Ղափլանյանի անվան դրամատիկական թատրոնը կվերանորոգվի. Երեւանի բյուջեն լրամշակվել է

Երեւանի ավագանու այսօրվա արտահերթ նիստում քննարկման էր ներկայացվել քաղաքի 2019 թվականի բյուջեի լրամշակված տարբերակը, որով նախատեսվում էր 10 միլիարդ դրամի ավելացում:

Նոր նախագծով առաջարկվում է իրականացնել մի շարք նոր ծրագրեր, որոշ ծրագրերի ուղղությամբ էլ կրճատել ծախսերը: Քաղաքապետի տեղակալ Հայկ Սարգսյանը վերջինների մասին խոսելիս տարբեր առիթներով պնդեց, որ կրճատվում է միայն գումարը, իսկ աշխատանքի ծավալները պահպանվելու են:

Ավելացող 10 մլրդ դրամից մի խոշոր մաս կուղղվի մանկապարտեզներին: Շուրջ 20%-ով, ինչպես ավելի վաղ նույնպես հայտարարվել էր, կավելանա մանկապարտեզների աշխատակիցների, այդ թվում՝ տեխնիկական անձնակազմի աշխատավարձը: Այս նպատակին կուղղվի շուրջ 1 մլրդ դրամ: Հազար երեխայի համար նոր խմբերի բացումը բյուջեում կավելացնի եւս 400 միլիոնի ծախս: 

110 մլն դրամ ուղղվելու է ավելի քան 10 հա անտառապատ գոտու վերականգնմանը: 150 միլիոն դրամով կավելանա ոռոգման ցանցի անցկացման գումարը՝ նախկին 20 միլիոնի փոխարեն: Շուրջ 190 մլն դրամ կհատկացվի ճարտարապետական նշանակության շենքերի ճակատների վերականգնմանը:

105 մլն դրամ է նախատեսվել 3-րդ կարգի վթարային շենքերի ամրացման համար: 4-րդ աստիճանի վթարայնության շենքերի համար քաղաքապետարանն ունի ներդրումային առանձին ծրագիր:

Համայնքային բյուջեից 157 մլն դրամ կտրամադրվի Հրաչյա Ղափլանյանի անվան դրամատիկական թատրոնի վերանորոգման համար: 1 մլն 700 հազ. դրամով կնվազեցվի դպրոցականների օլիմպիադաների եւ այլ միջացառումների կազմակերպում ծրագիրը, 2 մլն դրամով կավելացվի սոցիալապես անապահով անձանց աջակցություն ծրագրի գումարը՝ վարչական շրջաններում սոցիալապես անապահով անձանց դրամական օգնություններ ցուցաբարելու համար: Շահառուների ընտրության համար կմշակվեն չափորոշիչներ: 20 մլն դրամով կկրճատվեն քաղաքում թեքահարթակների կառուցման ծախսերը, 140 միլիոն դրամ հատկացվել է Երեւանի 2081-ամյակին նվիրված «Էրեբունի-Երեւան միջոցառմանը եւ այլն:

Քաղաքապետի տեղակալ Հայկ Սարգսյանն ընդգծում է, որ բյուջեի փոփոխություններն ու 10 մլրդ դրամի ավելացումը չի ձեւավորելու բյուջեի պակասուրդ կամ չեն ավելացնելու համայնքի պարտքերը: Ամեն ինչ հաշվարկել են ու պլանավորել. «Փետրվարի դրությամբ ունենք եկամուտների հավաքագրման արդեն շուրջ 20 տոկոսի գերակատարում: Կարեւոր է ընդգծել, որ 2 մլրդ ավելացումը նոր հարկատեսակների ավելացումից չի առաջանում: Գերակշիռ մասն առաջանում է նախկինում չվճարվող ու չհավաքագրվող, բայց սահմանված դրույքաչափով հարկատեսակների կամ ոչ հարկատեսակների հավաքագրման շնորհիվ, վարչական շրջաններում գրանցված, օրինակ, զավթված, բայց չձեւակերպված հողերի օրինականացման արդյունքում»:

Ավագանու «Լույս» խմբակցության անդամ Դավիթ Խաժակյանը գոհունակություն հայտնեց, որ նախորդ տարեվերջին բյուջեի ընդունման ընթացքում իրենց հնչեցրած քննադատությունները լսելի են դարձել: «Խոսել էինք արտասահմանյան գործուղումների գծով ծախսերի մասին, որով բյուջեն ավելացվել էր 50 մլն դրամով, այժմ առաջարկվում է այս ծախսային հոդվածը նվազեցնել 20 մլն դրամով: Աշխատակազմի մասնագիտական զարգացման ծառայությունների բյուջեն 160 մլն դրամով ավելացվել էր, այժմ առաջարկվում է նվազեցնել 20 մլն դրամով: Վերելակների հիմնանորոգման բյուջեն նվազեցվել էր 78 մլն դրմով, այժմ 90 մլն դրամով ավելացվում է: Կարծում եմ, որ սա վկայությունն է այն բանի, որ մեր քննադատությունները հասցեական էին եւ ինչ-որ չափ նաեւ իրենց արձագանքը ունեցել են: Ես գնահատում եմ այդ մոտեցումը, որ քննադատություններից հետեւություններ արվում են: Սա կարեւոր արձանագրումն է, որ ես կատարում եմ փոփոխությունների ընթացքում»,- մասնավարապես ասաց Դավիթ Խաժակյանը:

Ավելացրեց, որ այդուհանդերձ կան ծախսեր, որոնք չեն տեղավորվում իրենց պատկերացումներում, ինչպես օրինակ ծառայողական ավտոմեքենաների ուղղությամբ նախատեսվող ծախսերը: Նաեւ թերահավատություն արտահայտեց, որ ասենք ասֆալտապատման աշխատանքների դեպքում դրանց ծավալը չի կրճատվելու՝ նվազող գումարին զուգահեռ: Բայց նկատեց, թե քանի որ տենդենց կա սխալներն ուղղելու, կարծում է՝ այս ոլորներում նույնպես կհասնեն դրան:

Տպել
3192 դիտում

Նախագահ Արմեն Սարգսյանին շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևը

Հայոց պետականություն, կրթություն, անհատ, աշխատանք. Փաշինյանը ներկայացրեց ռազմավարության մեջ առկա ազգային արժեքները

Ահազանգ է ստացվել, որ Նոր Ամանոս գյուղում անասնակեր է այրվում. հրդեհը մեկուսացվել է

Անկախ պետականության օրը մեր հավատի և մեր համոզմունքների խորհրդանիշն է. ԲԴԽ նախագահի շնորհավորական ուղերձը

Ֆրանսիան ձեր կողքին է՝ նպաստելու ձեր տնտեսության նոր վերելքին. Էմանուել Մակրոնը շնորհավորել է նախագահ Արմեն Սարգսյանին

Գեղամ Ստեփանյանը նշանակվել է ԱՀ մարդու իրավունքների պաշտպանի աշխատակազմի Գործադիր քարտուղարի պաշտոնակատար

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը