Փոխնախարարը սխալ տեղեկություններ է ներկայացնում, առանց պատճառի չի կնքվում պայմանագիրը. բաց նամակ վարչապետին

«Բիզնես Քոնսալթ» ՓԲԸ տնօրեն Լևոն Թոփուզյանը բաց նամակով դիմում է ՀՀ վարչապետ Նիկոլ Փաշինյանին՝ խնդրելով ուշադրության կենտրոնում պահել եւ փորձել լուծում տալ իր ներկայացրած խնդրին: Թոփուզյանի նամակի համաձայն, ՀՀ տնտեսական զարգացման և ներդրումների փոխնախարար Ալբերտ Բաբայանը խեղաթյուրված տեղեկություններ է ներկայացրել:

Բաց նամակն ամբողջությամբ ներկայացնում ենք ստորեւ.

Որպես պատասխան՝ ՀՀ տնտեսական զարգացման և ներդրումների փոխնախարար

Ալբերտ Բաբայանի՝ «Հետք»-ին ուղղված, խեղաթյուրված տեղեկություններ պարունակող նամակին

ՀՀ գնումների մասին օրենքի համաձայն՝ 23.02.2018թ-ին «Չափագիտության ազգային ինստիտուտ» ՓԲԸ-ի (ՉԱԻ) և «Բիզնես Քոնսալթ» ՓԲԸ-ի («Ընկերություն») միջև կնքվել է հաշվապահական հաշվառման ծառայությունների մատուցման պետական գնման N ՉԱԻ-ԳՀՁԲ-18/1 ծածկագրով պայմանագիրը երեք տարի ժամկետով, որը գործում է մինչև 30.12.2020թ-ը՝ յուրաքանչյուր տարվա համար ֆինանսական միջոցների առկայության հիման վրա համապատասխան համաձայնագրի կնքման միջոցով:

Ընկերությունում բավարար ֆինանսական միջոցների առկայության պայմաններում, գլխավոր տնօրենի պաշտոնակատար Հայկ Ստեփանյանը,  առանց հիմնավոր պատճառաբանության, հրաժարվում է կնքել 2019թ-ի համար ծառայությունների մատուցման համաձայնագիրը, ինչի պատճառով չի կատարվում Ընկերության կողմից մատուցված ծառայությունների դիմաց  վճարումը։

Նշված հարցի կարգավորման համար Ընկերության կողմից նամակներ են հասցեագրվել (14.01.2019թ. և 14.03.2019թ.) ՉԱԻ-ին և ՀՀ տնտեսական զարգացման և ներդրումների նախարարությանը (նախարարի պաշտոնակատար պարոն Տիգրան Խաչատրյանին) և  ՀՀ Վարչապետ Նիկոլ Փաշինյանին  (04.02.2019թ. և  22.02.2019թ.), սակայն որևէ պատասխան այդ նամակներին ընկերությունը մինչև օրս չի ստացել:

29.03.2019 թ-ին «Հետք»-ի հրապարակումից տեղեկանում ենք, որ փոխնարարար Ալբերտ Բաբայանը, դուրս գալով իրեն վերապահված իրավասությունների շրջանակից, «առանց որևէ միջամտություն գործադրելու պայմանագրային կողմի՝ ՉԱԻ-ի վրա», հայտարարել է կողմերի պայմանագրային փոխհարաբերությունների խզման մասին:  Իրականացվող հաշվապահական հաշվառման ծառայությունները կասեցնելու մասին «Բիզնես Քոնսալթ» ՓԲԸ-ն ՉԱԻ-ի կողմից  որևէ ծանուցում  չի ստացել։

Ընկերությունն ավելի ուշ «Հետք»-ից է տեղեկացել, որ ՀՀ տնտեսական զարգացման և ներդրումների նախարարի տեղակալ Ալբերտ Բաբայանի պարզաբանմամբ` «ՀՀ կառավարության կողմից որդեգրված կառավարման համակարգի արդյունավետության բարձրացման՝ այն է հնարավոր քիչ ռեսուրսներով առավելագույն արդյունք ստանալու քաղաքականությունը, հաշվապահական հաշվառման ծառայությունների դիմաց վճարման համար գումար չի նախատեսվել՝ փոխարենը որոշում է կայացվել հաշվապահական հաշվառումը շարունակել իրականացնել նախատեսված հաստիքային միավորների միջոցով, իսկ առաջացած հավելյալ միջոցները ՀՀ տնտեսական զարգացման և ներդրումների նախարարի հրամանով ուղղվել են «Չափագիտության ազգային ինստիտուտ» ՓԲԸ-ի 127 աշխատակիցների վարձատրության ավելացմանը»:  Իրականում աշխատավարձի չնչին փոփոխություն է կատարվել միայն 109 աշխատակցի մասով, այն էլ սկսած միայն 2019թ մարտի 12-ից։  Ալբերտ Բաբայանի պատասխանում նշվում է, որ նախարարության որևէ պաշտոնյայի կողմից ճնշում չի գործադրվել ՉԱԻ–ի նկատմամբ՝ 2019թ-ի համաձայնագիրը չստորագրելու համար։  Եթե դա այդպես է, ապա ինչպե՞ս կարելի է մեկնաբանել այն, որ 09.01.2019թ. ՀՀ պետական գնումների կայքում հրապարակվել է ՉԱԻ տնօրեն Հայկ Ստեփանյանի կողմից հաստատված ՉԱԻ 2019թ-ի գնումների պլանը, ըստ որի՝ հաշվապահական հաշվառման ծառայությունների համար նախատեսվել է 22,3 մլն ՀՀ դրամ։ Ո՞վ և ինչու՞ է անտեսել այս փաստաթուղթը: Հիմք ընդունելով առկա ֆինանսական միջոցները՝ 12.02.2019թ. թիվ 104 նամակով ՉԱԻ-ն նախարարություն է ուղարկել  2019թ-ի եկամուտների և ծախսերի մասին նախահաշիվը՝ ներառելով նաև հաշվապահական հաշվառման ծառայությունների համար նախատեսված գումարը, ինչը 06.03.2019թ-ին նախարարության կողմից հետ է վերադարձվել՝ հաշվապահական հաշվառման ծառայությունների գումարը դարձնելով զրո։

