Դեռ չգիտենք, թե մշակույթի նախարարությունն ինչ դերակատարում կունենա Օպերային թատրոնի գործունեության մեջ. Օրբելյան

Ապրիլ ամսին Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար, ՌԴ վաստակավոր արտիստ Կոնստանտին Օրբելյանը հերթական աշխատանքային այցով գտնվում էր ԱՄՆ-ում: Ավելի վաղ մեր զրույցում Օրբելյանը հայտնել էր, որ Մետրոպոլիտան օպերային թատրոնի խորհրդի ասոցացված անդամ դառնալու առաջարկ է ստացել: Մետրոպոլիտանի խորհրդի ասոցացված անդամ դառնալու, Նյու Յորք հրավերի եւ հետագա համագործակցությունների մասին «Հայկական ժամանակ»-ը զրուցել է Կոնստանտին Օրբելյանի հետ:

- Մաեստրո, ինչպե՞ս անցավ ԱՄՆ ձեր այցելությունը: Մետրոպոլիտան օպերային թատրոնի հետ համատեղ ի՞նչ մշակութային ծրագրերի սպասենք:

- Ուղեւորությունը հրաշալի էր ու հետաքրքիր: Մետրոպոլիտան օպերայում հանդիպեցի Լինդեմենի Երիտասարդ արտիստների ծրագրի ղեկավար Սոֆի Ջոյսի հետ, քննարկեցինք նրա Երեւան այցի եւ մեր թատրոնի Երիտասարդական օպերային ծրագրի շրջանակում համագործակցության մի շարք հարցեր: Քննարկեցինք համագործակցության բոլոր հնարավոր տարբերակները: Ներկայացրեցի Լեւոն Ջավադյանի ղեկավարությամբ մեր թատրոնի երիտասարդական օպերային ծրագրի մասնակիցների հաջողությունները Ռուսաստանում, Բելառուսում, Եվրոպայում անցկացված վոկալի միջազգային մրցույթներին, եւ իհարկե ՀՀ Նախագահի կողմից արտիստների ստացած մրցանակները: Ուստի, մեր երիտասարդական օպերային ծրագրի արտիստների համար հիանալի հնարավորություն կլինի Մետրոպոլիտան օպերայում Լինդեմեն ծրագրի լսումներին մասնակցելը: Բոլորս շատ զարմացանք, երբ տեղեկացանք, որ մեր Երիտասարդական օպերային ծրագիրը Մշակույթի նախարարության կողմից դրամաշնորհ չի ստացել եւ դա ակնհայտորեն ցույց տվեց հանձնաժողովի նախագահ Նազենի Ղարիբյանի վերաբերմունքը, որ Թատրոնի եւ Լեւոն Ջավադյանի կատարած աշխատանքը կարեւոր չեն Հայաստանի Օպերային թատրոնի ապագայի եւ զարգացման համար: Նախկին փոխնախարարն իր այդ քայլով տեղեկացրեց, որ ավելի լավ է արտիստները մեկնեն արտերկիր եւ այնտեղ շարունակեն իրենց ուսումը: Սա շատ ցավալի փաստ է Հայաստանի երիտասարդ արտիստների համար: Անշուշտ, ուղեւորությունը հաջող էր, քանի որ քննարկեցինք նաեւ Լինդեմեն ծրագրի արտիստների Հայաստան այցելության հարցը: Նրանցից շատերին ես հրավիրել եմ Ռուսաստան, նրանք ելույթ են ունեցել Սանկտ Պետերբուրգում կայացած փառատոնին, որի կազմակերպիչը արդեն 26 տարի է՝ իմ կինն է՝ Մարիա Սաֆարյանցը: Հանդիպեցի նաեւ Մետրոպոլիտան օպերայի գլխավոր տնօրենի երաժշտական կառավարման գծով օգնական, վոկալի փորձավար Ջոն Ֆիշերի հետ, որն անհամբերությամբ սպասում է կրկին այցելել Հայաստան եւ, անշուշտ, հետաքրքրված է Օպերային թատրոնի եւ Երիտասարդական օպերային ծրագրի արտիստների համար իմ  կազմակերպած վարպետության դասերով: Քննարկեցինք Հայաստանում Մետրոպոլիտան օպերայի ներկյացումների ուղիղ հեռարձակումների ցուցադրման հարցը: Ակնհայտորեն այս բոլոր հարցերը առանձին եւ անհատական քննարկումներ են ենթադրում: Ուղիղ հեռարձակումները պահանջում են հատուկ ձայնային սարքավորումներ եւ հատուկ ինտերնետային կապ: Մետրոպոլիտան օպերայի ներկայացումները ուղիղ հեռարձակվում են աշխարհի ավելի քան 6000 թատրոններում: Օպերային արվեստը սիրողների եւ գնահատողների համար յուարահատուկ ու աներեւակայելի հնարավորություն է ուղիղ հեռարձակմամբ դիտելու Մետրոպոլիտան օպերայի հրաշալի ներկայացումները Հայաստանում: Այդ հեռարձակումները մոտավորապես տեղի են ունենում տարին 12 անգամ: Այսպիսով, ինչպես ընդունված է ասել այս պարագայում աշխատանքները շարունակվում են:

- Ճի՞շտ էին այն տեղեկությունները, որ մեկնել էիք բանակցությունների՝ հայկական ազգային առաջին բալետը՝ Ա.Խաչատրյանի «Գայանե»-ն, այնտեղի հռչակավոր բեմում ներկայացնելու համար:

- Ես քննարկում եմ Նյու Յորքում Խաչատրյանի երեք բալետների ներկայացման հարցը: Ամենայն հավանականությամբ, եթե հյուրախաղերը կյանքի կոչվեն, դրանք տեղի կունենան 2020 թվականի ամռանը Նյու Յորքի պետական թատրոնում: Ակնհայտ է, որ առանց Հայաստանի կառավարության եւ մշակույթի նախարարության աջակցության նման մասշտաբի հյուրախաղեր հնարավոր չի լինի իրականացնել: Քանի դեռ չգիտենք, թե մշակույթի նախարարությունն ինչ դերակատարում ունի Օպերային թատրոնի գործունեության մեջ, կսպասենք՝  հետագա բանակցությունները ավարտին հասցնելու համար:

Նյու Յորքի Մետրոպոլիտան-ի խորհրդի ասոցացված անդամ ընտրվեցի՞ք:

Երբ ստացա խորհրդի ասոցիացված անդամ դառնալու առաջարկը, ես զբաղեցնում էի Ա. Սպենդիարյանի անվան օպերայի եւ բալետի ազգային ակադեմիական թատրոնի տնօրենի եւ գեղարվեստական ղեկավարի պաշտոնները:Ուստի, դեռ պետք է սպասենք, ինչի արդյունքում էլ պարզ կլինի, թե ինչ հանգուցալուծում կստանան մեր քննարկումները Մետրոպոլիտան օպերայի հետ:

Տպել
1132 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան