Սամվել Բալասանյանը Գրքիկյանի գործողություններն ապօրինի է որակում. «Անի»-ն ռեստորան չի կարող լինել

Գյումրու Աբովյան 133/2 հասցեում վերաբացված Անի ռեստորանի շուրջ մեծ վեճ է հասունանում: Հաստատության շահագործումից հետո Գյումրու քաղաքապետարանը վարչական վարույթ է կիրառել, եւ տույժի ենթարկել ռեստորանը շահագործողին: Գումարի չափը սահմանվել է 400.000 դրամ:Իր գործողությունը քաղաքապետարանը համարել է օրինաչափ: ՀԺ-ին ուղարկած նամակով Գյումրու քաղաքապետարանի մամուլի ծառայությունն ընդգծում է, որ «Գրքիկյանների ընտանիքը չի ունեցել շինարարության թույլտվություն և կատարել է ինքնակամ շինարարություն: Շինաշխատանքներ իրականացնելու համար կառուցողը պարտադիր ունենալու է ճարտարապետահատակագծային առաջադրանք, հաստատված նախագիծ և շինթույլտվություն: Նկատի ունենալով, որ Աբովյան 133/2 հասցեի տվյալ շինությունը գտնվում է քաղաքաշինական գործունեության հատուկ կարգավորման օբյեկտ հանդիսացող «ԿՈՒՄԱՅՐԻ» արգելոց-թանգարանի պահպանման գոտում, նախագիծը ենթակա է համաձայնեցման նաև մարզպետարանի, քաղաքաշինության կոմիտեի և մշակույթի նախարարության կողմից: Անձը նշում է, որ տվյալ տարածքում կառուցել է ռեստորան, բայց չի անդրադառնում այն փաստին, որ սեփականության վկայականով տվյալ կառույցը մշակութային կենտրոն է: Սա խոսում է այն մասին, որ խախտված է կառույցի գործառնական նշանակությունը: Առհասարակ, կառույցի գործառնական նշանակության փոփոխությունը ևս կատարվում է օրենքով սահմանված ընթացակարգով, այս մասով ևս սեփականատերը դիմում չի ներկայացրել քաղաքապետարան: Սեփականատերը ոչ միայն պատուհանը ապօրինի կերպով դռան է վերածել, այլ նաև՝ ապօրինի կառուցել է աստիճաններ, տեղադրել լուսամփոփներ: Մեր կողմից ընդամենը եղել է առաջարկություն ներքին տարածքում հատակագծային փոփոխություններ կատարելու վերաբերյալ, իսկ պատուհանը դռան վերածելու մասին ոչ մի համաձայնություն չի եղել, առավել ևս՝ սեփականատիրոջ կողմից շինթույլտվություն ստանալու համար դիմում երբևէ չի մուտքագրվել քաղաքապետարան, հարցը չի ներկայացվել քաղաքաշինական խորհրդին, չի քննարկվել: Սեփականատիրոջ կողմից կատարվել է ապօրինի շինարարություն, խաթարվել կառույցի արտաքին տեսքը»:Քաղաքապետարանի նամակում, սակայն, չի նշվում, որ պատուհանը դուռ է դարձվել միայն այն պատճառով, որպեսզի չփակվի ռեստորանի շարունակություն հանդիսացող Տիկնիկային թատրոնի մուտքը, որը սեփականության իրավունքով 2009 թվականից պատկանում է Հովսեփ Գրքիկյանի ընտանիքին: Ըստ սեփականատիրոջ, ապօրինի շինարարության մասին խոսք լինել չի կարող: Գործել է օրենքի սահմաններում:«Երբ որ ես սկսել եմ շինարարությունը, էս տարածքը փլատակ է եղել, ես պատերն եմ ամրացրել, բետոնապատել եմ, գծագրում ոչ մի փոփոխություն չի եղել, փոփոխություն միայն եղել է դուռը: Իմ իսկական դուռս Տիկնիկային թատրոնի կենտրոնական մուտքն էր, դա իմ սեփականությունն է: Ես որպես գյումրեցի, որպես մարդ, ինձ թույլ չէի տա, որ թատրոնի մուտքը փակվի, երեխաները մնան  դրսում: Դրա համար էլ նախկին եւ ներկա տնօրենների հետ խոսել, ասել եմ, որ էդ տարածքը ինձ պետք չի, ես պատրաստ եմ այդ հատվածը որպես նվիրատվություն տալ իրենց, դրա տեղը թույլ տան, որ մեկ պատուհանը իմ գումարով դարձնեմ դուռ:Իրենք գնացել, զրուցել են, համաձայնության են եկել, ասել են, որ խնդիր չկա, լուսամուտը դարձրեք դուռ, մենք դրա թույլտվությունը տալիս ենք օրենքի շրջանակներում: Ես արել եմ շինարարությունը, դուռը դրվել է սեպտեմբերի 15-ին, արդեն անցել է 7 ամիս: Իրանք էդ իրավունքը չունին, որ ակտավորեն, որովհետեւ, եթե անօրինականություն էր եղել, բոլորն էլ մտել, ելել, տեսել են էդ ամեն ինչը: Եթե կարիք կար փակելու, կամ անօրինական էր, կամ որեւիցե այլ բան, թող ժամանակին տեղեկացնեին, որ չի կարելի դուռը բացել, անօրինական է, ես էլ չէի բացի: Ինձ ոչ մի խոչընդոտ չի եղել այդ շինարարության ժամանակ, բոլորն եկել, տեսել են, բոլորին էլ ճանաչել ենք, միշտ էլ դրական կարծիքով գնացել են»:

Ի դեպ, քաղաքապետարանում կողմերի ձեռք բերած համաձայնությունը եղել է բանավոր, գրավոր որեւէ փաստաթուղթ գոյություն չունի:

«Ես զուտ վստահել եմ մարդկանց խոսքին: Գրավոր ոչ մի բան չի եղել, եղել է զուտ համաձայնություն: Եկան տեղում տեսան, տիկնիկայինի նախկին եւ ներկա տնօրեններն են եղել քաղաքապետարանում եւ էլի շատ մարդիկ, բոլորն էլ ողջ են, էստեղ են, եւ էս ամեն ինչը կարող են հաստատել այնտեղ, որտեղ որ պետք եղավ: Քաղաքապետարանում ամեն ինչից տեղյակ են, համաձայնության եկել են, որ դուռը բացելուց հետո իմ տարածքը, որը պետք է նվիրաբերեմ տիկնիկային թատրոնին, դառնա առանձին մուտք, ունենա օրինական հասցե, որի վկայականի ձեռք բերման համար ես եմ վճարել: Առանձնացրել եմ էդ տարածքը, որ նվիրատվություն անեմ քաղաքապետարանին կամ տիկնիկայինին: Իրենք էլ  առանձին հասցե են տվել: Տիկնիկայինին Աբովյան 133/07, Անի ռեստորանին՝  132/02»:Այս պարագայում, եթե սեփականատերն ապօրինի գործողությունների է դիմել, ինչպե՞ս է կարողացել օրինական հասցեավորում ստանալ երկու մուտքերի համար: Մուտք ասվածը, բնականաբար ենթադրում է, որ պետք է ելքի եւ մուտքի դուռ էլ ունենա: Հատկապես այն պարագայում, երբ սեփականատերն արդեն իր մուտքը փակել է դեպի Տիկնիկային:

«էսօր Լեննականի բոլոր հարցերը լուծված է, հա՞, մնացել է 4 հատ բազալտի պրոբլեմը, եթե քաղաքի բոլոր խդիրները լուծված է, ես էդ 4 բազալտը կդնեմ: Պետք լինի ռեստորանն էլ կփակեմ: Ու աշխարհին ցույց կտամ, որ էսօր Գյումրիում ով ներդրում անի, իմ օրը կընգնի, թող իմանան: Էսօր 400.000 դրամը հսկայական գումար է: Բայց ես ասել եմ՝ եթե տուգանում են, բայց թույլտվությունը տալիս են, որ ես  հանգիստ ուղեղով շարունակեմ իմ գործը, պատրաստ եմ վճարեմ, բայց ռեալ պատասխան չեմ ստանում: Եթե ուզում ենք էս ամեն ինչը տեսնել գեղեցիկի մեջ կտեսնենք, եթե չենք ուզում՝ չենք տեսնի: Նշում են պատմամաշակութային միջավայր: Ես էլ ասում եմ, որ  եվրոպական ոճով չի սարքվել ոչ մի բան: Մենք ներսում ամեն ինչ պատմական Գյումրու կոլորիտով ենք սարքել: Էստեղ ամեն օր 20-ից 25 տուրիստ է մտնում: Բայց բոլորը չէ, որ օգտվում են մեր ծառայությունից: Ուղղակի գալիս են, տեսնում են, նկարներն են ուսումնասիրում, շրջում են, նկարվում, շնորհակալություն ասում գնում են: Դրանից բացի, նաեւ աշխատատեղ է ստեղծվել: 20 մարդ է այսօր աշխատանք գտել, այսինքն 20 ընտանիք հացի խնդիր է լուծել»,-ասաց Հովսեփ Գրքիկյանը:

Քաղաքապետարանն էլ տեղեկացնում է, որ հետևողական է լինելու, որպեսզի պարզի, թե ինչ հանգամանքներում եւ ինչպես է ժամանակին սեփականաշնորհվել տիկնիկային թատրոնի մուտքը: «Հենց այդ հատվածում ռեստորանի առկայությունը և շահագործումը անտրամաբանական և ոչ համատեղելի է հարևանությամբ տեղակայված Ստեփան Ալիխանյանի անվան տիկնիկային թատրոնի, Երիտասարդական պալատի, Գեղագիտության ազգային կենտրոնի, Ասլամազյան քույրերի պատկերասրահի և մյուս մշակութային կառույցների հետ, ինչպես նաև՝ անհարիր է ստեղծված միաջավայրին: Ենթադրվում է, որ տվյալ անձի կողմից ռեստորանի շահագործումը նպատակ է հետապնդում խոչընդոտելու տիկնիկային թատրոնի հետագա գործունեությունը՝ նախադրյալներ ստեղծելով հեռահար նպատակների համար: Թերևս մենք հետևողական կլինենք նաև այն հանգամանքին, թե ինչպես է և ինչ հիմունքներով է ժամանակին սեփականաշնորհվել տիկնիկային թատրոնի մուտքը»,-գրված է նամակում: 

«Եւ գինն է հետաքրքրիր, 2 մլն 470.000 դրամով են գնել ու մուտքն էլ հետը»,-ՀԺ-ի հետ զրույցում զարմացավ Սամվել Բալասանյանը:

««Անի»-ն ռեստորան չի կարող լինել, դա մշակութային կենտրոն է, չի կարելի: Էնտեղ փոքրիկ երեխաներ կան, պատանիներ (նկատի ունի Տիկնիկայինը): Էդտեղ ռեստորան ո՞վ է թույլատրել: Որեւէ մեկը չի թույլատրել, մենք չենք թույլատրել, եւ մենք արդեն պրոցես ենք սկսել եւ հետաքրքրված են նույնիսկ համապատասխան մարմինները»,-ՀԺ-ի հետ զրույցում ասաց քաղաքապետը:

Նույն հարթությունում նաեւ ասելիք հակառակ կողմն ունի: Հովսեփ Գրքիկյանը եւս պայքարի պատրաստ է: «Եթե տուգանում է, թող տուգանի, ես գնալու եմ մինչեւ վերջ, բայց ոչ Տիկնիկայինի մուտքը փակելով: Ես գյումրեցի եմ եւ կյանքում գյումրեցիների դեմ դուռ չեմ փակի: Եթե պետք եղավ, ես իմ դուռը կփակեմ, բայց Տիկնիկայինի դուռը չի փակվի՝ անկախ ամեն ինչից, անկախ հանգամանքից՝ դա իմ սեփականությունն է, թե՝ ոչ»,-ասաց Հովսեփ Գրքիկյանը:

Տպել
4365 դիտում

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան