Հայկի՝ իմ երկար տարիների ընկերոջ նկատմամբ պարտավորություն ունեմ. փոխքաղաքապետը՝ մշակույթի ոլորտը համակարգելու մասին

Տեւական ժամանակ է՝ մամուլում քննարկվում են ՀՀ կրության, գիտության, մշակույթի եւ սպորտի նոր վերաձեւափոխվող նախարարությունում մշակույթի ոլորտը համակարգող փոխնախարարի հնարավոր թեկնածուի անուններ:

Ոլորտը համակարգող փոխնախարարի հավանական թեկնածուների թոփ եռյակում են՝ Երեւանի փոխքաղաքապետ Տիգրան Վիրաբյանը, Հայաստանի զբոսաշրջության զարգացման հիմնադրամի գործադիր տնօրեն, արվեստագիտության թեկնածու Արա Խզմալյանը եւ մշակույթի նախարարի պարտականությունները կատարող Նազենի Ղարիբյանը:

Փոխքաղաքապետ Տիգրանի Վիրաբյանի խոսքով՝ բոլոր ժամանակներում էլ, երբ մշակույթի նախարարի ընտրության հարց է առաջացել, պոտենցիալ թեկնածուներից մեկը մշակույթի գծով Երեւանի փոխքաղաքապետն է համարվել. «Այդ պատմությունը տրադիցիոն ուժով նաեւ հիմա է շարունակվում: Եթե հիմա նախորդ տարիների մամուլի հրապարակումները հանենք, կտեսնենք, որ հենց մշակույթի նախարարի փոփոխություն է եղել, առաջին պոտենցիալ թեկնածուներից մեկը եղել է Երեւանի փոխքաղաքապետը: Ես ուզում եմ հավատալ, որ սա ընդամենը այդ տրադիցիայի շարունակությունն է»:

Այնուամենայնիվ, Վիրաբյանը նկատեց, որ քանի դեռ չկա հստակ ինֆորմացիա, հստակ նշանակում, կամ առաջարկ՝ ոչինչ բացառել պետք չէ: «Մերժողականությունը երբեք չեմ ընդունել, քանի որ չգիտես, թե մի տեղում ինչքան կմնաս եւ ինչքան պետք կլինես»,-ասաց նա:

Պատմությունը ցույց է տվել, որ Հայաստանում ամենաշատ քննարկվող եւ քննադատվող նախարարների թվում մշակույթի նախարարն առաջին շարքերում է հայտնվում: Անգամ թավշյա հեղափոխությունից հետո, երբ համատարած դրական տրամադրություն էր գերիշխում, մշակույթի նախկին նախարար, այժմ ԱԺ «Իմ քայլը» խմբակցության ղեկավար Լիլիթ Մակունցի վրա տիրող դրական տրամադրությունն այնքան էլ չէր տարածվում, քանի որ արվեստագետներն ու մշակույթի գործիչները անխնա քննադատում էին նրան: Նույնը, եւ մի փոքր ավելի մեծ թափով շարունակվում է ոլորտի այժմյան համակարգող՝ փոխնախարար Նազենի Ղարիբյանի դեպքում, բոլոր չորս կողմերից նա էլ է քարկոծվում:

Վիրաբյանից հետաքրքրվեցինք, թե առաջարկի դեպքում այդ փաստը կարո՞ղ է կաշկանդել իրեն. «Սա այն ոլորտն է, որը միշտ խոշորացույցի տակ է, ով էլ լինի մշակույթի նախարար՝ միշտ թիրախավորված է լինելու»,-ասաց նա:

Տիգրան Վիրաբյանի համոզմամբ՝ բարդ ոլորտի հետ գործ ունենք, եւ այդ ոլորտը համակարգողի համար շատ դժվար է այնպես աշխատել, որ բոլոր կողմերից խոցելի չլինի: Ըստ փոխքաղաքապետի՝ մշակույթի ոլորտում մարդիկ են, որոնք մի շարք հարցերի շուրջ ունեն իրենց պատկերացումները, անհատականություններ են, կայացած մարդիկ, որոնք հանրային մեծ ճանաչում ունեն, եւ հասարակությունն իրենց խոսքն այլ կերպ է ընկալում, որոնց ասածը միանգամից դառնում է քննարկելի:

«Հասարակության մի ստվար զանգված կա, որ այդ մարդկանց ասածն ընդունում է որպես բացարձակ ճշմարտություն»,-նշեց փոխքաղաքապետը:

Բացի վերը նշված պատճառներից՝ Վիրաբյանը նկատեց, որ առաջարկը չընդունելու եւս երկու ծանրակշիռ պատճառներ ունի. ամիսներ առաջ, երբ Երեւանի քաղաքապետ Հայկ Մարությանը Գյումրիից Երեւան հրավիրեց իրեն՝ առաջարկելով մշակույթի գծով փոխքաղաքապետի պարտականությունները ստանձնել եւ միասին աշխատել, նրանց բոլոր պայմանավորվածությունները երկարատեւ եւ հեռանկարային էին:

«Այն ծրագրերը, որոնք մենք նախատեսում ենք իմ համակարգման ոլորտում՝ կրթություն, մշակույթ, սպորտ եւ երիտասարդություն՝ երկարատեւ իրականացնելու ծրագրեր են: Ես չեմ պատրաստվում կիսատ թողնել Երեւան քաղաքի զարգացման համար համատեղ մտածած մեր բոլոր ծրագրերը: Եվ բացի այդ՝ ես երկու պարտավորություն ունեմ, նախ, որպես Երեւանի փոխքաղաքապետ, երկրորդը՝ Հայկ Մարությանի՝ իմ երկար տարիների ընկերոջ նկատմամբ նույնպես շատ կարեւոր պարտավորություն եմ ստանձնել՝ ընդունելով միասին աշխատելու առաջարկը»,- եզրափակեց Տիգրան Վիրաբյանը:

Ի տարբերություն Վիրաբյանի՝ Արա Խզմալյանը հայտնեց, որ եթե պաշտոնական առաջարկ ստանա եւ քննարկվի, ապա հոգեբանորեն իրեն պատրաստ է համարում ոլորտը համակարգողի պարտականությունները ստանձնել: Վերջինս նկատեց, որ, պատկերացնում է ոլորտում առկա խնդիրները եւ ունի դրանց կարգավորման իր տեսլականը:

Այնուամենայինիվ, զբոսաշրջության զարգացման հիմնադրամի տնօրենն էլ է խուսափում որեւէ կոնկրետության մասին խոսելուց՝ ասելով, որ զուտ խոսակցությունների հիման վրա կարծիք հայտնելն այնքան էլ կոռեկտ չի համարում: Խզմալյանը նաեւ անդրադարձավ նախարարությունների օպտիմալացման ծրագրին, եւ կարծիք հայտնեց, որ գոնե այս պահի համար դա ամենաօպտիմալ եւ հեռանկարներ ունեցող որոշումն է:

Տպել
3450 դիտում

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