Ալբերտ Բաբայանը նշում է, որ մինչև ընկերության հետ պայմանագրի կնքումը հաշվապահական հաշվառումը վարել են ՉԱԻ աշխատակիցները, և որ ընդհանուր ֆոնդը կազմել է 9 մլն դրամ։  Մեր ձեռքի տակ ունեցած բոլոր հիմքերի ամենապարզ թվաբանության արդյունքում անգամ ակնհայտ է, որ մինչ մեր Ընկերության հետ պայմանագիր կնքելը հաշվապահական հաշվառման ծառայությունների դիմաց  ՉԱԻ-ի տարեկան ծախսը կազմել  է ոչ թե 9 մլն ՀՀ դրամ, այլ 16,5 մլն  ՀՀ դրամ:Սա կա՛մ միտումնավոր կեղծիք է, կա՛մ էլ տվյալ կազմակերպության կոորդինատորի անտեղյակություն, ինչը հարիր չէ  նախարարի տեղակալի պաշտոնըզբաղեցնող անձին։

 Ինչ վերաբերում է Ալբերտ Բաբայանի նշած 23 մլն դրամին, որը ընկերության կողմից մատուցած ծառայության արժեքն է, ապա այն ներառում է շուրջ 4 մլն ԱԱՀ-ի գումարը, որը նվազեցվում է ՉԱԻ-ի կողմից բյուջեին վճարվելիք գումարից։  Ստացվում է, որ ընկերության կողմից մատուցված ծառայության արժեքի ամսական տարբերությունը մոտ 175,000 դրամ է, որի դիմաց  Ընկերությունը կրում է Հաշվապահական հաշվառման վարման ողջ գործընթացի պատասխանատվությունը։

Իսկ թե որտեղից և ինչ նպատակներ են հետապնդում  պարոն Բաբայանի ներկայացրած այս  խեղաթյուրված տվյալները, մտածելու տեղիք են տալիս։ Ամենացավալին այն է, որ նման  ապակողմնորոշող տեղեկություններ կարող են ներկայացված լինել նաև ՀՀ կառավարության ղեկավարին։

Ըստ Ալբերտ Բաբայանի՝ «ընկերության ներկայացուցչի հետ տեղի են ունեցել քննարկումներ»։ Որպես ընկերության ղեկավար, պաշտոնապես հայտարարում եմ, որ ստեղծված իրավիճակի, հնարավոր լուծումների և դրանց հիմնավորումների հստակեցման նպատակով ընկերության որևէ ներկայացուցչի հետ երբևէ որևէ հանդիպում և քննարկում տեղի չի ունեցել։ Եվս մեկ բացահայտ կեղծիք պարունակող հայտարարություն։ Մեր ուշադրությունից չի վրիպել նաև վարչապետի աշխատակազմի Տեղեկատվության և հասարակայնության հետ կապերի վարչության պետի տեղակալի պաշտոնակատար Արմեն Խաչատրյանի 27.03.2019թ-ի «Հետք»-ին ուղղված մամուլի հաղորդագրությունը,  որում տեղեկացվում է, որ ստացված նամակները վերահասցեագրվել են նախարարությանը, սակայն  չի նշվում, թե ինչ ժամկետում պետք է ակնկալվի պատասխանը դիմումատուին, ինչու են անպատասխան մնացել դեռևս փետրվարի 4-ին և 22-ին ՀՀ վարչապետին ուղղված նամակները,  և ինչու է խախտվում Տեղեկատվության ազատության մասին ՀՀ օրենքը:

Մինչև օրս անպատասխան են մնացել ինչպես նախարարության կողմից մեզ ընդունելու մեր բազմաթիվ խնդրանքները, այնպես էլ` ՉԱԻ-ին, նախարարությանը և ՀՀ վարչապետին ուղղված բոլոր գրությունները:

Մեծարգո պարոն Վարչապետ, շուրջ մեկ տարի է, ինչ Հայաստանում իրավիճակ է փոխվել, և, հետևաբար, ակնկալում ենք, որ այս հարցն էլ, Ձեր միջամտությամբ, կստանա իրավական հիմնավորմամբ պատշաճ լուծում։

Հարգանքով`

«Բիզնես Քոնսալթ» ՓԲԸ տնօրեն Լևոն Թոփուզյան

Տպել
3252 դիտում

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել