Տպավորությունը, որ մենք երբեւէ հարկ չենք վճարել, սխալ է. Արամե

Երգիչ Արամեն հայկական շոու-բիզնեսի այն ներկայացուցիչներից է, որոնք հավանություն են տալիս եկամուտները հայտարարագրելու գաղափարին: Հայտնի է դարձել, որ նա, ինչպես նաեւ երգիչներ Ռազմիկ Ամյանն ու Մարտին Մկրտչյանը ՊԵԿ են ներկայացրել իրենց տարեկան եկամուտների ամփոփ հաշվարկը: Ավելի վաղ այդպես էր վարվել երգիչ Մհերը: «Հայկական ժամանակ»-ի հետ զրույցում Արամեն նշեց, որ ողջունում է ՊԵԿ-ի հորդորը: Նաեւ ասաց, որ թեեւ հայտարարագիր նոր է ներկայացնում, սակայն հարկեր նախկինում էլ միշտ վճարել է:

- Երբ ՊԵԿ-ը հայտարարեց, որ շոու-բիզնեսի ներկայացուցիչները պետք է հայտարարագիր ներկայացնեն, որոշակի դիմադրություն եղավ: Դուք փաստորեն նրանցից եք, ովքեր դեմ չեն գաղափարին: Ինչպե՞ս ստացվեց, որ որոշեցիք հայտարարագիր ներկայացնել: Ի սկզբանե կո՞ղմ եք եղել դրան:

- Ես ի սկզբանե եղել եմ կողմ: Իմ իմացած հայտնիները, երգիչները, ինձանից սկսած բոլորը կողմ են եղել գաղափարին: Այն տպավորությունը, որ մենք երբեւէ հարկ չենք վճարել, սխալ է: Մենք միշտ մուծել ենք մեր համերգներից եկած եկամուտների հարկերը: Նույնիսկ ահավոր վնասներ ենք կրել մեր համերգներից, բայց հարկերը ըստ պատշաճի մուծել ենք: Հիմա մի քիչ սխալ կարծիք է տարածվում երգիչների մասին, որովհետեւ մի քանի հոգի, կարծես, իրենց վրա պատասխանատվություն վերցրեցին՝ ասելով, որ ինչո՞ւ ես պետք է ինչ-որ բան անեմ: Ես չեմ ասում, որ սա լավ է, ես չեմ ասում, որ սա վատ է, բայց ամեն դեպքում ես եւ այն մարդիկ, որոնց ես անվանում եմ երգիչ, նրանք դեմ չեն եղել այս գաղափարին:  

- Անուններ կտա՞ք, թե ովքեր դեմ չեն եղել:

- Ո՛չ, իհարկե:

- Նախկինում Դուք հայտարարագիր ներկայացրե՞լ եք, թե ՊԵԿ-ի հայտարարությունից հետո որոշեցիք:

- Նախկինում հայտարարագիր չեմ ներկայացրել, բայց համերգային գործունեությունից բոլոր հարկերը մուծվել են: Բացի դրանից՝ ես ունեմ փոքրիկ բիզնես՝ կարաոկե-ակումբ, եւ տարիներ շարունակ ես իմ փրոդաքշնով հարկեր եմ վճարել Հայաստանի Հանրապետությանը:

- Որպես ոլորտի ներկայացուցիչ կարո՞ղ եք ասել՝ ինչու էին մի շարք մարդիկ դեմ ու որքանո՞վ էր դա հիմնավոր:

- Երեւի իրենք կարող են հիմնավորել իրենց բառերը: Ես ոչ մեկին ոչ մի դեպքում չեմ մեղադրում: Ուղղակի, եթե նայենք օրենքի տեսանկյունից, ապա, այո՛, օրենքը ճիշտ է, պետք է բոլորը վճարեն հարկերը, բայց, եթե նայենք մարդու տեսանկյունից, որն արարում է ու այդ ոլորտում ոչ մի տեսակի օգնություն, ոչ մի տեսակի դիվիդենտներ չի ստանում.... Պետությունը պետք է պայմաններ ստեղծի, որ մարդիկ կարողանան ազատ աշխատել եւ ավելի շատ հարկեր մուծել: Այսօր կարծիք կա, որ շոու-բիզնեսն ապրում է միլիոնների մեջ, դա այդքան էլ այդպես չէ: Կարծում եմ՝ այդ պատճառով իմ որոշ կոլեգաներից արտահայտել են իրենց վրդովմունքը՝ պարզապես շատ չխորանալով այս ամենի մեջ: Իսկ եթե մեր տեսանկյունից նայենք, ապա եկեք փոխադարձ լինի դա եւ եկեք հասկանանք, որ ոչ բոլորն են այսօր կարողանում աշխատել իրենց մանագիտությամբ, որ ազատ ապրեն ու չմտածեն, որ մի հատ էլ պետք է հարկ մուծեն: Սրա մասին է խոսքը, մարդկային տեսանկյունից, եթե նայենք, ես այդ մասին եմ ասում, իսկ ես ընդհանրապես դեմ չեմ, որ պետությունը պետք է իհարկե հարգված լինի մեր կողմից՝ քաղաքացու կողմից, բայց դա պետք է լինի փոխադարձ:

- Նկատի ունե՞ք, որ մարդու վաստակածը պետք է իրեն բավարարի, որպեսզի կարողանա հարկ վճարել:

- Իհարկե, որովհետեւ հավատացեք՝ տարի է լինում, որ մեր աշխատածն ավելի քիչ է լինում, քան ծախսածը, ես վստահեցնում եմ, եւ մենք ստիպված ենք լինում ծախսելու նաեւ մեր կուտակած գումարներից, մարդիկ կան նույնիսկ պարտքերով եւ այլն: Չեմ ուզում շատ լացացնել, բայց այդպես էլ է լինում: Այսինքն՝ ամեն ինչը պետք է փոխադարձ լինի, պահանջելուց առաջ պետք է ստեղծել պայմաններ: Դա իմ սուբյեկտիվ կարծիքն է: Ես կարծում եմ, որ շատերն ինձ հետ կհամաձայնվեն: Երբ կա պայման, դու նույնիսկ չես էլ մտածում խուսափելու մասին, չես էլ մտածում դժգոհելու մասին:

- Դժգոհողների շրջանում մտահոգություն կար, թե ինչպես, ինչ մեխանիզմով է կարողանալու պետությունը բոլորին հարկային դաշտ բերել: Ըստ Ձեզ՝ հնարավո՞ր է այնպես անել, որ բոլորը վճարեն:

- Դա անհնար մի բան է: Սա պետք է փոխվստահության վրա լինի: Եվ երբ կոչ են անում մեզ, որպեսզի դառնանք օրինակ հասարակության համար եւ ցույց տանք, որ մուծում ենք մեր հարկեր (նորից կրկնեմ, որ միշտ մուծել ենք), չպետք է հնչեն սպառնալիքներ, օրինակ, այս տեսքով. «Քրեական պատասխանատվությունից խուսափելու համար շոու-բզինեսի ներկայացուցիչները պետք է գան եւ ներկայացնեն իրենց հայտարարագրերը»: Սա մի քիչ վիրավորական է: Մենք ի՞նչ վատ բան ենք արել այս ժողովրդին կամ պետությանը, որ մեզ հետ նման ձեւով են խոսում: Իսկ իրենց կոչը միանշանակ ողջունելի է, եւ տեսնում եք, որ կոչը տեղ է հասնում:

- Ձեզ մոտ անարդարության զգացում չի՞ լինի, եթե տեսնեք՝ Դուք վճարում եք հարկերը, իսկ Ձեր շրջապատից ոմանք՝ ո՛չ:

- Ո՛չ, չի լինի, որովհետեւ իմ կոլեգաներն են, ես լավ գիտեմ նրանց աշխատանքի դժվարությունը, եւ ես նրանց փոխարեն բնականաբար չեմ կարող պատասխան տալ, իրենք պետք է անեն: Ու առհասարակ հրապարակել՝ ով է վճարել, ով չի վճարել, ես դրան դեմ եմ: Պետք է չհրապարակվեր, որովհետեւ այստեղ կա անարդարություն, քանի որ նորից բաժանում ենք վճարողների ու չվճարողների: Ես չեմ կարծում, որ դա ճիշտ է:

- Եվ վերջում Ձեր մասնագիտական գործունեությունից. ինչո՞վ եք այս շրջանում զբաղված:

- Հենց հիմա շրջագայության մեջ եմ Ռուսաստանով (21 քաղաք): Կավարտեմ, կվերադառնամ Հայաստան, երեւի մի փոքր հանգիստ կվերցնեմ: Մինչեւ հիմա արդեն 2 տեսահոլովակ եմ ներկայացրել: Եվս մեկ երգ կլինի, տարվա վերջին կլինի համերգ Միացյալ Նահանգներում, այնուհետեւ նաեւ Մեքսիկայում, Կանադայում, Եվրոպայում՝ երեւի մի քանի քաղաքներում: Բնականաբար այս տարի պատրաստվելու են նոր տեսահոլովակներ: Այն աշխատանքները, որոնք ինտենսիվ տարվել են, այդպես էլ շարունակվելու են:

Տպել
2258 դիտում

Թուրքական ԱԹՍ-ն ՀՀ տարածք չի մտել, մեր անգլերեն թվիթերում թարգմանչական սխալ է եղել. Razm.info

Այս պատերազմն ավարտվելու է Ադրբեջանի բանակի ոչնչացմամբ, եւ վերականգնվելու համար նրանց տասնյակ տարի է հարկավոր լինելու

ԱԺ «Իմ քայլը» խմբակցության պատգամավոր Տիգրան Ուլիխանյանը հրաժարականի դիմում է ներկայացրել

Նախագահ Արմեն Սարգսյանը շնորհավորել է Նիկոլայ Ռիժկովին՝ ծննդյան օրվա առթիվ

Էրդողանն իր պանթյուրքական շքեղ երեւակայության մեջ հույս ունի իրականություն դարձնել նոր օսմանյան կայսրության երազանքը

Թուրքական Bayraktar TB-2 մարտական ԱԹՍ-ն այս պահին պտտվում է Գյումրիի Շիրակ օդանավակայանի մերձակայքում. Razminfo

Ադրբեջանական ՏՕՍ-1Ա ծանր հրետանային համակարգերը կենդանի վահան են դարձնում իրենց իսկ քաղաքացիներին. ՊՆ (տեսանյութ)

«Հովազ 1» դիրքի ավագի սխրանքն ու գրագիտությունը պիտի մտնի Հայոց պատմության դասագրքեր. Հովհաննիսյան

«Արարատ-Արմենիա» - «Ցրվենա Զվեզդա» հանդիպումը տեղի կունենա Կիպրոսում

Ամուր ենք կանգնած մեր հողին ոչ միայն մարտական ոգու ու ազգային արժեքների, այլ նաեւ մեր խորը հավատքի շնորհիվ. ԱՀ նախագահ

Ոստիկանությունը հորդորում է ձեռնպահ մնալ ինքնագործ քայլերից. ապաստանի կամ այլ առաջարկի դեպքում համագործակցել

Երեւանի ավագանու «Իմ քայլը» խմբակցությունից կամավորներ են մեկնել առաջնագիծ. ովքեր են եւ քանիսն են նրանք

Համարժեք պատասխան կլինի տարածաշրջանային անվտանգությունն ու խաղաղությունը խաթարելու Ադրբեջանի փորձերին. վարչապետ

Թուրքիային հետաքրքիր չի Արցախը. Թուրքիային հետաքրքիր է Հայաստան աշխարհն ամբողջությամբ. Արայիկ Հարությունյան (տեսանյութ)

Անհրաժեշտ են կամավորներ. Արցախում աշխատուժի կարիք կա

Զինծառայողներ Հակոբ Բենիկի Զարգարյանը, Սոսիկ Գարիկի Ղազարյանը և Աշոտ Ավետիքի Քարամյանը ողջ են. ՊՆ

Հայկական կողմի համար պահի հրամայականը. Լևոն Տեր-Պետրոսյանի հայտարարությունը

Ուզում էի իմ աչքերով տեսնեի, թե ինչ է կատարվում. Ֆելիքս Ցոլակյանն այցելել է Արցախ (տեսանյութ)

Ավիառումբով փորձել են հարվածել երկաթգծին. Արծրուն Հովհաննիսյան (տեսանյութ)

Անցած երեք ժամվա ընթացքում հակառակորդը կորցրել է ևս 12 տանկ. Շուշան Ստեփանյան (տեսանյութ)