Քաղաքապետարանը չի բացառում, որ «Ալեքսանյանների ընտանիք»-ին տրված մանկապարտեզի շենքը վերադարձվի

Երեւանում գործող մանկապարտեզներից ժամանակին օտարված տարածքները կրկին իրենց բուն նպատակին ծառայացնելու եւ նոր խմբասենյակներ ձեւավորելու վերջերս մեկնարկած գործընթացի շրջանակում հնարավո՞ր է վերադարձվի նաեւ Մալաթիա-Սեբաստիա վարչական շրջանում գտնվող Վերոնիկա Գեւորգյանի անվան «Սեբաստիա» մանկապարտեզ-դպրոց կրթահամալիրը, որի շենքն ու հողատարածքը 50 տարի ժամկետով անհատույց օգտագործման է հանձնված «Ալեքսանյանների ընտանիք» բարեգործական հասարակական կազմակերպությանը: Խոսքը Ազգային ժողովի նախկին պատգամավոր Սամվել Ալեքսանյանի ընտանիքի մասին է:

Երեւանի քաղաքապետարանն այդ հնարավորությունը չի բացառում: Պատասխանելով մեր հարցմանը՝ աշխատակազմի անշարժ գույքի կառավարման վարչությունից տեղեկացնում են. «Վարչական շրջանի ղեկավարը Երեւանի քաղաքապետի կողմից լիազորվել է համայնքային սեփականություն հանդիսացող գույքային միավորների արդյունավետ կառավարմանն ուղղված աշխատանքների կազմակերպման շրջանակներում անհրաժեշտության դեպքում միջոցներ ձեռնարկելու նախադպրոցական ուսումնական հաստատությունների տարածքներում այլ իրավաբանական եւ ֆիզիկական անձանց կողմից զբաղեցրած տարածքների վերաբերյալ կնքված օգտագործման պայմանագրերից ՀՀ քաղաքացիական օրենսգրքի 612, 624, 697, 685, 468 հոդվածների համաձայն միակողմանի հրաժարվելու, ազատելու, ինչպես նաեւ հետագա օգտագործման հիմնավորվածության եւ նպատակահարմարության հարցը քննարկելու ուղղությամբ, որի շրջանակներում ենթակա է քննարկման նաեւ այս հարցը»:

Երեւանի քաղաքապետարանից նաեւ հայտնում են, որ Վերոնիկա Գեւորգյանի անվան «Սեբաստիա» մանկապարտեզ-դպրոց կրթահամալիրը լուծարվել է Մալաթիա-Սեբաստիա համայնքի ավագանու 2008 թվականի հոկտեմբերին ընդունված համապատասխան որոշմամբ: Նույն որոշմամբ էլ լուծարման գործընթացի ավարտից հետո կազմակերպությանը պատկանող շինությունը եւ դրանով ծանրաբեռնված հողամասն անհատույց օգտագործման իրավունքով 50 տարի ժամկետով տրամադրվել է «Ալեքսանյանների ընտանիք» բարեգործական հասարակական կազմակերպությանը՝ որպես մանկապարտեզ-դպրոց: Քաղաքապետարանի տեղեկացմամբ, կազմակերպությունը պարտավորվել էր մանկապարտեզն ապահովել գույքով եւ սարքավորումներով, հոգալ մանկապարտեզ հաճախող երեխաների սննդի, հանգստի ծախսերը, լուծել մանկապարտեզի աշխատակիցների աշխատավարձի խնդիրները:

Բայց անցած երկար ու ձիգ այս տարիները ցույց տվեցին, որ գոյություն ունեցող կրթական հաստատությունը լուծարվեց, իսկ փոխարենը չգործեց նորը: Այսօր կրթահամալիր տանող դարպասները փակ են, իսկ շենքը, համենայնդեպս արտաքինից, շարունակում է մնալ նույն վիճակում, ինչ եղել է կրթական կազմակերպության լուծարումից առաջ:

Վերոնիկա Գեւորգյանի անվան «Սեբաստիա» մանկապարտեզ-դպրոց կրթահամալիրի նախկին շենքը գտնվում է Լենինգրադյան փողոցում: Ի սկզբանե, ինչպես այն ժամանակ վստահեցվում էր, ժամանակավորապես դադարեցվել էր կրթահամալիրի կազմում գործող դպրոցի գործունեությունը՝ աշակերտների թվի նվազման պատճառով: Իսկ ի տարբերություն դրա, նշվում էր, որ մանկապարտեզում աճում է երեխաների քանակը: Այն ժամանակ Մալաթիա-Սեբաստիա համայնքի թաղապետարանը պնդում էր, որ ընդամենը փոխվում է հաստատության կազմակերպաիրավական ձեւը, եւ մանկապատեզը պետք է տրվի պայմանագրային կառավարման: Ի պատասխան այդ ընթացքում տարածվող լուրերի, թե Սամվել Ալեքսանյանը պատրաստվում է կրթահամալիրն առանձնատուն դարձնել, թաղաքապետարանից վստահեցնում էին, որ «Ալեքսանյանների ընտանիք» բարեգործական հասարակական կազմակերպության նպատակները միմիայն բարի են, որ այն պատրաստվում է հոգալ կրթօջախի ծախսերը, վճարել աշխատակիցների աշխատավարձերը եւ այլն:  

Առայժմ անգործության մատնված շենքը, եթե չվերանայվի 2008 թվականի որոշումը, կշարունակի տնօրինել «Ալեքսանյանների ընտանիք» բարեգործական հասարակական կազմակերպությունը փաստորեն մինչեւ 2058 թվականը: Թե այդ կազմակերպությունն այսօրվա դրությամբ ինչ նպատակներ ունի՝ կապված նշված կառույցի հետ, մեզ պարզել չհաջողվեց: «Ալեքսանյանների ընտանիք» բարեգործական հասարակական կազմակերպության որեւէ կոնտակտ հնարավոր չեղավ գտնել:

Հիշեցնենք, որ Երեւանում մանկապարտեզ հաճախելու համար հերթագրված երեխաների քանակը հազարների է հասնում, քանի որ համապատասխան տարածքները չեն բավարարում: Հաճախ մանկապարտեզների շենքերի որոշակի մասը զբաղեցրել են տարբեր կազմակերպություններ՝ վարձակալական հիմունքներով կամ առանց դրա: Քաղաքային նոր իշխանությունները հայտարարել են այդ տարածքները վերադարձնելու եւ կրկին մանկապարտեզի կարիքներին ծառայեցնելու մտադրության մասին: Գործընթացը թեպետ մեկնարկել է, դրա արդունքում ձեւավորված նոր խմբասենյակներ առայժմ չկան:

Տպել
4631 դիտում

Նիկոլ Փաշինյանը ելույթ է ունենում Լոս Անջելեսի գործարար համաժողովին. ուղիղ

Կեցցե՚ս Հակոբ ջան. վարչապետը շնորհավորել է հայ ծանրորդին՝ հաղթանակի կապակցությամբ

Թբիլիսիի օդանավակայանում Հայաստանի քաղաքացու մոտ 1 կգ չհայտարարագրված ոսկի են հայտնաբերել

ՊԲ հրամանատար Կարեն Աբրահամյանին շնորհվել է գեներալ-լեյտենանտի զինվորական կոչում

ՀՅԴ-ն պետք է որոշակի վերագնահատումներ անի. վարչապետը՝ ՀՅԴ՝ ԱՄՆ Արևմտյան ափի ԿԿ ներկայացուցիչներին

Ճապկուտ գյուղում այրվել է մոտ 30 հա խոտածածկ տարածք

Դանակահարություն Լոռիում. 16-ամյա պատանին ներկայացել է ու խոստովանել

Արարատ Միրզոյանը Մոլդովայի խորհրդարանի նախագահի հետ քննարկել է համագործակցության հեռանկարները

Աշխարհի չեմպիոն հռչակվեց գյումրեցի ծանրորդ Հակոբ Մկրտչյանը

ԱԽ քարտուղարը հանդիպել է ԱԺ խմբակցությունների ղեկավարների հետ

Միջոցառումներ 100-ամյա ԵՊՀ-ում. ներկայացվել են դասախոսների եւ ուսանողների ձեռագործ աշխատանքները, գեղանկարները

«Գյումրի» ԲԿ-ն ճանաչվել է «Լավագույն մարզային բազմապրոֆիլ բժշկական կենտրոն»

Նման բան տեղի չի ունեցել առհասարակ. ՊՆ խոսնակը՝ վարչապետի որդու «կոնֆլիկտի» մասին

Վանաձորի բժշկական կենտրոնը՝ լավագույնս զարգացող մարզային բժշկական կենտրոն

Վերին Լարսի անցակետում հերթերը գոյացել են ՌԴ-ից եկող մեքենաներից. նախարարությունը կապի մեջ է

Զինծառայողը հրազենային վնասվածքը ստացել է ծառայակցի կողմից. հարուցվել է քրեական գործ. ՔԿ

6 անգամ կբարձրանա առաջին երեխայի ծննդի համար տրվող գումարը, 2 անգամ՝ երկրորդի համար

Մեկնարկել է «Արմենիա» միջազգային երաժշտական փառատոնը

«Երեխայի և ընտանիքի աջակցության կենտրոն»-ի խոհանոցը վերանորոգել են, թերությունները՝ վերացրել (լուսանկարներ)

Անգրավ վարկեր Յունիբանկից՝ աջակցություն բիզնեսին ճիշտ ժամանակին