նման բան անի»,-ասում են նրանք:

Ոսկու շուկայի իրավաբանը նշեց, որ եթե նման խնդիր կա, թող դիմեն համապատասխան մարմիններին:

Բնակիչները մտահոգված հայտնեցին, որ թաղապետարանից մարդ են տարել, ցույց տվել, ներկայացրել իրավիճակը, բայց ոչ մի փոփոխություն. «Ասեցին՝ կզբաղվենք, «զբաղվում են», թաղապետարանի աշխատակիցն ասում է՝ ես չգիտեմ՝ այդ ինչ ծուխ է, պետական ատյանի ներկայացուցիչ է, դիմում ենք, ասում է՝ ես չգիտեմ: Ի՞նչ է՝ խորովածի ծու՞խ է դուրս գալիս: Ով է տեսել քաղաքի սրտում բերեն թույն արտադրեն»:

Համաձայն Երեւանի քաղաքապետարանի 2014 թվականին տրված տեղեկանքի, տարածքը Երեւան համայնքի սեփականություն է հանդիսանում: Սակայն տեղացիների վստահեցմամբ՝ Աբրահամյանն իր գործունեության ընթացքում հատել է շրջապատի բոլոր ծառերը՝ կանաչ ծածկույթից զրկելով ողջ տարածքը:

Լուսանկարում՝ հայր եւ որդի Ղասաբյանները

Հերթական կռիվը ավտոկայանատեղիի տարածքի համար մի քանի օր առաջ է եղել: Ալեքսանդր Ղասաբյանի խոսքով՝ Աբրահամյանի մարդիկ մի քանի հոգով ծեծի են ենթարկել իրեն եւ 80-ամյա հորը՝ Սերգեյ Ղասաբյանին. «Հորս գցել  էին գետնին, իմ վրա էլ ամբողջը կապտուկներ են, հարեւաններս են ոստիկանություն կանչել, ես էլ չեմ հիշում, ասեցին, որ մի 6 հոգով են եղել»:

Մենք զրուցեցինք Վաղարշ Աբրահամյանի թիկնապահներից մեկի՝ Սահակյան Էդգարի հետ, որը ժխտեց մի քանի օր առաջ կատարվածն ու իրենց կողմից հայր եւ որդի Ղասաբյաններին ծեծի ենթարկելու հանգամանքը: «Հոր սիրտն էր վատացել, տղայինն էլ, ոչ մի մարմանական վնասվածք չկա»,-ասաց նա: Մեր դիտարկմանը, թե Ալեքսանդր Ղասաբյանի ամբողջ մարմինը կապտուկներով է պատված, թիկնապահը ասաց. «Կարող է՝ ինքն է իրեն դիտավորյալ վնասել, նա շեղումներ ունի»:

Լուսանկարում՝ Էդգար Սահակյան

Բնակիչները տեղեկություններ ունեն, որ Աբրահամյանը մտադրվել է ոսկու շուկային հարող ամբողջ տարածքը զավթել, առնել նաեւ նրանցից մի քանիսի տները. «Տեռոր է անում, որ ինչ գին էլ առաջարկի, հոգնած զզված թքենք, գնանք, միայն թե մեզ հանգիստ թողնի: Ես բազմիցս ասել եմ՝ նա Մանվել Գրիգորյան երկրորդն է, նույն բանն այստեղ է կատարվում՝ ինչ երկար տարիներ Էջմիածին քաղաքում: Իրավապահ մարմինների անտարբերությունն ու իմիջիայլոց վերաբերմունքը ուղղակի սպանում է»:

Տպել
15807 դիտում

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը

Ովքեր են Մեղրիի համայնքապետի թեկնածուները և ինչ կենսագրություն ունեն նրանք

Մեղադրանք է առաջադրվել հրապարակում սեպտեմբերի 21-ին պայթուցիչի գործադրմամբ խուլիգանություն նախապատրաստելու համար․ ՔԿ

Վայոց ձորի մարզպետ Արարատ Գրիգորյանն ընդունել է Իրանի Իսլամական Հանրապետությունից ժամանած պատվիրակությանը

Համատեղ ուժերով գտնել լուծումներ. Ավանեսյանը հանդիպել է բուժհաստատությունների ղեկավարների հետ

ՀՀ ՊՆ ռազմական ոստիկանությունում անցկացվել է մեկշաբաթյա դասընթաց

Հայաստանը պատրաստ է կառուցողական երկխոսության, որը կբերի տարածաշրջանում հարատև խաղաղության․ վարչապետի ելույթը ՄԱԿ-ում

Մեկնարկել է «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթը

Արարատ համայնքում ընթանում են փողոցների ասֆալտապատման աշխատանքներ

Քննարկվել է Կովկաս-Փոթի երկաթգծի վերագործարկման, ինչպես նաև կոնցեսիոն պայմանագրում փոփոխություններ կատարելու հարցը

Երբ հայտարարեցին անունս, մտքումս ասացի՝ ես արեցի դա. «Միսս Տիեզերք Արմենիա 2021»-ի հաղթող

Համագործակցության հուշագիր է ստորագրվել ԱՍՀ նախարարության և Ամունդի-ԱԿԲԱ ընկերության միջև

Վահան Քերոբյանը հանդիպել է IEO տնտեսագիտության միջազգային օլիմպիադայում մեդալներ նվաճած հայ դպրոցականների հետ

Խոշոր ավտովթար Արմավիրի մարզում. վիրավորները հոսպիտալացվել են. shamshyan.com

Արարատ Միրզոյանը հանդիպել է Կարմիր խաչի միջազգային կոմիտեի նախագահ Պիտեր Մաուրերի հետ

Սկսվեց շան հաչոցից ու գարեջրի շշի պարունակությունը նրա վրա լցնելուց․ ավարտվել է սպանության փորձի գործով նախաքննությունը

Շենաթաղ գյուղի մոտակա սարի լանջին հրդեհաշիջման աշխատանքները ժամանակավորապես դադարեցվել են

Ադրբեջանը համակարգված պայքար է տանում Արցախում հայկական մշակութային արժեքների դեմ. Արցախի ՄԻՊ

ՀՀ անկախության տոնի առթիվ ԱԺ նախագահ Ալեն Սիմոնյանը շարունակում է շնորհավորական ուղերձներ ստանալ

Արշակ Կարապետյանը Ջոն Գալագերին է ներկայացրել Ադրբեջանի կողմից իրադրությունն ապակայունացնելուն միտված գործողությունները

«Արևիք» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Փորձ է արվել Հայաստան ներմուծել կեղծ տվյալներով մեծ քանակությամբ հագուստ. ՊԵԿ

Տեղի է ունեցել պահեստազորայինների մարտական հերթապահության հերթափոխ

Ոստիկանության բարեփոխումների գործընթացը մտադիր ենք ամբողջապես իրականացնել. խորհրդակցություն վարչապետի գլխավորութամբ

23-ամյա ուջանցու մեքենայում զենք-զինամթերք է հայտնաբերվել (տեսանյութ)

ԱԺ-ն ամբողջությամբ ընդունեց համայնքների խոշորացման մասին օրենքի նախագիծը

Պատվաստվելու հետևանքով չհիղանալու մասին լուրերը միֆ են. մասնագետ

Մշտադիտարկումներ են իրականացվել Երևանի երկաթուղային կայարանի և Կենտրոն վարչական շրջանի հանրային տրանսպորտի նկատմամբ

E-labor համակարգի ներդրման դեպքում Հայաստանը կլինի ԱՊՀ երկրների շրջանում նման էլեկտրոնային գործիք ունեցող առաջին երկիրը

Ադրբեջանը հայկական կողմին է փոխանցել մեկ աճյուն. որոնումներ այսօր չեն իրականացվել

Մենք խելամիտ ենք համարել համայնքների խոշորացումը հիմա անել, որպեսզի ֆինանսապես ավելորդ ծախս չանենք. նախարար

Նա իր երկրի ու ժողովրդի նվիրյալ զավակն էր. նախագահի աշխատակազմը ցավակցում է Համլետ Գասպարյանի ընտանիքին

Արման Եղոյանն ու Արսեն Թորոսյանը հանդիպել են Հունաստանի խորհրդարանի պատգամավորների հետ

Քովիդի դեմ ստացինոր բուժում ստացող 760 անձի մոտ հիվանդությունն ունի ծանր ընթացք, 177-ը ծայրահեղ ծանր է

Կալիֆոռնիայի Վան Նայս քաղաքի հայկական եկեղեցին վանդալիզմի է ենթարկվել (լուսանկարներ)

Մինչև երկրորդ դեղաչափի ստանալը՝ քաղաքացին աշխատանքի գնալիս կարիք չունի ՊՇՌ թեստի պատասխան ներկայացնել. Ավանեսյան

Անգնահատելի է Լեւոն Աթոյանցի ավանդը «Հայֆիլմի» բեղմնավոր գործունեության մեջ. վարչապետը ցավակցական հեռագիր է հղել

Պարբերաբար զանգահարել է նախկին կնոջը, հայհոյել նրան, ապա բենզինը լցրել դռան վրա, հրկիզել ու դիմել փախուստի. ՔԿ

Կորոնավիրուսի 11.470 դրական դեպքերից 286-ն է պատվաստված քովիդի դեմ․ նախարար