Տնտեսական ակտիվության աճը սպասելի էր, հետագայում ավելի մեծ աճ պիտի լինի. Հայկ Գեւորգյան

Այս տարվա առաջին եռամսյակում՝ հունվար-մարտ ամիսներին նախորդ տարվա նույն ժամանակահատվածի համեմատ տնտեսական ակտիվության ցուցանիշն աճել է 6,5 տոկոսով:

Այս աճի մեջ ամենաբարձր ցուցանիշները գրանցվել են ծառայությունների, շինարարության եւ առեւտրի ոլորտներում: Մասնավորապես, առաջին եռամսյակում ծառայությունների ոլորտում արձանագրվել է 17,3 տոկոս աճ: Շինարարությունն աճել է 10,8 տոկոսով: Երրորդ տեղում առեւտրի շրջանառությունն է, որտեղ աճը առաջին եռամսյակում կազմել է 10,1 տոկոս: Արդյունաբերության ոլորտում աճը առաջին եռամսյակում կազմել է 2 տոկոս: 4,3 տոկոսով աճել է միջին ամսական անվանական աշխատավարձը՝ հասնելով 174 հազար դրամի:

Ընդ որում, պետական համակարգում միջին աշխատավարձն աճել է 4,4 տոկոսով` կազմելով 146,550  դրամ, իսկ մասնավոր հատվածում միջին աշխատավարձն աճել է 3 տոկոսով՝ հասնելով 189 հազար դրամի: Առաջին եռամսյակում նվազել է թե՛ արտահանումը, թե՛ ներմուծումը: Արտահանումը նվազել է 8,6 տոկոսով, իսկ ներմուծումը՝ 3,1 տոկոսով:

«Հետագայում ավելի մեծ աճ պիտի լինի»,- այս մասին «Հայկական ժամանակ»-ի հետ զրույցում ասաց ԱԺ «Իմ քայլը» խմբակցության պատգամավոր Հայկ Գեւորգյանը:

- Պարոն Գեւորգյան, մարտ ամսվա դրությամբ ՀՀ տնտեսական ակտիվության աճը նախորդ տարվա նույն ամսվա համեմատ 6.5 տոկոս է կազմել: Ինչո՞վ է սա պայմանավորված:

- Կարծում եմ, բոլորի համար ակնհայտ է, որ տնտեսական աշխուժություն կա: Այնտեղ ըստ ոլորտների ունենք, թե ինչպիսի աճեր են արձանագրվել: Դա արդյունաբերությունն է, առեւտուրն է, շինարարությունը: Դա սպասելի էր, աճ պիտի լինի՝ հետագայում ավելի մեծ աճ պիտի լինի:

- Ինչո՞ւ են նվազել արտահանման ծավալները:

- Մեր արտահանման կառուցվածքում հիմնական տեղը զբաղեցնում է մետաղական հանքաքարը: Ինչպես ձեզ հայտնի է՝ հեղափոխությունից հետո չի աշխատել Հայաստանի խոշորագույն հանքարդյունաբերության օբյեկտներից մեկը՝ Թեղուտը: Բնականաբար նաեւ նվազել է Թեղուտի արտադրանքի արտահանումը, որը շատ էական նշանակություն ունի արտահանման ծավալների վրա: Բայց միեւնույն ժամանակ պետք է հաշվի առնել, որ այլ հավասար պայմաններում արտահանման անկումը կլիներ շատ ավելի մեծ, եթե արտահանվող մետաղական հանքաքարերի ու խտանյութի տեղը չզբաղեցներ վերամշակող տնտեսության արտադրանքը: Վիճակագիրները դեռ չեն հրապարակել առաջին եռամսյակի ամբողջական մանրամասն բացվածքը՝ դա կհրապարակվի մի քանի օրից: Այդտեղ մենք կտեսնենք, որ նվազում ունեցած խտանյութի, հանքաքարերի տեղը բավական բարձր տեմպերով լրացնում են վերամշակող արդյունաբերության ճյուղերը, ինչը շատ-շատ ուրախալի է:

- Ինչո՞վ է պայմանավորված ներմուծման անկումը, արդյո՞ք սա կապ ունի նրա հետ, որ Հայաստանը սկսում է տեղական արտադրանքին ավելի մեծ կարեւորություն տալ:

- Անշուշտ, որոշակիորեն նման բան կա, որ ներմուծվող ապրանքներին սկսել է փոխարինել ներքին արտադրությունը, բայց դա էլ լուրջ վերլուծության կարիք ունի, որպեսզի ավելի հստակ թվերով հասկանանք, թե ինչ է տեղի ունենում: Բայց ձեր ասածը, անշուշտ, կապ ունի:

- Եթե համեմատենք նախորդ տարվա եւ այս տարվա ԱՎԾ-ի հրապարակած տվյալները, որակական առումով ինչպիսի՞ տարբերություն եք տեսնում:

- Որակական ամենակարեւոր փոփոխությունն այն է, որ նվազող հանքարդյունաբերությանը գալիս է փոխարինելու վերամշակող արդյունաբերությունը: Այսքան կարճ ժամանակաշրջանում նման տրանսֆորմացիայի հասնելը շատ դժվար է, ինչը տեղի է ունեցել: Ինձ համար դա մի քիչ անհավանական էր թվում: Ես ավելի երկար ժամանակում էի սպասում, որ դա տեղի կունենա:

Տպել
1930 դիտում

Արցախում կորոնավիրուսի եւս 2 դեպք է հաստատվել

Քաղաքացիական ավիացիայի կոմիտեի ծառայողների առնչությամբ առկա է հարուցված 2 քրեական գործ

ՎՏԲ բանկն առաջարկում է պատվիրել հիփոթեքային վարկերի գծով «Եկամտահարկից փոխհատուցման նպատակով» տեղեկանքը առցանց

Հայաստանի եւ Լիտվայի ԱԳ նախարարները քննարկել են կորոնավիրուսի դեմ պայքարի քայլերը

Ուզու՞մ եք չզեկուցեմ՝ միանգամից դեմ քվեարկեք․ ԼՀԿ պատգամավորը առաջարկեց չներկայացնել հերթական օրենքի նախագիծը

Հատուկ չվերթով ԱՄՆ-ից հայրենիք կտեղափոխվեն 79 վրացի եւ 35 հայ դպրոցականներ

Կորոնավիրուս է հայտնաբերվել Գյումրու ինֆեկցիոն հիվանդանոցի բժիշկներից մեկի մոտ

Օրակարգում նման հարց գոյություն չունի․ ԱԳՆ խոսնակը՝ Թուրքիայի կողմից ՀՀ-ին աջակցելու լուրերի մասին

Եվրո 2020-ի համաեվրոպական ձեւաչափը կարող է փոխվել. The Daily Mail

Զորամասում դիզվառելիքի և բենզինի յուրացման գործով կայացվել է մեղադրական դատական ակտ. պատճառված վնասը հատուցվել է

Հայկ Մարությանը մարտ ամսվա իր աշխատավարձը փոխանցել է շտապբուժօգնության հաշվեհամարին

Մահացել է Օպերային թատրոնի երգչուհի Գայանե Գրիգորյանը

Ռոբերտ Քոչարյանը դատական հայցեր է ներկայացրել ընդդեմ Քրեակատարողական ծառայության եւ Հայաստանի Հանրապետության

Հայբիզնեսբանկը կվճարի բնակչությանը հատկացվող աջակցության գումարները

ԱԱԾ-ն եւ ոստիկանության ՆԱՎ-ը միջոցառում են իրականացրել ոստիկանության Դավթաշենի բաժանմունքում. Ահարոնյան

Խոզի միսը մարտին էժանացել է շուրջ 700 դրամով, գնաճից հետո նվազել է ալյուրի, ձեթի գինը. ապրանքներիգնի դինամիկան

Շահառուների՝ աջակցության միջոցառում ընտրելու առումով տեխնիկական խնդիր կա, կկարգավորվի. Զարուհի Բաթոյան

Արցախի ԱՆ-ն ուղեցույց կհրապարակի ՀՀ-ից Արցախ մուտք գործողների համար՝ Արցախում տեղաշարժի եւ պահանջների մասին

Հնարավոր է՝ Ռոբերտ Քոչարյանի եւ մյուսների գործը քննող դատավոր Աննա Դանիբեկյանը ապրիլի 17-ին ներկայանա աշխատանքի

Սխալի պատճառով 2 քրոջ անունն էլ նույնն է գրվել, սակայն նրանք ճիշտ են քվեարկել. ԱՀ ոստիկանությունը պարզաբանում է